အုန်းသီးထဲက အရည်ချိုချို

“အုန်းသီးထဲက အရည်ချိုချို” (မစန္ဒာ)
ဝါ၀ါတို့၏အိမ်ရှေ့တွင် အုန်းပင်ပျိုနှစ်ပင် ရှိသည်။
စ၍သီးသည်မှာ မကြာသေးသဖြင့် အလွန်သီးအားကောင်းလှသည်။ ထိုအုန်းသီးများသည် အမေ၏ မီးဖိုချောင် စရိတ် ကို တစ်ဖက်တစ်လမ်းမှ ဖြည့်ဆည်းပေးခဲ့လေသည်။
အုန်းသီးတစ်ခါချလျှင် အမေက ၀ါဝါတို့ မောင်နှမတစ်တွေအား အရည်သောက် တစ်လုံးစီ ဝေပုံကျပေးကာ သောက် ခွင့်ပေးတတ်ဖြစ်သဖြင့် အုန်းသီးချမည့်ရက်ကို မျှော်မိတတ်ကြမြဲ ဖြစ်သည်။
“အုန်းသီးထဲက အရည်တွေကို ဘယ်သူလာပြီးထည့်ထားတာလဲ ဟင်”
ဝါ၀ါ ငယ်ငယ်တုန်းက တအံ့တသြ မေးခဲ့ဖူးသည်။ အခွံ အထပ်ထပ်အုပ်ကာ ထူထဲလုံခြုံလှသော အုန်းသီး၏အတွင်း ဘက်ဆုံးတွင် ချိုမြမြအရည်တွေ အပြည့်ရှိနေသည်ကို ထူးဆန်းအံ့သြနေမိသည်။
“သမီးအတွက် မေမေ ထည့်ပေးထားတာပေါ့”
“ဟင် . . . တကယ်”
“ဟုတ်တယ် . . အဲဒီအုန်းသီးတွေဟာ မေမေရဲ့မေတ္တာရေတွေပဲ၊ သမီးလိမ္မာရင် အရည်ချိုချိုလေးတွေ ထည့်ပေး မယ်၊ ဆိုးရင် မိုက်ရင်တော့အရသာမရှိတဲ့ အရည်တွေကိုပဲ ထည့်ပေးမှာနော် သိလား သမီး”
မေမေက ပြုံးစစနှင့် ပြောသည်။ မမကြီးက ရယ်မောရင်း
“မမကြီးကတော့ လိမ္မာလို့ ရေချိုချိုတွေကိုပဲ အမြဲသောက်ရတယ် သိလား ညီမလေး”ဟု လှမ်းပြောလေသည်။ မမ ကြီးသည် ၀ါဝါ၏ ဒုတိယမိခင် ဖြစ်သည်။ ၀ါဝါသာမကပါ၊ တာတာနှင့်အပါလေးတို့အတွက်လည်း မမကြီးသည် ဒုတိယမိခင် ဖြစ်ခဲ့ရသည်သာ။ ညီအစ်မဟုဆိုသော်လည်း အမေတူအဖေကွဲ ညီအစ်မမို့ မမကြီးက ၀ါဝါထက် ၁၃ နှစ်နီးပါးကြီးလေသည်။ ထို့ကြောင့်လည်း ၀ါဝါ၏စိတ်ထဲတွင် မမကြီးကို မေမေ၏သမီးဟု မထင်ဘဲ ညီမဟုသာ မှတ်ယူနေမိတတ်လေသည်။
မမကြီးကတော့ သူ့ကိုယ်သူ အမေ၏အစ်မဟုများထင်နေသလား မပြောတတ်ပေ။
“မေမေ၊ သရက်သီးတွေ သိပ်မစားနဲ့လေ၊ အပါလေး ၀မ်းပျက်နေဦးမယ်” ဟူ၍ တစ်မျိုး၊
“မေမေ၊ ခေါင်းကိုက်နေရင် ဝေ ဈေးသွားပေးမယ်လေ၊ မေမေနားနေလိုက်တော့”ဟူ၍ တစ်ဖုံ ပြောတတ်သည်ကို မ ကြာခဏ ကြားရသည်။ အသက်ကသာ ၁၆ နှစ်ကျော်ကျော်ရှိသေးသော်လည်း သူက အမေ၏အစ်မနေရာဝင်ကာ ပူပူပင်ပင် ဖြစ်နေတတ်သည်။
မေမေကလည်း
“တာတာ ကိုယ်တွေပူနေပြန်ပြီ သမီးရေ”
“ဒီနေ့တော့ ခပ်လွယ်လွယ်ပဲ တွေ့တဲ့ကြက်ပဲ ကောက်ဝယ်လာတယ် သမီးရေ၊ ပြုတ်ကြော်လေးပဲ လုပ်လိုက်ကြရ အောင်၊ ခရမ်းချဉ်သီးငါးပိချက်လေးနဲ့ဆိုတော်ရောပေါ့နော်”၊
“ဝေေ၀၊ သမီးရေ၊ အိမ်ရှေ့မြောင်းတွေ ပိတ်နေပြန်ပြီကွယ်၊ မြောင်းထိုးတဲ့ ဦးဘထွန်းကြီးကို ခေါ်ချေဦးမှ ထင်တယ် နော်”စသည်စသည်ဖြင့် တိုင်တိုင်ပင်ပင် အားကိုးတကြီး ရှိလှလေသည်။
မေမေသာမက ဖေဖေကပါ “ဝေေ၀၊ ဒီမှာ ဦးလေးစိုး ပစ္စည်းစာရင်းတွေ မကိုက်လို့ ကူတွက်ပေးပါဦး၊ ဘယ်နား မှား နေလဲ မသိဘူး”ဟုပြောတတ်သည်ကို မကြာခဏ ကြားရတတ်သည်။ ဖေဖေသည် မမကြီး၏ ပထွေးဖြစ်သော်လည်း ၀ါဝါ၏ စိတ်ထဲတွင် အစ်ကိုကြီးဟုသာ ထင်မှတ်နေမိတတ်လေသည်။ ဖေဖေ၊ မေမေ၊ မမကြီးနှင့်ဝါ၀ါတို့ အငယ်သုံးဦး၊ စုစုပေါင်း မိ သားစုခြောက်ဦးသည် သိုက်သိုက်ဝန်းဝန်း စည်းစည်းလုံးလုံးနှင့်ပျော်ရွှင်ဖွယ်ကောင်းခဲ့သည်ကတော့ အမှန်ပင်ဖြစ်သည်။
“မေမေ နောက်အိမ်ထောင်ပြုမယ်ဆိုတော့ မမကြီး မေမေ့ကို စိတ်မဆိုးဘူးလားဟင်”
ဝါ၀ါ ကြီးပြီး အပျိုပေါက်အရွယ်ရောက်တော့ မမကြီးကို မေးကြည့်ခဲ့ဖူးသည်။ မမကြီးက အေးချမ်းစွာပြုံးရင်း
“ဦးလေး စိုးက မေမေ့ရဲ့အချစ်ဦးပဲလေ၊ မမကြီးရဲ့အဖေကို အမေက ချစ်ခဲ့တာမှ မဟုတ်တာပဲ၊နောက်ပြီး အဖေက အမေ့ထက်လည်း အများကြီး အသက်ကြီးတယ်၊အမေ့ကို ချစ်ပေမယ့် အရမ်းချုပ်ခြယ်တယ်၊ ဒါတွေကို သိထားတော့ မမကြီး
က ငယ်ငယ်လေးကတည်းက မေမေ့ကို သိပ်သနားတာ၊ အမေ့ကို ပျော်စေချင်တယ်၊ အမေပျော်မယ်ဆိုရင် ကျေနပ်တဲ့စိတ် က အပြည့်ပဲ၊ ကိုယ့်အမေကိုနှမြောတာတော့ နှမြောတာပေါ့၊ ဒါပေမဲ့ ပျော်စေချင်တဲ့စိတ်က ပိုများတယ်” ဟု ဖြေခဲ့သည်။ သူ့ အရွယ်လေးနှင့် မမျှအောင် အမေ့ကို နားလည်ခွင့်လွှတ်ပေးနိုင်စွမ်း ရှိခဲ့သူဖြစ်သည်။
မမကြီးက ပျော်စေချင်သော်လည်း အမေက အိမ်ထောင်ရေးကံ မကောင်းချေ။ ၀ါဝါ ခြောက်နှစ်သမီးအရွယ်တွင် အ ဖေက ဦးနှောက်သွေးကြောပြတ်ကာ ကွယ်လွန်ခဲ့ရသည်။ ကလေးတစ်ယောက်နှင့် မုဆိုးမတစ်ခါ ဖြစ်ခဲ့ရဖူးသော အမေသည် ယခုတစ်ခါတွင်တော့ နောက်ထပ်ကလေး သုံးယောက်တိုးကာ ကလေး လေးယောက်ပိုက်ပြီး ဒုတိယအကြိမ် မုဆိုးမ ဖြစ်ခဲ့ ရပြန်လေသည်။
အဖေ့အသုဘတုန်းက ၀ါဝါတို့မောင်နှမတစ်တွေမှာ ငိုရကောင်းမှန်း မသိပေ။ အိမ်တွင် မီးတွေ ထိန်ထိန်လင်းကာ လူ တွေတရုတ်ရုတ်ဖြစ်နေ၍ ပျော်လို့တောင် နေသေးသည်။ ဧည့်သည်တွေအတွက် ချထားသော ချိုချဉ်တွေ နှိုက်စားလိုက်၊ ကွာ စေ့တွေ ခွာစားလိုက်၊ ဖျော်ရည်တွေကောက်မော့လိုက်နှင့် ထင်တိုင်းကြဲနေတတ်သည်။
အဖေ့အခေါင်း မြေချတော့ အလဲလဲ အပြိုပြိုငိုကြွေးနေသောအမေ့အား မမကြီးက ဘေးမှနေ၍ တင်းတင်းဖက်ကာ ဖေးမထားသည်ကို ၀ါဝါ မှတ်မိသည်။ သစ်သားခေါင်းပေါ်သို့ မြေကြီးတွေ ဖို့ချလိုက်တော့မှအဖေ့ကို မြေကြီးထဲမှာ မြှုပ်ပစ် လိုက်ပြီဟုသိကာ ၀ါဝါနှင့်တာတာက တအားအော်ငိုကြသည်။ သေဆုံးခြင်းဟူသည်မှာ အစဉ်ထာဝရ ကွဲကွာခြင်း ဖြစ်သည် ကို ထိုအချိန်မှစ၍ ၀ါဝါ နားလည်ခဲ့ရလေသည်။
အဖေက စီးပွားရေးလုပ်ငန်းတွေများသော်လည်း ရင်းနှီးမြုပ်နှံငွေတွေများသော်လည်း ကိုယ်က ရိုးအသည်ရော၊ တစ် ဖက်သားက လှည့်ပတ်လောဘတက်သည်ရော ထိုအကြောင်းနှစ်ခုကြောင့် ငွေကြေးအတော်များများဆုံးရှုံးပြီးသော အခါမှ အမေသည် ဈေးထဲတွင်အထည်ဆိုင်လေး တစ်ဆိုင်ကိုအတည်တကျ ထိုင်ဖြစ်တော့သည်။ မိုးလင်းလျှင် အမေက အထည် ဆိုင်သို့သွားနှင့်ပြီး အသက် ၁၉ နှစ်ရှိပြီဖြစ်သော မမကြီးက ၀ါဝါတို့ မောင်နှမသုံးယောက်၊ အိမ်ဖော်နှစ်ယောက်တို့နှင့် ကျန်ခဲ့ သည်။
“၀ါဝါရေ ထတော့၊ တာတာရေ ... ကျောင်းချိန်နီးပြီ၊ အပါလေးနိုးပြီလား၊ မမကြီးကိုချစ်ရဲ့လား၊ အာဝါးပေးပါဦး သား ရဲ့၊ အာဝါး ...ဟာ... မွှေးလည်း မွှေးဘူး၊ ရှူရှူးစော်နံတယ်၊ ရှူရှူးတွေပေါက်တဲ့ ကောင်ကလေးလား၊ မမကြီးချစ်တဲ့ မောင်က လေးလား၊ ဟော ... နှိုးလိုက်၊ နှိုးလိုက်၊မမ၀ါ အိပ်ပုပ်ကြီးလို့ နှိုးလိုက်၊ ကြည့်စမ်း... မိတာက သူကပါ ကလေးနဲ့ရောပြီး သေး တွေ ပေါက်ထားတယ်၊ အို ...ကြည့်ပါဦး၊ ရွှဲလို့”
မမကြီးသည် ၀ါဝါ့ကိုဆွဲထူလိုက်၊ တာတာ့ကို ဆွဲထူလိုက်နှင့်တစ်ယောက်ထူပြီး နောက်တစ်ယောက်ထူနေစဉ် ကျန် တစ်ယောက်က ပြန်အိပ်လိုက်နှင့် လုံးလုံးထွေးထွေးဖြစ်နေရတတ်သည်။
“ကဲ ... မထဘူးလား၊ ထမှာလား၊ ငါရိုက်တော့မှာနော်၊ ချော့နေလို့ ဆိုးနေတာလား၊ မဖြူ ... ငါ့အခန်းထဲကပေတံ ပေးစမ်း၊ စားပွဲပေါ်မှာသစ်သားပေတံရှိတယ်”
ထိုသို့အော်ဟစ်သောအခါမှ ၀ါဝါတို့က အိပ်ရာမှ အလူးအလဲထ၊သွားတိုက်၊ လဲဖယ်ပြီး မမကြီး ကျွေးသမျှ စားသည်။ သူတို့စားနေချိန်တွင်မမကြီးကလည်း သူ့ကိုယ်သူ လဲဖယ်ပြင်ဆင်ကာ ညီအစ်မသုံးဦး ကျောင်းကိုတက်သုတ်ရိုက်ပြေးရသည် က နေ့စဉ်ပင်။ ထိုအချိန်တွင် အပါလေးကိုအိမ်ဖော်လေးနှစ်ဦးနှင့် အိမ်တွင်ထားခဲ့ရသည်။ သူတို့အိမ်မှထွက်လျှင် အပါလေး က အော်ငိုမြဲမို့ မမကြီးက စိတ်မကောင်းရှာပေ။
“မမကြီးမှာ ပိုက်ဆံတွေအများကြီးရှိရင် အမေ့ကို ဆိုင်မထိုင်ခိုင်းဘူး၊ အပါလေးနားမှာပဲ ထားမယ်” ဟု မကြာခဏ ပြောတတ်လေသည်။
ဝါ၀ါတို့ကို စာသင်ပေးရင်း၊ အပါလေးပုခက်ကိုလွှဲရင်း၊ အိမ်မှုကိစ္စတွေကို စီစဉ်ရင်း စာကျက်ရသော်လည်း မမကြီးက စာတော်လေသည်။
ဆယ်တန်းကို ဂုဏ်ထူးသုံးခုနှင့် အောင်လေသည်။ မမကြီး၏သူငယ်ချင်းများက အိမ်တွင်စုဝေးရင်း ဘယ်တက္ကသိုလ် ကို ဘယ်အမှတ်နဲ့ဆိုလျှင် မီကြောင်းပြောနေဆိုနေ တိုင်ပင်နေကြတော့ မမကြီးက ဘာမျှ ၀င်မပြောရှာချေ။
“နင့်အမှတ်က ဆေးကျောင်းမီတယ် မဟုတ်လား” ဟု မေးတော့လည်း
“ငါ ဆရာဝန် မဖြစ်ချင်တော့ပါဘူးဟာ၊ အမေ့ဘေးမှာ ငါမရှိလို့မဖြစ်ဘူး”ဟုသာ တိုးတိုးလေး ပြောလေသည်။
“ဝေေ၀ သမီး၊ ဒီလောက်အမှတ်ကောင်းနေတာ ဆရာဝန် ဖြစ်အောင် လုပ်၊ ဒါမှမဟုတ် အင်ဂျင်နီယာမကြီး ဖြစ် အောင်လုပ်၊ အမေ့ကိုစိတ် မပူနဲ့၊ အပါလေးကိုလည်း နောက်နှစ်ဆို မူကြိုပို့လို့ ရပြီ၊ ဒီမှာက ဒီလိုပဲ လုံးလည် ချာလည်နဲ့ တစ် ရက်ပြီး တစ်ရက် ကုန်သွားမှာပဲ”ဟု အမေကပြောသည်။ မမကြီးက အမေ့ကိုငေးကြည့်ကာ
“အဲဒီ လုံးလည်ချာလည်ကြီးကို စိတ်မချတာပေါ့ အမေရာ” ဟု ပြောလေသည်။ သို့သော် အမေ တိုက်တွန်းလွန်း တော့ မမကြီးလည်း ဆေးတက္ကသိုလ်သို့ လျှောက်ဖြစ်လေသည်။ ၀င်ခွင့်လည်း ရလေသည်။ သို့သော် မမကြီးက ထိုအခွင့်အ ရေးကို လက်လွှတ် ဆုံးရှုံးခံခဲ့ရှာလေသည်။
အကြောင်းရင်းကတော့ ၀ါဝါတို့၏ဘ၀ထဲမှာ အမေသည် ရုတ်တရက် ပျောက်ကွယ်သွားသောကြောင့် ဖြစ်လေသည်။
ရွှေဘိုဆိပ်ခွံဘက်သို့ အထည်ကောက်ရန်သွားသော အမေသည်ဝါ၀ါတို့ဆီသို့ ပြန်ရောက်မလာခဲ့တော့ပေ။ မမကြီးကလည်း မေမေ့ဆီကတိုက်ကရိုက် လိုက်သွားတော့ ၀ါဝါခမျာ အားမငယ်စဖူး အားတွေငယ်ကာ ငိုချင်နေခဲ့သည်။
“မမဖြူ . . . မမကြီး ဘယ်သွားတာလဲ”
“၀ါဝါတို့အမေ နေမကောင်းလို့ လိုက်သွားတာ”
“မေမေက ဘာလို့ နေမကောင်းတာလဲ”
“ကားနဲ့ကားချင်းတိုက်တော့ ကားထဲက လူတွေ နေမကောင်းဖြစ်တာပေါ့”
“ဘယ်တော့ ပြန်ကောင်းမှာလဲ”
“မသိပါဘူးဟယ်”
“ဘယ်တော့ပြန်လာမှာလဲ”
“မသိပါဘူးဆိုမှ ဟယ်၊ ကဲ ၀ါဝါ၊ သွား . . . မောင်လေးနဲ့သွားကစား၊ ဒီမှာ ၀ါဝါစကားများလို့ မမဖြူ မျက်စိထဲ ငရုတ် သီးဖတ်တောင်ဝင်နေပြီ၊ ရှူး . . . စပ်လိုက်တာ”
မမဖြူက နီကျင်နေသောမျက်လုံးကို ပွတ်နေသည်။ ၀ါဝါကထွက်ခဲ့ရသော်လည်း စိတ်ထဲတွင် မကျေလည်လှ။ တာ တာနှင့်မောင်လေးကတော့ အဆော့အကစား မပျက်လှပေ။ အသက် ခုနစ်နှစ်ကျော်ပြီဖြစ်သော ၀ါဝါကတော့ သူတို့ဘ၀ထဲမှ အဖေလည်း ပျောက်ကွယ်ခဲ့ဖူးသည်မို့ သေခြင်းတရားကို စိုးရွံ့ကြောက်ရွံ့နေခဲ့သည်။
တစ်ပတ်လောက်နေတော့ မမကြီး ပြန်လာသည်။ ၀ါဝါ စိုးရိမ်နေသည့်အတိုင်း မေမေကတော့ ပြန်ပြီး ပါမလာခဲ့ပေ။ အပါလေးက..
“မေမေရော... မေမေရော” နှင့် တစာစာမေးတော့ မမကြီးကမျက်ရည်စိမ့်ဝဲရင်း
“မေမေ နေမကောင်းလို့ ဆေးရုံတင်ထားရတယ် သားငယ်ရဲ့”ဟုဖြေသည်။
“မေမေ နေကောင်းပါစေလို့ဆုတောင်းပြီး အပါလေးက လိမ်လိမ်မာမာ နေနော်” ဟု ဆက်ပြောသည်။
ညကျတော့ ဇာခြင်ထောင်အကြီးကြီးကို ဖြန့်ထောင်ကာ ၀ါဝါတို့မောင်နှမလေးယောက် အတူတူအိပ်ကြရသည်။ ၀ါဝါ တစ်ရေးနိုးလာတော့ မမကြီးထံမှ ရှိုက်သံလေး ကြားရသည်။
“မမကြီး ... ငိုနေတာလား”
“မငိုပါဘူးကွယ်”
မမကြီးက ၀ါဝါကို တင်းတင်းဖက်ကာ ငိုသံလေးနှင့် ဖြေသည်။
“မေမေ သေပြီလားဟင် မမကြီး”
ဝါ၀ါက တိုးတိုးလေးမေးတော့ မမကြီးက ငြိမ်နေသည်။ အတန်ကြာသောအခါမှ သက်ပြင်းလေးရှိုက်ပြီး
“အဲဒီစကားကို တာတာတို့ရှေ့မှာ မပြောနဲ့နော်၊ မေမေက ဆေးရုံတက်နေရတာပဲဟာ၊ ဆေးရုံတက်တယ်လို့ပဲပြော” ဟုပြောသည်။
“အဟုတ်လားဟင် မမကြီး”
“အဟုတ်ပေါ့၊ နောက် လေးငါးရက်နေရင် အိမ်မှာ ဆွမ်းကျွေးမယ်၊ ဘုန်းကြီးတွေက မေမေနေကောင်းဖို့ ဆုတောင်း ပေးလိမ့်မယ်၊ အိမ်မှာလည်း မုန့်တွေ ကျွေးမယ်”
“ဒီလိုဆို မေမေ မသေဘူးပေါ့”
“မမကြီးတို့အတွက် မေမေက ဘယ်တော့မှမသေဘူးလေ၊ ညီမလေးတို့လည်း မေမေ့ဆီစာရေးထားကြ၊ မမကြီး အထည်ကောက်သွားရင် ဆေးရုံကိုဝင်ပို့ပေးမယ်လေ၊ အဲဒီစာတွေကို ဖတ်ပြပေးမယ်”
“မေမေက မဖတ်နိုင်လို့လား”
“နေမကောင်းတော့ စာလည်း မဖတ်နိုင်ဘူးပေါ့ ၀ါဝါရယ်၊ မမကြီးက ဖတ်ပြရမှာပေါ့”
မမကြီးက အသံတိမ်တိမ်လေးနှင့် ပြောရင်း ငြိမ်သွားသည်။ အသက်မှန်မှန်ရှူကာ အိပ်ချင်ဟန်ဆောင်နေသည်။ မမ ကြီး တကယ် အိပ်မပျော်သေးမှန်း သိသော်လည်း ၀ါဝါလည်း စကား ဆက်မပြောဖြစ်တော့ပေ။ မေမေ သေသွားပြီလိုလို၊ တ ကယ်ပဲ ဆေးရုံမှာရှိနေသလိုလို ဇဝေဇ၀ါဖြစ်နေခဲ့လေသည်။
မမကြီးသည် အမေ့၏ နေရာကို ချက်ချင်း အစားဝင်ခဲ့သည်။ အမေ့လိုပင် အထည်ကောက်ထွက်၊ အမေ့လိုပင်
“စာကြိုးစားကြနော်၊ စာကြိုးစားကြ”ဟု ခဏခဏ ရေရွတ်နေတတ်လေသည်။ ဘေးအိမ်က အန်တီနုတို့၊ အန်တီဝင်း တို့ကတော့ မမကြီးကို
“ကလေးသုံးယောက်နဲ့ အပျိုလေး”ဟု ခေါ်လေ့ရှိကြသည်။ အန်တီစန်းကမူ
“အပျိုလေးကို ကြိုက်တဲ့လူပျိုလေးတွေ ကတော့ တပုံတပင်ကြီးပဲ၊ ဒါပေမဲ့ ကလေးသုံးယောက်ကိုတော့ မကြိုက်ကြ ဘူးဟဲ့” ဟုပြောကာ ရယ်မောနေတတ်လေသည်။
နောက်တစ်ခါ မမကြီးအထည်ကောက်သွားတော့ ၀ါဝါက မေမေ့ဆီ စာရေးပေးလိုက်သည်။
“မေမေ ...နေမကောင်းသေးဘူးလား ဟင်၊ ဘာဖြစ်လို့ အကြာကြီး နေမကောင်း ဖြစ်နေတာလဲ၊ သမီးတို့ မေမေ့ကို အရမ်းသတိရတယ်။အခု သမီးတို့လေးယောက်လုံး အတူတူအိပ်ကြတယ်၊ အပါလေးက ဆိုးတယ် မေမေ၊ မမကြီးခေါင်းကို ခွ ပြီး ရှူရှူးတွေ ပန်းတယ်၊ မေမေပြန်လာရင် အပါလေးကို မေမေနဲ့ပဲ ပြန်ခေါ်သိပ်နော်”
တာတာကတော့ “မေမေ နေကောင်းပါစေ”ဟု ရွဲ့ရွဲ့စောင်းစောင်းတစ်ကြောင်းတည်း ရေးပေးလိုက်သည်။ အပါလေး ကပင်လျှင် မေမေ့ဆီစာရေးပါဆိုတော့ စာရွက်ဖြူပေါ်တွင် ၀လုံးလေးငါးလုံးကို မညီမညာ ရေးပေးလိုက်လေသည်။ မမကြီးက သူတို့၏စာလေးတွေကို စာအိတ်ထဲထည့်ကာ အသေအချာယူသွားသည်။
မမကြီး ပြန်လာတော့ အမေ့ဆီက စာပြန်ပါလာသည်။ အမေကသူတို့ကို သတိရကြောင်း၊ နေကောင်းလျှင် ချက်ချင်း ပြန်လာမည်ဖြစ်ကြောင်း၊ စာကြိုးစားရမည့် အကြောင်း၊ မမကြီး၏စကားကို နားထောင်ရမည့်အကြောင်းများကို ဝေေ၀ဆာဆာ စုံစုံလင်လင်ရေးထားသည်။ သူတို့အတွက်မုန့်တွေ၊ အင်္ကျီတွေလည်း ပေးလိုက်သေးသည်။ သြော် ..မေမေက အုန်းသီးထဲ တွင် အရည်ချိုချိုတွေ ထည့်ပေးထားကြောင်း၊ ထိုအရည်များကို အရသာပျက် မသွားအောင် လိမ်လိမ်မာမာ နေကြရမည့် အကြောင်းများကိုလည်းထည့်ရေးထားသေးသည်။ အိမ်ရှေ့အုန်းပင်မှ အုန်းသီးချတော့ မမကြီးက အမေ့လိုပင် သူတို့အား အ ရည်သောက်အုန်း တစ်လုံးစီပေးသည်။
အသက်ရှစ်နှစ်နီးပါးရှိနေပြီမို့ အုန်းသီးထဲမှ အုန်းရည်သည် သူ့သဘာဝအလျောက် သူ့ဟာသူ ပြည့်လာခြင်း ဖြစ်သည် ကို ၀ါဝါ သိခဲ့ပြီးဖြစ်သည်။ သို့သော် အုန်းသီးထဲမှ အရည်ချိုချိုကို အမေ ထည့်ပေးထားခြင်းဖြစ်သည်ဟုလည်း တစ်ဖက်မှ ယုံ ချင်နေပြန်သည်။ ယုံနေမိပြန်သည်။ မေမေသည် သူတို့တွေ အုန်းရည်သောက်နေကြသည်ကို တစ်နေရာရာမှ စောင့်ကြည့်နေ လိမ့်မည်ဟု အခိုင်အမာ ထင်နေမိပါသည်။ ထို့ကြောင့် သူ့အုန်းရည်က အချိုမလေးဘဲ အရသာ ပေါ့ပျက်နေမှာကိုလည်း ရင် တွေ ခုန်ကာစိုးရိမ်နေမိပြန်လေသည်။
အပါလေးက အုန်းရည်ကို ပိုက်ကလေးနှင့်စုပ်ကာသောက်ရင်း
“ဟား ... ချိုတယ်၊ တား လိမ္မာတယ်၊ မေ့ဂျကားကို နားထောင်တယ်” ဟုဝမ်းသာအားရ ထအော်တော့ အားလုံးရယ် ခဲ့ကြရလေသည်။
မမကြီးကတော့ အထည်ကောက်သွားရင်း အမေ့ဆေးရုံသို့ ၀င်နေဆဲပင် ဖြစ်သည်။ ၀ါဝါတို့၏ စာများကို အသေအ ချာ ယူသွားသလို အမေ ပြန်ပေးလိုက်သော အမေ့စာလေးကိုလည်း ပြန်ယူလာမြဲ ဖြစ်လေသည်။ တစ်ဦး တစ်ယောက်ချင်းကို အသေအချာ ဆုံးမထားသော အမေ၏ စာကို ဖတ်ပြမြဲ ဖြစ်လေသည်။ ထို့ကြောင့်လည်း သူတို့ မောင်နှမသုံးယောက်၏ စိတ်ထဲတွင် အမေသည် အိမ်ပြန်မလာသော်လည်း တစ်နေရာရာတွင် ရှိနေသည်၊ သူတို့တစ်တွေကိုလည်း အမြဲတမ်း စောင့် ကြည့်နေသည်ဟု ထင်မှတ်ယုံကြည်နေခဲ့ကြရလေသည်။
အပါလေး ရှစ်နှစ်သားလောက်တုန်းကတော့ အတန်ငယ်ဆိုးချင်သည်။ မမကြီး၏ပိုက်ဆံအိတ်ထဲမှ ဆယ်တန်တွေ၊ ငါးကျပ်တန်တွေ နှိုက်ကာ ထိုစဉ်က ခေတ်စားနေသော မဲကတ်ပြားတွေ ၀ယ်တတ်သည်။ တစ်ခါတစ်ရံလည်း ဂေါ်လီလုံးကို လောင်းကြေးထပ်ပြီး ရိုက်တတ်လာသည်။ တစ်နေ့ကျတော့ ပင်ကျအုန်းသီးများကို မမကြီးက ထုံးစံအတိုင်း တစ်ယောက် တစ်လုံးစီ ပေးသည်။ ထို့နောက် ကျောင်းအင်္ကျီတွေ မီးပူတိုက်ရင်းမသိမသာ စောင့်ကြည့်နေသည်။ အပါလေးက သူ့အုန်း ရည်ကိုသောက်ရင်းမျက်နှာပျက်သွားသည်ကို မသိချင်ဟန်ဆောင်ရင်း
“ချိုကြရဲ့လားဟင်” ဟု ဟန်မပျက် မေးသည်။ အပါလေးက ဘာမျှပြန်မပြောသော်လည်း မျက်နှာလေး ငယ်နေ သည်။ နောက်တစ်ခေါက် အမေ့ဆေးရုံသွားမည်ဆိုတော့ အပါလေးက
“သားလိမ္မာပါပြီမေမေ၊ အုန်းရည်ချိုချို ထည့်ပေးလိုက်ပါ” ဟု ရေးပေးလိုက်လေသည်။ မမကြီးကတော့ အပါ၏ဆံပင် လေးများကို ထိုးဖွကာ ကျေနပ်ပြုံးလေး ပြုံးနေသည်။ ထို့နောက်ပိုင်းတွင် မမကြီး၏ပိုက်ဆံအိတ်ကို စားပွဲပေါ်တွင် ဒီအတိုင်း တင်ထားသော်လည်း အပါလေးက မနှိုက်တော့ပေ။
ဝါ၀ါလည်း မေမေ့ဆီကို စာမှန်မှန် ရေးခဲ့သည်။ စာရေးပျင်းသော တာတာပင် မေမေ့ဆီကိုတော့ မပျင်းမရိ စာရေးပြီး ရင်ဖွင့်တတ်လေသည်။
“မေမေ ...
ဒီနေ့ သင်္ချာ လပတ်စာမေးပွဲစစ်တယ်မေမေ၊ သမီးကို မဆူနဲ့နော်၊ တွက်တာ လျှမ်းသွားလို့ ပိုဒ်ခွဲတစ်ပိုဒ် မှားသွား တယ်၊ အမှတ် ၂၀ တောင် လျော့ပြီး ၈၀ ပဲရတော့တယ်။ ၈၀ လည်း မဆိုးပါဘူး မေမေရာ၊ အုန်းရည်ချိုချို ပေးပါနော်။
မေမေ ...ကျောင်းအပြန် မိုးမိလို့ သမီးဖျားတယ် မေမေ၊ မမကြီးက တစ်ညလုံး မအိပ်ဘဲ သမီးဘေးမှာ ထိုင်စောင့် တယ်၊ နဖူးပေါ်မှာ ရေခဲဝတ်တင်ပြီးဘုရားစာတွေ ရွတ်ပေးတယ်၊ အချိုဆုံး အုန်းရည်ကို မမကြီးအတွက် ပေးလိုက်ပါနော်။
မေမေ ...
မမကြီးက ပြောတယ်၊ ဒီနေ့ မေမေဆေးရုံတက်တာ ငါးနှစ်ပြည့်တဲ့နေ့တဲ့၊ သမီးတို့တွေ ဘုန်းကြီးကျောင်းကို ဆွမ်းချိုင့် ပို့တယ်၊ ဘုရားစင်ရှင်းပြီး ဘုရားပန်းတွေဝေနေအောင် တင်တယ်၊ မေမေမြန်မြန် နေကောင်းပါစေလို့ ဆုတောင်းကြတယ်။
မေမေ ...
မမကြီးက ပြောတယ်၊ သမီး အရမ်းလှလာတယ်တဲ့၊ မေမေနဲ့တူတယ်တဲ့၊ မေမေ့လို ငယ်ငယ်လေးနဲ့ ရည်းစားမထား နဲ့ဦးတဲ့၊ သမီးအလှပြင်ပေမယ့် ရည်းစားမထားပါဘူး မေမေရာ၊ စာကြိုးစားပြီး ဆရာဝန်မကြီးဖြစ်အောင် လုပ်မှာပါ၊ မေမေ အုန်းရည်ချိုချိုလေး ထည့်ပေးနော်။
မေမေ ...
ဒီနေ့ သမီး ဆယ်တန်းအောင်တယ်၊ မမကြီးလိုပဲ ဂုဏ်ထူးသုံးခု ရတယ်၊ မမကြီးက ပြောတယ်၊ သမီးကို ဆရာဝန် မကြီးဖြစ်စေရမယ်တဲ့။
မေမေရယ် ... သမီးလေ မေမေ့ကို အရမ်းသတိရတာပဲ၊ မေမေမြန်မြန်နေကောင်းပါစေလို့လည်း အရင်တုန်းလို ဆုမ တောင်းချင်တော့ဘူး၊ ဘာဖြစ်လို့လဲဆိုတော့ မေမေက နေကောင်းလာမှာမဟုတ်ဘူး၊ ပြန်လာမှာလည်း မဟုတ်တော့ဘူးဆို တာကို နားလည်နေလို့ပဲလေ၊ သမီးတို့ရဲ့ အမေနေရာမှာ မားမားမတ်မတ်ရပ်တည်ပေးခဲ့တဲ့ မမကြီးရဲ့ကျေးဇူးတွေက သိပ် ကြီးတယ် မေမေ၊ မမကြီးကို သမီးချစ်တယ်၊ မမကြီးရဲ့ကျေးဇူးတွေကိုသမီး ဆပ်ချင်တယ်။”
မေမေ့ဆီမှ ပြန်စာထဲတွင်တော့
“မမကြီးက ကျေးဇူးဆပ်ခံချင်လို့ ကျေးဇူးပြုတာမှမဟုတ်တာဘဲ သမီးရယ် ... ကျေးဇူးစကားပြောပြီး ကျေးဇူး ဆပ် စရာမလိုပါဘူး”ဟုရေးထားသည်။
ဝါ၀ါက စာဖတ်ပြနေသော မမကြီးကို စိုက်ငေးပြီး ကြည့်နေတော့ မမကြီးက နူးညံ့ချိုသာစွာ ပြုံးပြလေသည်။
ဝါ၀ါတို့ ကျေးဇူးဆပ်မှာကို မလိုလားသော မမကြီးသည် ကျေးဇူးဆပ်ခွင့်ကိုလည်း မပေးခဲ့ချေ။ ၀ါဝါ ဆရာဝန်မကြီး ဖြစ်ပြီးအလုပ်သင်ဆင်းသောနှစ်၊တာတာအင်ဂျင်နီယာမကြီးဖြစ်သောနှစ်၊ အပါလေးလည်းပြင်ဦးလွင်စစ်တက္ကသိုလ်မှကျောင်း ဆင်းသောနှစ်မှာပင် မူးလိုက်တာဟုပြောရင်း လဲကျကာ အသက်ပါ ပါသွားခဲ့လေသည်။
ဝါ၀ါတို့ မောင်နှမ သုံးဦးလုံး တစ်ဦး ယောက်မျှပင် မမကြီး၏အသက်ကို မမီလိုက်ကြချေ။ ဆရာဝန်က နှလုံးရောဂါ ကြောင့်သေဆုံးရသည်ဟုပြောတော့ ၀ါဝါ့ခမျာ ယူကျုံးမရ ဖြစ်ခဲ့ရသည်။ တစ်သက်ပတ်လုံး အလုပ်ကို လောဘတကြီး လုပ် ကာ သူတို့မောင်နှမတစ်တွေအတွက် ငွေတွေ ကျုံးရုံးပြီး ရှာနေသောမမကြီးမှာ နှလုံးရောဂါ ရှိနေမှန်းလည်း မသိ၊ ကုလည်း မကုလိုက်ရသောကြောင့် ဖြစ်လေသည်။
မမကြီး၏သေတ္တာကို ရှင်းတော့ မေမေ့ဆီကို သူတို့ရေးပေးထားသော စာများကို တစ်ထပ်ကြီးတွေ့ရသည်။ စာတွေ ကို ရှေ့နောက်စဉ်ကာမုန့်သေတ္တာဘူးခွံနှစ်လုံးနှင့် အသေအချာထည့်ပြီး သိမ်းထားရှာသည်ကိုတွေ့ရတော့ သူတို့မောင်နှမသုံး ဦးမျက်ရည်မဆည်နိုင်။ အပေါ်ဆုံးတွင်တော့မေမေ့ဆီရေးထားသော မမကြီး၏စာကိုတွေ့ရသည်။
“မေမေ ...
မေမေမြင်စေချင်တဲ့ ဆရာဝန်မကြီးဘ၀ကို သမီးမရောက်ခဲ့ပါဘူးမေမေ၊ တိုင်းပြည်ရဲ့တာဝန်ကိုလည်း တစ်တပ်တစ် အား မထမ်းဆောင်ခဲ့ရပါဘူး၊ ဒါပေမဲ့ မေမေထားရစ်ခဲ့ရတဲ့ မေမေ့သား၊ မေမေ့သမီးလေးတွေကိုဆရာဝန်၊ အင်ဂျင်နီယာနဲ့ စစ် ဗိုလ်ကြီးတွေဖြစ်အောင် သမီးပြုစုပျိုးထောင်ပေးနိုင်ခဲ့ပါတယ်၊ မေမေ ကျေနပ်ပါ၊ ၀မ်းသာပါနော်” ... တဲ့
အခုတော့ ၀ါဝါတို့အားလုံး အိမ်ထောင်ကိုယ်စီကျကာ ရာထူးရာခံသားသမီးတွေ စုံစုံညီညီနှင့် သာယာအောင်မြင် သောလမ်းကို လျှောက်လှမ်းနေကြရပြီဖြစ်သည်။
အိမ်ရှေ့မှအုန်းပင်နှစ်ပင်ကတော့ ပင်အိုကြီးတွေ ဖြစ်နေပြီး သီးအားလည်း မကောင်းလှတော့ပေ။ သူတို့မြို့က ဆေး ရုံတွင်ပင် ပြန်ပြီး တာဝန်ထမ်းဆောင်ရသော မြို့နယ်ဆရာဝန်မကြီး ဒေါက်တာဝါ၀ါက အုန်းပင်အိုကြီး နှစ်ပင်ကို အမြတ်တနိုး နှင့် အရိပ်ကြည့်နေတတ်သည်ကိုတော့ လူအများက သိပ်ပြီး နားမလည်လှချေ။
ဒီနေ့တော့ ရန်ကုန်မှ တာတာရော၊ မန္တလေးမှ အပါလေးရော တိုက်တိုက်ဆိုင်ဆိုင် ရောက်လာ၍ မောင်နှမသုံးဦး ဆုံသွားသည်။ သုံးဦးဆုံတော့လည်း ထုံးစံအတိုင်း မမကြီးကို သတိရမိကြလေသည်။
“ရော့ ... အုန်းရည်သောက်ကြဦး၊ မနေ့တုန်းကပဲ အပင်က ချထားတာ၊ အပင်အိုလို့ အလုံးတွေ သေးသွားပေမယ့် အရည်က ချိုတုန်းပါပဲ ဟယ်”
ဝါ၀ါက အုန်းသီးတစ်လုံးစီ ပေးသည်။ အပေါ်ယံ အခွံကို ရှပ်ပြီးခုတ်ထားပြီး ဖြစ်သဖြင့် သံဇွန်းလေးနှင့် ၀ိုက်ပြီးဖောက် လိုက်တော့ အတွင်းဆုံး အလွှာဖြူဖြူလေးပါ ပေါက်သွားသည်။ အကွင်းလိုက်ထွက်လာသောအုန်းသား ဖြူဖြူကို နှစ်သက်စွာ ၀ါးရင် အပါလေးက ပြုံးစစနှင့်ပြောသည်။
“ဒီလို အပေါ်ယံရှပ်ပြီး ခုတ်ထားတဲ့ အုန်းသီးထဲက အရည်တွေကိုဆေးထိုးအပ်ကြီးကြီးနဲ့ စုပ်ယူလို့ ရတာပဲ နော်၊ နောက်ပြီး ရေတွေ ပြန်ထိုးထည့်လို့လည်း ရတာပဲ”
“ငါ ကျောင်းမှာ ရန်ဖြစ်ပြီး ကောင်လေးတွေနဲ့ ဖက်သတ်လာခဲ့တုန်းကလည်း အုန်းရည်တွေ ပေါ့ပျက်ပျက် ဖြစ်ဖူး တယ်၊ ငါ့မှာဖြင့် ငါဆိုးတာအမေသိသွားပြီဆိုပြီး ကြောက်လိုက်ရတာ”
တာတာက သူ့နဖူး သူရိုက်ကာ တသောသော ရယ်နေလေသည်။
“အင်းလေ ... ကျွန်တော်လည်း နည်းနည်းဆိုးမယ် ကြံလိုက်တိုင်းအုန်းရည်တွေက မချိုဘဲ ရေဖြစ်သွားတတ်တော့ လန့်တာမှ အတော့်ကိုလန့်တာ”
တာတာနှင့်အပါလေးသည် တစ်ယောက်ကိုတစ်ယောက် ကြည့်ကာ တဟားဟား ရယ်နေကြသည်။
ဝါ၀ါကတော့ သူတို့ကို ရီဝေစွာငေးကြည့်ရင်း မမကြီးကို ပြင်းပြင်း ပြပြ သတိရပြီး လွမ်းဆွတ်လာမိသည်။ မမကြီး၏ မှန်တင်ခုံအံဆွဲတွင် အံဝှက်ကလေးတစ်ခု ရှိကြောင်း၊ ထိုအံဝှက်ကလေးထဲတွင် ပလတ်စတစ် အိတ်ကလေးနှင့်ထုပ်ထား သော ဆေးထိုးပြွန်ကြီးကြီးတစ်ခုကို တွေ့ခဲ့ဖူးကြောင်းကိုကား သူတို့အား ပြောပြမနေတော့ပေ။
“အုန်းသီးထဲက အရည်တွေကို ဘယ်သူထည့်ထားတာလဲဟင် ... မေမေ”
သူတို့နားရောက်လာသော ၀ါဝါ၏သားငယ်လေးက မေးတော့သူတို့အားလုံး ငြိမ်သွားကြသည်။ ခုနတုန်းက ရယ်နေ သော တာတာကလည်း သူ့လက်ထဲမှ အုန်းသီးကို တယုတယပိုက်ကာ ငေးသွားသည်။
“အုန်းသီးထဲက အရည်ချိုချိုတွေကိုလေ ဦးလေးပါတို့ရဲ့မမကြီး၊ သားတို့ရဲ့ ကြီးကြီးဝေ ထည့်ပေးတာပေါ့”
“မေမေ ခဏခဏပြောတဲ့ ကြီးကြီးဝေလား၊ ဟိုဓာတ်ပုံထဲကကြီးကြီးဝေလား”
သားငယ်က နံရံပေါ်တွင် ချိတ်ထားသော မမကြီး၏ဓာတ်ပုံကိုအုန်းသီးထဲက အရည်ချိုချို လက်ညှိုးလေး ထိုးပြသည်။
“ဟုတ်တယ်၊ အဲဒါ ကြီးကြီးဝေပဲ၊ သူက ဟိုး ကောင်းကင်ပေါ်ကနေပြီး ဦးလေးပါတို့ သားတို့ကို အမြဲစောင့်ကြည့်နေ တာ၊ ကောင်းရင် လိမ္မာရင် အရည်ချိုချိုတွေ ထည့်ပေးပြီး ဆိုးရင် မိုက်ရင်တော့ အရသာမရှိတဲ့ရေတွေကိုပဲ ထည့်ပေးလိမ့် မယ်”
အပါလေးက သားငယ်၏ပခုံးကို ကြင်ကြင်နာနာဖက်ရင်း ခိုင်မာလေးနက်စွာ ပြောသည်။ သူ၏နှုတ်ခမ်းများက ပြုံး ရယ်နေသော်လည်းမျက်လုံးအိမ်တွင်တော့ မျက်ရည်ကြည်တွေ စိမ့်ဝဲနေလေသည်။
“အုန်းရည်ချိုချိုတွေကို အရသာ ပျက်သွားအောင် မလုပ်မိစေနဲ့နော်”
“ဟုတ်ကဲ့”
သားက ခေါင်းညိတ်သည်။ ဓာတ်ပုံထဲမှ မမကြီးကတော့ နူးညံ့ချိုသာစွာပြုံးရင်း သူတို့ကို လှမ်းကြည့်နေလေသည်။
မစန္ဒာ
(အမျိုးသမီးရေးရာမဂ္ဂဇင်း၊ ၂၀၀၂ ခုနှစ်၊ ဇူလိုင်)

မဟော်သဓာ ခေါ်ခဲ့ပါ

“မဟော်သဓာ ခေါ်ခဲ့ပါ” (နုနုရည်အင်းဝ)
လာခဲလိုက်တဲ့ မိန်းမ။ စောင့်နေရတာ ဘယ်လောက်ကြာပြီလဲ။ ဒီအပေါက်မျိုးချိုးတာ ဒါပါနဲ့ဆို နှစ်ခါရှိပြီ။ လေးနာရီဆို လေးနာရီပေါ့။ ကတိတည်တည် လာပါလား။ ခုတော့ ... ကြည့်ဦး ..... သိမ်ကြီးဈေးတောင် ပိတ်ခါနီးပြီ။ သူ့အရိပ်အယောင် အခုထိ မမြင်ရသေးဘူး။
ဒီကောင်မ ဒီလိုချည်းပဲ။ သင်းကတော့ တစ်မိနစ် နှစ်မိနစ်မှာ ဆယ်ပြားရရ ၊ ငါးပြားရရ တောင်းနေမှာ မြင်ယောင်သေး။ အချိန်ရ ရသလို လေး ငါး ဆယ်မိနစ်အတွင်းမှာ ပလက်ဖောင်းပေါ်ကနေ ပိန်လှီ ဖျော့တော့နေတဲ့ ကျွန်မကလေးကို ပြပြပြီး သနားသွားမယ့်သူတွေဆီက တစ်ကျပ် နှစ်ကျပ်ထပ်ရလည်း နည်းသလားဆိုပြီး ချူနေမှာပေါ့။
သိမ်ကြီးဈေး အပြင်ဘက်တန်းက အုတ်တိုင်ကြီးကိုမှီပြီး လဟာပြင်ဈေးပေါက်က ရှုပ်ယှက်ခတ်ထွက်လာတဲ့ လူတွေကြားထဲကို ကျွန်မ ကြည့်နေမိတယ်။ လူတွေ ဘယ်လောက်ရှုပ်ရှုပ် ဒီမိန်းမပုံက အသိသာကြီးပါ။ တောက်တောက်ပပ ဝတ်စားဖြီးလိမ်းထားသူချင်းသာ ရောချင် ရောနေမယ်။ နနွင်းတွေ တစ်ကိုယ်လုံး ပေကျံဝါထိန်နေတဲ့ စုတ်စုတ်ပြတ်ပြတ် မိန်းမတစ်ယောက်က ထဘီစုတ် အနှီးတစ်ထည်နဲ့ ပတ်ထားတဲ့ ကလေးတစ်ယောက်ကို ပွေ့ချီထားတဲ့ပုံစံဟာ ဘယ်သူနဲ့မှ ရောစရာကို မလိုဘူး။ ဒါပေမဲ့ လူအုပ်ကြားထဲမှာ သူ ပါမလာသေးတာက ခက်တယ်။
ကျွန်မအကျင့်အတိုင်း ဆီဝေးဖွာလွင့်နေတဲ့ ဆံပင်ဘုတ်သိုက်ထဲကို လက်ငါးချောင်းထိုးဖွပြီး တဗျင်းဗျင်း ကုတ်လိုက်မိတယ်။ ကုတ်နေရင်းကနေ ထုံးစံအတိုင်း လက်ထဲတိုးလာတဲ့ လုံးတုံးတုံး ဖုတုတု သန်းမတစ်ကောင်ကို အသာဆွဲယူပြီး လက်မနှစ်ခုကြား တောက်ခနဲ ထည့်တုပ်ပစ်လိုက်တာပေါ့။
" ဟဲ့ ....ဒီဘက်ကိုများ သန်းတွေ ဘာတွေ လွင့်ပြုလာပါဦးမယ်။ ဒီနားလာ သန်းတုပ်ရတယ်လို့...... "
အုတ်တိုင်ကြီးဘေးက သရက်သီးသည်မိန်းမရဲ့ စွာကျယ်ကျယ်အသံကြောင့် သန်း ဆက်စမ်းမလို့လုပ်နေတဲ့ ကျွန်မလက်တွေ တွန့်သွားတယ်။
" မလွင့်ပါဘူးတော်.....အဝေးကြီး "
သရက်သီးသည်မကို ငေါ့တော့တော့ပြောပြီး ဈေးတောင်ဘက်ဆီကို ကျွန်မ လျှောက်လာခဲ့တယ်။ အရေးထဲ သူကတစ်မျိုး။ သူလည်း မိန်းမပဲ။ သန်းမရှိမှာ ကျလို့ ။ သူ့သရက်သီးတွေပေါ် လွင့်တော့ကော ဘာဖြစ်မှာမို့တုံး။ မသကာ အသုပ်စုံတို့ ရွှေရင်အေးတို့ဆို ထားပါဦးတော့။
" ဆနွင်းမကင်း ၊ ဘိတ် ဒူး၇င်းယို...၊ ပုသိမ် ဟာလဝါ အားလုံးရှိတယ်နော်။ ဘာယူမလဲ အစ်မ "
ဈေးဝယ်ခေါ်တဲ့ ကောင်မလေးအသံက ချိုသလို မုန့်​တွေကလည်း ချိုမှာပဲ။ ဒါပေမဲ့ သူခေါ်တဲ့ ဈေးဝယ်ထဲမှာ ကျွန်​မပါမှာ မဟုတ်သလို အဲဒီ မုန့်​တွေ ချိုမချို ကျွန်မ မသိတာလဲ ဘယ်လောက်တောင်ကြာပြီလဲ။ ဒီမုန့်​ဆိုင်တန်းကို ကျွန်မ ညနေတိုင်း ဖြတ်လျှောက်ရပြီဆိုမှဖြင့် တံတွေးကို အလိုလိုမျိုချရတာချည်းပဲ။
မုန့်​ဆိုင်တန်းတစ်ခုလုံးကလည်း မုန့်​တွေက အပြည့်အသိပ်။ ဒီကြားထဲ အုတ်တိုင်တွေဘေးမှာ အသုပ်စုံသည်တွေ ၊ ရွှေရင်အေး ၊ မုန့်လက်ဆောင်းသည်တွေကလည်း တင်းကျမ်း ၊ ဒါပေမဲ့ ကျွန်မမှာ ပိုက်​ဆံ တစ်ပြားတောင်မှ မပါတာ။ ဘယ်လိုလုပ် စားမလဲ။ ပိုက်​ဆံက ဟိုဟာမ လာမှ ရမှာ။ နေ့တွက် ဆယ့်ငါးကျပ်လေ။ ကလေးငှားခ။ အဲဒီပိုက်ဆံရလည်း ဒီမုန့်တွေ ဝယ်မစားနိုင်ပါဘူး။ အိမ်​က ဗိုက်ဟောင်းလောင်းနဲ့ ကလေး လေးယောက်ရယ် ၊ လမ်းတကာ အလုပ် လျှောက်လုပ် ညောင်းညာ ဆာလောင်ပြီးပြန်လာမယ့် ယောက်ျားအတွက်ရယ်။ စားဖို့ သောက်ဖို့ ဆီ ဆန် ဟင်းရံ ဝယ်ရတာနဲ့ကို လောက်ငတယ်မှ မရှိတာ။
ထမင်းဟင်းအရေးနဲ့ကို ပိုက်ဆံမလောက်နိုင်လွန်းလို့ ဆနွင်းမကင်းအတု တစ်တုံးတစ်ကျပ်တောင် ဝယ်မစားနိုင်တာ။ ဒီဆနွင်းမကင်းအစစ်တွေဆို အနားကပ်နိုင်ဖို့ ဝေးရောပေါ့။ တစ်ခါတလေတော့လည်း ကျွန်မ ကြံကြည့်တယ်။ တခြားမိန်းမတွေလုပ်သလို မုန့်​ဈေးမေးပြီး အမြည်းစားရရင် ကောင်းမှာပဲလို့။ မဝယ်လည်း ရတယ်လေ။ အမြည်းပေးတာမှ လက်သုံးလုံးလောက် အတုံးကြီးတွေ။
မရပါဘူးလေ။ အဲဒီအကြံနဲ့ တစ်ညနေက ကျွန်မ သူ့ဆိုင်ရှေ့မှာ သွားရပ်ဖူးသေးတယ်။
'' ဘာယူမလဲ။ လာ.....မြည်းပါဦး အစ်မ'' ဆိုတဲ့ အသံအစား
'' ဘာလို့ဆိုင်ရှေ့ လာပိတ်ရပ်နေတာလဲ .... သွား '' တဲ့။
အေးလေ ကျွန်မ မှားတာပါ။ ဈေးမေးရင် အမြည်းစားချင်တာချင်း တူပေမဲ့ ဟိုမိန်းမတွေနဲ့ ကျွန်မနဲ့မှ မတူတာလေ။ သူတို့က အဝတ်​အစား တောက်တောက်ပပ ၊ ခြင်းနဲ့ ပိုက်​ဆံအိတ်နဲ့ မိတ်​ကပ်​နဲ့။ ကျွန်မကျတော့ ... ကိုယ့်ကိုယ်ကို ငုံ့ကြည့်မိတယ်။ အပွင့်မပေါ်တော့တဲ့ အရောင်လွင့်ထဘီ၊ ပါးရိုးနားရိုးတွေကျနေတဲ့ သနပ်​ခါးဗလာ မျက်နှာပြောင်နဲ့။ ဘော်လီမပါပဲ ၀တ်ထားတဲ့ လက်ပြတ်အင်္ကျီအစုတ်ပေါ်မှာ ယောက်ျားရဲ့ ရှပ်အင်္ကျီအနွမ်းတစ်ထည် ထပ်ဝတ်ပြီး ဂွပ်ဂွပ်ဖိနပ် မြီးတိုစီးထားတော့ သူတို့တွေနဲ့ ကျွန်မပုံစံနဲ့က ကွာတာလည်း မပြောနဲ့လေ။
သူတို့ ကျွန်မကို သူခိုးမလား ၊ သူ​တောင်းစားမလားလို့ ထင်နေပုံရတယ်။ ကျွန်မ သူခိုးမ မဟုတ်သေးပါဘူး။ သူ​တောင်းစားမလည်း မဟုတ်သေးပေမယ့် အခုတလော ထမင်းစားနေတာတော့ တောင်းလို့ရတဲ့ ပိုက်​ဆံတွေနဲ့ပဲ။ အို......ဒါပေမဲ့ ဘာဆိုင်လဲ။ အဲဒီပိုက်ဆံတွေက ကျွန်မ တောင်းတာမှ မဟုတ်တာ။ ကျွန်မ ကလေးငှားတဲ့အတွက် ရတဲ့ပိုက်​ဆံပဲ။ ဒါ ကျွန်မနေ့တွက်လေ။
အလုပ်​အကိုင်​ကရှား စားစရာ သောက်စရာက ရှားနဲ့ .. ငတ်တစ်လှည့် ပြတ်တစ်လှည့် ဖြစ်လာတော့ ငါးယောက်မြောက်သမီးကလေးက အာဟာရချို့တဲ့ပြီး မကြီးလာပဲ သေးကွေးပိန်လှီနေတာပဲ ကျေးဇူးတင်ရဦးမလိုလို။ သုံးလသမီးအရွယ်ပေမဲ့ မွေးစကလေး အရွယ်လောက်ပဲ ရှိနေလို့ မွေးစအရွယ် လိုချင်တဲ့ မိန်းမနဲ့ အဆင်ပြေတာကိုပဲ ၀မ်းသာရဦးတော့မလိုလို။ တစ်နေ့ဆယ့်ငါးကျပ်တဲ့လေ။ နေ့တွက် ဆယ့်ငါးကျပ်ဟာ ကျွန်မတို့လို ပျံကျတွေမပြောနဲ့ ဘွဲ့ရတွေတောင် ရဖို့မလွယ်ဘူး။
အင်း .....သမီးကို ငှားခါစက ခုချိန်ဆို ငါ့သမီးလေး ဘယ်ပလက်ဖောင်းပေါ်မှာပါလိမ့်။ ​နေပူထဲမှာလား။ အနှီးနဲ့တော့ ထွေးထားကောင်းပါရဲ့။ နို့ဆာပြီး ငိုများနေမလား။ နို့ဆီအရည်ဖျော်တော့ နေ့လည်မှာ တိုက်တယ်ပြောတာပဲ။ တိုက်ရဲ့လားလည်း မသိပါဘူး။ လူတွေက မတော်တဆ ခြေထောက်နဲ့များ နင်းမိသွားမလား။ အဖြစ်ဆိုးလိုက်တာသမီးရယ်လို့ တွေးတွေးပြီး ငိုခဲ့ရတဲ့ မျက်ရည်တွေလည်း အခုတော့ ခန်းကုန်ပါပြီ။
အို... အားလုံးပါပဲ။ အဖြစ်ဆိုးဆိုတာတွေ၊ အကျပ်အတည်းဆိုတာတွေ အငတ်အပြတ်ဆိုတာတွေ များလွန်းတော့လည်း အရာရာဟာ ကျွန်မအတွက်တော့ ထုံသွားပါပြီ။ ကျွန်မတို့ ငတ်တော့ မသေချင်ဘူးလေ။ နေ့လယ် နေ့ခင်းမှာ ကလေးမရှိတဲ့အတွက် အရပ်ထဲကအိမ်တွေမှာ တောက်တိုမယ်ရခိုင်းတာတွေ လျှောက်လုပ်ပေးလို့ရတယ်။ ကျွန်မလက်တွေနဲ့ သင့်မယ့်အလုပ်တွေပေါ့။ လက်ဆိုမှ ပြောပြရဦးမယ်။
ကျွန်မလက်တွေက အရင် အ၀တ်လျှော်စားတုန်းက ရေစိမ်ရလွန်းလို့လား ဘာလား မသိပါဘူး။ အခုနောက်ပိုင်း လက်တွေက တအားတုန်ပြီး မမြဲတော့ဘူး။ အဝတ်သာ ဆက်လျှော်နိုင်ခဲ့ရင် ကျွန်မလေ ကလေးကို ဒီလိုမလုပ်ပါဘူး။ အေးလေ ထားပါ​တော့ ။ သားသမီးသာ ချစ်တတ်ပြီး အရှာအဖွေကျ မဖြစ်ထွန်းတဲ့ ယောက်ျား ... သူ မျက်နှာညို စိတ်မကောင်းဖြစ်တာကိုလည်း သနားပေမယ့် တခါတခါ ရှင်ဘာဖြစ်လို့ အလုပ်အကိုင် အတည်​တကျ မရှိရတာလဲလို့ ငေါက်မိပြန်တယ်။
လမ်းဟိုဘက်ကများ ကူးလာမလားဆိုပြီး ဟိုဘက်လမ်း ကုန်တိုက်ကြီးအောက်ကို ကျွန်မ လှမ်းမျှော်ကြည့်မိပြန်တယ်။ ဟင်း....မလာသေးပါဘူး။ ကျွန်မ မျှော်ကောင်းတုန်း မိုးက ​ဝေါခနဲ ရွာချလာတယ်။ ဒုက္ခပါပဲ။ ဟိုမိန်းမ ထီးလေး ဘာလေးတော့ ပါကောင်းပါရဲ့။ မပါလို့ မိုးမိပြီး ကလေးနေမကောင်းဖြစ်ရင် ဘယ်​လိုလုပ်​ရမလဲ။
သူ ဆေးကုပေးမှာလား။ သူနဲ့ ကျွန်မ သဘောတူထားတဲ့ထဲမှာ အဲဒါတော့ မပါဘူး။ တစ်နေ့ ဆယ့်ငါးကျပ်ပေးမယ်။ မနက်ခုနှစ်နာရီ အရောက် ဒီသိမ်ကြီးဈေး အပြင်ဘက်တန်း အုတ်တိုင်မှာ လာပို့။ ညနေ လေးနာရီ ဒီအုတ်တိုင်အောက်မှာပဲ လာစောင့်ခေါ်... ဒါပဲ။ အိုလေ.....ဖျားလို့ကတော့ ဘာဖြစ်ဖြစ် သူ့တာဝန်ပဲ။
မိုးက ပိုသည်းလာတော့ သိမ်ကြီးဈေးကနေ အိမ်ဆီကို ကျွန်မစိတ်တွေ ရောက်သွားပြန်တယ်။ မြို့ဆင်ခြေဖုံး ၊ ချောင်အကျဆုံးနေရာက သူများအိမ်ရဲ့ အဖီက ကျွန်မတို့ရဲ့တစ်ဖက်ရပ်တဲလေးထဲကို ခုချိန်ဆို မိုးရေတွေ ဒလ​ဟော သွန်ကျနေရောပေါ့။ မိုးမိပြီး ဖျားနေလို့ အလုပ်မဆင်းနိုင်တဲ့ ယောက်ျားကိုဟိုဒင်းလဲ ဘယ်လိုနေတယ်မသိ။ ကလေး လေးယောက်လည်း အူတွေ တွန့်လိမ်နေပြီထင်ပါရဲ့။ မနက်က ဆန် နို့ဆီဗူးနှစ်လုံးချက်ကို ပဲတစ်ဆယ်သားနဲ့ နယ်ပြီး သားအမိငါးယောက် ဝိုင်းစားလိုက်ရတော့ ဘယ်ဝပါ့မလဲ။
အမှန်က ယောက်ျားအပြင်သွားပြီး ရှာဖွေလာတာလေးနဲ့ဆို အရင်နေ့တွေက ဒါလောက်တော့ အခြေအနေမဆိုးဘူး။ အေးလေ သူလည်း ထီးမပါ ဘာမပါနဲ့ သွားရပြန်တော့ ကြာတော့လည်း ဖျားရောပေါ့။ ပြီးတော့ သူ့အလုပ်ကလည်း ပွဲရုံတွေပေါတဲ့ လမ်းတွေမှာ တစ်လမ်းဝင်တစ်လမ်းထွက် လျှောက်ပြီး ပျံကျအလုပ်ဝင်ရတာ။
ဟိုဟာမ လာလို့ ဆယ့်ငါးကျပ်ရရင် ယောက်ျားအတွက် ကော်ဖီနဲ့မုန့် တစ်ခုတော့ ဖဲ့ကျွေးလိုက်ပါ့မယ်လေ။ ကျန်တဲ့ပိုက်ဆံနဲ့ ညမနက် စားရအောင် ကြံရဖန်ရမှာပေါ့။ အင်း.....ပြောသာပြောရတာပါ။ ကျန်မယ့်ပိုက်ဆံကလည်း ဘယ်လောက် ဝယ်လို့ရမှာလဲ။ ​ကော်​ဖီ နဲ့မုန့် တစ်ခုကိုပဲ သုံးကျပ်ခွဲလောက် ထွက်မှာ။ အေးလေ....အရေးကြီးတာကတော့ ဆန်လုံလောက်အောင် ဝယ်နိုင်ရင်ပြီးတာပဲ။ ထမင်း လောက်ငရင် ကျွန်မတို့အတွက် ဟင်းက ဘာအရေးလဲ။
မိုးတောင် နည်းနည်းစဲသွားပြီ။ လာပါတော့ မယ်မင်းကြီးမရယ်။ ဒီကောင်မမယ် သိမ်ကြီးဈေး သစ်သီးတန်းကို တောင်နဲ့မြောက် လျှောက်ရလွန်းလို့ ခြေထောက်တွေလည်း ညောင်းလှပြီ။ ဈေးသည်မတွေကလည်း စူးစူးစမ်းစမ်း ကြည့်ကုန်ကြပြီ။ အစားအ​သောက်​ အနံ့အသက်တွေက နှိပ်​စက်​လွန်းလို့ ဗိုက်ထဲလည်း တဂွီဂွီ တဂွမ်ဂွမ် အော်ကုန်ပြီ။ ခုနေများ မိုးအေးအေးမှာ ထမင်းပူပူလေးကို ငါးပိရည်​လေးနဲ့ နယ်စားလိုက်ရရင်.....။
ကဲ....မြောက်ဘက်တစ်ခါ လျှောက်လိုက်ဦးမယ်။ တော်ကြာ အုတ်တိုင်ဘေး သူက အရင်ရာက်နေဦးမယ်။ အမြဲတမ်း စောင့်ရမယ့်နေရာက ​မြောက်​ဘက်​က အုတ်တိုင်ကြီးနားမှာ။ လူတွေကြားထဲကနေ တိုးဝှေ့ပြီး ကျွန်မ မြန်​မြန်​လျှောက်ခဲ့ပေမယ့် ဟင်း....အလကားပါပဲ။ ဟိုဟာမ အရိပ်အယောင်တောင် မမြင်ရသေးဘူး။ ကျွန်မ အုတ်တိုင်အခြေမှာ ဖင်ချထိုင်ပစ်လိုက်တော့တယ်။ ကြာလိုက်တဲ့ မိန်းမ။ မိုးလေအစဲမှာ ပြန်လိုက်ချင်တာ။ အပြန် လိုင်းကားမှီမှ ဖြစ်မှာ။ ကျွန်မတို့ အရပ်တွေသွားတဲ့ ကြားကားတွေက တစ်ယောက်ကို ငါးကျပ်။ စီးဖို့ မပြောနဲ့။ စိတ်တောင် မကူးဝံ့ဘူး။ ဒီဟာမကြောင့် လိုင်းကားမမှီခဲ့ရင်တော့ ကျွန်မ ခြေကျင်ပြန်ရတော့မှာ။
''ယူပါ ညီမရယ်။ တစ်ဆယ်သားမှ လေးကျပ်ထဲပါ။ အစိတ်​သားမှ တစ်ဆယ်တည်း။ သပျစ်သီးကြီးတွေ လှမှလှ ချိုမှချို ''
''ငါးဆယ်သား ထည့်လိုက်နော်။ အို...အို...သမီးကလည်းကွယ် ငြိ်မ်ငြိမ်နေစမ်းပါဦး။ ကဲ...မောင်ရေ မောင့်သမီးကတော့''
လမ်းမဘက်ဆီကို ငေးနေတဲ့ ကျွန်မခေါင်း လှည့်ကြည့်မိတယ်။ သပျစ်သီးသည်မိန်းမရှေ့မှာ စုံတွဲတစ်တွဲ ဈေးဝယ်နေတာ။ ဈေးဝယ်မိန်းမ ပွေ့ထားတဲ့ ကလေးလေး ရုန်းကန်ပြီး သပျစ်သီးဆီလှမ်းနေတာကို လင်​မယားနှစ်ယောက် သဘောကျနေလိုက်ကြတာ။
''သမီး​လေးက....ချစ်​စရာ​ကောင်းလ်ိုက်တာနော်။ ဘာလဲ သမီးက သပျစ်သီးစားချင်တာလား....ဟုတ်လား၊ ဘယ်နှစ်လ ရသွားပြီလဲဟင်''
''သုံးလထဲမှာ''
''အို....ထွားလိုက်​တာ​နော်​။ ငါးလ ခြောက်လ ထင်ရတယ်''
ဟုတ်​ပါရဲ့။ နည်းတဲ့ သုံးလသမီးကြီး မဟုတ်​ဘူး။ တစ်ပွေ့တပိုက်ကြီးပဲ။ ကလေးဝတ်ထားတဲ့ ဂါဝန်လေးကလည်း လှလိုက်ဆန်းလိုက်တာ ဘယ်လိုဟာလေးပါလိမ့်။ တော်တော်ချစ်ဟန်တူတယ်။ သားဦးတွေ ဘာတွေ နေလိမ့်မယ်။ ဒီအရွယ်လေးနဲ့ ဆွဲကြိုးတွေ ဘာတွေ ဆင်ပေးထားတာ ကြည့်လေ။ စုံတွဲနဲ့ကလေးလေး ဈေးအရှေ့ဘက်က ကားအပြာလေးပေါ် တက်သွားတဲ့ထိ ငေးကောင်းကောင်းနဲ့ ကျွန်မ ငေးကြည့်နေမိတယ်။
'' ကဲ.....သူများတွေတော့ သိမ်းပြီဟေ့။ ငါတို့ပဲ ကျန်တော့တယ်''
မိန်းမတစ်ယောက်ရဲ့ အသံကျယ်ကျယ်က ကျွန်မကို လန့်သွားစေတယ်။
ကြည့်စမ်း မုန့်​ဆိုင်တွေတောင် ပိတ်ကုန်ကြပြီ။ ဒါဆို အချိန်ဘယ်သေးတော့မလဲ .. ဒုက္ခပါပဲ။ ဟိုမိန်းမ ဘာဖြစ်နေပြီလဲ။ ကျွန်မဆီ မလာတော့ဘူးလား။ တစ်ခုခုများ ဖြစ်လို့လား။ ဒါမှမဟုတ်​ ကျွန်မကို သက်သက်လှည့်သွားပြီး ကလေးကိုပါ ပြန်မပို့ပဲ နေတော့မလို့လား။
ကျွန်မ စိတ်ထဲ နေလို့မရတော့ဘူး။ ဆောက်တည်ရာမရ ထရပ်လိုက်တော့ ဟော.....ဟိုမှာ ... လမ်းဟိုဘက်မှာ နနွင်းဝါဝါနဲ့ မယ်မင်းကြီးမ။ အမလေး ... တော်ပါသေးရဲ့ ။ ငါ့မှာ မျှော်လိုက်ရတာ။ ကြည့်ဦး ... သူကတော့ဖြင့် ကလေးကိုပွေ့ရင်း ​ဆေးလိပ်​တောင် ခဲမပျက်ဘူး။ လွယ်အိတ်စုတ်ကြီး တယမ်းယမ်းနဲ့ ကားလမ်းကို အေးဆေး ကူးနေလိုက်တာများ။
ကားလမ်းအလယ်ကောင်ကနေ ကျွန်မကို သူ လှမ်းကြည့်တယ်။ ကဲ... လာပါတော့ မိန်းမရဲ့။ ဒီမယ် မိုးချုပ်လှပြီ။ အုတ်တိုင်ဘေးနား သူရောက်ရောက်ချင်းပဲ ကျွန်မ မနေနိုင်တော့ဘူး။
'' ကြာလိုက်တာ ၊ ရှင့်လေးနာရီကလည်း မနက်လေးနာရီလား အောက်မေ့ရတယ် "
သူက ကျွန်မလက်ထဲ ကလေးကို ထည့်လိုက်တယ်။ ထဘီ အနှီးထုပ် သေးသေးလေးထဲက ကျွန်မသမီးက ကျွန်မရင်ခွင်ထဲရောက်တာနဲ့ လူးလွန့်ရုန်းကန်ပြီး ကြောင်လေးအော်သလိုအသံမျိုးလေးနဲ့ အော်ငိုပြီး သူ့ပါးစပ်က ကျွန်မ နို့ပိန်ကို အငမ်းမရ ရှာတော့တာပဲ။
'' သောက်ကမြင်းမလေးက အခုမှ အသံထွက်တော့တယ်။ ဟို ပလက်ဖောင်းပေါ်တုန်းကတော့ တစ်ချိန်လုံး အိပ်ချည်းနေတာပဲ။ ဘယ်လို ဆိတ်လို့ ဆွလို့မှ မရဘူး။ ကလေးငိုတာမြင်မှ လူတွေက ပိုက်​ဆံထည့်တာ''
ဟိုမိန်းမက မကျေမနပ်နဲ့ ကျွန်မသမီး နိုစို့တာကို ကြည့်ရင်း နနွင်းဝါနေတဲ့လက်တွေနဲ့ သူ့လွယ်အိတ်စုတ်ကြီးထဲကနေ ပိုက်​ဆံ နှိုက်တယ်။
''ကဲ ... လုပ် .. မြန်​မြန်​ ... မိုးချုပ်နေပြီ။ လိုင်းကားတောင် မှီပါ့မလား မသိဘူး။ မနက်ဖြန်တော့ ရှင် နောက်မကျနဲ့နော် ''
ကျပ်တန်အနွမ်းလေးတွေကို ဟိုမိန်းမက ရေပြီး....
'' ရော့....ဒီနေ့တော့ တစ်ဆယ်ပဲယူ''
''ဘာ''
ကျွန်မ ဖျဉ်းခနဲဖြစ်လာတဲ့ ​ဒေါသနဲ့ သူ့လက်ထဲက ကျပ်တန်တွေကို ဆွဲယူရေကြည့်တယ်။ ကျပ်တန်ဆယ်ရွက်တည်း။ ဘာလုပ်တာလဲ။
''ငါးကျပ် လိုသေးတယ်လေ''
''ဒီနေ့ တောင်းလို့ရမ်းလို့ သိပ်မကောင်းလို့ပါ အစ်မရယ်။ နောက်ကျနေတာပဲ ကြည့်တော့။ မိုးရွာတော့ လူပါးတယ်။ တစ်ဆယ်ပဲ ယူပါ ''
'' ဘယ်ဖြစ်မလဲ။ အစကတည်းက ရှင်ပြောထားတာပဲ။ ပေးပါ ... ငါးကျပ် ''
'' ရှင့်သမီးကို နေ့လည် နို့ဆီဖျော်တိုက်ရတာကိုက နှစ်ကျပ်ကုန်တယ်။ ပိုက်​ဆံ အရနည်းလို့ပါဆိုမှ တစ်နေ့တလေတော့ သည်းခံမှပေါ့ ''
''ဘာလို့ သည်းခံရမှာလဲ''
ဗိုက်ဆာနေတဲ့ အရှိန်နဲ့ပေါင်းပြီး ဒေါသက ငယ်ထိပ်ရောက်သွားတယ်။ လှည့်ထွက်မလို့လုပ်နေတဲ့ ဟိုမိန်းမကို ကျွန်မ လှမ်းဆွဲလိုက်ပြီး....
" ပေး .... ကျွန်မ ပိုက်​ဆံ ''
'' ဖယ် ... သွားမယ်.... မပေးဘူး ''
''ကဲ.... မပေးဦး''
ကျွန်မ သူ့ဆံပင်ကို မိနေအောင် ဆွဲထားရင်းက သမီးကို အုတ်တိုင်ဘေးမှာ ချလိုက်တယ်။ ​ဒေါသကို ထိန်းမထားနိုင်တော့ဘူး။ ဟိုမိန်းမ ဆံပင်​တွေကို ကျွန်မ ယမ်းခါပြီး မြေကြီးပေါ် ဆွဲလှဲပစ်လိုက်တော့ သူကလည်း ကျွန်မလည်ပင်းကို ညှစ်ပြီး ကျွန်မကို ပြန်လုံးတယ်။ မြေကြီးပေါ် သူရော ကျွန်မရော လဲကျသွားကြပြီး လုံးသတ်ကြတယ်။ ကျွန်မတစ်ပြန် သူတစ်ပြန် တလိမ့်လိမ့်နဲ့
'' ဟဲ့ ... ဟဲ့ ... ဘယ်လိုဖြစ်တာလဲ။ ဘယ်က မိန်းမတွေလဲ ''
အနားက လမ်းသွားလမ်းလာတွေနဲ့ သစ်သီးသည်တွေ တရုံးရုံးဖြစ်ကုန်ကြပြီး မိန်းမကြီးနှစ်ယောက်က ကျွန်မတို့ကို လာဆွဲတယ်။
'' ညည်းတို့ တစ်ခါတည်း အချုပ်ထဲ ရောက်သွားမယ်။ ဘာမှတ်လဲ။ မြို့လည်ခေါင်မှာ လာသတ်ရတယ်လို့။ ထ ... ထ ...သွားကြ။ ဟိုမှာလည်း ဘယ်သူ့ကလေးတုံး ''
ကျွန်မရော ဟိုမိန်းမရော ဟောဟဲလိုက် မောရင်းက တစ်ယောက်ဆံပင် တစ်ယောက် ဆုပ်ဆွဲထားရင်းက တစ်ယောက်နဲ့တစ်ယောက် စောင်ကြည့်နေမိကြတုန်း အုတ်တိုင်နားမှာ ကြောင်အော်သံလေးနဲ့ တစာစာ ငိုနေတဲ့ သမီးကို သတိရပြီး ကျွန်မ ထရပ်လိုက်တယ်။ ဟိုမိန်းမကလည်း ကပျာကယာ လူးလဲထပြီး သုတ်ခနဲဆို သူ့လွယ်အိတ်ဖိုသီဖပ်သီကြီး ကောက်ပြီး လမ်းဟိုဘက်ကို ကူးပြေးတယ်။
'' အလကား ကောင်မ ... သက်သက်လူပါးဝခံရတယ်။ သင်းကို မကျေဘူး''
ကျွန်မ ဒေါသတကြီး တတွတ်တွတ်ရွတ်ရုံပဲ တတ်နိုင်တော့တယ်။ သမီးကို ပွေ့ချီပြီး ပြန်ထွက်မယ်လုပ်တော့မှ အုတ်တိုင်နားမှာ ပြန့်ကျဲနေတဲ့ ကျပ်တန်နွမ်းနွမ်းလေးတွေ ။ ကျွန်မ ကပျာကယာ တစ်ရွက်ချင်း လိုက်ကောက်လိုက်တယ်။ ကျပ်တန်ဆယ်ရွက်ကို ဆုပ် ၊ သမီးကို ပွေ့ပြီး ၀ိုင်းနေတဲ့ လူအုပ်ကြားထဲကနေ ကျွန်မ တိုးထွက်လာခဲ့တယ်။
ကြည့်စမ်း ... လမ်းမီးတွေတောင် ပွင့်နေပြီပဲ။ အိမ်က ယောက်ျားနဲ့ ကလေးတွေကို ကျွန်မ ဖျတ်ခနဲ သတိရလိုက်မိတယ်။ ကျွန်မ ဘယ်လိုပြန်ရပါ့။ ခြေလှမ်းကို အားယူလှမ်းလိုက်တုန်းမှာပဲ ခေါင်းနဲ့မျက်နှာတွေ နာကျင်ကျိန်းစပ်နေပြီး ဗိုက်က ဆာလာပြန်တယ်။ မအေ့နို့ပိန်ကို အငမ်းမရ ရှာဖွေရင်း ငိုကြွေးနေတဲ့ သမီးနဲ့ကျွန်မအပေါ်ကို မိုးစက် မိုးပေါက်တွေက တဝါဝေါနဲ့ သွန်ကျလာခဲ့ပြီ။
နုနုရည်အင်းဝ
(၁၉၈၇ ခုနှစ် ၊ စက်​တင်​ဘာလ ၊ချယ်ရီ)