ရိုးပြာမြေဝယ်မြေ့စေတော့

ရိုးပြာမြေဝယ်မြေ့စေတော့ (နုနုရည် အင်းဝ)
-------------------------------------------
စိမ်းမြသော သစ်ရွက်များကြားမှ မြို့ပတ်ရထား ဖြတ်သန်းသွားသည်ကို လှမ်းမြင်ရ၏။ ရထားလမ်းဘေး တစ်ဖက်ရှိ ပေါက်ပင်များတွင် လိမ္မော်ရောင် ပေါက်ပွင့်များ ပင်လုံးကျွတ်မျှ လှပစွာ ဖူးပွင့်နေကြသည်။
"အေ ... ဒီက ကန်စွန်းရွက်"
အဘလှိုင်၏ အော်သံသည် ကြည်လင်စွာ ထွက်ပေါ်လာ၏။ အော်သံ အဆုံးတွင် သံရှည် ဆွဲသွားပုံက တစ်မူ ထူးခြားသည်။ ထူးခြားရပေမပေါ့။ သီချင်းပေါင်း မြောက်မြားစွာကို အရှိုက်အဟဲ အမျိုးမျိုးဖြင့် သီဆိခဲ့သော ပါးစပ်ဆိုတော့ အကျင့်က ဖြစ်နေပြီ။ အဘလှိုင် အသံကို တစ်ချိန်က နားဝင်ချိုခဲ့ကြသော ပရိသတ် တချို့တလေ ဆိုရင်ဖြင့် ရုပ်သေးမင်းသား စံပယ်လှိုင်၏ အသံဟု ချက်ချင်း မှတ်မိကြ ပေလိမ့်မည်။ သို့သော် အကွက် မပေါ်တော့သော လုံချည်အနွမ်း၊ ချေးအထပ်ထပ်နှင့် အင်္ကျီကုတ်ပြဲကြီးကို ဝတ်ကာ ကန်စွန်းရွက် အထမ်းကြီးကို ထမ်းထားသော မည်းညစ်ညစ် အဘိုးအိုကို ဟိုတစ်ချိန်တုန်းက ထာဝစဉ် ပြုံးနေတတ်သော လူပုံ ချောနွဲ့နွဲ့ ရုပ်သေးမင်းသား စပယ်လှိုင်ပါဟု ပြောလျှင်တော့ မည်သူကမျှ ယုံလိမ့်မည် မဟုတ်ပါ။ သာယာချိုမြသော အသံဖြင့် သီချင်းတစ်ပုဒ်ကို ဆိုလိုက်ပြီလား ဆိုမှဖြင့် ပွဲခင်းတစ်ခင်းလုံး တုတ်တုတ်မလှုပ် ငြိမ်ကျစေခဲ့သော စပယ်လှိုင်။
စပယ်လှိုင်မှ စပယ်လှိုင်၊ တစ်လှိုင်တည်း လှိုင်ခဲ့ကြသော ခေတ်တစ်ခေတ်သည် ဝေးစွာ ကျန်ရစ်ခဲ့လေပြီ။
အဘလှိုင်သည် မည်းညစ်ကြမ်းထော် နေသော လက်များဖြင့် ထမ်းပိုးကို တင်းကျပ်စွာ ဆုပ်မိသည်။ နေပူမရှောင် မိုးရွာမရှောင် ကန်စွန်းရွက် ရောင်းရသည့် ဒဏ်ကြောင့် အဘလှိုင် မျက်လုံးတွေက မှုန်လှပြီ။ အေးလေ၊ ရုပ်သေးခေတ် တစ်ခေတ်ကို စောင့်ရင်း သမီးနှင့် သမက်တို့ သထာစေရန် တစ်ဖက်က ကန်စွန်းရွက် ရောင်းခဲ့သည်မှာ ကြာပဲ ကြာလှပေါ့။
လိမ္မော်ရောင် ပေါက်ပွင့်များကို မြင်ရတော့ လွန်ခဲ့သော နှစ်သုံးဆယ်ကျော်က ရုပ်သေးစင်ပေါ်တွင် “တပို့တွဲ ပေါက်လဲရယ်တဲ့ ငုံစီစီ၊ ဖူးတံကချီ” ဟူသော ရာသီဖွဲ့ကို အားပါးတရ ဆိုခဲ့သည်ကို အဘလှိုင် အမှတ်ရ၏။
“ကိုယ်တော်ဘုရာ့” ဆိုသော လက်စွဲ၏ အသံကို ကြားယောင်၏။ နူးညံ့ ပျောင်းနွဲ့သော လက်နှစ်ဖက်ဖြင့် မင်းသားရုပ်လေးကို ကျွမ်းကျင်လှပစွာ ကပြနေချိန်တွင် စံပယ်လှိုင်၏ ပန်းနုရောင် ခေါင်းပေါင်းသည် လေဝယ် တလွင့်လွင့်နှင့်။ လင်သည်၏ မျက်နှာကို အထင်ကြီး အားကိုးစွာ ငေးမော ကြည့်နေတတ်သော ဇနီးသည် မယ်ရွှေမျှင်ကလည်း ရေပူရေချမ်း ကမ်းလှမ်းရန် ဘေးနားတွင် အရန်သင့်။ မင်းသားအလှည့် မရောက်ခင် မရွှေမျှင် တယုတယ ချုပ်ပေးထားသော လဲထိုင်ဖုံလေးမှာ ထိုင်၍ စောင့်သည်မှာလည်း သက်သောင့်သက်သာ ရှိလှ၏။ ဪ ... လင့်ပါရမီကို အဖက်ဖက်မှ ဖြည့်ခဲ့သော မရွှေမျှင် တစ်ယောက် ခုတော့ အိပ်ရာပေါ်မှာ နာတာရှည် ရောဂါသည် ဘဝနှင့် လဲခဲ့ပြီ။
မွေးထားသော သားသမီး ခြောက်ယောက်ကလည်း တစ်ယောက်တလေမျှ အနုပညာသွေး မပါခဲ့ကြ။ အဘခြေရာကို နင်းမည့်သူဆို၍ တစ် ယောက်မျှ မပါခဲ့ကြဘဲ ပျံကျ အလုပ်များဖြင့် တစ်ကွဲတစ်ပြားစီ။ အဆိုးဆုံးက အဘပညာကို နည်းနည်းမှ အထင်မကြီးခြင်းပင်တည်း။ ဪ ... သင်းတို့မှာ ပါ ရမီ မပါလို့ဘဲဟု အဘ ဖြေသိမ့်ခဲ့ပေမဲ့ သားသမီးများ၏ “အဖေကလည်း ဇာတ်သံကြီးနဲ့ စကား မပြောစမ်းပါနဲ့”၊ “အဖေ တစ်ခါက ရုပ်သေးကတယ် ဆိုတာ လျှောက်ပြောမနေနဲ့” ဟူသော အသံများကို ကြားလျှင်တော့ အဘ ရင်နာရသည်။ သင်းတို့အမေ မယ်ရွှေမျှင်ကတော့ သူတို့ နှာခေါင်းရှုံ ̧သော “ဇာတ်သံ” ကို ယုယစွာ မွေးမြူပေးခဲ့သည်။
သင်းတို့ ငယ်ငယ်တွင် ရုပ်သေးခေတ် တိမ်ကောစ ပြုပြီမို့ အဘနှင့် ဘွားရွှေမျှင်တို့ အလုပ်မျိုးစုံ လုပ်ကာ ရှာဖွေ ကျွေးမွေးခဲ့ရသည်။ ပင်ပန်းဆင်းရဲ ခဲ့ရသည်။ ခုထိလည်း သမီးနှင့် သမက်တို့၏ အငြိုငြင်ခံလျက် ပင်ပန်း ဆင်းရဲစွာဖြင့် အဘ ရုန်းကန်ရတုန်း။ အထင်သေး စော်ကားသော စကားများကို ကြားနေရတုန်းပင်။
အဘ သက်ပြင်း တစ်ချက်ကို ချရင်း ထမ်းပိုးကို ပခုံးပြောင်းသည်။ ကန်စွန်း သုံးလေးစည်းက နွမ်းဖပ်ဖပ်နှင့် ကျန်နေပေသေးသည်။ အဘက သူ့သမီးများ ပြောလေ့ ရှိကြသော ဇာတ်သံနှင့် အော်ပြန်သည်။
“အေ ... ဒီက ကန်စွန်းရွက်”
* * *
နွေဦးသည် ပူလောင် အိုက်စပ်နေ၏။ ကြမ်းကျဲကျဲများ ကြားမှ ခြင်များ အဆုပ်လိုက် ဝင်လာကြ၏။ အဘက ခြင်များကို ပုဆိုးစုတ် တစ်ထည်နှင့် ယမ်းရင်း ဘွားရွှေမျှင်၏ ခြေသလုံး ပိန်ပိန်လေးများကို အသာ ဆုပ်ပေးနေ၏။ အင်း ... အရင်ကဆိုရင် အဘ အလှည့် ကပြီးပြီ ဆိုမှဖြင့် “ကိုရင် ညောင်းနေမှာပေါ့” ဟုဆိုကာ အိပ်မပျော်မချင်း နှိပ်နယ်ပေးတတ်သော မရွှေမျှင်။ ခုတော့ အဘ အလှည့်ပေါ့။ သမီး ဖြစ်သူကတော့ ဗိုက်ကြီး တစ်ကားကားနှင် အိပ်ပေပြီ။
“ဟဲ့ ... ကောင်မ၊ သေနေပြီလား ဟေ့”
တဲရှေ့မှ သမက်လုပ်သူ၏ အသံကြောင့် အဘ မီးခွက်ကိုယူ၍ ကပျာကယာ ဆင်းခဲ့၏။ သူ့သမက် တစ်ယောက်တည်း မဟုတ်ချေ။ ဆိုက်ကားပေါ်တွင် လူစိမ်းတစ်ဦးက ထိုင်လျက်။ သမက်လုပ်သူက အရက်နံ့ တထောင်းထောင်းနှင့် အဘနား ကပ်လာ၏။
“ဒီမှာ အဘိုးကြီး ... ခင်ဗျား တယုတယ လုပ်လုပ်နေတဲ့ ဟို မင်းသားရုပ်ကို ယူခဲ့စမ်းပါ။ ဒီမယ် ... ဒီအစ်ကိုက ဝယ်မလို့တဲ့ သိလား”
“အလို ... ဘုရား”
အဘ ဘုရားတမိသွား၏။ ဘွားရွှေမျှင်၏ မှိန်းနေသော မျက်လုံးလေးများ ပွင့်လာကြ၏ “ကိုရင် မရောင်းနဲ့” ဟူသော အသံ တိုးတိုးလေးကို ကြားရ၏။ အဘ၏ ကိုယ်ပွား မင်းသားရုပ်လေး စပယ်လှိုင်၊ သေသည်အထိ မခွဲမခွာယူမည် ဖြစ်သော အမြတ်နိုးဆုံး ပစ္စည်းလေး။ အဘ အသေသာ ခံမည်။ ဘယ်တော့မှ မရောင်းနိုင်။
“ဘာကြောင်နေတာလဲဗျ၊ အသုံးမကျတဲ့ အရုပ်ကို ဝယ်မယ်ဆိုလို့ အံ့ဩနေသလား။ ငါးရာတောင် ပေးမယ်တဲ့ဗျ၊ ငါးရာ ... ငါးရာ”
သမက်က လက်ငါးချောင်း ထောင်ပြရင်း မူးမူးနှင့် အော်နေ၏။ ဆိုက်ကားပေါ်က လူစိမ်းက '“ဟုတ်တယ် အဘ၊ ငါးရာ ပေးပါ့မယ်။ နိုင်ငံခြားသားတွေကို ရောင်းဖို့” ဟု ဝင်ပြောပြန်သည်။ အဘ၏ နှလုံးသည်းပွတ်ကို ဆုပ်ချေခြင်း ခံနေရပြီ၊ ဘွားရွှေမျှင် ဘေးနားမှ မင်းသားရုပ်လေး ထည့်ထားသော ထန်းခေါက်ဖာကို အဘ ရင်မှာပွေ့ရင်း နာကြည်းစွာ ပြန်အော်၏။
“မရောင်းဘူး ... မရောင်းဘူး၊ ဘယ်လောက် ပေးပေး မရောင်းဘူး”
အဘ အော်သံကြောင့် သမီးဖြစ်သူက ပြူးတူးပြဲတဲနှင့် ထလာ၏။
“အဖေ ရူးနေသလားဟင်၊ ငွေ ငါးရာဆိုတာ နည်းလား၊ ဆိုက်ကား ပြင်လို့ ရတယ်။ အမေ့ ဆေးကုလို့လည်း ရတယ်၊ နားလည်လား ... ပေးလိုက်စမ်းပါ ဒီအရုပ်ကို”
လှမ်းလာသော သမီးဖြစ်သူ၏ လက်ကို အဘ ပုတ်ချပစ်လိုက်သည်။
“ကျုပ် ဆေးမကုချင်ဘူး၊ ဒီအရုပ်ကို မပေးနဲ့” ဟူသော ဘွားရွှေမျှင်၏ အသံတုန်တုန်လေးကို အဘ ဝမ်းနည်းပက်လက် ကြည့်ရင်း “သမီး နင့် အမေကို မသနားဘူးလား၊ အဖေ့ကို သတ်ချင်သတ်သွား အရုပ်လေးကို မပေးပါရစေနဲ့” ဟု တောင်းပန်သော အဘအသံက ရှိုက်သံပါလာသည်။
“ကဲပါဗျာ ... ဒီလောက်မှ မရောင်းချင်တာ၊ ဇွတ်လုပ်မနေပါနဲ့၊ တခြားမှာ သွားရှာမယ်”
လူစိမ်းက ဝင်ပြောသဖြင့် ရှေ့တိုးလာသည့် သမက်၏ ခြေလှမ်းများ တန့်သွားကြသည်။ ဘုရား ... ဘုရား ...၊ ဘုရား တန်ခိုးတော်ပေပဲ။ ကျေးဇူးကြီးလှပါတယ်၊ မောင်မင်းသားကြီးရယ်။ မြန်မြန်သွားပါတော့။
သမက်ဖြစ်သူက မကြားဝံ့ မနာသာ စကားလုံးများကို ရေရွတ်ရင်း လူစိမ်းနှင့် ထွက်ခွာသွားသည်။ သမီးဖြစ်သူ၏ ခြေသံက တဲပြိုမတတ် ပြင်းထန်နေပေသည်။ မျက်ရည်များ ပြည့်လျှမ်းသော မျက်လုံးအစုံဖြင့် ဘွားရွှေမျှင်က အဘကို စိုးရိမ်တကြီး ကြည့်နေသည်။ အဘ ရင်နင့်ရပြန်ပြီ။
“မယ်ရွှေမျှင် ရယ် ... ညည်း ခုထက်ထိ၊ ငါ့အပေါ်မှာ ပါရမီဖြည့်နိုင်တုန်း ပါပဲလား”
ထိုညက ထန်းခေါက်ဖာလေးကို ထထစမ်းရင်း အဘ တစ်ညလုံး အိပ်မပျော်ခဲ့ပေ။
* * *
မင်းသားရုပ်လေး စပယ်လှိုင်၏ မျက်နှာ ပြုံးပြုံးလေးမှာ အသက်ဝင်လှသည်။ မင်းသားချိတ်ပုဆိုး၊ အဝါရောင်မှာ အရောင်မှိန်စ ပြုနေသော်လည်း မင်းသားရုပ်လေးနှင့် လိုက်ဖက်နေတုန်းပင်။ ခေါင်းပေါင်းမှ ရွှေချည် ငွေချည်လေးများကား တလက်လက် တောက်ပနေသေးသည်။
မင်းသားရုပ်ကလေးကို ငေးကြည့်နေကြသော အဘိုးအိုနှင့် အဘွားအိုတို့၏ မျက်လုံးများကား အနုပညာ ချစ်သည့်စိတ်ဖြင့် နုပျိုရွှန်းလက် နေကြပေသည်။ ကြိုးလေးများကို အသာအယာ ကိုင်တွယ်လိုက်ချိန်တွင် အနုပညာပိုးသည် ကြိုးလေးများမှတစ်ဆင့် အဘလက်ဖျားဆီသို့ စီးဝင် လာပေပြီ။ အဘ၏ ကြမ်းတမ်းသော လက်များက ကျွမ်းကျင်စွာ လှုပ်ရှားစ ပြုသည်။
“တူပြိုင် ဂူလှိုင်၊ စကားသစ္စာတိုင်၊ သံသာလေကမ်းတိုင် တူပြိုင်ကူးမယ်၊ ဆုထူးငယ် ပန်ရွယ်သွန်း ချစ်လို့ရယ်မကုန်၊ ဝသုန်ဤမြေ သိကြားစေ သက်သေညွှန်း”
အိပ်ရာပေါ်မှ ကြည့်နေသော ဘွားရွှေမျှင်၏ မွဲသီသော မျက်လုံးလေးများ တောက်ပ လာကြသည်ကို အဘလှိုင် မြင်ရ၏။ ဪ အနုပညာကို ချစ်သည့် မရွှေမျှင်။ ခုထိလည်း သူ့မှာ မရိုးနိုင်ရှာသေးပါလား။ သမက်နှင့် သမီးတို့ မရှိသော အချိန်များတွင် အဘလှိုင်ကို ကပြခိုင်းမြဲ။ ကပြတိုင်းလည်း သည်လိုပင် ဘွားရွှေမျှင်၏ မျက်လုံးလေးများက ရွှင်လန်းတောက်ပ လာစမြဲပင်။ ဒါပေမဲ့ ယဲ့ယဲ့လေးသာ ရှိတော့သော ဘွားရွှေမျှင်ကို ကြည့်၍ သည်အကြိမ်ဟာ ဘွားရွှေမျှင်ကို နောက်ဆုံး ကပြရခြင်းပေလားဟု တွေးကာ အဘလှိုင် ရင်နင့်ရ၏။
ဪ ... သီချင်းတစ်ပုဒ်တောင် ဆုံးအောင် မဆိုတတ်ပေမဲ့ အနုပညာ ဝါသနာ ကြီးလှသည့် မရွှေမျှင်။ လွန်ခဲ့သည့် နှစ်ပေါင်း သုံးဆယ်ကျော်ခန့်က ခေတ်စားခဲ့သည့် ရုပ်သေးပွဲ မှန်သမျှ ထီခနဲဆို မရွှေမျှင်တို့ ရှေ့ကရောက်ခဲ့၏။ ညဦးက လှပစွာ ပန်ဆင်ထားသော ပြောင်းဖူးပွင့်လှော် ပန်းကုံးကို တစ်ပွင့်စီ ဖြုတ်စားကာ ပတ်စာခွာ ဖျာသိမ်းထိ ကြည့်ရင်း မင်းသားကြီး ဦးစပယ်ကြိုင် တည်ထောင်ထားသော ရုပ်သေးအဖွဲ့မှ မင်းသားလေး စပယ်လှိုင်ကို စွဲလမ်းခဲ့၏။ ထို့နောက်တွင်ကား အညာမြို့လေး၏ မျက်နှာဖုံး မရွှေမျှင်၏ မိဘများ အလှူဒါနပြုတိုင်း စံပယ်လှိုင်တို့ ရုပ်သေးအဖွဲ့ ကခဲ့ရ၏။
အသံကောင်းရုံမက လူပုံချောသော ကိုစပယ်လှိုင်နှင့် မေတ္တာမျှခဲ့ကြပြီး မရွှေမျှင်တို့၏ တစ်ခုသော အလှူပွဲတွင် ကိုစပယ်လှိုင် နောက်ကို ကောက်ကောက်ပါအောင် လိုက်ခဲ့၏။ အညာမှ အောက်ပြည်အောက်ရွာသို့ ပြေးခဲ့ပြီး တခြား ရုပ်သေးဇာတ် တစ်ဇာတ်တွင် ကိုစပယ်လှိုင်ကို ဝင်ကစေကာ မရွှေမျှင်က နောက်ပိုင်းမှ ပါရမီ ဖြည့်ခဲ့၏။ ရုပ်သေးခေတ် တိမ်ကောစ ပြုချိန်တွင်လည်း ရရာအလုပ်ကို လုပ်ရင်း ကိုစပယ်လှိုင်ကို အားပေးကာ သားသမီးများနှင့် ရုန်းကန်ခဲ့ရသည်။
သားသမီးများ အရွယ်ရောက်စ ပြုချိန်တွင်တော့ သူဌေးသမီး မရွှေမျှင် တစ်ယောက် ပင်ပန်းသည့် ဒဏ်ဖြင့် အိပ်ရာထက် လဲခဲ့သည်မှာ ယနေ့ထိပင်။ အဘသီချင်း အဆုံးတွင် “ကိုရင့် အသံက ကောင်းသေးတာပဲ” ဟူသော ကပြပြီးတိုင်း ပြောမြဲစကားကို အဘလှိုင် ကြားရ၏ အဘလက်ထဲမှ မင်းသားရုပ်ကလေး၏ ပုဆိုးဖျားလေးကို ဘွားရွှေမျှင်၏ ပိန်လှီသော လက်ချောင်းကလေးများက အရင်ကလိုပင် တယုတယ ပွတ်သပ်ပေးနေရင်း
“ကိုရင်၊ ကျုပ် နည်းနည်း နေကောင်းရင် အညာကို ပြန်ကြမယ်နော်”
အဘက ခေါင်းကို တဆတ်ဆတ် ညိတ်ပြသည်။ ဘွားရွှေမျှင်က တိုးတိတ်သော အသံနှင့် ဆက်ပြောပြန်သည်။
“ကျုပ်လေ ဒီမှာ မသေချင်ဘူး၊ အညာမှာပဲ သေချင်တယ် ကိုရင်ရယ်၊ ကျုပ်သေရင်လေ အညာထုံးစံနဲ့ အသုဘချပါနော်”
အိပ်ရာထဲ လဲသည့်အချိန်မှ စ၍ ပြောသော စကားကို အဘ ရင်နာစွာ ကြားရပြန်ပြီ။
ဘွားရွှေမျှင် ပြောသော အညာထုံးစံမှာ အသုဘ ချသောအခါ လွမ်းဆွတ်ကြေကွဲဖွယ် ကောင်းသော အသုဘရှု သီချင်းကို ဆိုကာ ဆိုင်းတီး၍ ချခြင်းပင်တည်း။ အသုဘရှုသီချင်း၊ အဆိုတော်၊ အသုဘ ချရာတွင် တီးသည့်ဆိုင်း ဟူ၍ သပ်သပ်ရှိ၏။ တတ်နိုင်သူများက ရှေ့ဆိုင်း နောက်ဆိုင်းနှင့် ချကြ၏။ အင်း အညာသူ အနုပညာ ဝါသနာရှင်ကြီး ဘွားရွှေမျှင်က သူသေလျှင်တောင်မှ ဆိုင်းနှင့် ဝိုင်းနှင့် သေချင်ရှာ၏။ ဒါပေမဲ့ အဘ အဘွားရွှေမျှင်ကို မသေစေချင်သေးပါ။ သူ ပိုက်ဆံရှိလျှင် ဘွားရွှေမျှင်ကို နေကောင်းအောင် ဆေးကုပြီး နှစ်ယောက်အတူ တွဲကာ ရုပ်သေးတစ်ခေတ်ကို ပြန်လည်ထူထောင်ချင် ပါသေးသည်။ ပြန်လည်ဆန်းသစ်လာမည့် ရုပ်သေးတစ်ခေတ်ကို အဘ မျှော်လင့်ချင်ပါသေးသည်။
* * *
အဘလှိုင် လက်ထဲမှ ဘွားရွှေမျှင်၏ လက်ပိန်ပိန်လေးများမှာ အေးစက်စ ပြုလာကြပေပြီ။ ဘွားရွှေမျှင်သည် အသက်ကို ပင်ပန်းစွာ ရှူရင်း မှေးမှိန်သော မျက်လုံးလေးများကို ကြိုးစားဖွင့်နေရှာသည်။ ဘုရား၊ ဘုရား မယ်ရွှေမျှင်ရဲ့ နောက်ဆုံးအချိန် ရောက်ပြီ ထင်ပါရဲ့။ အဘလှိုင် ဘာလုပ်ရမည်နည်း။ ဆရာဝန် ပြေးခေါ်မှ ထင်ပါရဲ့။ မဖြစ်နိုင်ပါ။ အဘလှိုင် မျက်မှန်လုပ်ရန် စုထားသော ကျပ်တန်ဆယ်ရွက်ကို တင်းကျပ်စွာ ဆုပ်ထားရင်း ခေါင်းကို ယမ်းမိသည်။ အဘလှိုင် တတ်နိုင်သည့် အလုပ်ကိုပဲ လုပ်ရပေမည်။ အဘလှိုင်သည် ဘွားရွှေမျှင်၏ မျက်နှာအနီးတွင် ဘုရားစာကို ဖြည်းညင်းစွာ စရွတ်သည်။ ငြိမ်သက်စွာ နားထောင်နေသော ဘွားရွှေမျှင်ကို ကြည့်ရင်း အဘလှိုင် မျက်ရည်ဝဲစ ပြုသည်။ ဘွားရွှေမျှင်က ပါးစပ်လေးကို မသိမသာ လှုပ်ရင်း စကားပြောရန် အားယူသည်။
“ကိုရင်၊ ကျုပ်သေရင် အညာလို အသုဘချပါနော်”
ဘွားရွှေမျှင် အသံတိုးတိုးလေးကြောင့် အဘလှိုင် ရင်နာရပြန်ပြီ။
“စိတ်ချပါ မယ်ရွှေမျှင်ရယ် စိတ်ချ”
အဘလှိုင်က အထပ်ထပ် ခေါင်းညိတ်တော့မှ စိတ်ချသွားလေဟန်နှင့် ဘွားရွှေမျှင် မျက်လုံးကလေးများ ညင်သာစွာ မှိတ်သွားကြသည်။ ထာဝရ မှိတ်သွားခြင်းပေတည်း။ အဘလှိုင် သီချင်းဆိုနေစဉ် ရေခွက်ကလေးကို အသင့်ကိုင်ရင်း ပြုံးကြည့်နေတတ်သော မရွှေမျှင်။ ဆောင်းရာသီ ပွဲညများတွင် အအေးမိပြီး အသံဝင်မည် စိုး၍ တစ်ညလုံး ဂရုတစိုက် စောင်ခြုံပေးနေသော မရွှေမျှင်။ ဈေးတောင်း ခေါင်းရွက်ကာ ချွေးသံရွဲ့ရွဲနှင့် ပင်ပန်းနေသော မရွှေမျှင်။ မရွှေမျှင်၏ ရုပ်ပုံလွှာ အားလုံးကို မြင်ယောင်လာရင်း အဘလှိုင်၏ မျက်ရည်များက တပေါက်ပေါက် ကျလာကြပေသည်။
“မယ်ရွှေမျှင်ရယ် ညည်းဟာ ရှာမှရှားတဲ့ မိန်းမ။ ညည်း ငါ့ကို အမျိုးမျိုး ပါရမီ ဖြည့်ခဲ့တယ်။ ညည်း စိတ်ချမ်းသာအောင် ညည်းရဲ့ နောက်ဆုံး ဆန္ဒကို ကျုပ် ဘယ်လို ဖြည့်ရပါ့မလဲ”
အညာလို အသုဘ ချပါတဲ့။ အညာလို။ သည် ရန်ကုန်တွင် အညာလို ဘယ်လိုလုပ်ပြီး အသုဘ ချရပါ့။
ဘေးနားမှ အသံဗလံများနှင့် “အဖေ လုပ်စရာရှိတာ လုပ်ကြရအောင် လေ” ဟူသော သမီး၏ အသံကိုကြားမှ အဘလှိုင် ပတ်ဝန်းကျင်ကို သတိရ လာသည်။ သမက်လုပ်သူ၏ ဟောင်ဖွာဖွာနှင့် ပြောနေသံကို ကြားရ၏။ အရပ်ထဲမှ လူအနည်းငယ်နှင့် အဘလှိုင်တို့ တဲလေး မသိမသာ လှုပ်ရှားစ ပြုလာပြီ။ အသုဘအိမ်ကိုး။ သို့သော် အသုဘအိမ်တိုင်းတွင် ကြားရလေ့ရှိသော သေသူကို တမ်းတ ငိုကြွေးသံတို့ကား ကင်းမဲ့နေ၏။ အေးလေ၊ သူတို့ အတွက်တော့ အသုံးမကျတဲ့ လူပိုတစ်ယောက် လျော့သွားတာပေါ့။ အဘလှိုင်နှင့် မင်းသားရုပ်လေးတို့ အဖို့မှာတော့ ကြီးမားသည့် ဆုံးရှုံးမှုကြီး တစ်ရပ်ပင်။
သူ့နားသို့ ရောက်လာသော သမက်နှင့် လူကြီးများကို အဘလှိုင် အားကိုးစွာ ကြည့်လိုက်၏။
“ဒီမှာ ကျုပ် တစ်ခု ပြောပါရစေ။ မယ်ရွှေမျှင်ရဲ့ အသုဘ ချဖို့အတွက် ဆိုင်းငှားပေးကြပါဗျာ။ ကျုပ်တို့ အညာလိုလေ။ သူမသေခင်က တဖွဖွ မှာသွားရှာလို့ပါဗျာ နော် ... အဲဒါလေ”
“ဟာ ... အဘိုးကြီး၊ ဘာတွေ လျှောက်ပြောနေတာလဲ၊ ဘာ အညာလိုလဲ။ ဘာဆိုင်းလဲ။ ဒီမှာက ကားတောင် မတတ်နိုင်လို့ ဒီတိုင်း ထမ်းချမှာ၊ ဟင်း ကြံတောနဲ့ နီးတာပဲ ကံကောင်းတယ် မှတ်ပါ”
သမက်လုပ်သူက ခါးခါးသီးသီး ငြင်းနေသည့် ကြားမှပင် အဘလှိုင် ဇွတ်တောင်းပန်ပြန်သည်။
“မဟုတ်ပါဘူးကွယ်၊ အဖေ သူ့ဆန္ဒလေး ဖြည့်ပေးချင်လို့ပါကွယ်၊ ဖြစ်နိုင်အောင် ကြိုးစား”
“တော်တော့ဗျာ၊ ခင်ဗျားရဲ့ ဇာတ်သံကြီးကို။ ဒါ ရန်ကုန်ဗျ၊ ထုံးစံ မရှိ ဘူး။ ဘယ်လိုမှ မဖြစ်နိုင်ဘူးဗျာ။ ဘယ်လိုမှ မလုပ်နိုင်ဘူးဗျာ။ ကဲ၊ ရှင်းပြီလား”
သမက်လုပ်သူ စကားအဆုံးတွင်တော့ အဘတစ်ယောက် ခေါင်းငိုက်စိုက်နှင့် ဘာမျှ ပြန်မပြောနိုင်တော့ပါ။
* * *
“ကဲ ... ကဲ ... သွားကြရအောင်၊ ထမ်းမယ့်သူတွေ လာဟေ့”
လူကြီးတစ်ယောက်၏ ဆော်ဩသံနှင့်အတူ အသုဘရှု၊ ပရိသတ် အနည်းငယ်နှင့် ဘွားဘွား ရွှေမျှင်၏ အသုဘ ထမ်းစင်သည် ထွက်ခွာရန် အသင့် ဖြစ်နေပေပြီ။
“နေဦး ... နေဦး၊ ဦးလှိုင် မမြင်ဘူး၊ ဘယ်ရောက်နေလဲ”
“ဟာ ... အရေးထဲ အဖေကလည်း ဘယ်ရောက်သွားပါလိမ့်”
သမီးဖြစ်သူက စူစူဆောင့်ဆောင့်နှင့် ဟိုကြည့် သည်ကြည့် ကြည့်သည်။
“ဒီအဘိုးကြီးကို သိပ်ပြဿနာ ရှုပ်တာပဲ။ ကဲ သွားသာ သွားဗျာ၊ အချိန် မရှိဘူး” ဟု သမက်က ပြောလိုက်သဖြင့် ဘွားရွှေမျှင် အသုဘ ထမ်းစင်သည် ဖြည်းညင်းစွာ ထွက်ခွာစ ပြုသည်။ လူအနည်းငယ်က နောက်မှလိုက်လျက် ငိုသံရှိုက်သံ ကင်းမဲ့စွာဖြင့် မဟာရန်ကုန်၏ အခြောက်သွေ့ဆုံး အသုဘ အခမ်းအနားပင်တည်း။
သည်အခိုက်မှာပင်
“နေကြပါဦး၊ နေကြပါဦး၊ ကျုပ်ကို စောင့်ကြပါဦး”
အမောတကော အော်ပြောလိုက်သော အသံကြောင့် လူအားလုံး လှည့်ကြည့်လိုက် ကြသည်။ လင်းကွင်းတစ်ချပ် ပူးချည်ထားသော ဗျိုင်းတောင်ကို လွယ်လျက် တစ်ဖက်က တုတ်တိုလေးကို ကိုင်ကာ အသုဘ ထမ်းစင်နောက်သို့ အပြေး လိုက်လာနေသော အဘ။ ချွေးတွေ ရွှဲနစ်နေသော အဘသည် သူ့ကို အံ့ဩတကြီး ဝိုင်းကြည့်နေကြသော သူ့သမက်နှင့် သမီးအပါအဝင် လူအားလုံးကို ဂရုမစိုက်ပါ။ သူက ဘွားရွှေမျှင်၏ အသုဘ ထမ်းစင်နောက်တွင် ကပ်ကာ ရပ်လိုက်သည်။ ထို့နောက်တွင်ကား လွမ်းဆွတ်ကြေကွဲဖွယ် ကောင်းလှသော အညာဒေသ၏ အသုဘရှု၊ သီချင်းသံသည် ရင်နင့်ဖွယ်ရာ ပျံ့လွင့်လာတော့သည်။
“ရွှေသုသာန်မြေကိုလေး မောင်မယ် တူမြန်းရတော့မယ်”
သံဃာတော်များရယ်က ... ကြည်ညိုသဒ္ဓါ ပွားပါလို့ ... တရားတော် ... တရားတော် နာစို့လေး”
အဘလှိုင်၏ လှိုက်လှဲကြေကွဲဖွယ် ဆွဲဆွဲငင်ငင် ဆိုလိုက်သော သီချင်းသံနှင့်အတူ ဗျိုင်းတောင်နှင့် လင်းကွင်းတို့ကို အချက်ကျကျ တီးခတ်သံက လေးလေးမှန်မှန် ထွက်ပေါ်နေပေသည်။
“မယ်ရွှေမျှင်ရေ ... ညည်းရဲ့ နောက်ဆုံးဆန္ဒကို ကျုပ် တတ်နိုင်သမျှ ဖြည့်စွမ်းနေပြီလေ။ ညည်း ကျေနပ်နိုင်ပါစေကွယ်”
ဗျိုင်းတောင်ကို တီးခတ်ရင်း အဘက တီးတိုး ရေရွတ်နေသည်။ အဘိုးအို၏ မျက်ရည်ပူများက အဆက်မပြတ် တီးခတ်နေသော တုတ်တိုလေးပေါ် သို့ ပိုးပိုးပေါက်ပေါက် ကျနေကြသည်။
လူများ၏ အံ့အားတသင့် အကြည့်များ၊ သမီးနှင့် သမက်၏ ဒေါသ အကြည့်များ၊ “ဟယ် ... အဘိုးကြီး ရူးသွားရှာပြီ ထင်ပါ ရဲ့”၊ “သနားစရာ” ဟူသော တီးတိုးသံများ အားလုံးကို အဘ မမြင်ပါ။ မကြားပါ။ တုတ်တိုလေးက ဗျိုင်းတောင်ပေါ်တွင် တဆတ်ဆတ်ခုန်ကာ လှုပ်ရှားဆဲ၊ ရုပ်သေး မင်းသားကြီး ဦးစပယ်လှိုင်၏ လှိုက်လှဲစွာ သီဆိုသံက ကြေကွဲဖွယ် ထွက်ပေါ်နေမြဲပင်။
သံဃာတော်များရယ်က ... ကြည်ညိုသဒ္ဓါပွားပါလို့ ...
တရားတော် ... တရားတော် ... နာစို့လေး ...
--------------
နုနုရည် အင်းဝ
သဘင် မဂ္ဂဇင်း၊ ဇန်နဝါရီလ၊ ၁၉၈၅။

ချစ်ကတိတော့ မပျက်ဘူး ကေသီ

ချစ်ကတိတော့ မပျက်ဘူး ကေသီ (သော်တာဆွေ)
-------------------------------------------------------
မဟာအချစ်ဝတ္ထုကြီး
မောင်မောင်သန်းသည် ရန်ကုန် မန္တလေးသွား စာပို့ရထားပေါ်သို့ မိမိ လက်မှတ်ပါသော တွဲနံပါတ်၊ အခန်းနံပါတ်၊ ခုံနံပါတ်တို့ကို ကြည့်၍ တက်ခဲ့ရာ၊ ထိုအခန်းထဲ ဝင်လျှင်ဝင်ချင်း မိမိအရင် ရောက်နှင့်နေသော လုံးကြီးပေါက်လှ အမျိုးသမီးချော တစ်ယောက်ကို မြင်ရသည်၌ သူ့စိတ်ထဲတွင် ဖြစ်ပေါ်သွားပုံကို (...?) လွန်စွာမှ အံ့ဩမိတော့၏။ အကြောင်းမှာ မောင်မောင်သန်း၏ ဇနီးချော သေဆုံးသည်က မကြာသေး၊ ရက်လည် ဆွမ်းသွတ်ပြီး သုံးရက်မျှ အကြာ၌ အိမ်တွင် ဇနီး၏ ခြေရာလက်ရာတွေ ကြည့်နေ မြင်နေရ ပူဆွေးဒုက္ခ ရောက်လှသဖြင့် စိတ်ပြေလက်ပျောက် ဟူ၍ ခရီးရှည် ထွက်ခဲ့ခြင်း ဖြစ်၏။
သူတို့ လင်မယားသည် မိဘက ပေးစား၍ ယူခဲ့ရသည် မဟုတ်၊ ကိုယ့်ဘာသာကိုယ် သမီးရည်းစား ထားပြီးမှ ယူခဲ့ကြရာ တစ်ဦးကိုတစ်ဦး လွန်စွာပင် ချစ်ကြလျက် ဇနီးသည် အမည်က "ကေသီ" ဖြစ်သည်၊ ကိုမောင်မောင်သန်းက အဖျားဆွတ်၍ "သီ" ဟု ခေါ်သကဲ့သို့ ကေသီကလည်း သူ့ကို "သန်း" ဟု ခေါ်ခဲ့၏။ သူတို့အိမ် သွားလျှင် "သီရေ" "သန်းရေ" "သီရေ" "သန်းရေ" နှင့် တသီတတန်းကြီး ချစ်ခဲ့ကြသူများ ဖြစ်၏။
သူတို့ လင်မယား ချစ်ကြသည်မှာ အခြား လင်မယားတွေ ချစ်တာထက် ရှစ်ဆပိုသည်ဟု အောက်မေ့ခဲ့ကြ၏။ မောင်မောင်သန်း အလုပ်သွားမည် ဆိုလျှင် ကေသီသည် အိမ်ပေါက်ဝအထိ လိုက်လာခဲ့၍ ပါးကလေးကို မော့ပေးရာ မောင်မောင်သန်းက ရွှတ်ခနဲ နမ်းပြီးမှ "တာ့တာ ... တာ့တာ" ဟု တစ်ယောက်တစ်ယောက် နှုတ်ဆက်ကာ ထွက်သွား၏။ အပြန်တွင်လည်း ကေသီက အပေါက်ဝမှ ဆီးကြိုနေကာ မွှေးမွှေးသ,ထားသော ပါးပြင်ကလေးကို မော့ပေး၏။ ပြီးမှ တူစုံမောင်မယ် တစ်ယောက်ခါး တစ်ယောက် ဖက်၍ လာကြ၏။
ဤသို့လျှင် သူတို့ လင်မယားသည် ကမ္ဘာပေါ်မှာ အချစ်ဆုံး လင်မယားပဲဟု သူတို့စိတ်မှာ စွဲမြဲကာ ပေါင်းသင်းခဲ့ရာ ငါးနှစ်မျှ အကြာ၌ ကေသီအား သေမင်းက ချောဆွဲသွားသဖြင့် ဖော်ပြခဲ့သည့်အတိုင်း မောင်မောင်သန်းသည် ရောက်ရာ ပေါက်ရာ ဟူ၍ ခရီးရှည် ထွက်ခဲ့ခြင်း ဖြစ်တော့၏။ စစ်ကိုင်းတောင်ရိုး ရောက်သော် ရဟန်းဘောင် ကူးမည် ဟူ၍လည်း စိတ်ကူးခဲ့၏။
မောင်မောင်သန်း စိတ်ထဲ တသသ, မမေ့နိုင်သည်ကား ကေသီ သေခါနီး၌ "သန်းရယ်၊ သီတော့ ဒီတောင်က မကျော်နိုင်တော့ပါဘူး၊ သီသေရင်လေ သန်း ... သန်းတော့ နောက်မိန်းမ ယူတော့မှာပဲနော်၊ အဟင့် ... ရွှတ် ... ဖတ်"
ထိုအခါ မောင်မောင်သန်းက ကေသီ နှုတ်ခမ်းအစုံကို လက်ညှိုးနှင့် အသာလေး ဖိလိုက်ကာ ...
"အို ... သီ ... သန်းကို ဒီလိုမထင်နဲ့ သန်းဟာလေ သီကလွဲရင် ဘယ်သူ့မှ မယူတော့ပါဘူး ဆိုတာ ကတိပေးပါတယ်၊ မင်းမှာသစ္စာ လူမှာကတိတဲ့ ယုံပါနော် အချစ်ရယ်"
ယင်းသို့ဖြင့် ကေသီ အသေဖြောင့် သွားသည်ဟု မောင်မောင်သန်း ယုံကြည်၏။ မိမိကလည်း ယောက်ျားတစ်ယောက် အနေဖြင့် သွားလေသူ ဇနီးအား ပေးလိုက်သည့် ကတိကို မဖျက်ပါဘူးဟု အဓိဌာန် ပြုထားပါ၏။
သို့စဉ်လျက် ယခု ဒီမီးရထားပေါ်မှ ဒီအမျိုးသမီးချော မြင်ရတော့ မိမိစိတ်၌ ဖြစ်ပေါ်လာပုံမှာ ထူးဆန်းလေစွဟု အောက်မေ့ရတော့၏ ၊ အို ... လောကကြီး၌ လူ့စိတ်သည် အံ့ဩဖွယ်ရာ ပါတကား၊ ပုထုဇဉ်နော ဥမ္မတကော ဟူ၍ ရှင်တော်ဘုရား ဟောခဲ့တာ မှန်လှလေစွဟု ဘုရားသခင်၏ ဂုဏ်တော်ကို ချီးကျူးမိပြန်တော့၏။
ယခု အမျိုးသမီးသည် ကေသီ အရွယ်လောက်ပဲ၊ ကိုယ်လုံးကိုယ်ထည် ပြည့်ပြည့်နှစ်နှစ် တစ်တစ်ရစ်ရစ် ဖောင်းဖောင်းအိအိ နေလိုက်ပုံကြီးကလည်း ကေသီဘော်ဒီနှင့် တူလိုက်ပါဘိ၊ ထိုအမျိုးသမီး၏ ခန္ဓာကိုယ်ကို ကြည့်၍ ဟိုဟိုဒီဒီ စဉ်းစားမိတော့ မိမိမယား ကေသီဘအသက်ပြန်ရှင် လာလေသလားဟုပင် တင်စားမိတော့သည်။
ဤအမျိုးသမီး၌ သူ့အဖော် အဒေါ်ကြီးတစ်ယောက် ပါခဲ့သည်၊ ယင်းသို့ဖြင့် ရထားထွက်ခဲ့တော့ ခရီးသည်တို့အား မီးရထားက လော်စပီကာဖြင့် ဓာတ်ပြားဖွင့်၍ ဖျော်ဖြေသည်။
"ပျိုပျိုမေ အလည်အပတ် ထွက်တယ် ... မော်တော်ကားနဲ့ရယ် ... ရှမ်းပြည်ကို တောင်ပိုင်းရော ... မြောက်ပိုင်းရော ရောက်ခဲ့တယ်။ ရှမ်းမလေးတွေပေါတယ် ... ချောတယ် ... အေးချမ်းသာတဲ့ဋ္ဌာနီဝယ် ... ပါးကလေးတွေနီမြန်းလို့ရယ် .... ချစ်စရာကောင်းလှပါပေတယ် ... ကြိုက်စရာကောင်းပါပေတယ် ... ပျိုပျိုသွားဦးမယ် ... ကိုကိုရယ် တူလိုက်ကွယ် ..."
မောင်မောင်သန်းသည် ဒီသီချင်းကို သူ့အနီးတွင် ရှိနေသော အမျိုးသမီးက သီဆို၍ သူ့အား ရှမ်းပြည်ကို လိုက်ရန် ခေါ်နေသည်ဟု အောက်မေ့မိ၏။
ဤဓာတ်ပြား ပြီးတော့ နောက်ထပ် သီချင်းတစ်ပုဒ် လာပြန်၏။
"မြင်ရင်မြင်ခြင်းပဲကွယ် ချစ်မိကြိုက်မိတယ် ... သူဇာနတ်နှယ် ယုံပါကွယ်၊ ရာသက်ပန် မခွဲဘဲ အမြဲပဲ အသည်းစွဲပေါင်းဖို့ ဆုတောင်းရွယ် ..."
ဤသီချင်းမှာ ပြည်လှဖေက သူ့ကိုယ်စားပဲ သီဆိုပေးနေသည်ဟု မောင်မောင်သန်း စိတ်ထဲတွင် အောက်မေ့မိပြန်၏။
ယင်းသို့ဖြင့် မီးရထားကြီးသည် တစ်ဘူတာဝင် တစ်ဘူတာထွက်နှင့် လာခဲ့လေရာ တောင်ငူ ဘူတာသို့ ရောက်သော အခါ၌ မောင်မောင်သန်းသည် ထိုအမျိုးသမီး၊ ထိုအဒေါ်ကြီးတို့နှင့် သိကျွမ်း ခင်မင်သွားလေပြီ၊ အကြောင်းမှာ မောင်မောင်သန်းသည် "ပေးကမ်းခြင်း အောင်စေရာ" ဆိုသည့်ထုံးကို နှလုံးမူ၍ ရောက်လေရာ ဘူတာမှာ သူကချည်း ဝယ်ခြမ်း ကျွေးမွေးသောကြောင့် ဖြစ်၏။ သူ့ ပိုက်ဆံအိတ် ဖောင်းဖောင်းကြီးထဲမှ ငွေစက္ကူ အထပ်လိုက်ကြီးတွေကို ထုတ်ထုတ် သုံး၍လည်း ဖြစ်၏။
အဒေါ်ကြီး နာမည်က ဒေါ်လှသောင်းတဲ့၊ ထို အမျိုးသမီးချော နာမည်က ခင်စောအိတဲ့၊ သူ့ကိုယ်သူ ပြောတော့ "အိ" တဲ့။
သို့သော် ခင်စောအိ မျက်နှာကို အကဲခတ်ရသည်မှာ မောင်မောင်သန်း စိတ်ထဲတွင် တယ်ပြီး ကြည်သာသည်ဟု မထင်၊ တစ်စုံတစ်ခုကို ပူဆွေးသောက ရောက်နေပုံပဲ။
ထို့ကြောင့် ပျဉ်းမနားဘူတာ အလွန်တွင် မခင်စောအိ အိမ်သာ ဝင်သွားစဉ်၌ မောင်မောင်သန်းက အဒေါ်ကြီးအား ...
"အန်တီသောင်းရယ် ... တစ်ခု မေးပါရစေ၊ အိမျက်နှာ ကြည့်ရတာ တယ်ပြီး မရွှင်ပျဘူးဗျ"
ထိုအခါ အဒေါ်ကြီးက
"ဪ ... မောင်မောင်သန်းတော့ သိရတာ မကြာသေးပေမယ့်လို့ ကိုယ့်တူရင်း သားရင်းလို ခင်လို့ ပြောရဦးမယ်၊ အိက မုဆိုးမ ဖြစ်တာ မကြာသေးဘူးကွယ့်"
မောင်မောင်သန်း မျက်လုံးအပြူးသားနှင့် ပါးစပ်အဟောင်းသား ဖြစ်သွားကာ
"ဪ"
အဒေါ်ကြီးက
"အဲဒါ ရက်လည် သပိတ်သွပ်ပြီးလို့ သုံးရက်ပဲ ရှိသေးတယ်၊ အိမ်မှာ သူ့လင် ခြေရာလက်ရာတွေ ကြည့်ရတာ ပူဆွေးသောက ရောက်လှတယ်၊ ဒါကြောင့် စိတ်ပြေလက်ပျောက် ဆိုပြီး အဒေါ်နဲ့ ခရီးရှည် ထွက်လာကြတာ"
"ဪ ....."
မောင်မောင်သန်းသည် ဒုတိယမ္ပိ ဪရပြန်၏။
အဒေါ်ကြီးက စကားဆက်သည်။
"သူတို့လင်မယားက တစ်ယောက်တစ်ယောက် သိပ်ချစ်ကြတာကွယ့်၊ သူ့ယောက်ျား နာမည်က မောင်ဖိုးသာကို "သာ" လို့ အဖျားဆွတ်ကလေး တစ်လုံးထဲ ခေါ်တယ်၊ သူ့လင်ကလဲ သူ့ကို "အိ" တဲ့"
"ဪ ..."
မောင်မောင်သန်း၏ တတိယမ္ပိ ဪ ....
"အဲလိုချည်း သာ ... အိ၊ သာ ... အိ နဲ့ သာအိ တစိုစို နေရာက သူ့လင်ဟာ အနိစ္စသဘော ကိစ္စချော သွားတာကွယ့်၊ သူ့ယောက်ျားက ကိုယ်လုံးကိုယ်ဖန်ချင်း မင်းနဲ့ ခပ်ဆင်ဆင် တူသေးတော့"
"ဪ ..."
မောင်မောင်သန်း၏ စတုတ္ထမြောက် ဪ ...
"အောင်မလေး သူတို့ လင်မယားက တစ်ယောက် တစ်ယောက် အင်မတန် ကယုကယင် နေကြတာ၊ မောင်ဖိုးသာ အလုပ်သွားမယ် ဆိုရင်လေ၊ အိက အိမ်ပေါ်ဝထိအောင် လိုက်သွားပြီး ပါးကလေး မော့ပေးလိုက်တယ်၊ မောင်ဖိုးသာက မွှေးပြီးတော့မှ တာ့ ... တာ၊ တာ့ ... တာနဲ့ တစ်ယောက်တစ်ယောက် နှုတ်ဆက်သွားကြတယ်၊ အပြန်မှာလည်း မယားက ဒီလိုပဲ အပေါက်ဝက ဆီးကြိုတယ် ပါးကလေး မော့ပေးတယ်"
"ဪ ..."
မောင်မောင်သန်း၏ ပဉ္စမမြောက် ဪ ...
"အဲသည်လိုပဲ ပေါင်းသင်း လာခဲ့ကြတာ ငါးနှစ်ကြာတော့ မောင်ဖိုးသာ ဖျားပြီး သေခါနီးမှာ (အိရယ် တဲ့၊ သာ မရှိတော့ဘူး ဆိုရင် အိ နောက်လင် ယူတော့မှာပေါ့နော်) ဆိုတော့ အိက (သာ စိတ်ချသာ သွားတဲ့၊ အိဟာ သာက လွဲရင် ဘယ်သူမှ မယူပါဘူး) လို့ ကတိ ပေးလိုက်တယ်၊ ဒီတော့မှလဲ မောင်ဖိုးသာဟာ အသေဖြောင့် သွားပါတယ်ကွယ်" ဟု အဒေါ်ကြီးက လွမ်းလွမ်းဆွေးဆွေး ပြောပြသည်။ ဒီအခါတော့ မောင်မောင်သန်းသည် ဆဌမမြောက် မ"ဪ" နိုင်တော့ပဲ မချိတင်ကဲ အသံကြီးနှင့်
"အောင်မယ်လေး ... အန်တီသောင်းရယ်၊ ကျွန်တော့် အဖြစ်နဲ့ တူလိုက်တာဗျာ" ဟု ဆိုပြီး သူ့အကြောင်းကို ပြောပြလိုက်တော့ အဒေါ်ကြီးက အားရပါးရ ရယ်မောပြီး ...
"အင်း ... မင်းတို့ တူနှစ်ကိုယ်ချင်းတော့ တွေ့နေပြီကောကွဲ့၊ မင်းခုန အိမ်သာ သွားနေတုန်းကလဲ အိက ဒီလူ့မျက်နှာ ကြည့်ရတာ သိပ်ရွှင်ပျပုံ မပေါ်ဘူးတဲ့၊ ပြောတယ်"
ဤတွင် မောင်မောင်သန်း ပျာပျာသလဲ ဖြစ်သွားကာ ...
"ဟင် ... ဟုတ်လား အန်တီသောင်း၊ ဟုတ်လား အန်တီသောင်း ..."
"ဟုတ်တယ် ... မင်းက သူ့ကို စိတ်ဝင်စားသလိုပဲ၊ သူကလဲ မင်းကို စိတ်ဝင်စားပုံပဲ၊ ဒါပေမယ့် မင်းအကြောင်း အန်တီက မသိသေးတော့ ပြောမပြလိုက်ရဘူး၊ ခုတော့ ပြောလိုက်မယ်လေ၊ အိ အိမ်သာက ပြန်လာတော့၊ မင်းက အိမ်သာထဲ သွားနေပေါ့ဟုတ်လား"
ယင်းသို့ဖြင့် မောင်မောင်သန်း အီးအီးမပါဘဲနှင့် အိမ်သာထဲတွင် တစ်အောင့်တနားကြီး နေလိုက်ရ ပြန်၏။
ဪ ... သွားလေသူတို့အား မောင်မောင်သန်းက "သီကလွဲရင် ဘယ်သူမှ မယူပါဘူး" ခင်စောအိက "သာကလွဲရင် ဘယ်သူမှ မယူပါ" ဟု ချစ်ကတိတွေ ကိုယ်စီ ပေးလိုက်ကြပြီမို့ တစ်ဦးအဖြစ် တစ်ဦး သိနေကြသော သူတို့နှစ်ယောက်အဖို့ ခက်မနေကြပေဘူးလား။
သို့သော် ... မခက်ပါဘူး၊ လောကတွင် လိုလျှင်ကြံဆ နည်းလမ်းရသည်မို့ ရမည်းသင်း ဘူတာ အလွန်တွင် ဤပြဿနာကို ဟိုအဒေါ်ကြီး ဒေါ်လှသောင်းကပဲ ဖြေရှင်းပေးလိုက်ပါ၏။
"မင်းတို့က ခုမှ မုဆိုးဖို, မုဆိုးမ စလုံးရေ စရုံ ရှိကြသေးတာကွာ၊ ငါက ငါး မုဆိုးမ၊ မုဆိုးမ ငါးခါ ဖြစ်ခဲ့ပါပြီကွယ်၊ သေခါနီး လူတွေက သူတို့ အသက်ကလေး ထွက်ပါမယ့် အရေး၊ အင်မတန် ဇီဇာ ကြောင်တာကွယ့်၊ ငါလဲ ဒီကတိမျိုးတွေ ပေးခဲ့ဘူးသပေါ့၊ အမှန်တော့ သေခါနီးလူကို ပေးလိုက်တဲ့ ကတိလဲ မပျက်ရအောင်၊ ကိုယ့်ဆန္ဒလဲ ပြည့်ရအောင် မြွေမသေ တုတ်မကျိုး နည်းရှိပါတယ်ကွ၊ အဲ ... ငွေလေးတော့ အနည်းအကျဉ်း ကုန်မယ်ပေါ့ကွာ၊ အခုနှစ်မှာ သတင်းစာတွေက ကြော်ငြာခ တစ်ကော်လံ တစ်လက်မကို ဘယ်လောက် ယူသလဲ"
မောင်မောင်သန်းက သွက်လက် ဖျတ်လတ်စွာ၊
"၁၅ိ/- ခင်ဗျ"
"အောင်မယ်လေး ... ဟိုတုန်းက ၈ိ/- ပါကွာ၊ ကြေးမုံ သတင်းစာမှာ ဆိုရင် ပိုင်ရှင် အယ်ဒီတာက အန်တီ့ သူငယ်ချင်းမရဲ့ သားမက် ဖြစ်နေတော့ အန်တီဆို တစ်ပြားမှတောင် မပေးရဘူး၊ ငါ နောက်လင်တစ်ခါ ယူခါနီးတိုင်း ဖရီး ကြော်ငြာတာချည်းပဲ"
"ဘယ်လို ကြော်ငြာရမလဲ ခင်ဗျ"
မောင်မောင်သန်းက မေး၍ အဒေါ်ကြီးက သူ့နည်းသူ့ဟန်ကို ပြောပြတော့ ခင်စောအိရော မောင်မောင်သန်းပါ သဘောကျလှသဖြင့် သူတို့သည် သေသူများ၏ အသက်အာမခံငွေတွေ မြိုးမြိုးမြက်မြက် ရထားသည့်အတိုင်း မြိုးမြိုးမြက်မြက်ပဲ ဉာဏ်ပူဇော်ခ ကမ်းပေးလိုက်ကြပြီး သာစည်ဘူတာ အရောက်၌ ရန်ကုန်ရထားပေါ်က ဆင်းခဲ့ကြ၍ မန္တလေးမှ လာသော အစုန်ရထားဖြင့် ရန်ကုန်သို့ ပြန်လိုက်ခဲ့ကြလေ၏။ သူတို့ ရန်ကုန် ရောက်ပြီး နောက်တစ်နေ့ သတင်းစာများ၌
-------
နာမည်ပြောင်းခြင်း
မြောက်ဥက္ကလာပ၊ ခိုင်သစ္စာလမ်း၊ အမှတ် (၇၅) နေ ကျွန်တော် မောင်မောင်သန်း၏ နာမည်ကို မောင်မောင်သာဟု ပြောင်းလိုက်ပါကြောင်း။
ပုံ - မောင်မောင်သာ
------
၎င်းကြော်ငြာအောက်မှာပဲ
--------
နာမည်ပြောင်းခြင်း
တောင်ဥက္ကလာပ၊ သမ္ဘူလရပ်ကွက်၊ အမှတ် (၁၅၀၉) နေ ကျွန်မ ခင်စောအိ နာမည်ကို ခင်စောသီဟု ပြောင်းလိုက်ပါကြောင်း။
ပုံ - ခင်စောသီ
----------
ဤသို့ နာမည်ပြောင်း ကြော်ငြာများ ပါပြီးနောက် တစ်နေ့ သတင်းစာများ၌
---------
လက်ထပ်ပြီးစီးခြင်း
မြောက်ဥက္ကလာပ၊ ခိုင်သစ္စာလမ်း၊ အမှတ် (၇၅) နေ ကျွန်တော် မောင်မောင်သာနှင့် တောင်ဥက္ကလာပ၊ သမ္ဘူလရပ်ကွက်၊ အမှတ် (၁၅၀၉) နေ ကျွန်မ ခင်စောသီ တို့သည် မနေ့က ပြည်သူ့တရားရုံး၌ လက်ထပ်ပြီးစီးပါကြောင်း။
ပုံ - မောင်မောင်သာ+ခင်စောသီ
----------
ယင်းသို့လျှင် သူတို့နှစ်ယောက်သည် သွားလေသူတို့အား ပေးလိုက်သော ကတိများလည်း မပျက်စေဘဲ မယားက လင်ကို "သာ"၊ လင်က မယားကို "သီ" ဟု သီ သီ သာ သာ နှင့် တီတီတာတာ ပေါင်းသင်း နေကြလေသတည်း။
ကောင်းနော် ...
-----------------
သော်တာဆွေ
သွေးသောက် မဂ္ဂဇင်း၊ အမှတ် ၃၉၅၊ နိုဝင်ဘာလ၊ ၁၉၇၅။

ကမ္ဘာကုန်ကျယ်သရွေ

ကမ္ဘာကုန်ကျယ်သရွေ့ (ဘာသာပြန်သူ - မြသန်းတင့်)
-----------------------------------------------------
(နောက်ဆုံးထုတ် ကမ္ဘာ့ဘဏ် စာရင်းများအရ ကမ္ဘာ့ လူဦးရေသည် ၁၉၆၀ ခုနှစ်တွင် သန်းပေါင်း ၃၀၃၇၊ ၁၉၈၄ ခုနှစ်တွင် သန်းပေါင်း ၄၇၅၀ ဖြစ်ပြီး သက္ကရာဇ် ၂၀၂၅ ခုနှစ်တွင် သန်းပေါင်း ၈၂၉၇ ရှိမည်ဟု ခန့်မှန်းထားသည်။ ယခု ဝတ္ထုတိုကို ရေးသူမှာ အင်္ဂလိပ်လူမျိုး သိပ္ပံ စာရေးဆရာနှင့် လူဦးရေဗေဒ ပညာရှင် ဂျိမ်းဘောလဒ် ဖြစ်ပြီး ဝတ္ထုကို ကမ္ဘာ့လူဦးရေ သန်းပေါင်းနှစ်သောင်း ရှိမည့်အချိန်တွင် နောက်ခံပြု ရေးထားသည်။ ကမ္ဘာ့လူဦးရေ များပြားလွန်းသည့် အတွက် ကမ္ဘာ့ကွက်လပ်များ အားလုံးကို လယ်ယာများနှင့် စက်မှုထုတ်ကုန်များ ထုတ်သည့် စက်ရုံကြမ်းပြင်များ အဖြစ် ပြောင်းထားရပြီး လူများမှာ မက်ဂါစီးတီးခေါ် မဟာမြို့ကြီးများတွင် စုပြုံနေကြရသည်။ ကျေးလက်ဟူ၍ မရှိတော့။ မြို့ကြီးများတွင် စုပြုံနေရသည့် အတွက် မြို့များတွင် ယာဉ်များ သွားစရာ မရှိ။ လမ်းမပေါ်တွင် ခြေကျင် လျှောက်နေကြရသည်။ လူတစ်ဦးလျှင် ဆယ်ပေခန့် ရှိသည့် အကန့်လေးတွေ ဖွဲ့ပြီး နေရာချထားပေးရသည်။
ကမ္ဘာ့လူဦးရေသည် ဂဲဩဓမထရီနှုန်း အတိုင်း တိုးတက်နေသည်။ လူဦးရေသည် စားနပ်ရိက္ခာ ထုတ်လုပ်နိုင်သည်ထက် များလာနေသည်။ ထို့ကြောင့် လူမှုရေး၊ စာရိတ္တရေးရာတို့ဖြင့် လူဦးရေ ကန့်သတ်ရေးကို လုပ်ရမည်ဟူသော အင်္ဂလိပ် ဘောဂဗေဒ ပညာရှင် မဲလ်သပ်စ်၏ အယူအဆကို ဘောလဒ် လက်ခံသည်။
ဤဝတ္ထု၌ ဘောလဒ်သည် ထိုခေတ်တွင် ကြုံတွေ့ရမည့် ပြဿနာများ၊ လူမှုရေး ကိစ္စများ၊ ပဋိပက္ခများကို တင်ပြထားသည်။)
--------
မနက် လင်းအားကြီးမှ စ၍ ညမိုးချုပ်အထိ လှေကားတစ်လျှောက်မှ တက်သံ၊ ဆင်းသံတွေကို ဝါ့ဒ်၏ အခန်းကျဉ်းကလေး ထဲမှ ကြားနေရသည်။ သူ့အခန်းမှာ လေးထပ်နှင့် ငါးထပ်သို့ တက်သည့် လှေကားခြေရင်း အကွေ့ ချောင်ကလေးထဲတွင် ရှိပြီး နံရံကို အထပ်သား ပါးပါးကလေးတွေ ကာထားသည်။ လှေကားပေါ်သို့ ခြေတစ်ချက် ချလိုက်သည်နှင့် သူ့အခန်းနံရံ ပါးပါးကလေးသည် ကွေးညွတ်သွားကာ အိုမင်းစပြုနေသည့် လေရဟတ်ကြီး တစ်ခုမှ သစ်သားမောင်းတံကြီးများလို တကျီကျီ မြည်နေကြသည်။ အပေါ်ထပ်တွင် အထပ်သုံးထပ် ရှိပြီး ထိုအထပ်သုံးထပ်တွင် လူတစ်ရာကျော် နေထိုင်လျက် ရှိသဖြင့် ညဆိုလျှင် ဝါ့ဒ် ခမျာ ကောင်းကောင်း မအိပ်ရ။ မနက် နှစ်နာရီ သုံးနာရီအထိ ခြေသံများကို ကြားနေရသည်။ အချို့မှာ တစ်မိုင်ခန့် အကွာတွင် ရှိသည့် ညလုံးပေါက်ရုပ်ရှင်မှ ပြန်လာကြခြင်း ဖြစ်၏ တစ်ခါတစ်ရံတွင် ရုပ်ရှင် အသံချဲ့စက်မှ ပေါ်ထွက်လာသော ရုပ်ရှင်ဇာတ်ဆောင်တို့၏ စကားပြောသံများကို ဗလုံးဗထွေး ကြားရတတ်သေးသည်။ ထိုနေရာမှာအားကစားရုံလည်း ဖြစ်ရာ ဘယ်တော့မျှ အားသည်ဟူ၍ မရှိတော့။ နေ့လယ်ဆိုလျှင် ရုပ်ရှင်ပိတ်ကားကြီးကို လိပ်တင်ထားလိုက်ပြီး အားကစားပွဲများ၊ ဘောလုံးပွဲများ တစ်နေကုန် ကျင်းပတတ်သည်။ ညဆိုလျှင် ရုပ်ရှင်ပြလေ့ရှိသည်။ ကွင်းနားတွင် ကပ်နေသည့် အိမ်များမှ လူများအဖို့မူ မည်မျှ ဆူညံမည်ကို ဆိုဖွယ်မရှိတော့။
ဝါ့ဒ်မှာမူ ကိုယ်ပိုင်လွတ်လပ်မှုကလေး ရှိသေးသည့်အတွက် တော်သေးသည်ဟု ဆိုရမည်။ သည်အိမ်ကို မပြောင်းမီ လွန်ခဲ့သည့် နှစ်လလောက်က ၇၅၅ လမ်းမှ အိမ်တစ်အိမ် အောက်ဆုံးထပ်တွင် လူခုနှစ်ယောက်နှင့်အတူ တစ်ခန်းတည်း နေခဲ့ရဖူးသည်။ အိမ်မှာ လမ်းမနှင့် ကပ်လျက်ရှိသဖြင့် သူ့ ပြတင်းပေါက်ဘေးတွင် လမ်းသွားလမ်းလာတွေ ဥဒဟို ဖြတ်သန်းနေသည်။ လမ်းတစ်ခုလုံး လူတွေပြည့်လျက်။ ခြေသံတွေက တရှပ်ရှပ်၊ စကားပြောသံတွေက တညံညံ။ မနက်ခြောက်နာရီခွဲ အိပ်ရာမှနိုးပြီး အိမ်သာသို့သွား၍ တန်းစီသည်နှင့် တစ်ပြိုင်နက် သူတို့အိမ်ဘေးက စင်္ကြံများပေါ်တွင် လမ်းသွားလမ်းလာတွေ ပြည့်နှက်နေလေပြီ။ ခပ်လှမ်းလှမ်းရှိ မီးရထားကုန်းကြီးပေါ်မှ မီးရထားကလည်း မိနစ်ဝက်လျှင် တစ်စင်း တဝေါဝေါအော်၍ ဖြတ်သွားသည်။ လှေကားခြေရင်းမှ အကန့်ကလေးတစ်ကန့် ငှားရန် ကြော်ငြာကို တွေ့လိုက်သည်နှင့် အချိန်ဆွဲမနေတော့။ ဈေးကြီးသည့်တိုင် ချက်ချင်း ပြောင်းလာခဲ့သည်။ (အခြားသူများကဲ့သို့ပင် ဝါ့ဒ် သည် အားအားရှိလျှင် သတင်းစာ ကြော်ငြာများကို လျှောက်ဖတ်လေ့ရှိကာ ပျမ်းမျှအားဖြင့် နှစ်လလျှင်တစ်ကြိမ်ကျ အခန်းပြောင်းတတ်၏။) လှေကားရင်းတွင် အခန်းကလေးတစ်ခန်း ရသည်ဆိုလျှင် ကိုယ့်ဘာသာကိုယ် အေးအေးဆေးဆေး နေနိုင်လေပြီ။
သို့ရာတွင် လမ်းဆုံကျသဖြင့် ဧည့်များသည်။ ညနေတိုင်ဆိုလျှင် စာကြည့်တိုက်တွင် အလုပ်လုပ်သည့် သူ့လုပ်ဖော်ကိုင်ဖက်များ ရောက်လာတတ်ကြပြီး နားနားနေနေ ဝင်လာတတ်ကြသည်။ အကန့်ကလေးမှာ သိပ်မကျယ်လှ။ ကြမ်းပြင်ဧရိယာဖြင့် တွက်လျှင် စတုရန်းမီတာ လေးမီတာခွဲသာသာ ကလေးမျှသာ ရှိလိမ့်မည်။ အစိုးရက သတ်မှတ်ထားသည့် လူတစ်ယောက် နေရမည့် အကျယ်အဝန်းနှင့်စာလျှင် မီတာဝက်လောက်သာ ကျယ်သည်။ သည်အိမ်ကို ဆောက်စဉ်က လက်သမားများက မီးဖိုခေါင်တိုင်ဘေး နေရာကလေးကို ခိုး၍ဆောက်ထားကြသဖြင့် သည်လောက်ကျယ်နေခြင်း ဖြစ်သည်။ ထို့ကြောင့် ဝါ့ဒ်သည် အိပ်ရာနှင့် တံခါးမကြီးကြားတွင် နောက်မှီကုလားထိုင် ခပ်သေးသေးတစ်လုံး ချစရာ နေရာရသွားသည်။ ဧည့်သည်စောင်သည် လာလျှင် တခြား တစ်ယောက်ခန်းတွေမှာလို အိပ်ရာပေါ်တွင်ထိုင်၍ ဧည့်ခံစရာ မလိုတော့ဘဲ ကုလားထိုင်လေး ဘာလေးနှင့် ဧည့်ခံနိုင်သည်။
သူ့ဆီသို့ မကြာခဏ အလည်လာလေ့ရှိသော ရိုဆီးတားက ခုတင်ပေါ်တွင် လှဲ၍ အခန်းပတ်ပတ်လည်ကို ကြည့်လိုက်ရင်း ...
“ဒီအကန့်ကလေး ရတာ ခင်ဗျား သိပ်ကံကောင်းတာပဲဗျာ၊ အခန်းကလည်း ကျယ်တယ်၊ ရှုခင်းမြင်ခင်းလည်း ကောင်းတယ်၊ အနည်းဆုံး ငါးမီတာ ခြောက်မီတာလောက်တော့ ကျယ်မှာပဲနော်”
ဝါ့ဒ်က ခေါင်းကို သွက်သွက်ခါအောင် ယမ်းလိုက်၏။ ရိုဆီးတားသည် သူ၏ ရင်းနှီးသော မိတ်ဆွေ အပေါင်းအသင်း ဖြစ်သည်မှာ မှန်ပါ၏။ သို့ရာတွင် သည်အကန့်ကလေးထဲတွင် သူ့အတွက် နေရာခွဲမပေးနိုင်၊ သူပြောင်းလာမည် ဆိုလျှင် မည်သို့ လုပ်မည်နည်း။
“သိပ်မကျယ်ပါဘူးဗျာ၊ လေးမီတာခွဲပဲ ရှိတာပါ၊ ကျွန်တော် သေသေချာချာ တိုင်းကြည့်ပြီးပြီ၊ အတိပဲ”
ရိုဆီးတားက မျက်လုံးကို ပင့်လိုက်ရင်း ...
“ဒီလိုဆိုရင် မျက်နှာကြက်ကြောင့် ထင်တယ်”
အချို့သော အိမ်ရှင်များသည် သူတို့အိမ်ကို ကျယ်သည်ဟု ထင်ရအောင် မျက်နှာကြက်ကို တစ်မျိုးတပ်ထားလေ့ ရှိကြသည်။ အများအားဖြင့် အိမ်အကျယ်အဝန်းကို ခန့်မှန်းကြသည်ဆိုလျှင် မျက်နှာကြက်ကိုပင် အလွယ်တကူ ကြည့်၍ ခန့်မှန်းကြစမြဲဖြစ်၏ သုံးထပ်သားအကာများကို တပ်ဆင်ရာတွင် ရိုးရိုးတပ်ဆင်ခြင်းမပြုဘဲ ဇလားပုံဖြစ်အောင် အပေါ်တွင် ဘေးကားပြီး အရှင် တပ်ထားခြင်းဖြစ်ရာ အိမ်ငှားတွေ လာကြည့်လျှင် ထိုအခန်းသည် အကျယ်ကြီးဟု ထင်ရသည်။ (သို့ဖြင့် ညားခါစ ဇနီးမောင်နှံတို့မှာ ထိုအခန်းမျိုးကို အကျယ်ကြီးထင်သဖြင့် တစ်ခန်းတည်း ငှားသွားကြသဖြင့် ဒုက္ခရောက်ပေါင်း များလှပြီ) အိုးအိမ်ဌာနမှ အရာရှိများ လာရောက်စစ်ဆေးလျှင် ထိုအကာများကို ပြန်ဖြုတ်၊ပြီး ဥပဒေနှင့်အညီ ပြန်၍ တပ်ထားလိုက်ကြသည်။ ထို့ကြောင့် အိမ်ငှားများမှာ ထိုအကာအရံများကို ပြန်၍တပ်သည့်အခါတွင် သူ့နေရာ ကိုယ့်နေရာကို မှတ်သားထားကြရသည် ဖြစ်ရာ မျက်နှာကြက်ပေါ်၌ ခဲတံအမှတ်ရာတွေ ပြည့်နေသည်။ အခွင့်အရေး မတောင်းတတ်သူ၊ စကားနည်းသူတို့မှာ သည်လိုနှင့် နယ်ချဲ့ခံရပြီး တဖြည်းဖြည်း ကျဉ်းလိုက်လာသော အခန်းကလေးထဲတွင် နေရတော့သည်။ ထို့ကြောင့်ပင်လျှင် အိမ်ငှားရန်ကြော်ငြာများထဲ၌ “အေးချမ်းစွာ နေတတ်သော အိမ်ငှားများ အလိုရှိသည်” ဟူသော ကြော်ငြာမျိုးများ ပါနေခြင်း ဖြစ်ဟန်တူသည်။
“နံရံက အပေါ်ဘက်မှာ နည်းနည်းကားထွက် နေတယ်ဗျ၊ အနည်းဆုံး လေးဒီဂရီလောက်တော့ ဘေးကိုကားနေတယ် ထင်တယ်၊ ရေပိုက်တစ်ခုအတိုင်း ကပ်ပြီး ချဲ့ထားတာ၊ ဒီလောက်ကလေး ချဲ့ရုံနဲ့တော့ လှေကား အတက်အဆင်းက လူတွေအဖို့ ဘာမှ မထိခိုက်ပါဘူး”
ရိုဆီးတားက ပြုံးလိုက်သည်။
“ဘာပဲဖြစ်ဖြစ်ဗျာ ... ခင်ဗျားအခန်းကိုတော့ သဘောကျနေပြီ၊ ကျွန်တော့်အခန်းကိုတော့ စိတ်ကုန်လွန်းလို့”
ရိုဆီးတားက သူ့နေရာကို “အခန်း” ဟု သုံးသွားသည်။ သို့ရာတွင် အခန်းဟု မဆိုသာ။ လှောင်အိမ်အကန့်ကလေး တစ်ခုသာ ဖြစ်၏။ သို့ရာတွင် လွန်ခဲ့သည့် နှစ်ပေါင်းငါးဆယ်၊ လူတွေ အခန်းတွေနှင့် နေစဉ်၊ အိမ်ကြီးရခိုင်တွေနှင့် နေစဉ်၊ အခန်းစုံတွေနှင့် နေစဉ် ကာလက သုံးစွဲခဲ့ကြသည့်အတိုင်း ယခုလည်း သူ့လှောင်အိမ်ကလေးကို “အခန်း” ဟု နှုတ်ကျိုးခေါ်နေခြင်း ဖြစ်သည်။ သူအလုပ်လုပ်သည့် စာကြည့်ပိဋကတ်တိုက်ထဲမှ မိုက်ကရိုဖလင်များထဲရှိ ဗိသုကာပုံစံများထဲတွင် ကျယ်ပြန့်သောပြတိုက်ကြီးများ၊ ကပွဲခန်းမဆောင်ကြီးများ၊ အများပြည်သူဆိုင်ရာ အဆောက်အအုံကြီးများကို သူ မြင်ဖူးသည်။ ကျယ်ပြန့် လိုက်သည့် အဆောက်အအုံကြီးတွေ။ လူသူ အသွားအလာကလည်း ရှင်းပါဘိခြင်း။ ခန်းမကြီးထဲတွင် လှေကားကြီးများပေါ်တွင် ယောင်လည်လည်ဖြင့် သွားလာနေသော လူနှစ်ယောက်စ သုံးယောက်စကိုသာ တွေ့ရသည်။ လမ်းမကြီးများ အလယ်ကောင်တွင် ယာဉ်များသည် လွတ်လပ်စွာ မောင်းနှင်နေကြသည်။ လူနေအိမ်ခြေကျဲသော အရပ်များတွင်မူ လမ်းဘေးစင်္ကြံများမှာ ကိုက်ငါးဆယ်ခန့် တစ်ဝိုက်လောက်ကျမှ လူတစ်ယောက်စ နှစ်ယောက်စကိုသာ တွေ့ရသည်။
ယခုခေတ်တွင်မူ အိမ်ကြီးများကို ဖြိုချပစ်ကာ အခန်းစုံများ၊ တိုက်တန်းလျားများကို ဆောက်လုပ်နေကြလေပြီ။ မြို့တော်ခန်းမရှိ ညစာစားပွဲများ ကျင်းပရာ ခန်းဆောင်ကြီးမှာ လေးစိတ်ပိုင်းပြီး တစ်စိတ်တစ်စိတ်လျှင် အခန်းကျဉ်းကလေးတွေ ပြန်ဖွဲ့ထားပြီ။
လမ်းမကြီးများပေါ်တွင်လည်း ယာဉ်အသွားအလာတို့ မရှိကြတော့။ မနက်အရုဏ်တက်အချိန်၊ လမ်းဘေးစင်္ကြံများပေါ်တွင် လူတွေအသွားအလာ ရှုပ်ချိန်မှအပ ကျန်အချိန်များတွင်မူ လမ်းမကြီးများတွင်လည်း လူတွေ ကြိတ်ကြိတ်တိုး ခြေကျင်သွားလာနေကြပြီ။ သူတို့ခေါင်းပေါ်တွင် “လက်ဝဲဘက်မှ ကပ်လျှောက်ပါ” ဆိုသည့် မီးပွိုင့်ဆိုင်းဘုတ်များ ရေးထားသည့်တိုင် လမ်းမတစ်ခုလုံး ခြေကျင်သွားနေသူများနှင့် ပြည့်နှက်နေသည်။ သူတို့အဝတ်အစားများမှာ ဖုန်တွေ အလိမ်းလိမ်းကပ်လျက်။ တချို့က ရုံးသွားကြသူများဖြစ်ပြီး တချို့က အလုပ်မှပြန်လာသူများ ဖြစ်ကြသည်။ လမ်းဆုံလမ်းခွများသို့ရောက်လျှင် လူအုပ်ကြီးမှာ ကျပ်ခဲလျက်ရှိကာ တိုးမပေါက်နိုင်အောင် ဖြစ်နေသည်။ တစ်ခါတစ်ရံ၌ ထိုလမ်းဆုံလမ်းခွတွင် ကျပ်ခဲနေသည့် လူအုပ်ကြီးမှာ တိုး၍မရသဖြင့် ရက်ပေါင်းများစွာကြာသည်။ လွန်ခဲ့သည့် နှစ်နှစ်လောက်တုန်းကပင် ဝါ့ဒ်သည် အားကစားကွင်းမှ အိမ်သို့ပြန်လာခဲ့စဉ် အားကစားကွင်းသို့ လာသူနှင့် အားကစားကွင်းမှ ပြန်လာသူတို့ လူအုပ်ကြီးနှစ်အုပ် ထိပ်တိုက်တိုးမိနေသဖြင့် ထိုလူအုပ်တွင် နှစ်ရက်လုံးလုံး ပိတ်မိနေခဲ့ဖူးရာ သုံးရက်မြောက်နေ့ကျမှ အိမ်ပြန် ရောက်သည်။ စတုရန်းတစ်မိုင်ခန့် ကျယ်သည့် ထိုအနီးအနား ရပ်ကွက်တစ်ခုလုံးမှာ လူတွေပိတ်နေသဖြင့် ဘယ်ကိုမှလည်း သွားလာ၍မရတော့ဘဲ ဖြစ်ခဲ့ရသည်။ ရှေ့မှ တရွေ့ရွေ့သွားနေသော လူအုပ်ကြီးထဲတွင် ညပ်ပါသွားကာ ခြေ မြေမထိ ဖြစ်ခဲ့ရသည်။ တစ်ခါတွင်လည်း လဲကျသွားသဖြင့် လူနင်းပင် ခံလိုက်ရသေးသည်။ နောက်ဆုံး၌ ရဲများရောက်လာကာ အားကစားကွင်းကို ပိတ်ပစ်လိုက်ပြီး လူအုပ်ကြီးကိုရှင်းတော့မှ သူ အိမ်ပြန်ရောက်လာသည်။ သူ့ လှောင်အိမ်အခန်းမြှောင်ကလေး ထဲသို့ ရောက်လာသည့်အခါကျမှ နှစ်ရက်စာ အတိုးချပြီး တစ်ပတ်လုံးလုံး အိပ်ပစ်လိုက်သည်။
“အစိုးရက လူတစ်ယောက်ကို အရင်ကပေးထားတဲ့ နေရာထက် လျှော့ပစ်လိုက်တော့မယ်တဲ့၊ တစ်ယောက်ကို သုံးမီတာခွဲပဲ ပေးတော့မယ်တဲ့”
ရိုဆီးတားက ပြော၏။ ထိုစဉ် အပေါ်ခြောက်ထပ်မှလူတွေ လှေကားမှ ဆင်းလာသဖြင့် ဝါ့ဒ်သည် တံခါးမင်းတုပ် ပြုတ်ထွက်မသွားအောင် တံခါးကို တွန်းထားလိုက်သည်။
“ကောလာဟလတွေ ဖြစ်နေတာကတော့ ကြာပါပြီ၊ လွန်ခဲ့တဲ့ ဆယ်နှစ်လောက်ကတည်းက ဒီသတင်းကို ကြားနေတာပဲ”
“ကောလာဟလမဟုတ်ဘူးဗျ ... တကယ်၊ မလျှော့လို့လည်း မဖြစ်တော့ဘူးလေ၊ ခု ကျွန်တော်တို့မြို့မှာ လူဦးရေ သန်းပေါင်း သုံးဆယ် ရှိနေပြီ၊ တစ်နှစ်အတွင်းမှာ လူတစ်သန်းတိုးလာတယ် မဟုတ်လား၊ ခု အိုးအိမ်ဌာနက စဉ်းစားနေပြီ”
ဝါ့ဒ် ခေါင်းယမ်းသည်။ သူတို့စီမံကိန်းသည် မဖြစ်နိုင်။ လူတစ်ယောက်ကို သုံးမီတာမျှသာ ခွဲပေးသည်ဆိုလျှင် အားလုံးအစကနေ ပြန်စရတော့မည်။ ရှိနေသည့် အဆောက်အအုံတွေ၊ အကာအရံတွေ အားလုံးကို ပြန်ဖျက်ပစ်ရမည်။ အခန်းကျဉ်းကလေးတွေ ပြန်ဖွဲ့ရမည်။ လက်တွေ့လုပ်ဖို့ မပြောနှင့်။ စီမံခန့်ခွဲဖို့ကိစ္စပင်လျှင် မလွယ်။ သန်းပေါင်းများစွာသော အခန်းမြှောင်က​လေးများကို ပြန်၍ပုံစံထုတ်ပေးရမည်။ မှန်ကန်ကြောင်း လက်မှတ်ထိုးရမည်။ လိုင်စင်ထုတ်ပေးရမည်။ အိမ်ထောင်စုများကို ပြန်၍ နေရာချထားရဦးမည်။ ပြီးခဲ့သည့် စီမံကိန်းအရ အဆောက်အအုံများကို လူတစ်ယောက်လျှင် လေးမီတာကျဖြင့် ပုံစံထုတ်၍ ဆောက်ခဲ့ပြီးဖြစ်ရာ ယခု သူတို့အထဲမှ တစ်ခန်းလျှင် မီတာဝက်စီလျှော့၍ အသစ်ပြန်ဆောက်ရမည် ဆိုခြင်းမှာ အပြောလွယ်သလောက် အလုပ်ခက်သည်။ ထိုသို့ဆောက်လိုက်လျှင် အခန်းသစ်တွေ ပိုထွက်လာဦးမည်ဟု ဆိုင်ရာတို့က တွက်ကြသည်။
“လူတစ်ယောက်ကို သုံးမီတာခွဲသာ နေရာပေးရင် ဘယ့်နှယ်လုပ် နေလို့ ဖြစ်မှာလဲဗျာ” ဟု ဝါ့ဒ်က ရယ်၍ ပြောလိုက်၏။
ရိုဆီးတားက ...
“ဒါကတော့ ခင်ဗျားထင်တာကိုးဗျ။ လွန်ခဲ့တဲ့စီမံကိန်းတုန်းက လူတစ်ယောက်ကို ငါးမီတာကနေပြီး လေးမီတာကို လျှော့ချပစ်ခဲ့တုန်းကလည်း ဒီလိုပဲ ပြောခဲ့ကြတာပဲ၊ ဒီလောက် ကျဉ်းကျဉ်းကလေးမှာ ဘယ့်နှယ်လုပ်နေမလဲ၊ မတ်တတ်ရပ်နေရမှာလား ဘာလားနဲ့ ပြောခဲ့ကြတယ် မဟုတ်လား၊ ခုတင်ကလေးတစ်လုံးနဲ့ လက်ဆွဲအိတ်ကလေးတစ်လုံး ချလိုက်ရင် အခန်းပြည့်သွားပြီ မဟုတ်လား၊ အခန်းထဲဝင်ရင် တံခါးကို ဘယ့်နှယ်လုပ်ပြီး ဖွင့်တော့မှာလဲလို့ ပြောခဲ့ကြတယ် မဟုတ်လား၊ အဲဒီတော့ ဆိုင်ရာက တံခါးတွေကို အတွင်းဖွင့် မလုပ်ရဘူး၊ အပြင်ကိုဖွင့်ရမယ်လို့ အမိန့်ထုတ်လိုက်တယ်လေ၊ ဟော ... ၊ ခုတော့ ဖြစ်လို့၊ ကျွန်တော်တို့ ခင်ဗျားတို့ လေးမီတာကျယ်တဲ့ လှောင်အိမ်ကလေးထဲမှာ နေနေရပြီ မဟုတ်လား”
ဝါ့ဒ်က နာရီကို ကြည့်လိုက်၏။ အချိန်မှာ ည ခုနှစ်နာရီခွဲ။
“အင်း ... ထမင်းစားချိန်တောင် ရောက်ပြီဗျို့၊ လမ်းတစ်ဖက်က စားသောက်ဆိုင်ကို ရောက်အောင် ဘယ်နှစ်နာရီကြာကြာများ တိုးဝှေ့သွားနေရဦးမလဲ မသိဘူး”
သူတို့နှစ်ယောက်သည် ညည်းညည်းညူညူဖြင့် လှောင်အိမ်ကလေးထဲမှ အောက်သို့ ဆင်းလာခဲ့ကြသည်။ လှေကားပေါ်တွင်လည်း လူတွေ ပစ္စည်းတွေ အပြည့်။ တက်သူ၊ ဆင်းသူနှင့် အထုပ်အပိုးတွေကြောင့် လှေကားလက်ရန်းနားတွင် နေရာ ကျဉ်းကျဉ်းကလေးသာ ကျန်သည်။ အောက်ထပ်တွင်ကား လူတွေ ကြိတ်ကြိတ်တိုးနေလိုက်ပုံမှာ ဆိုဖွယ်မရှိတော့။ စင်္ကြံများပေါ်တွင်လည်း လူတွေ။ တချို့က သစ်သားပြားတွေထောင်ပြီး ယာယီအကာအရံ လုပ်ထားကြသည်​။ ထိုအကာအရံများပေါ်တွင် ရေစိုအဝတ်တွေလှန်းလျက်။ လေက အနံ့အသက်တို့ဖြင့် မွှန်လျက်။ အောက်ထပ်တွင် အခန်းငါးခန်းရှိရာ တစ်ခန်းစီတွင် လူတစ်ဒါဇင်လောက် နေရသည့်အတွက် သူတို့စကားပြောသံ၊ ရန်ဖြစ်သံ၊ ရယ်သံများသည် အကာအရံများကို ပဲ့တင်ရိုက်ခတ်နေကြသည်။
ဒုတိယအထပ်တွင်မူ လှေကားထစ်များပေါ်တွင် လူတွေထိုင်နေကြသည်။ မီးသတ်ဥပဒေအရ လှေကားများပေါ်တွင် ထိုင်ခွင့်မရှိသော်လည်း ကိုယ်ပိုင်နားနေခန်း မရှိသည့်အတွက် လှေကားထစ်ပေါ်မှာပင် နားနားနေနေ ထိုင်နေကြခြင်းဖြစ်သည်။ အဝတ်လျှော်ခန်းတွင် ယောက်ျားများက တန်းစီလျက်။ မိန်းမများက လှေကားထစ်ပေါ်တွင်ထိုင်ရင်း သူတို့ယောက်ျားများကို စကားပြောလျက်။ ကလေးများက သူတို့အနီးတစ်ဝိုက်တွင် ကျွမ်းပစ် ဆော့ကစားလျက်။ တံခါးမကြီးနားသို့ ရောက်သည့်အခါတွင် ဝါ့ဒ်နှင့် ရိုဆီးတားတို့သည် ထိုင်နေကြသည့် မိန်းမများ၊ အထုပ်အပိုးများနှင့် အပြင်မှ ဝင်လာသူသူများကို တိုးဝှေ့၍ မနည်းထွက်လာခဲ့ကြရသည်။
အပြင်ဘက် လှေကားထစ်ပေါ်သို့ ရောက်သည့်အခါတွင် ဝါ့ဒ်က သက်ပြင်းကြီးတစ်ချက်ကို ချလိုက်ရင်း လမ်းတစ်ဖက်ရှိ စားသောက်ဆိုင်ကို လက်ညှိုးထိုးပြသည်။ လမ်းတစ်ဖက် စားသောက်ဆိုင်မှာ ကိုက်သုံးဆယ်ခန့်သာ ကွာသည့်တိုင် သူတို့ရှေ့တွင် ဒီရေတွေ တဝေါဝေါ တက်လာသည့် မြစ်ကြီးတစ်စင်းလို လူတွေ ကြိတ်ကြိတ်တိုးနေသည့် လမ်းမကြီးတစ်လမ်း ခြားနေသည်။ အားကစားကွင်းမှ ရုပ်ရှင်ပထမပွဲမှာ ကိုးနာရီခွဲတွင် စပြမည်ဖြစ်သဖြင့် လက်မှတ်ရရန် ရုပ်ရှင်ရုံဆီသို့ သွားနေကြခြင်း ဖြစ်၏။
“ဒီပြင်နေရာ မရှိတော့ဘူးလားဗျာ” ဟု ရိုဆီးတားက မျက်နှာရှုံ့မဲ့ကာ စားသောက်ဆိုင်ဘက်သို့ လှမ်းကြည့်ရင်းမေးသည်။ စားသောက်ဆိုင်ထဲတွင်လည်း လူတွေပြည့်ကျပ်လျက်။ ဆိုင်ထဲသို့ရောက်သည့်တိုင် အနည်းဆုံး နာရီဝက်လောက်တော့ စောင့်ရဦးမည်။ ထို့ပြင် ထိုဆိုင်မှ အစားအသောက်ကလည်း မကောင်းလှ။ စာကြည့်တိုက်မှ လေးပြအကွာတွင်ရှိသည့် စားသောက်ဆိုင်မှာ အချက်အပြုတ်ကောင်းသည်။ ထို့ကြောင့် ထိုဆိုင်သို့ သွားချင်သည်။
ဝါဒ့် ပခုံးကို ချီပြလိုက်ရင်း ...
“အံမာလေး၊ အဲဒီကိုရောက်ဖို့က မနည်းသွားရမှာဗျ၊ ရှေ့ကို ကိုက်နှစ်ရာလောက် လျှောက်ရဦးမှာ၊ ဒီလောက် လူတွေကြားထဲမှာ တော်တော်နဲ့ရောက်မှာ မဟုတ်ဘူး”
“အင်း ... ခင်ဗျားပြောတာလည်း ဟုတ်တော့ ဟုတ်ပါတယ်လေ၊ ခင်ဗျားက ရုံးနဲ့အိမ်အပြင် ဘယ်ကိုမှ မသွားတော့ လူတောတိုးရမှာ စိတ်ညစ်တာပေါ့၊ ကျွန်တော်တို့တော့ မတတ်နိုင်ဘူးဗျို့၊ ဒီလိုပဲ တိုးတိုးဝှေ့ဝှေ့နဲ့ သွားနေရတာပဲ”
ရိုဆီးတားက သူ့ပခုံးကို ဖက်၍ပြောသည်။
ဝါ့ဒ်က ခေါင်းညိတ်သည်။ ရိုဆီးတား ပြောသည့်အတိုင်း မှန်သည်။ မနက် သူ စာကြည့်တိုက်သို့ အလုပ်သွားလျှင် သူနှင့်အတူ မြို့လယ်ကောင်သို့ ခြေကျင်သွားနေကြသော လူတန်းကြီးနှင့် ပါသွားသည်။ ညနေအလုပ်က ပြန်လျှင်လည်း ထိုလူတန်းကြီးဖြင့်ပင် ပြန်ပါလာသည်။ ဝါ့ဒ်သည် သူ့အချိန်ဇယားကို ဘယ်တော့မျှ မပြောင်း၊ ထိုအတိုင်း ပုံမှန်သွားသည်။ ဝါ့ဒ်သည် ဆယ်နှစ်သားလောက်ကတည်းက မြို့ထဲရှိ ဘော်ဒါသို့လာ၍ ကျောင်းတက်ခဲ့ရာ ယခု သူ အလုပ်ရသည့် အခါတွင်လည်း မြို့အရှေ့ပိုင်းတွင် နေသော မိဘများနှင့် တဖြည်းဖြည်း အဆက်အသွယ် ပြတ်လာခဲ့သည်။ မိဘများထံ သွားလည်ချင်သည့်တိုင် မလည်ဖြစ်ခဲ့။ မိဘအိမ်သို့ ရောက်လျှင် ကော်ဖီကောင်းကောင်းကလေး တစ်ခွက်၊ ဟင်းကောင်းကောင်းကလေး တစ်ခွက် စားရမည်ကို သိသော်လည်း မြို့လယ်ကောင်ကို ဖြတ်သွားရမည်ကို ကြောက်သဖြင့် ထိုအကြံကို လက်လျှော့လိုက်ရသည်။ သူ့အလုပ်မှာ စာကြည့်တိုက်တွင် ဖြစ်သဖြင့် လူငယ် လူရွယ် အမျိုးမျိုးနှင့် ဆက်ဆံရသည်။ သူလည်း မကြာခင် အိမ်ထောင်ကျ၊ စာကြည့်တိုက်နားတွင် အခန်းမြှောင်ကလေး နှစ်ခန်းငှား၊ သားသမီးတွေ မွေးရတော့မည်။ (အများဆုံး သုံးယောက်သာ မွေးရမည်ဟု ကန့်သတ်ထားသည်) ထိုအခါတွင်မူ အိမ်ခန်းငယ်ငယ်ကလေး တစ်ခုလောက် ဝယ်နိုင်မည်လား။ မပြောတတ်။
သူတို့နှစ်ယောက်သည် ခြေကျင် လမ်းသွားလမ်းလာများထဲတွင် မျောပါလာကြသည်။ လူနည်းနည်းကျဲသည့် နေရာသို့ရောက်လျှင် ဘေးသို့ရှောင်ထွက်ကာ ခပ်သုတ်သုတ် လှမ်းခဲ့ကြသည်။ ဆိုင်အမိုးစွန်များ အောက်မှ တိုးတိုးဝှေ့ဝှေ့နှင့် လျှောက်လာခဲ့ကြကာ စားသောက်ဆိုင်ဆီသို့ လာခဲ့ကြ၏။ နေရာလွတ် ရှိလျှင် ရှေ့မှလူကို ရှောင်တက်ပြီး ရှေ့တက်လာလိုက်သဖြင့် လာခဲ့ရခြင်း ဖြစ်၏။ စီးကရက်ဆိုင်တစ်ဆိုင်ကို ကွေ့အတက်တွင် ဝါ့ဒ်က ...
“နေစမ်းပါဦးဗျ၊ နောက်ဆုံး လူဦးရေစာရင်းက ဘယ်လောက်ရှိနေပြီလဲ”
ရိုဆီးတားက ပြုံးသည်။
“အင်း ... ခင်ဗျားကြားလိုက်ရင် လန့်များသွားမလား မသိဘူး၊ အေးလေ ... ကျွန်တော်ပြောရင်လည်း ခင်ဗျား ယုံချင်မှ ယုံမှာပါ”
ရိုဆီးတားမှာ မြို့တော်အုပ်ချုပ်ရေးအဖွဲ့ အာမခံဌာနတွင် အလုပ်လုပ်သည့်အတွက် လူဦးရေစာရင်းကို သိခွင့်ရသူ ဖြစ်၏။ လူဦးရေစာရင်းကို လျှို့ဝှက်ထားသည်မှာ ဆယ်နှစ်ခန့်ကြာခဲ့လေပြီ။ အခြားကြောင့် မဟုတ်။ အကြောင်းနှစ်ခုကြောင့် ဖြစ်၏။ တစ်ခုမှာ ကိန်းဂဏန်းများ တိကျမှုမရှိသေးကြောင့် ဖြစ်၏။ အဓိကအကြောင်းမှာကား လူဦးရေစာရင်းကို ထုတ်ဖော်ကြေညာလိုက်လျှင် ကလော်စထရိုဖိုးဗီးယားခေါ် အကျဉ်းကြောက်ရောဂါ ဖြစ်ပွါးမည် စိုးသောကြောင့် ဖြစ်၏။ ယခုပင်လျှင် အချို့လူများတွင် ထိုရောဂါစွဲကပ် နေကြလေပြီ။ သက်ဆိုင်ရာတို့၏ ခန့်မှန်းချက်အရဆိုလျှင် ကမ္ဘာ့လူဦးရေသည် သန်းပေါင်း နှစ်သောင်းရှိနေပြီဟု ဆို၏။ သို့ရာတွင် ထိုအချက်ကို မည်သူကမျှ မယုံကြသေး။ တစ်နှစ် တစ်နှစ်လျှင် ကမ္ဘာ့လူဦးရေသည် ၁၉၆၀ ခုနှစ်ကတည်းက တစ်နှစ်လျှင် သုံးရာနှုန်းဖြင့် တိုးလျက်ရှိရာ ယခုလည်း ထိုရာနှုန်းအတိုင်း၊ ဆက်လက်တိုးနေဆဲဖြစ်သည်ဟု ဝါ့ဒ် ထင်သည်။
ထိုနှုန်းအတိုင်း မည်မျှကြာကြာတိုးနေဦးမည်ကို မည်သူမျှမပြောနိုင်။ ခေတ်သစ် မဲလ်လပ်စ်ဝါဒီ (ကမ္ဘာ့လူဦးရေသည် စားနပ်ရိက္ခာ ထုတ်လုပ်နိုင်သည်ထက် များလာနေသည်။ ထို့ကြောင့် လူဦးရေကန့်သတ်ရေးကို လူမှုရေး၊ စာရိတ္တရေးရာများဖြင့် ပြုလုပ်ရမည်ဟု ယူဆသူ) များက ကမ္ဘာ့လူဦးရေနှင့် ပတ်သက်၍ ဦးနှောက်ခြောက်နေကြသည့်တိုင် ယခုအချိန်အထိမူ ကမ္ဘာ့လယ်ယာစိုက်ပျိုးရေးသည် လူဦးရေတိုးတက်မှုကို အမီလိုက်နေသေးသည်။ လယ်ယာစိုက်ပျိုးရေးကို ဇောက်ချလုပ်ရမည်ဟု ပြောနေရခြင်းမှာ အခြားကြောင့်မဟုတ်။ ကမ္ဘာ့လူဦးရေ၏ ၉၅ ရာခိုင်နှုန်းသည် မြို့ကြီးများထဲတွင် အမြဲ လှောင်ပိတ်မိနေခြင်းကြောင့်သာ ဖြစ်သည်။ ယခုမူ မြို့ကြီးများ ဘေးသို့ ပြန့်ကားထွက်လာခြင်းကို အချိန်မီ တားဆီးထိန်းချုပ်နိုင်ခဲ့ပြီ။ ကမ္ဘာ့နိုင်ငံအသီးသီးတို့တွင် မြို့စွန်ရပ်ကွက်ဟောင်းများမှ မြေယာများကို စိုက်ပျိုးရေးအတွက် အသုံးပြုနေပြီ။ နောက်ထပ်တိုးလာသော လူဦးရေကို ဘေးသို့ပြန့်ကားအထွက် မခံတော့ဘဲ မြို့ကြီးများရှိ ရပ်ကွက်ကျဉ်းကျဉ်းကလေးထဲတွင် နေရာချထားပေး ပြီးပြီ။ ထိုသို့ဖြင့် ကျေးလက်ဟူ၍ မရှိတော့။ မြို့များပြင်ဘက်ရှိ မြေကွက်လပ် မှန်သမျှတွင် သီးနှံတစ်မျိုးမဟုတ် တစ်မျိုး စိုက်ပျိုးနေကြပြီ။ ကမ္ဘာ့မြက်ခင်းပြင်ကြီးများနှင့် ကွက်လပ်ကြီးများသည် စက်ရုံကြမ်းပြင်ကြီးများ ဖြစ်နေကြပြီး စက်မှုရပ်ကွက်ဟု သတ်မှတ်ကာ အရပ်သူအရပ်သားများအား ပိတ်ထားလိုက်ပြီ။ တစ်ခါက ကမ္ဘာ့နိုင်ငံကြီးများအချင်းချင်း စီးပွားရေးနှင့် ဝါဒရေးနယ်ချဲ့မှုများ ရှိခဲ့ကြသော်လည်း ယခုမရှိတော့။ ယခုမူ နိုင်ငံအားလုံးသည် မြို့ကြီးများအား ပြည်တွင်းကိုလိုနီများအဖြစ် ထူထောင်ရေးဟူသော အဓိကလုပ်ငန်းကို အားသွန်ခွန်စိုက် လုပ်ကိုင်နေကြပြီ။
စားသောက်ဆိုင်အဝသို့ ရောက်သည်တွင် သူတို့နှစ်ယောက်သည် ရှေ့တွင်တိုးနေသည့် လူအုပ်ကြီးကြားထဲသို့ အတင်းတိုးဝင်လာခဲ့ကြသည်။
ဝါ့ဒ်က ...
“ခက်တာက ကမ္ဘာမှာ လူဦးရေများတယ် များတယ်လို့သာ ပြောနေကြတယ်၊ ဒီပြဿနာကို ဘယ်သူမှ ဖြေရှင်းဖို့ မကြိုးစားကြသေးဘူးဗျ၊ အဲဒါ အဆိုးဆုံးပဲ၊ လွန်ခဲ့တဲ့ နှစ်ပေါင်းငါးဆယ်လောက်တုန်းက ဆိုရင် နိုင်ငံတွေမှာလည်း ကျဉ်းမြောင်းတဲ့ အမျိုးသားရေးဝါဒက လွှမ်းမိုး၊ စက်မှုလုပ်ငန်းကလည်း တိုးတက်လာတဲ့အခါကျတော့ လူဦးရေဇယား မျဉ်းကွေးအထက်ကိုတက်ရင် ဂုဏ်ယူပြီး များများမွေးနိုင်တဲ့ မိသားစုတွေကို ဆုတွေပေးခဲ့ကြတယ်၊ အခုထိလည်း မိသားစုတိုင်းမှာ လူဦးရေ တိုးစေချင်နေကြတယ်၊ လူဦးရေတိုးပြီး အိမ်ထောင်ကြီးဖြစ်မှ ကိုယ့်အခန်းကလေး ကိုယ့်အိပ်ရာကလေးနဲ့ နေရမှာကိုး၊ တစ်ယောက်တည်းသမားတို့၊ အိမ်ထောင်ကလေးတို့ဆိုရင် အခန်းကျဉ်းကလေးနဲ့ နေရမယ် မဟုတ်လား၊ တစ်ယောက်တည်းသမားတွေကျတော့ နှစ်ယောက်ခန်းတွေမှာလည်း ထားလို့မဖြစ်၊ သုံးယောက်ခန်းတွေမှာလည်း ထားလို့မဖြစ်နဲ့ဆိုတော့ ခုဆိုရင် မြန်မြန်အိမ်ထောင်မပြုရ ကောင်းလားဆိုပြီး ဒဏ်ရိုက်တောင် ခံနေရသေးတယ်၊ အမှန်ကတော့ လူဦးရေတိုးပွားနေပြီး နေရေးထိုင်ရေးခက်ခဲတာဟာ တစ်ယောက်တည်းသမား လူလွတ်တွေကြောင့် မဟုတ်ဘူးဗျ၊ ကိုယ့်အခန်းကျယ်ကလေး ရပါစေ၊ အိမ်ရပါစေဆိုပြီး အိမ်ထောင်ကြီးဖြစ်အောင် ကြိုးစားနေတဲ့လူတွေကြောင့် ဖြစ်နေတာ”
ရိုဆီးတား ခေါင်းညိတ်သည်။ ကောင်တာနားသို့ရောက်ခါနီးသဖြင့် သူမှာမည့် အစားအသောက်ကို ပြန်စဉ်းစားလိုက်၏။
“ဟုတ်တာပေါ့၊ ဒီတော့ ကျွန်တော်တို့လည်း ခြောက်မီတာ အခန်းကလေး တစ်ခန်းလောက် ရအောင် မြန်မြန် အိမ်ထောင်ပြုမှ ဖြစ်မယ်ဗျို့”
သူတို့စကားကို ကြားသည်တွင် ရှေ့တွင်ရောက်နေသည့် မိန်းမပျိုနှစ်ဦးက သူတို့ကို လှမ်းကြည့်လိုက်သည်။ ဆံပင်နက်နက်၊ မျက်နှာသွယ်သွယ်နှင့် မိန်းမပျိုက
“အမယ် ဘယ်သူတွေများလဲလို့၊ လတ်စသတ်တော့ ရှင်တို့ကိုး၊ ဘာလဲ ခု ခြောက်မီတာအခန်းရဖို့ စိတ်ကူးနေပြီလား၊ ဘာလဲ အိမ်ပွဲစား လုပ်တော့မယ်ပေါ့”
ရိုဆီးတားက ပြုံးပြုပြီး သူ့လက်မောင်းကို ဖမ်းဆုပ်လိုက်ရင်း ...
“ဟုတ်တယ် ဂျူးဒစ်ရေ၊ ဘာလဲ မင်းတို့လည်း တို့နဲ့ ရှယ်ယာ ဝင်မလား”
အမျိုးသမီးက သူ့ကို မှီတွဲပြီး ကောင်တာနားသို့ လိုက်လာရင်း ...
“လုပ်တော့ လုပ်ချင်သားပဲ၊ ဒါပေမဲ့ တရားဝင်ဖြစ်မှ ကောင်းမှာနော်"
အခြားတစ်ယောက်မှာ သူတို့စာကြည့်တိုက်တွင် အလုပ်လုပ်သည့် ဟယ်လင်ဆိုသည့် စာရေးမကလေးဖြစ်၏။ သူက ဝါ့ဒ်၏ လက်မောင်းကို ဖမ်းဆွဲလိုက်ကာ ...
“နောက်ဆုံးသတင်းကို ကြားပြီးပြီလား ဝါ့ဒ်၊ ကျွန်မတို့နှစ်ယောက်ကို အိမ်ရှင်က နှင်ချလိုက်ပြီလေ၊ ခု ကျွန်မတို့ လမ်းပေါ် ရောက်နေကြပြီ”
“ဘာ လမ်းမပေါ် ရောက်နေပြီ ... ဟုတ်လား၊ ဘာဖြစ်လို့လဲ”
ရိုဆီးတားက အလန့်တကြားမေး၏ သူတို့သည် စွပ်ပြုတ်ရည်နှင့် ကော်ဖီကို ယူလာခဲ့ကြပြီး နောက်ဘက်သို့ ပြန်ထွက်ခဲ့ကြသည်။
ဟယ်လင်က ...
“ကျွန်မတို့အခန်း လှောင်အိမ်ကျဉ်းကလေး ရှေ့မှာရှိတဲ့ တံမြက်စည်းထားတဲ့ ဗီရိုကလေးကို သိတယ်မဟုတ်လား၊ ကျွန်မနဲ့ ဂျူးဒစ်တို့ စာဖတ်ချင်ရင် အဲဒီဗီရိုကလေးထဲကို ခေါင်းထိုးပြီး စာဖတ်ကြတယ်ရှင့်၊ ကျွန်မတို့စာကြည့်ခန်။ ဆိုပါတော့လေ၊ တံမြက်စည်းထားတဲ့ ဗီရိုကလေးကို ခေါင်းထိုးပြီး စာဖတ်ရတာ နည်းနည်းတော့ မွန်းတာပေါ့၊ အသက်ရှူ ကျပ်တာပေါ့၊ ဒါပေမဲ့ နောက်ကျတော့ အကျင့်ရသွားတာပါပဲ၊၊ အဲဒီဗီရိုကလေးထဲ ခေါင်းထိုးစာဖတ်ရတာက အေးအေးဆေးဆေးရှိတယ် မဟုတ်လား၊ အဲဒါကို အိမ်ရှင်အဘွားကြီးက တွေ့သွားပြီး ကျွန်မတို့ကို ဆူတော့တာပါပဲရှင်၊ ကျွန်မတို့ဟာ အိမ်ငှားတွေလိုက်နာရမည့် ဥပဒေစည်းကမ်းတွေကို မလိုက်နာဘူးတဲ့၊ တိုတိုပြောရရင်တော့ ကျွန်မတို့ကို နှင်ချလိုက်တယ်ဆိုပါစို့၊ ခုတော့ အဲဒီဗီရိုကလေးကို တစ်ယောက်ကို ငှားတော့မယ်တဲ့၊ အလကား အသုံးမခံနိုင်ဘူးတဲ့”
ရိုဆီးတားက စားပွဲကို လက်သီးဖြင့် ထုလိုက်ရင်း ...
“ဘာ တံမြက်စည်းထားတဲ့ ဗီရိုကလေးကို အခန်းအဖြစ် ငှားမယ်တဲ့ ဟုတ်လား၊ ဘယ့်နှယ်လုပ်ပြီး လူနေလို့ရမှာလဲကွ၊ ပြီးတော့ ဆိုင်ရာကလည်း အိမ်ခန်းငှားခွင့်လိုင်စင် ဘယ့်နှယ်လုပ်ပြီး ထုတ်ပေးပါ့မလဲ”
ဂျူးဒစ်က ခေါင်းယမ်းလိုက်ရင်း ...
“ရှင်ကသာ မရနေ၊ သူ့မှာ အိမ်ခန်းငှားခွင့်လိုင်စင် ရပြီးပြီရှင့်၊ သူ့မောင်တစ်ယောက်က အိုးအိမ်ဌာနမှာ အလုပ်လုပ်သတဲ့”
“ရတော့ကော ဘယ်သူက ငှားမှာလဲ၊ တံမြက်စည်းထားတဲ့ ဗီရိုကလေးထဲမှာ ဘယ်သူက ငှားနေမှာလဲ”
ဝါ့ဒ်က စွတ်ပြုတ်သောက်နေရင်းက ရယ်လိုက်သည်။ ဂျူးဒစ်က သူ့ကို စိုက်ကြည့်လျက် ...
“မနေဘူးလို့ ရှင်ထင်လို့လား”
“အေးလေ၊ မင်းပြောတာလည်း ဖြစ်တော့ဖြစ်နိုင်ပါတယ်၊ ခုနေခါမှာ လူတွေက ဘယ်နေရာကိုပဲ ဖြစ်ဖြစ် ပြောင်းနေကြမှာပဲ၊ ကိုယ်ကတော့ တံမြက်စည်းသိမ်းတဲ့ ဗီရိုကလေးထဲမှာ နေမယ့်လူကို သနားတာပါပဲ၊ နေပါဦး၊ မင်းတို့ကော ဘယ်လိုစိတ်ကူးကြသလဲ”
“ဟို နှစ်ပြကျော်မှာရှိတဲ့ လှောင်အိမ်ကလေးတစ်ခုမှာ နေတဲ့ လင်မယားက သူတို့အခန်း လှောင်အိမ်ကလေးကို တစ်ဝက်ပိုင်းပြီး ကျွန်မတို့ကို ငှားမယ်တဲ့၊ တစ်ဝက်ဆို အခန်းကျဉ်းအလယ်ကောင်မှာ ကန့်လန့်ကာလေးတစ်ခု ကာလိုက်မယ်လေ၊ ကျွန်မတို့ဘက်မှာ ခုတင်ကလေးတစ်လုံးစာ နေရာရတယ်၊ ဒီတော့ ဟယ်လင်နဲ့ ကျွန်မတို့ အဲဒီခုတင်ကလေးပေါ်မှာ တစ်လှည့်စီ အိပ်ရမှာပေါ့၊ ဟုတ်တယ်ရှင့်၊ တကယ်ပြောနေတာ၊ ခု ကျွန်မတို့ရမယ့် နေရာကလေးက နှစ်မီတာလောက်ပဲရှိတာ၊ တစ်ယောက်တစ်လှည့်စီပဲ အိပ်ရတော့မှာပေါ့၊ ကိုယ်ရတဲ့အခန်းကျဉ်းကလေးကိုပဲ တစ်စိတ် စိတ်ပြီး အိမ်လခနှစ်ဆနဲ့ တစ်ဆင့် ထပ်ငှားရရင် မကောင်းဘူးလားလို့တောင် ဟယ်လင့်ကို ပြောမိသေးတယ်၊ ဒီတော့ ကျွန်မတို့ အိမ်လခကလေး ကျေတဲ့အပြင် အမြတ်တောင်ရဦးမယ် ဟုတ်လား”
သူတို့အားလုံး ရယ်လိုက်ကြသည်။ ထို့နောက် ဝါ့ဒ်သည် သူတို့ကို နှုတ်ဆက်၍ မိမိအခန်းကျဉ်း လှောင်အိမ်ကလေးသို့ ပြန်လာခဲ့သည်။
အိမ်ပေါက်ဝသို့ရောက်သည့်အခါတွင် ဆေးပြင်းလိပ်တိုကို ပါးစပ်တွင် ခဲထားသည့် မုတ်ဆိတ်မွေးထူလပျစ်နှင့် အိမ်ခန်းမန်နေဂျာကို တွေ့ရသည်။ မန်နေဂျာ တံခါးပေါက်ကိုမှီ၍ ရပ်နေရင်း
“ခင်ဗျားအခန်းက လေးဒသမ ခုနစ်မီတာရှိတယ် မဟုတ်လား” ဟု မေးသည်။
ဝါ့ဒ်မှာ အိမ်ထဲသို့မဝင်နိုင်သေး၊ အိမ်ထဲသို့ဝင်မည့် လူအုပ်ကြီးကို စောင့်နေရသေးသည်။ လှေကားပေါ်တွင် မိန်းမနှစ်ယောက် အထုပ်ကြီးတစ်ထုပ်ကို ရှေ့ချကာ ရန်ဖြစ်နေကြသဖြင့် အခြားသောအိမ်ငှားများမှာလည်း တက်မရ ဆင်းမရ ဖြစ်နေသည်။
“ဟုတ်တယ်မဟုတ်လား၊ လေးဒသမခုနစ်မီတာ မဟုတ်လား၊ ကျွန်တော် သေသေချာချာ တိုင်းကြည့်ခဲ့ပြီးပြီ”
“လေးဒသမခုနစ်မီတာဆိုတာ ကြမ်းပြင်ကိုပြောတာလား၊ မျက်နှာကြက်ကို ပြောတာလား”
“မျက်နှာကြက်ကို တိုင်းတာပေါ့ဗျ၊ ကြမ်းပေါ်မှာက ခင်ဗျားပစ္စည်းတွေ ပွစာကြဲနေတာ ကျုပ် ဘယ့်နှယ်လုပ် တိုင်းလို့ရမှာလဲ”
အစိုးရအိမ်ငှားမန်နေဂျာသည် ကြမ်းပေါ်တွင် ကျနေသည့် စာအုပ်အချို့ကို ခြေထောက်ဖြင့် ခုတင်အောက်သို့ ကန်သွင်းလိုက်သည်။ ဝါ့ဒ်က မမြင်ယောင်ပြုကာ ...
“နံရံက အပေါ်မှာ နည်းနည်း ကားသွားတယ်ဗျ၊ သုံးလေးဒီဂရီလောက် အပြင်ကို စောင်းနေတယ်”
မန်နေဂျာက ခေါင်းညိတ်လိုက်ပြီ ...
“စောင်းစောင်း မစောင်းစောင်းဗျာ၊ ခင်ဗျားအခန်းဟာ လေးမီတာကျော်တာတော့ အမှန်ပဲ၊ ဒီတော့ ဒီအခန်းမျိုးကို တခြားလူကိုငှားရင် လခနှစ်ဆရ နိုင်တယ်”
အပေါ်ထပ်မှ လူအချို့ ဆင်းလာသည့်အတွက် ဝါဒ်သည် လှေကားလက်ရန်းကို ကပ်၍ သူတို့ကို လမ်းဖယ်ပေးလိုက်ရသည်။
“ဘာ ... လေးမီတာခွဲလောက်ရှိတဲ့ အခန်းကလေးကို နှစ်ဆနဲ့ ငှားလို့ ရမတဲ့လားဗျ”
ထိုစဉ် လူတစ်ယောက်တက်လာကာ အခန်းတံခါးပေါက်မှနေ၍ ဝါ့ဒ်၏ အခန်းကလေးကိုလှမ်းကြည့်ကာ နှာခေါင်းရှုံ့လိုက်ပြီးလျှင် ...
“ဘာလဲ ဂျိုလူဝီ၊ လခနှစ်ဆနဲ့ ငှားမလို့လား” ဟု မေးသည်။
“လေးမီတာခွဲဆို ငါးမီတာပေါ့ဗျာ၊ ခု ဥပဒေသစ် ထွက်တယ်ဗျ၊ လေးဒသမ ငါးမီတာထက်ကျော်တဲ့ အခန်းကို လခနှစ်ဆတိုးရမယ်တဲ့၊ ကဲ ... ပြောဗျာ၊ ခင်ဗျား ဆက်နေနိုင်မလား၊ မနေနိုင်ဘူးလား သိချင်တယ်၊ အခန်းက ကျယ်လည်းကျယ်၊ ရှုခင်းလည်း ကောင်းတယ်၊ လှေကားနဲ့နီးတော့ ဝင်ရထွက်ရတာလည်း လွယ်တယ်၊ ပြတင်းပေါက်ကလည်း တရုတ်ကတ်တွေနဲ့၊ ပြီးတော့ ...”
ထိုလူသည် ခုတင်ပေါ်တွင်ပစ်လှဲကာ အားရပါးရ ရယ်နေသော ဝါ့ဒ်ကို လှမ်းကြည့်ရင်း ...
“ဟေ့လူ ... ဘာဖြစ်သွားတာလဲ၊ ဒီလောက် ကျယ်ကျယ်လွင့်လွင့်ရှိတဲ့ အခန်းကို လိုချင်တယ်ဆိုရင် လခကောင်းကောင်း ပေးရမှာပေါ့၊ ဒီတော့ နောက်ထပ်လခတစ်ဝက် လိုချင်တယ်ဗျာ၊ မပေးနိုင်ဘူးဆိုရင် ပြောင်းပေါ့၊ ဒါပဲ”
ဝါ့ဒ်က မျက်လုံးကို ပွတ်လိုက်ရင်း ...
“ကောင်းပါပြီဗျာ၊ ဖယ်ပေးဆိုရင်လည်း ဖယ်ပေးရုံပေါ့၊ ကျွန်တော်ကလည်း ပြောင်းမလို့ စိတ်ကူးနေတာပါ၊ ဟောဟိုနားက တံမြက်စည်းထားတဲ့ ဗီရိုကလေးထဲကို ပြောင်းမလို့ စီစဉ်ပြီးပါပြီ၊ လှေကားနဲ့နီးတော့ ဝင်ရထွက်ရတာလည်း လွယ်တယ်ဆိုတဲ့ ခင်ဗျားစကားကို သဘောကျလှသဗျာ၊ ဒါ့ထက် နေစမ်းပါဦးဗျ၊ ယူရေးနပ်ဂြိုဟ်ပေါ်မှာ သက်ရှိသတ္တဝါတို့ ဘာတို့ နေလို့ မရဘူးလားဗျ”
* * *
သူ အလုပ်လုပ်သည့် စာကြည့်တိုက်နှင့် ကိုက်တစ်ရာခန့်အကွာတွင် ဟောင်းနွမ်းပျက်စီးနေသည့် အိမ်အိုကြီးတစ်လုံးရှိသည်။ ဝါ့ဒ်နှင့် ရိုဆီးတားတို့သည် ထိုအိမ်အိုကြီးမှ အခန်းမြှောင်ကလေးတစ်ခုကို နှစ်ယောက်စပ်တူ ငှားလိုက်ကြသည်။ သူတို့ အိမ်နားနီးချင်းများမှာ ညစ်ပတ်နုံချာလှ၏။ အနားရှိ အိမ်များမှာလည်း အခန်းများဖွဲ့ကာ ထိုအခန်းများကို ခန်းမြှောင်ကလေးများ ထပ်စိတ်ပြီး အိမ်ငှားတွေအပြည့် တင်ထားသည်။ အိမ်များမှာ အဝေးရောက် အိမ်ရှင်များကသော်လည်းကောင်း၊ အိုးအိမ်အဖွဲ့ကသော်လည်းကောင်း၊ ပိုင်သည့်အိမ်များဖြစ်ကြသည်။ အိမ်ငှားမန်နေဂျာများကလည်း အောက်တန်းကျလှသည်။ သူတို့အဖို့မှာ အိမ်ငှားတွေ ဘယ်လိုနေနေ အကြောင်းမဟုတ်။ အချိန်တန်လျှင် အိမ်လခ လာတောင်းရုံသာ ဖြစ်သည်။ အိမ်ပေါ်ထပ်သို့ပင် တစ်ခါမျှ တက်မကြည့်ဖူးကြ။ စင်္ကြံတွင် ပုလင်းခွံများ၊ ဘူးခွံများ ပြန့်ကျဲလျက်။ ရေချိုးခန်းကလည်း အညစ်အကြေး တွင်းကြီးများသဖွယ်၊ လူငယ်လူရွယ်များကလည်း အလုပ်သွားကြပြီး အဘိုးအို၊ အဘွားအိုများက ရေအိမ်သာသာ အခန်းကျဉ်းကလေးများထဲတွင် ခွေနေရာမှ တစ်ဖက်နှင့်တစ်ဖက်လှမ်း၍ စကားပြောတတ်ကြသည်။
သူတို့ခန်းမြှောင်နှစ်ခန်းတွဲမှာ အိမ်ပေါ်ထပ်စင်္ကြံတစ်ခု၏ အဆုံးတွင် ရှိ၏။ အိမ်ပုံစံကလည်း ဘယ်တုန်းကဆွဲ၍ ဘယ်တုန်းက ဆောက်ထားခဲ့သည်။ မသိ။ အခန်းများကို ဖွဲ့ချင်သည့် နေရာတွင် ဖွဲ့ထားပြီး စင်္ကြံလမ်းမှာ တစ်ဖက်ပိတ်ကြီး ဖြစ်နေသည်။ သူတို့နံရံနှင့် လေးပေအကွာတွင် သေတ္တာအလွတ်များကို ပုံထားပြီး အခန်းဖွဲ့ထားသည်။ ထိုချောင်ကလေးထဲတွင်မှ အကာအရံကလေ။ တစ်ခုကာထားပြီး အိပ်ရာနှစ်ခု ချသာရုံ နေရာကလေးမျှသာ ဖြစ်၏။ သူတို့နံရံတွင် ပြတင်းပေါက် မြင့်မြင့်ကြီးတစ်ခု ရှိပြီး ထိုပြတင်းပေါက်ကြီးမှ ငုံ့ကြည့်လိုက်လျှင် တစ်ဖက်ရှိအိမ်များကို မြင်ရသည်။
ဝါ့ဒ် သည် သူ့ပစ္စည်းကလေးများကို ခေါင်းရင်းရှိ စင်ကလေးတစ်ခုပေါ်တွင် စုပြုံတင်ထားလိုက်ရင်း အိပ်ရာပေါ်တွင် စိတ်ပျက်လက်ပျက်လှဲနေရာမှ တစ်ဖက်ရှိ စာကြည့်တိုက် အမိုးကြီးကို လှမ်းကြည့်နေသည်။
ရိုဆီးတားက သူ့အထုပ်များကို ဖြေရင်း ...
“ဒီနေရာက သိပ်တော့ မဆိုးပါဘူးကွာ၊ ဟိုမှာသာဆိုရင် ကျွန်တော်တို့ တစ်တွေ မကြာခင် ရူးသွားနိုင်တယ်၊ ခုတော့ ကျွန်တော်တို့အနား နှစ်ပေကွာလောက်မှာ တခွီးခွီးအသက်ရှူနေတဲ့ လူခြောက်ယောက်မရှိတော့ဘူး၊ အံမာလေး ခုမှပဲ စိတ်ချမ်းသာရတော့တယ်”
သူတို့နှင့်အနီးဆုံး ခန်းမြှောင်မှာ ခြေလှမ်းဆယ့်နှစ်လှမ်းလောက် ကွာပြီး သေတ္တာကြီးများကို ကာရံဖွဲ့ထားသည့် တစ်ယောက်ခန်းကလေး ဖြစ်၏။ အခန်းပိုင်ရှင်မှာ အသက် ခုနစ်ဆယ်ခန့်ရှိ၍ နားလေးကာ အိပ်ရာထဲတွင် လဲနေလေပြီ။
“အင်း ... သိပ်တော့မဆိုးပါဘူး၊ ကဲ ... နောက်ဆုံးလူဦးရေစာရင်းကို ပြောစမ်းပါဦးဗျာ၊ စိတ်ချမ်းသာစရာကလေးများ ကြားရလိုကြားရငြားပေါ့”
ဝါ့ဒ်က ပြော၏။
ရိုဆီးတားက အသံကိုနှိမ့်ကာ ...
“တစ်နှစ်ကို လေးရာနှုန်းနဲ့ တိုးနေတယ်ဗျ၊ ဒီတော့ တစ်နှစ်ကို လူ သန်းရှစ်ရာ တိုးနေတယ်၊ သန်းရှစ်ရာဆိုတာ ၁၉၅၀ ခုနှစ်တုန်းက ကမ္ဘာ့လူဦးရေရဲ့ တစ်ဝက်ရှိတယ်”
“ဒါဖြင့် လူတစ်ယောက်ရဲ့ နေရာအကျယ်အဝန်းကို သုံးမီတာအထိ လျှော့ချဦးမယ်ပေါ့”
“ဟုတ်တယ်၊ နောက်နှစ်ဆန်းတစ်ရက်က စပြီး လူတစ်ယောက်ကို စတုရန်း သုံးမီတာနှုန်းပဲ ပေးတော့မယ်တဲ့”
ဝါ့ဒ်သည် ရုတ်ခနဲ ထထိုင်လိုက်ကာ ...
“ဘာ ... လူတစ်ယောက်ကို သုံးစတုရန်းမီတာပဲ ပေးတော့မယ်၊ ဟုတ်လား၊ မဖြစ်နိုင်တာဗျာ၊ ကမ္ဘာကြီးတော့ ရူးနေပြီထင်တယ်၊ ဒီအတိုင်းပဲ ကြည့်နေကြတော့မှာလားဗျာ၊ ဒီကိစ္စကို သူတို့ဖြေရှင်းဖို့ စိတ်မကူးကြတော့ဘူးတဲ့လား၊ နောက်ဆိုရင် အိပ်ဖို့မပြောနဲ့၊ ထိုင်စရာတောင် ရှိပါ့မလားမသိဘူး”
ဝါ့ဒ်သည် စိတ်ပျက်လက်ပျက်ဖြင့် နံရံကို လက်သီးဖြင့် ပိတ်ထိုးလိုက်၏။ ဒုတိယတစ်ချက် ထိုးလိုက်သည့်အခါတွင် စက္ကူပါးပါးလေး ကပ်ထားသည့် နံရံပေါက်ပြဲသွားသည်။
“ဟေ့လူ ... မလုပ်နဲ့လေ၊ ဟိုမှာ နံရံက သစ်သား ကျိုးသွားပြီ”
ရိုဆီးတားက အော်ကာ အိပ်ရာပေါ်မှ ဝမ်းလျားထိုးလိုက်ရင်း စက္ကူစကလေးကပ်ကာ တွဲလောင်းကျနေသည့် သစ်သားစကို လှမ်းယူလိုက်သည်။ ဝါ့ဒ်ကလည်း သစ်သားစကို သူ့အိပ်ရာပေါ်သို့ ပြန်ဆွဲလိုက်၏။
“ဟိုဘက်က ဘယ်သူလဲ မသိဘူး၊ တော်တော်ကြာ ပြဿနာတွေ တက်နေဦးမယ်”
ဝါ့ဒ်သည် သစ်သားပျဉ်ပြားကြားကလေး ကျိုးသွားသည့် အပေါက်ကြားမှနေ၍ တစ်ဖက်သို့ ချောင်းကြည့်လိုက်သည်။ မှောင်ရီရီဖြစ်လျက် ရှိသဖြင့် သဲကွဲစွာမမြင်ရ။ ထို့နောက် လက်တွင်ကိုင်ထားသည့် ပျဉ်ပြားစကို လွှတ်ချလိုက်ကာ အလန့်တကြားဖြင့် ရိုဆီးတားကို အိပ်ရာပေါ်သို့ အတင်းဆွဲခေါ်လာရင်း
“ဟေ့လူ၊ ကြည့်စမ်း ... ကြည့်စမ်း”
ကောင်းကင်ပေါက်မှ ကျလာသော အလင်းရောင် မှောင်ရီရီထဲ၌မူ ဆယ့်ငါးမီတာစတုရန်းခန့် ကျယ်သည့် အခန်းကျယ်ကြီးတစ်ခန်း။ ဖုန်တွေတက်လျက်။ အခန်းထဲတွင် ဘာဆိုဘာမျှ မရှိ။ ကြမ်းပြင်ပေါ်တွင် ဖယောင်းပုဆိုး ခပ်စုတ်စုတ် တစ်ထည်ကို ခင်းထားလျက်။ နံရံတွင်လည်း ပန်းတွေရိုက်ထားသည့် နံရံကပ်စက္ကူ ခပ်ဟောင်းဟောင်း ကပ်လျက်။ တချို့နေရာများတွင် နံရံကပ်စက္ကူတို့ ကွာကျနေလေပြီ။ သို့ရာတွင် မည်မျှ ညစ်ပတ်နေပါစေ၊ လူနေ၍ရသည့် အခန်းကျယ်ကြီး တစ်ခန်း။
ဝါ့ဒ် သည် ဝမ်းသာလွန်းသဖြင့် အသက်ကိုပင် ကောင်းစွာမရှူနိုင်ဘဲ တံခါးကို အသာပြန်ပိတ်ကာ ရိုဆီးတားဘက်သို့ လှည့်၍
“ဗျို့လူ၊ ကျွန်တော်တို့တစ်တွေ ကောင်းကင်ဘုံကြီးကို တွေ့တာဗျ၊ ကောင်းကင်ဘုံကြီးကို တွေ့နေတာl သိရဲ့လား”
ရိုဆီးတားက အသံတိုးတိုးဖြင့် ...
“တိုးတိုးဗျ ... တိုးတိုး၊ ဒီ့ပြင်လူတွေ ကြားသွားလိမ့်မယ်၊ တော်တော်ဆန်းတာဗျာ၊ ခုထိ ဒီအခန်းကို ဘယ်သူမှ မတွေ့သေးဘူး ထင်တယ်၊ မကြာခင်ကများ တစ်ယောက်ယောက် နေသွားသလား မဆိုနိုင်ဘူး”
“မဖြစ်နိုင်ဘူးဗျ၊ ဘယ်သူမှ နေသွားပုံ မရဘူး၊ တံခါးတို့ ဘာတို့မှ မရှိတာ၊ ဒီအခန်းကိုမေ့ပြီး နံရံကာသွားတာနဲ့ တူတယ်၊ အခန်းထဲမှာ ဖုန်တွေတင်နေတာကို ကြည့်ပါလား၊ လူမနေတာကြာလို့ ဒီလောက်ဖုန်တွေ တက်နေတာပေါ့”
ရိုဆီးတားသည် အခန်းထဲသို့ ခေါင်းပြူကြည့်လိုက်၏။ ကျယ်ပြောလှသောအခန်းကြီးကို မြင်လိုက်သည့်အတွက် ကတုန်ကယင်ကြီး ဖြစ်နေသည်။
“ဟုတ်တယ်ဗျ၊ လူနေဟန် မတူဘူး၊ ကျွန်တော်တို့ ဘယ်တော့ရွှေ့ကြမလဲ”
သူတို့နှစ်ယောက်သည် တံခါးအောက်ပိုင်းကိုခွာကာ တံခါးရွက်များကို ပေါင်တစ်ခုပေါ်တွင် ကပ်ရိုက်ကြ၏။ သူတို့တွေ့ထားသည့် အခန်းကို အခြားသူများ မမြင်နိုင်အောင် ရုတ်တရက် ဖုံးကွယ်ထားရန် ဖြစ်သည်။
ညနေပိုင်း လူရှင်းချိန်၊ အိမ်ခန်းမန်နေဂျာ မြေတိုက်ခန်းထဲတွင် အိပ်စက်နားနေချိန်သို့ ရောက်လျှင် သူတို့တွေ့ထားသည့် အခန်းသစ်ထဲသို့ ခိုးကြောင်ခိုးဝှက် ဝင်ကြည့်ကြသည်။ ဝါ့ဒ်က အသာဝင်ကြည့်နေစဉ် ရိုဆီးတားက သူတို့ နေနေကျ အခန်းမြှောင်ကလေးထဲမှ နေ၍ လူစိမ်းလာလျှင် အချက်ပြရန် စောင့်ပေးနေသည်။
ဝါ့ဒ် ပြန်ထွက်လာသည့်အခါတွင် ရိုဆီးတားက ထိုအခန်းထဲ ဝင်ပြန်သည်။ ဖုန်တွေ အလိမ်းလိမ်းတက်နေသည့် အခန်းထဲတွင် တစ်ယောက်တစ်လှည့်စီ လျှောက်ကြ၏။ လက်ခြေတို့ကို ဆန့်ကာ ကျယ်ပြောလှသည့် အခန်းကြီးကိုတအံ့တဩ ငေးမောကြည့်ရှုကြ၏ ဟင်းလင်းပြင်တွင် လွတ်လပ်ခွင့်တည်း ဟူသော စည်းစိမ်ချမ်းသာကို ခံစားကြ၏။ ယခုသူတို့ရောက်နေသည့် အခန်းသည် ယခင်ခေတ်စံချိန်များနှင့် ကြည့်လျှင် ဘာမျှကျယ်သည် မဟုတ်။ ပေလေးဆယ်သာသာခန့်မျှသာ ကျယ်သည့် အခန်းကလေးဖြစ်၏ သို့ရာတွင် သူတို့ နှစ်ယောက်အဖို့ကား အလွန်ကျယ်သည့် အခန်းကြီးဖြစ်နေကာ နံရံတို့မှာလည်း မိုးသို့တက်နေသော ကျောက်ဆောင်ကမ်းပါးကြီးများသဖွယ် ထင်မှတ်နေကြ၏။
နောက် နှစ်ရက်သုံးရက် ကြာသည့်အခါတွင်မူ သူတို့နှစ်ယောက်သည် သူတို့၏ နေရာသစ်ဖြစ်သော ထိုမဟာခန်းဆောင်ကျယ်ကြီးသို့ ပြောင်းခဲ့ကြလေသတည်း။
* * *
ပထမ တစ်ပတ်၌ ထိုအခန်းထဲတွင်ကား ရိုဆီးတား အိပ်၏။ ဝါဒ့်က သူတို့ တရားဝင်ငှားထားသည့် အခန်းမြှောင်ကလေးထဲတွင် အိပ်၏။ အပြင်လူ တွေသိမည်စိုးသဖြင့် စောင့်အိပ်ရခြင်း ဖြစ်သည်။ နေ့လယ်ဆိုလျှင်မူ နှစ်ယောက်စလုံး ထိုအခန်းထဲတွင် နေကြသည်။ တဖြည်းဖြည်းနှင့် ပရိဘောဂ ပစ္စည်းများကိုလည်း တိတ်တဆိတ် ခိုးသွင်းလာနိုင်ခဲ့ကြသည်။ ယင်းတို့မှာ ကုလားထိုင်နှစ်လုံး၊ စားပွဲတစ်လုံးနှင့် မီးအိမ်တစ်လုံးတို့ ဖြစ်၏။ လျှပ်စစ်ဓာတ်ကိုမူ အခန်းမြှောင်ကလေးထဲရှိ မီးခေါင်းမှ ဆက်ယူထားခြင်းဖြစ်သည်။ စားပွဲ၊ ကုလားထိုင်များမှာ ရှေးဝိတိုရိယခေတ်ပုံစံ ထူထူအန်းအန်းကြီးတွေ ဖြစ်၏။ ဈေးပေါပေါဖြင့် ရသဖြင့် ဝယ်ခဲ့ကြခြင်းဖြစ်သည်။ လေးလံလှသည့် စားပွဲ၊ ကုလားထိုင်ကြီးများသည် အခန်းကြီး၏ ကျယ်ပြောခြင်းကို လေးနက်အောင် လုပ်နေသကဲ့သို့ ရှိသည်။ သူတို့အခန်းတွင် အခမ်းနားဆုံးပရိဘောဂမှာ ပန်းပုထုထားသည့် နတ်မိမယ်ရုပ်ကလေးများက မ,ထားသည့်ဟန် ခြေထောက် တပ်ထားသည့် မဟော်ဂနီအဝတ်ဗီရိုကြီး ဖြစ်သည်။ ရှေ့တွင် မှန်များလည်း တပ်ထားသည်။ ထိုဗီရိုကြီးကို တစ်စစီဖြူတ်ကာ လက်ဆွဲအိတ်ထဲသို့ ထည့်ပြီး တဖြည်းဖြည်း ခိုးသွင်းလာခဲ့ရခြင်း ဖြစ်သည်။ ဗီရိုကြီးသည် သူတို့ခေါင်းပေါ်တွင် မိုးလျက်ရှိလေရာ စာကြည့်တိုက် မိုက်ကရိုဖလင်များထဲတွင် မြင်ဖူးသော ရှေးခေတ် ဂေါသစ် ဘုရားရှိခိုးကျောင်းကြီးမှ စုလစ်မွမ်းချွန်များနှင့် တူသည်ဟုပင် ဝါ့ဒ် ထင်မိသေးသည်။
နောက်သုံးပတ်လောက် ရှိသည့်အခါတွင်ကား သူတို့တရားဝင် ငှားနေသည့် ခန်းမြှောင်ကလေးထဲတွင် နေရသည်ကို ကျဉ်းကျပ်လာခဲ့လေပြီ။ သည် အခန်းသစ်တွင် လိုက်ကာကလေးတစ်ခုကာပြီး သူ့အတွက် နေရာကလေး တစ်နေရာလုပ်ထားသည်။ သူ့ဘေးပတ်ပတ်လည်တွင် စာအုပ်ချထားပြီး ကြိုက်သည့်စာကို ဖတ်ရသည်မှာ အရသာ ရှိပါဘိခြင်း။ သူ့ပတ်ဝန်းကျင်တွင် လူဦးရေ သိပ်သည်းစွာ ထူထပ်နေသည့် မြို့ကြီးရှိသည်ကိုပင် မေ့သွားလေပြီ။ စာကြည့်တိုက်သို့ အလုပ်သွားလျှင်လည်း နောက်ဖေးလမ်းကြား တစ်ခုမှ ဖြတ်သွားနိုင်သည့်အတွက် လူတွေကျပ်ခဲနေသည့် လမ်းမကြီးကို ဖြတ်စရာမလိုတော့။ ကမ္ဘာလောကကြီး တစ်ခုလုံးတွင် ရိုဆီးတားနှင့် သူတို့နှစ်ယောက်တည်းသာ ရှိသည်ဟုပင် ထင်ရတော့သည်။ သူတို့နှစ်ယောက်မှလွဲလျှင် အခြားသူများသည် မိမိတို့ကိုယ်ပွါးများ၊ အုပ်မနိုင် ထိန်းမရတော့သော ပရမ်းပတာအရိပ်များဟုပင် စိတ်တွင် ထင်မိသည်။
* * *
တစ်နေ့တွင် ရိုဆီးတားက သူတို့အခန်းသို့ သူတို့မိတ်ဆွေ မိန်းကလေး နှစ်ဦးကို နေခွင့်ပြုရန် အဆိုပြုသည်။ ရိုဆီးတားသည် ဂျူးဒစ်တစ်ယောက် အပေါင်းအသင်းမှားမည် စိုးသည့်အတွက် ထိုစကားကို ပြောရခြင်းဖြစ်သည်။
“ကောင်မလေးနှစ်ယောက်လည်း အိမ်ရှင်က နှင်ချခံရပြန်ပြီဗျာ၊ ခု ဘယ်နေရမှန်းတောင် မသိအောင် ဖြစ်နေပြီ၊ အိမ်တွေကိုပြန်ပြီး အခန်းသစ်တွေဖွဲ့ရင် အိမ်ရှင်တွေကလည်း အိမ်ငှားခကို အရင်တုန်းကထက် ပိုတောင်းကြတော့မှာ၊ သူတို့တောင်းတဲ့ဈေးကို မရရင် ငှားမှာမဟုတ်ဘူး၊ ကောင်မလေးတွေ ဘယ်လိုများ နေကြမယ် မပြောတတ်ဘူး”
ဝါ့ဒ်က သစ်နီသားစားပွဲဝိုင်းကို မှီ၍ထိုင်လိုက်ရင်း ခေါင်းညိတ်ပြလိုက်၏။ မီးအုပ်ဆောင်း၏ ပြာလဲ့လဲ့မှ တွဲလောင်းကျနေသည့် ပန်းဖွားကလေးများကိုလည်း လက်ဖြင့် တို့ကစားနေသည်။ မိမိသည် အိမ်ထောင်ပရိဘောဂတို့ ခမ်းနားစွာပြင်ဆင်ထားသည့် ခန်းကျယ်ကြီးတစ်ခုထဲတွင် စာပေတို့ကို လေ့လာ လိုက်စားနေသည့် ဝိတိုရိယခေတ် ပညာရှင်ကြီးတစ်ယောက်ဟု စိတ်ထဲတွင် ထင်လိုက်မိသေးသည်။
ဝါ့ဒ်က အခန်းထောင့်တစ်နေရာသို့ ခန့်ညားစွာ လက်ညှိုးထိုးပြလိုက်ကာ ...
“ကောင်မလေးတွေ အဲဒီနားမှာ ထားချင်ထားနိုင်သားပဲ၊ ကျွန်တော်တို့ အခန်းမှာ နေရာတွေ တစ်ပုံကြီးပါဗျာ၊ နည်းတဲ့နေရာတွေမှ မဟုတ်တာ၊ ထားချင် ထားလိုက်ပေါ့၊ အဲ ... တစ်ခုတော့ ရှိတယ်ဗျ၊ ကျွန်တော်တို့မှာ ဒီအခန်းရှိကြောင်းကိုတော့ တခြားလျှောက်မပြောမိအောင် ပိတ်ထားဖို့လိုလိမ့်မယ်”
* * *
သူတို့နှစ်ယောက်သည် လိုအပ်သည့် ကြိုတင်ကာကွယ်မှုများကို ပြုလုပ်ပြီးနောက် အမျိုးသမီး နှစ်ယောက်ကို သူတို့ အခန်းသို့ ခေါ်လိုက်သည်။ မိန်းမပျို နှစ်ယောက်မှာ စကြာဝဠာသစ်ကြီး တစ်ခုသို့ ရောက်သွားသည့်နှယ်၊ ကျယ်ပြောလှသော သူတို့၏ ပေလေးဆယ်သာသာ အခန်းကြီးကိုကြည့်၍ တအံ့တဩ ဖြစ်နေကြသည်။
ရိုဆီးတားက ...
“အလယ်ကောင်မှာ နင်တို့ဖို့ အကာတစ်ခု ကာထားပေးမယ်လေ၊ မနက်လင်းတော့ အဲဒီအကာကို ဖြုတ်ပစ်လိုက်ပေါ့၊ ညကျမှပြန်တပ်ပေါ့၊ ဒီတော့ နင်တို့ နေချင်တယ်ဆိုရင် တစ်ရက်နှစ်ရက်လောက် အတွင်းမှာပဲ ပြောင်းလဲလာခဲ့ကြ”
“ဟန်ကျလိုက်တာရှင်၊ ကောင်းလိုက်တာ” ဟု ဆိုကာ အမျိုးသမီးနှစ်ယောက်သည် ဗီရိုကြီးကို တအံ့တဩ ကြည့်ပြီးနောက် ဗီရိုတွင် တပ်ဆင်ထားသည့် မှန်များထဲတွင် သူတို့ကိုယ်ကို သူတို့ မသိမသာ စောင်းငဲ့ကြည့်ကြသည်။
သူတို့နှစ်ယောက်ကို အိမ်ထဲသို့ ခေါ်သွင်းရေးကိစ္စ၊ သူတို့နှစ်ယောက် အပြင်ထွက်ရေးကိစ္စတို့မှာ ခက်ခဲသောကိစ္စ မဟုတ်ချေ။ အိမ်ငှားများ ပြောဝ်းလိုက်ရွှေ့လိုက် လုပ်နေကြသဖြင့်တစ်ကြောင်း၊ အိမ်လခများကိုပေးရာတွင်လည်း ကိုယ်တိုင်ကိုယ်ကျ ပေးစရာမလိုဘဲ စာတိုက်ပုံးထဲတွင် ထည့်ထားရသည့်အတွက်ကြောင့်တစ်ကြောင်း သူတို့နှစ်ယောက် ပြောင်းလာသည်ကို မည်သူမျှ သတိမပြုမိကြ။
သို့ရာတွင် သူတို့နှစ်ယောက်ပြောင်းလာပြီး နာရီဝက်ခန့်ကြာသည့်တိုင်အောင် အထုပ်အပိုးများကို မဖြေကြသေး။
ဝါ့ဒ်က မိန်းကလေးနှစ်ယောက်၏အိပ်ရာကို စားပွဲနှင့် ဗီရိုကြားထဲက နေရာကျဉ်းကျဉ်းလေးထဲတွင် ရွှေ့ရင်း
“ဂျူးဒစ် ... ဘာဖြစ်လို့လဲ၊ အဝတ်တွေ ဘာတွေ မဖြေသေးဘူးလား”
“ဟို ... ဟို”
ဂျူးဒစ်က ဝါ့ဒ်ကိုတစ်လှည့်၊ အထပ်သားအကာကို ပြင်နေသည့် ရိုဆီးတားကိုတစ်လှည့် ကြည့်ရင်း စကားထစ်နေသည်။ ဤတွင် သွက်လက်ချက်ချာသော ဟယ်လင်က တွန့်ကျေနေသော အိပ်ရာခင်းကို ဖြန့်ရာမှ ...
“ဂျူးဒစ် ပြောချင်တာက ဒီလိုလေ၊ ယောက်ျားလေး နှစ်ယောက်တည်းရှိတဲ့ အခန်းကိုပြောင်းလာတော့ နည်းနည်းခက်နေတယ်၊ ရှင်တို့လုပ်ထားတဲ့ အကာအရံက ...”
ရိုဆီးတားက အထပ်သားပါးပါးကလေးကို ပေါင်တွင် ကပ်ရိုက်နေရာမှ ခါးကိုဆန့်လိုက်ရင်း သူတို့တွင် အကျင့်ဖြစ်နေသည့် ခပ်ကျယ်ကျယ် တီးတိုးသံကလေးဖြင့် ...
“ဪ ... ဒါအတွက်တော့ ဘာမှမစိုးရိမ်ပါနဲ့၊ စိတ်ချလက်ချသာနေ၊ ဒီအကာအရံက ကျောက်ဆောင်ကြီး ကာထားတာထက်တောင် ခိုင်လိမ့်ဦးမယ်”
ဟယ်လင်က ...
“အို ... ဒါကို စိုးရိမ်လို့ပြောတာ မဟုတ်ပါဘူး၊ ကျွန်မတို့ ပြောချင်တာက အသက်ကြီးတဲ့ လူတစ်ယောက်များ ရောက်လာရင် ရှင်တို့မှာ အနေအထိုင်များ ကျပ်တည်းသွားမလားလို့ပါ၊ ဥပမာ- ဂျူးဒစ်ရဲ့ အဒေါ် ဆိုပါတော့၊ သူလာရင်လည်း နေရာဒီလောက်ကျယ်ကျယ် ယူမှာမဟုတ်ပါဘူး၊ ဖြစ်သလိုနေနိုင်ပါတယ်၊ ပြီးတော့လည်း သူ့ဘာသာသူ အေးအေးဆေးဆေးနေတာပါ၊၊ အမှန်ကတော့ အကာအရံကိုလည်း ညကျမှကာလိုက်ရင် ပြီးတာပဲ၊ နေ့လယ်မှာတော့ ဒီလိုပဲနေလို့ရပါတယ်”
ဝါ့ဒ်သည် ဘယ့်နှယ်ရှိစဟူသော အကြည့်မျိုးဖြင့် ရိုဆီးတားကို လှမ်းကြည့်လိုက်၏။ ရိုဆီးတားမှာ ကြမ်းပြင်ကို ငုံကြည့်နေသည်။
“ရပါတယ်၊ နင်တို့ကို ကိုယ်ချင်းစာပါတယ်၊ ငါတို့အနေနဲ့ အကြောင်းမဟုတ်ပါဘူး”
ဝါ့ဒ်က မိန်းကလေးနှစ်ယောက်၏ ခုတင်နှင့်စားပွဲကြားက ကွက်လပ်ကို လက်ညှိုးထိုးပြလိုက်ကာ ...
“ရပါတယ်၊ လူတစ်ယောက်တိုးရုံနဲ့တော့ အကြောင်းမထူးပါဘူး”
မိန်းကလေးနှစ်ယောက်သည် ဝမ်းသာအားရ အော်လိုက်ကြသည်။ ဂျူးဒစ်က ရိုဆီးတားဆီသို့ သွားကာ ပါးကို ရွှတ်ခနဲ နမ်းလိုက်၏။
“နှောက်ယှက်တယ်လို့ မအောက်မေ့ပါနဲ့နော်၊ ရှင်လုပ်ထားတဲ့ အကာအရံကလေး ကလည်း ကောင်းလွန်းတောင် နေသေးတယ်၊ အဒေါ့်အဖို့လည်း အခန်းကလေး တစ်ခန်းလောက် ဖွဲ့ပေးပါလားဟင်၊ အဒေါ်က အေးအေးဆေးဆေးနေတတ်ပါတယ်၊ ဒါပေမဲ့ အသက်ကြီးတော့ သီးခြားကလေး နေချင်တာပေါ့လေ၊ လုပ်ပေးမယ် မဟုတ်လားဟင်”
“ရပါတယ်၊ ငါ့မှာ ပျဉ်တွေရှိပါသေးတယ်”
ဝါ့ဒ်က နာရီကို ငုံကြည့်လိုက်ရင်း ...
“ခုနစ်နာရီ ခွဲနေပြီ၊ နင့်အဒေါ်ကို သွားခေါ်ချင်တယ် ဆိုရင်လည်း သွားခေါ် ချည်လေ၊ ခုအချိန် မရရင်လည်း မနက်ကျမှခေါ်ပေါ့”
“အို ... ခုပြောင်းနိုင်ပါတယ်၊ ကျွန်မ ခုပဲသွားခေါ်လိုက်မယ်၊ ချက်ချင်း ပြန်လာခဲ့မယ်”
ဂျူးဒစ်သည် အပေါ်အင်္ကျီကို ကောက်ဝတ်ပြီး ထွက်သွားရာ ငါးမိနစ်အတွင်း သူ့အဒေါ်နှင့်အတူ ပြန်ရောက်လာသည်။ သူ့အဒေါ်မှာ ပစ္စည်းတွေ သေတ္တာကြီးသုံးလုံးအပြည့်။
နောက်သုံးလခန့်ကြာသည့်အခါ ဝါ့ဒ်က ရိုဆီးတားကို ပြောပြ၏။
“တော်တော်တော့ ဆန်းတာပဲဗျာ၊ ဒီအခန်းကြီးကျယ်တာကို ကြည့်ပြီး ကျွန်တော်တော့ ခုထိအံ့ဩနေတုန်းပဲ၊ ကျွန်တော့် အဖို့တော့ ဒီအခန်းကြီးဟာ တစ်နေ့ထက် တစ်နေ့ ကျယ်လာနေတယ်လို့တောင် ထင်မိတယ်”
ရိုဆီးတားက အလယ်တွင်ကာထားသည့် အကာ၏ နောက်တွင် အဝတ်အစားလဲနေသည့် မိန်းကလေးများကို လှမ်းကြည့်နေရာမှ မျက်လုံးများကို လွှဲလိုက်ရင်း ခေါင်းညိတ်ပြသည်။ ယခင်ကမူ အခန်းအလယ်ကောင်တွင် အကာအရံ ညမှာသာ ယာယီထားပြီး မနက်တွင် ဖြုတ်လိုက်ကြသည်။ သို့ရာတွင် နိစ္စဓူဝလုပ်ရသည့်အခါတွင် ထိုအကာကို တပ်လိုက်ဖြုတ်လိုက် လုပ်ရသည့်ကို ငြီးငွေ့လာခဲ့လေပြီ။ ထို့ကြောင့် အကာအရံကို အလယ်ကောင်တွင် အသေတပ်ထားလိုက်သည်။ ထို့ပြင် ဂျူးဒစ်အဒေါ်မှာလည်း သူ့အခန်းကို ဖြုတ်ရတပ်ရ လုပ်ရသဖြင့် စိတ်မရှည်နိုင်တော့၊ ထို့ကြောင့် သူ့အခန်းကိုလည်း အသေတပ် ပေးထားလိုက်ရသည်။ အပြင်ထွက်လျှင် ထိုအခန်းတွင် သူတို့နေသည်ကို အခြားသူများ မသိစေရန် တံခါးဝှက်ကလေးတစ်ခု လုပ်ထားကြပြီး ထိုတံခါးဝှက်ကလေးမှပင် အဝင်အထွက် လုပ်ကြသည်။ အခြားသူများ အမြင်တွင်မူ သူတို့နှစ်ယောက် တရားဝင်ငှားနေကြသည့် အခန်းမြှောင်ကလေးထဲမှာပင် နေကြသည်ဟု ထင်ကြရ၏။
တံခါးအဝင်အထွက်ကိုမူ ဖုံးကွယ်နိုင်ပြီဆိုလျှင်မူ ဤအခန်းကျယ်ကြီးတွင် သူတို့နေကြသည်ကို မည်သည့်နည်းနှင့်မျှ သိနိုင်ကြမည်မဟုတ်။ ထို အခန်းမှာ အိမ်ကြီးကိုဆောက်ပြီးကာမှ နောက်ထပ်စိတ်ကူးပေါ်သဖြင့် ထပ်ဆောက်ထားသော အခန်းငယ်လေးတစ်ခု ဖြစ်ဟန်ရှိ၏။ အခြားအိမ်ငှားများ စကားပြောသံ၊ ခြေသံ၊ အထုပ်အပိုးများကို ရွှေ့သံ၊ ဆွဲသံတို့က သူတို့စကားပြောသံကို ဖုံးသွားကြသည်။ သူတို့အောက်တည့်တည့်တွင် အဘွားအိုကြီးများစု၍ ငှားနေသည့် အခန်းတစ်ခန်းရှိသည်။ သူတို့ရှိရာအောက်ထပ်သို့ မိတ်ဆွေသဘောအရ အလည်သွားသည့် ဂျူးဒစ်အဒေါ်၏ အဆိုအရမူ မျက်နှာကြက် ထူထူကြီးတွေ တပ်ထားသည့်အတွက် သူတို့နေရာအပေါ်ထပ်မှ အသံများကို လုံးဝမကြားဟု ဆိုသည်။ ထို့ပြင် ပြတင်းပေါက်အထက် လိပ်ပြာတောင် တံခါးမှ မီးရောင်မှာလည်း အပြင်မှနေကြည့်လျှင် အခြားသောအခန်းမှ မီးရောင်များနှင့် ရောသွားသဖြင့် ဘာမျှမသိသာဟု ဆိုသည်။
ရိုဆီးတားမှာ သူ နောက်ထပ်လုပ်နေသည့် အထပ်သားအကာကလေး တစ်ခု ပြီးသွားလေပြီ။ ထိုအထပ်သား အကာကလေးမှာ သူနှင့်ဝါ့ဒ်တို့၏ ခုတင်ကြားတွင် ကာထားရန်ဖြစ်၏။ သို့မှသာ သူတို့နှစ်ယောက် အချင်းချင်းလည်း သီးခြားလွတ်လပ်ခွင့်ကလေးတွေ ရရှိမည်မဟုတ်လော။
“နောက် အားရင်တော့ ဂျူးဒစ်နှင့် ဟယ်လင်တို့ ခုတင်နှစ်လုံးကို ခြားပေးဖို့ အကာကလေးတစ်ခု ထပ်လုပ်ရဦးမယ်” ဟု ရိုဆီးတားက ပြောသည်။
ဝါ့ဒ်က သူ့ခေါင်းအုံးကို ပြင်ခု၍မှီလိုက်သည်။ ယခုအချိန်တွင် သူတို့အခန်းသို့ လူသစ်တွေတိုးသဖြင့် စောစောကရှိနေသော ကုလားထိုင်ကြီးနှစ်လုံးကို တစ်စစီမသိအောင်ဖြူတ်ကာ ပရိဘောဂအဟောင်းဆိုင်သို့ ပြန်ပို့လိုက်ကြပြီးပြီ။ ကုလားထိုင်မရှိ၍လည်း အကြောင်းမဟုတ်ပါ။ သူတို့ ခုတင်များပေါ်တွင် ကျယ်ကျယ်လွင့်လွင့် စိမ်ပြေနပြေ လဲလျောင်းနေနိုင်ကြပြီ မဟုတ်လော။ သည်လိုနူးညံ့အေးစက်သော မွေ့ရာပေါ်တွင် မအိပ်ရသည်မှာ ကြာလှလေပြီ။
“အင်း ... သူတို့အတွက် လုပ်ပေးလိုက်ရင်လည်း ကောင်းပါတယ်၊ နံရံပတ်လည်မှာ စင်လေးတွေ တန်းရိုက်ထားရရင် မကောင်းဘူးလား၊ ပစ္စည်းလေး ဘာလေးတွေ တင်ရတာပေါ့”
စင်ရိုက်ပြီး ပစ္စည်းများကို စင်ပေါ်သို့ တင်လိုက်သည့် အခါတွင် အခန်းမှာ သန့်ရှင်းသွား၊ သေသပ်သွား၏။ နေရာလည်း အများကြီးကျယ်သွားသည်။ သို့ဖြင့် နောက်ဘက်နံရံကိုကပ်၍ ခုတင်ငါးလုံးတန်း စီချလိုက်ပြီး ခြေရင်းတွင် လူသွားလမ်း ချန်ထားသည်။ ခုတင်တစ်လုံးစီကြားတွင် အကာကလေးများ ကာပြီး အကန့်ကလေးတွေ လုပ်ထားသည်။ခုတင်တစ်လုံးစီကြားတွင် သုံး၊ လေးပေလောက်စီ ခြားနေသေးသည်။ ဗီရိုကြီးတစ်ဖက်တွင်လည်း ခြောက်ပေခန့်နေရာ ရှိသေးသည်။
ဝါ့ဒ်မှာ သည်လောက်နေရာကျယ်ကျယ် ကျန်သေးသည်ကို မြင်ရသည့်အခါတွင် ကျေနပ်နေပြန်လေပြီ။ ဤတွင် ရိုဆီးတားက ဟယ်လင်၏ မိဘမှာ ကောင်းစွာ မမာကြောင်း၊ သမီး၏ ပြုစုမှုကို လိုအပ်ကြောင်း၊ ထို့ကြောင့် ဗီရိုနှင့် နံရံကြားကျန်သည့် နေရာကလေးကို ဟယ်လင်၏ အမေအတွက် ခန်းမြှောင်ကလေးတစ်ခု လုပ်ပေးလိုက်လျှင် ကောင်းမည်ထင်ကြောင်းဖြင့် ပြောပြသည်။
ဟယ်လင်ကား ဝမ်းသာ၍ မဆုံးပြီ။
“အို ... သိပ်ကျေးဇူးတင်တာပဲရှင်၊ ဒါပေမဲ့ ခုလို တစ်ကန့်စီ နေရတာထက် ကျွန်မဘေးမှာ ခုတင်လေးတစ်လုံး ထိုးပြီးနေရရင် ဘယ့်နှယ်နေမလဲ”
ထို့ကြောင့် ရိုဆီးတားသည် အကာများကို ထပ်ဖြူတ်ကာ သူတို့ခုတင်များကို အနည်းငယ်ပူးပေးရသည်။ တန်းလျက် ခုတင်ခြောက်လုံး ရှိသွားလေပြီ။ သူတို့ခုတင်များကြားတွင် နှစ်ပေခွဲမျှသာ နေရာကျန်တော့သည့်အတွက် ကိုယ့်ခုတင်ပေါ်သို့ တက်နိုင်ရုံနေရာ၊ ဖိနပ်ချွတ်ရုံနေရာမျှသာ ရှိတော့သည် ဝါ့ဒ်သည် နှစ်ပေခန့်ရှိသည့် သူ့အထက်ခေါင်းရင်းပေါ်မှ စင်ကလေးအောက်ရှိ ခုတင်ပေါ်တွင် မှီထိုင်ရင်း ဗီရိုကြီးကို လှမ်းကြည့်လိုက်သည်။ ဗီရိုနေရာတွင် ခုတင်မရှိသေး။ အလွတ်ကြီး ရှိသေးသည်။ သည်လောက် နေရာကျယ်ကျယ် မြင်ရလျှင်လည်း သိပ်မဆိုးလှသေး။
ထို့နောက် ဟယ်လင်၏ အဖေ ရောက်လာသည်။
* * *
ခန်းမြှောင်ကလေးတံခါးကို ခေါက်လိုက်ပြီးနောက် ဝါ့ဒ်သည် သူ့ကိုအထဲဝင်ရန် နေရာဖယ်ပေးသော ဂျူးဒစ်၏ အဒေါ်ကို လှမ်း၍ ပြုံးပြလိုက်သည်။ ဝါ့ဒ်သည် အပေါက်ဝတွင် ကန့်လန့်ကြီး ဖြစ်နေသည့် ဂျူးဒစ်အဒေါ်၏ ပစ္စည်းများကို နေရာတကျဖြစ်အောင် ပြန်ထားပေးပြီးနောက် အထဲသို့ဝင်လာခဲ့၏ အခန်းထဲသို့ဝင်လာသည့်အခါတွင် ဟယ်လင်၏ အဖေကလည်း ခြေရင်းပေါက်မှ တံခါးကလေးကို ဖွင့်ပေးရပြန်သည်။ ဟယ်လင်၏ အဖေမှာ သေးသေးညှက်ညှက်၊ ဆံပင်ဖြူဖြူနှင့်ဖြစ်ပြီး ကြိုးသိုင်းဘောင်းဘီနှင့် ရှပ်အင်္ကျီတို့ကို ဝတ်ထားသည်။
ဝါ့ဒ်သည် သူ့ကိုလည်း ခေါင်းညိတ်နှုတ်ဆက်ပြီးနောက် ကြမ်းပေါ်တွင် ချထားသည့် အထုပ်အပိုးများ၊ သေတ္တာများကို ကျော်လာခဲ့သည်။ ဟယ်လင်မှာ သူ့အမေ၏ အကန့်ကလေးထဲတွင် ရောက်နေပြီး အမေ့ကို စွပ်ပြုတ်တိုက်လျက်ရှိ၏။ ရိုဆီးတားမှာ ချွေးတလုံးလုံးဖြင့် နံရံအနီးရှိ မဟော်ဂနီဗီရိုကြီးကို တစ်စစီဖြုတ်နေသည်။ အပိုင်းအစများသည် သူ့ခုတင်ပေါ်တွင်လည်းကောင်း၊ ကြမ်းပြင်ပေါ်တွင်လည်းကောင်း ပြန့်ကျဲလျက်ရှိသည်။
“မနက်ဖြန်ကျရင်တော့ ဒီဗီရိုကြီးကိုလည်း တစ်စစီဖြုတ်ပြီး အပြင်ကို ထုတ်ရလိမ့်ဦးမယ်ဗျို့”
သူ့အကန့်ထဲသို့ ပြန်ဝင်သွားကာ ဗျိုင်းချိတ်တစ်ခုတပ်ကာ သွပ်နန်းကြိုးကလေးဖြင့် ချည်နေသော ဟယ်လင်၏ အဖေကို ဝါ့ဒ်လှမ်းကြည့်နေသည်။ ရိုဆီးတားက သူ့ကိုကြည့်ရင်း ...
“ဒီဗီရိုကြီးမရှိလို့ ဝမ်းသာတဲ့လူက ဝမ်းသာနေကြတယ်ဗျ၊ ဒီဗီရိုကြီးရှိတာ ရှုပ်တယ်တဲ့၊ ကျွန်တော်တို့တစ်တွေ ဘာစိတ်ကူးနဲ့များ ဒီဗီရိုကြီးကို ဝယ်ခဲ့ကြသလဲ့ မသိဘူး”
ဝါ့ဒ်သည် သူ့အိပ်ရာပေါ်တွင် ထိုင်ချလိုက်သည်။ သူ့ဒူးသည် နံရံနှင့် ထိနေ၏။ မကွေးသာ၊ မဆန့်သာ။
ရိုဆီးတား အလုပ်များနေရာသို့ လှမ်းကြည့်လိုက်သည့် အခါတွင် ခဲဖြင့် သူ မှတ်ထားသောနေရာကို မြင်ရတော့ အကာ၏ အပြင်သို့ ရောက်သွားလေပြီ။ ဝါ့ဒ်သည် စိတ်မသက်မသာဖြင့် လှမ်းကြည့်လိုက်၏ ရိုဆီးတားမှာ အကာကို ကြမ်းပြင်တွင် သံဖြင့် စွဲပြီးနေလေပြီ။
ထိုစဉ် အကန့်တံခါးကလေးဆီမှ တံခါးခေါက်သံ ပေါ်လာသည်။ ဟယ်လင် အလုပ်မှ ပြန်လာခြင်း ဖြစ်ဟန်တူသည်။ ဝါ့ဒ်သည် အလန့်တကြားဖြင့် ထိုင်ရာမှထကာ လေသံတိုးတိုးကလေးဖြင့်
“ဘယ်သူလဲ ... ဟယ်လင်လား” ဟု မေးသည်။ ယနေ့ည သူတို့အခန်းကလေးအတွက် အခန်းစောင့် တာဝန်ကျသူမှာ ဟယ်လင်၏ အဖေ ဖြစ်သည်။
မစ္စတာဝါရင်းသည် အိပ်ရာမှ လေးတိလေးကန်ဖြင့် ထလာကာ အကန့်တံခါးကို ဖွင့်သည်။ ပါးစပ်ကလည်း တဖျစ်တောက်တောက် ရေရွတ်လျက်။
“ခွီးလိုမှပဲ၊ ကောင်းကောင်းပဲ မအိပ်ရဘူး၊ လူလာတိုင်း ထပြီး ဖွင့်ပေးနေရတာပဲ” ဟုဆိုကာ တံခါးပေါက်ဆီသို့ အသွားတွင် ကြမ်းပြင်တွင်ချထားသည့် ရိုဆီးတား၏ လက်သမားပစ္စည်းများ ထည့်ထားသည့်သေတ္တာကို တိုက်မိသဖြင့် ပါးစပ်မှ ကျိန်ဆဲလိုက်ပြန်သည်။
“ခွီးတဲ့မှပဲ၊ ဒီလောက်လူများမှန်းသိရင် ဘယ်ပြောင်းလာမလဲကွ၊ အောက်ထပ်မှာဆိုရင် ဒီလောက်အခန်းကို လူ ခြောက်ယောက်ပဲ နေရတယ်၊ ခု တို့မှာတော့ ခုနစ်ယောက်ကြီးများတောင် ရှိနေပြီ”
ဝါ့ဒ်သည် ဘာမျှမပြောတော့ဘဲ သူ့ခုတင်ခေါင်းရင်းကို မှီလိုက်သည်။ ကံကောင်း၍ ခေါင်းရင်းတွင် ရိုက်ထားသည့်စင်နှင့် မဆောင့်မိခြင်းဖြစ်၏။ ဝါရင်းက သည်အခန်းမှ ပြောင်းချင်သည်ဟု ပြောနေလေပြီ။ ဂျူးဒစ်၏ အဒေါ်ကလည်း အလားတူစကားမျိုးကို လွန်ခဲ့သည့် နှစ်ရက်လောက်က ပြောခဲ့ပြီးပြီ။ ဝါ့ဒ်မှာ စာကြည့်တိုက်အလုပ်မှ ထွက်ခဲ့ပြီးနောက် (သူက အခန်းကိုတစ်ဆင့် ငှားသဖြင့် ရသည့်ငှားခကလေးဖြင့် ထမင်းဖိုးရနေသည်။) အခန်းအောင်းနေတော့သည်။
ဝါ့ဒ်သည် ဗီရိုဆီသို့ လှမ်းကြည့်လိုက်သည်။ လွန်ခဲ့သည့် ခြောက်လလုံးလုံး သူမြင်နေကျဖြစ်ခဲ့သည့် ဗီရိုကြီးပေါ်ရှိ ညာဘက်ထောင့်မှ အထွတ်မှာ မရှိတော့။
ဗီရိုကြီးမှာ အတော်လှသည့် ဗီရိုကြီး ဖြစ်သည်။ သည်ဗီရိုသည် အလွန် လက်ရာကောင်း၍ ရှားပါးသောလက်ရာတစ်ခု ဖြစ်ကြောင်းဖြင့် ပရိဘောဂဆိုင်က သူ့ကိုပြောလိုက်ဖူးသည်။ ထို့ကြောင့် ထိုဗီရိုကြီးကို ပြန်မရောင်းချင်။ ယခုမူ မတတ်နိုင်ပြီ။ သည်ဗီရိုကြောင့် နေရာကျဉ်းသည်ဟု သူ့တစ်ဆင့်ခံ အခန်းငှားတွေက ငြူစူကုန်ကြပြီ။ ပြန်ရောင်းရတော့မည်။ ငယ်ငယ်တုန်းက ကိုယ်နှစ်သက်သည့် ပစ္စည်းတစ်ခုကို အဖေကယူပြီး လွှင့်ပစ်သည့်အခါတွင် ဝမ်းနည်းပက်လက် ဖြစ်ရသည့်နည်းတူ ယခုလည်း ဝမ်းနည်းပက်လက်ဖြစ်ရသည်။
ဝါ့ဒ်သည် အားတင်း၍ ကိုယ်ကိုမတ်လိုက်၏။ မှန်သည်။ ဗီရိုမှာ အလွန် လက်ရာလှသည့် ဗီရိုကြီးဖြစ်သည်။ ဤသည်ကို သူ ဘာမျှသံသယမဖြစ်။ သို့ရာတွင် မတတ်နိုင်။ ဗီရိုကြီးတွင် ထုတ်ပစ်ရတော့မည်။ သည်ဗီရိုကြီး မရှိတော့လျှင် အခန်းသည် ပို၍ကျယ်လာမည် မဟုတ်ပါလော။
(အင်္ဂလိပ် သိပ္ပံစာရေးဆရာ၊ ဘောဂဗေဒ ပညာရှင်နှင့် လူဦးရေဗေဒ ပညာရှင် James G. Ballard ၏ Billenium ကို ပြန်ဆိုသည်။)
---------------
မြသန်းတင့်
ရှုမဝ၊ ဇန်နဝါရီ၊ ၁၉၈၅။

ဝတ်လဲတော်ပုဆိုး ပိုးမျိုးငယ်ပါပါစ

ဝတ်လဲတော်ပုဆိုး ပိုးမျိုးငယ်ပါပါစ (နေဝင်းမြင့်)
------------------------------------------------
(၁)
ကျုပ်တို့အမေများ ပြောဖူးသာ ပြောပါတယ်။ ဇာတ်ထဲပွဲထဲ၊ ဒါမှမဟုတ် ရပ်ထဲရွာထဲ ဓာတ်စက်ထဲ ဗျိုင်းတောင်သီချင်းများ ကြားလိုက်လို့ သီချင်းထဲက ‘စားတော်ဦး ငါးလူးငယ် ပါပါစ’ သောက်တော်အိုး မွှေးမျိုးငယ် ပါပါစ’ ‘ဝတ်လဲတော်ပုဆိုး ပိုးမျိုးငယ် ပါပါစ’ တို့ ဘာတို့များ ကြားလိုက်လို့ကတော့ “ဖွဟဲ့ … နိမိတ်မရှိနမာမရှိ မကောင်းသူ ပယ်၊ ကောင်းသူ ကယ်” ဆိုပြီး တံတွေးတစ်ချက် ပျစ်ခနဲ ထွေးပစ်လိုက်သာ တဲ့။ မင်္ဂလာမရှိတဲ့ သီချင်း နားနဲ့တောင်မကြားချင်ဘူး ဆိုတဲ့သဘော နေမှာပေါ့။
ကျုပ်တို့များတော့ သီချင်းတောင်မဟုတ်ပါဘူး၊ အကျိုးပေး မကောင်းပုံများ သင်္ချိုင်းထဲမှာကို နေရသာ။ သေတ္တာလာဝယ်ရင် ခေါင်းနဲ့ရွက်ပြီး လိုက်ပို့ရသာ။ သည်အလုပ်မျိုးကလည်း ဘုရားစူးရစေ့၊ တစ်သက်နဲ့တစ်ကိုယ် လုပ်ရလိမ့်မယ် တွက်ခဲ့သာလည်း မဟုတ်ဘူး။ ဒါပေမဲ့ ဘယ့်နှယ်လုပ်မလဲ၊ ဘဝအကြောင်းဆိုတော့ လုပ်ရတော့သာပဲ။ ပိုက်ဆံ ငွေစကြေးစကလေး မြက်မြက်စက်စက်ရသာလည်း တစ်ကြောင်းပေါ့လေ။ တခြားအလုပ် မလုပ်တတ်သာလည်း တစ်ကြောင်းပေါ့။
“ဟဲ့ ဒါဆို ညည်း ခေါင်းရွက်ဗျပ်ထိုး ဈေးကလေးနာကလေး ရောင်းပါလား” လို့တော့ မပြောနဲ့၊ ရလှ တစ်နေကုန် နေပူစပ်ခါး လျှောက်နိုင်မှ အစိတ်ပေါ့၊ သုံးဆယ်ပေါ့။ အကြွေးကလည်း ကျဦးမယ်၊ ပြီးတော့ ဘယ်မလဲ ငွေရင်း။
သည်အလုပ်က အကြွေးကျစရာလည်း မရှိဘူး။ ငွေရင်းလည်း မလိုဘူး။ မလုပ်ခင်က ငွေရနှင့်သာ။ ရှစ်ဆယ်လည်း ဟုတ်သယ်၊ တစ်ရာလည်း ဟုတ်သယ်။ ဝေးလို့များတော့ ဝေးသလောက် တောင်း၊ ပါးစပ်ထဲကဈေးဟာ အတည်ပဲ။ လူကို လိုက်လို့၊ ခရီးအဝေးကိုလိုက်လို့ ကြည့်တောင်းရသာပဲ။
ရလည်း ရသယ်။ ရသမှ နေ့တိုင်းကို ရသာ။ လူက နေ့တိုင်း သေနေတာ မဟုတ်လား။ ရပ်ကွက်ထဲနေတဲ့လူကတော့ မသိသာလှဘူးပေါ့။ မယုံရင် သင်္ချိုင်းထဲ နေကြည့်ပါလား။ တစ်နေ့တစ်နေ့ သေတဲ့လူ နည်း မှတ်လို့။
* * *
(၂)
သင်္ချိုင်းစပ် ကုက္ကိုပင်စောက်ကြီးအောက်က တဲကြီးထဲ နေလာရတဲ့ နှစ်ကိုပဲ ကြို့ထိုးနေပြီ။ ကျုပ်အထင် အနှစ်သုံးဆယ်ကျော်ရော့မယ်။
ကျုပ်အသက်လား၊ လေးဆယ်ကျော်လို့ ခြောက်နှစ်ထဲမှာ။ လင်လည်း သုံးဆက်ရှိပြီ။ တကယ်ပြောသာပါ။ ပထမဆုံးလင်က ဆုံးသွားရှာသာ။ သူဆုံးတော့ ကျုပ်က ငယ်ငယ်ရယ်။ နောက်လင်ကတော့ ကွဲကို ကွဲသာ။ ကျုပ် တစ်သက်နဲ့တစ်ကိုယ် လုပ်ရလိမ့်မယ်လို့ မတွက်ခဲ့တဲ့ သည်အလုပ်လည်း ဒင်းက ဇာတ်သွင်းခဲ့သာ။
အခုတော့ တစ်ခါတစ်ခါ ကျေးဇူးလည်းတင်ပါရဲ့၊ စိတ်လည်း နာသယ်။ ဘုရားစူး။ သေချင်းဆိုးလည်း ဘယ်ဆီရောက်နေမှန်းတောင် မသိဘူး။ ကျုပ်တို့သားအမိ သင်္ချိုင်းစပ်က တဲကြီးထဲ ထားပစ်ခဲ့ပြီး ထွက်သွားလိုက်သာ ဘယ်မှာ မြွေပွေးကိုက်နေသလဲတောင် မသိဘူး၊ တစ်ခါမှတောင် ပေါ်မလာဘူး။ ရှိလှပေါ့၊ လေးငါးနှစ်တော့။
ဒါပေမဲ့ ကိုစံမောင်က ကျုပ်တို့ကိုနှင်မထုတ်ရှာပါဘူး။ ‘မသောင်း လုပ်လက်စ ဆက်လုပ်ပေါ့’ တဲ့၊ ‘ဘယ်မှလည်း မသွားနဲ့’ တဲ့ ပြောရှာပါသယ်။ ကျုပ်ကလည်း မသွားပါဘူး။ တခြား ဘာသွားလုပ်တတ်မှာတုံး၊ ဟုတ်ဘူးလား။
ကိုစံမောင်တို့ကတော့ တတ်နိုင်သူတွေကိုး။ သူတို့လည်း သင်္ချိုင်းထဲနေသာပါပဲ။ ပိုက်ဆံရှိတော့ လေးပင်နှစ်ထပ်အိမ်ကြီးနဲ့ နေသယ်။ သေတ္တာမျိုးစုံကို လုပ်လည်းလုပ်၊ ရောင်းလည်းရောင်း ဆိုတော့ ချောင်လည်ပါသယ်။ အနီးအပါးက ကုက္ကိုပင်တွေ၊ မှို့ပင်တွေ ချုပ်ဝယ်ပြီး ပျဉ်ချပ်တွေဖြစ်အောင် ခွဲ၊ စပ်ဟပ်ပြီး သေတ္တာရိုက်၊ အတွင်းနဲ့အပြင်ကို ဝါတာဖလူးစ ခပ်တင်းတင်းဆွဲကပ်ပြီး ငွေရောင်ဖောက်ပန်းတွေ ကပ်၊ ပြီးရင် သေတ္တာတွေကို စီထပ်ထားလိုက်သာပဲ။
ဈေးကတော့ အမျိုးမျိုးပဲ။ လူမှသေပြီ ဆိုမှတော့ သည်သေတ္တာတွေက မသုံးမဖြစ်တွေ မဟုတ်လား။ ဝယ်ရသာပဲ။ ကြိုက်ဈေးလည်း ပေးရသာပဲ။ အသုဘကြီး ဖျာလိပ်နဲ့ပတ်ချလို့ကလည်း ရသာ မဟုတ်၊ ခြေမကြိုးဆွဲချလို့ကလည်း မဖြစ်၊ ဟုတ်ဘူးလား … လူကိုး … လူက သေတာတောင် အလှအပကြိုက်တာကလား။
ဝယ်သူလာပြီဆိုရင် ကိုစံမောင်က မလှမ်းမကမ်းက ကျုပ်တဲဘက် လှမ်းခေါ်တော့သာပဲ။ ကျုပ်လည်း သိတယ်၊ သေတ္တာဝယ်သူလာပြီ၊ ကိစ္စတော့ ပေါ်နေပြီ၊ ကျုပ် ရွက်ပို့ရတော့မယ် ဆိုသာ …
သည်တော့ မနက် မိုးလင်းသာနဲ့ တဲရှေ့က တံခါးလုပ်ထားတဲ့ ဂုန်နီဖျင်စ အသာ မ တင်ပြီး ဆေးလိပ်တစ်တို မီးညှိရင်း ကိုစံမောင့်အိမ်ဘက် လှမ်းမျှော်ကြည့်နေလိုက်သာပဲ။
သေတ္တာဝယ်သူတွေကလည်း ဟိုအလုံး ချလိုက်၊ သည်အလုံး ကြည့်လိုက်နဲ့ မြေကြီးထဲမြှုပ်ရမယ့်ပစ္စည်းတောင် အနာအဆာ ရွေးကြသေးသာ။ သေတ္တာတစ်လုံးတန်ဖိုးကလည်း သည်ခေတ် မသေးဘူး။ တကယ့်အနေကျပ် အသေကျပ်ကြီး။ တော်ရုံသေတ္တာတောင် ငါးရာကျော် ခြောက်ရာ တန်သယ်။ တချို့များ သင်္ဘောပုံ ခရစ်ယာန်သေတ္တာမှ ဝယ်သာ။
သူက နှစ်မျိုးရှိသယ်။ အဖြူနဲ့ အနက်။ အဖြူက အပျိုလူပျိုသေရင် သုံးသယ်၊ နက်က အိမ်ထောင်ရှင် သေမှ သုံးသယ်။ ကြားဖူးသာပါ။ တချို့ ပိုက်ဆံရှိတဲ့လူများကျတော့လည်း သင်္ဘောပုံနဲ့မှ … လှလည်း လှသာကိုး … လက်ကိုင်တွေနဲ့၊ ပန်းဖွားကြီးတွေနဲ့၊ မွေ့ရာနဲ့။ သည်မှာမို့လို့ပါ။ ကျုပ်တို့ အညာမှာများ ရိုးရိုးပါပဲ၊ သေသာကို ဟန်ချဲ့မနေပါဘူး။
ဘာပဲဖြစ်ဖြစ်လေ ဆေးလိပ်တစ်တိုနဲ့ ကိုစံမောင့်အိမ်ဘက် လှည့်မျှော်နေသာကိုက ကျုပ်အလုပ် မဟုတ်လား။ မျှော်ရသာပဲ။
လာလည်း လာသယ်၊ မနက် ခုနစ်နာရီ ရှစ်နာရီဆို ပေါက်လာသာပဲ။ ကိစ္စပေါ်ပြီ ဆိုရင် ပေါ်တဲ့နေ့ကတော့ သက်ပျောက်ဆွမ်း သွတ်ရတာ တို့၊ အိမ်အခင်းအကျင်း ပြင်ရရွှေ့ရတာ တို့ ဘာတို့နဲ့ မဝယ်ဖြစ်ကြဘူး။ ကျုပ်တို့လူမျိုး ထုံးစံကလည်း သုံးရက်၊ ငါးရက်၊ ခုနစ်ရက် ထားလေ့ရှိတော့ နောက်တစ်နေ့ ရောက်လာကြတော့သာပဲ။
ကာယကံရှင်ကတော့ လိုက်ခဲပါသယ်။ သည်ကိစ္စကျွမ်းကျင်သဲ့ လူ၊ ရပ်ကွက်ထဲ လုပ်ဖူးကိုင်ဖူးသဲ့ လူ လွှတ်လိုက်သာပဲ။ အဲသည်လူကလည်း ဝယ်ဖူးခြမ်းဖူးတော့ စကားသိပ် မပြောရပါဘူး၊ ဈေးနာပြောပြီးရင် ပြီးသွားသာပါပဲ။ သည်ကိစ္စ ဈေးမဆစ်ကောင်းဘူး ဆိုတော့ နည်းနည်းပါးပါး ညှိကြရုံပါပဲ။
ပြီးရင်တော့ ကိုစံမောင်က ဆေးလိပ်လေး တည်လို့၊ လက်ဖက်ရည်လေး တိုက်လို့ … သောက်ပြီးကြရင် ကျုပ် လှမ်းခေါ်သာပဲ။
“မသောင်း … ကိုင်း … ကိစ္စပေါ်လာလို့ တဲ့။ ကိုးရပ်ကွက် ကားဂိတ်ဆုံးက ရထားလမ်းနားမှာ။ ရွက်ခ ပြောလိုက်ဦး”
“ရှစ်ဆယ် ပါ။ ဒါက ထုံးစံပဲဥစ္စာ”
တချို့ကလည်း ဒီလောက်လေး ပြောလိုက်သာနဲ့ ဟ … ရွက်ခက ရှစ်ဆယ်တောင်လား၊ မဟုတ်သေးပါဘူး ဆိုပြီး တုံးပေကပ်သတ် လုပ်ချင်ကြတာလည်း ရှိရဲ့။ တချို့ကလည်း လူမှ သေပြီ ဆိုမှတော့ မဆစ်တော့ပါဘူး၊ ရော့ … အင့် … ပဲ။
ကျုပ်က ကိုစံမောင့် အားနာလို့ပါ၊ ပြောလိုက်ချင်သာ။ ဈေးများရင် တော်တို့ရွက်ကြည့်ပါလား လို့။ ဟုတ်သယ်လေ … ကားငှားကြည့်ပါလား လို့။ ကျုပ်သားတွေပြောသလို ဆိုရင် ပြာသွားမယ် …
တော်ရုံကားကလည်း မလိုက်ပါဘူး။ လိုက်ရင်လည်း ရာကျော်ပဲ။ သူတို့ကလည်း ဒါကြီးတင်ပြီးရင် ပရိတ်ရေ ပက်ရ၊ အမွှေးနံ့သာ ဖျန်းရ၊ ခေါင်းလျှော်ရည်နဲ့ တစ်ကားလုံး ဆေးရနဲ့ သိပ်သက်သာပုံ မရဘူး။
နီးရင်တော့ ဆိုက်ကားတွေက လိုက်ပို့ပါသယ်။ လူစီးဆိုက်ကားတွေကလည်း လိုက်ခဲသယ်။ ရေခဲဆိုက်ကား တို့၊ ပက်လက်ခုံဆိုက်ကားတို့မှ လိုက်သာပါ။ လိုက်ရင်လည်း လျှော့ယူဖို့ စိတ်တောင်မကူးဘူး။
ကျုပ်ရွက်ရသာကလည်း တကယ်တော့ သက်သာတယ် မထင်နဲ့။ တော်တို့ မရွက်ဖူးလို့ ရွက်ကြည့်စေချင်သယ်။
ထုံးစံအတိုင်းဆိုလို့ကတော့ သေတ္တာကို မှောက်ပြီး စ,ရွက်ကတည်းက လမ်းမှာချနားလို့ရတာ မဟုတ်ဘူး။ သေတ္တာအဖုံးကလည်း သေတ္တာပေါ် တင်ချင်တင်၊ မတင်ရင် ချိုင်းကြားညှပ်၊ လက်တစ်ဖက်က ပိုက်ပြီး ဇက်တောင့်တောင့်နဲ့ သွားရသာ တချို့အိမ်များ လေးငါးမိုင်လောက် ဝေးသယ်။ သွားရသာပဲ။
ရေဆာလို့ ချသောက်လို့လည်း မရဘူး။ ဒီဟာကြီးနဲ့ ဘယ်အိမ်က ရေတိုက်မှာလဲ။ ဇက်နာလို့လည်း ချနားလို့ မရဘူး။ နေပူလို့ သူများဈေးဆိုင်ရိပ် ခိုဖို့များ စိတ်တောင်မကူးနဲ့၊ ပါးရိုက်လိမ့်မယ်။ အယူကြီးတဲ့ ဒေသများ သေတ္တာဖုံးကို ဘယ်-ညာ ပြောင်းလို့တောင် မရချင်ဘူး။ သေတ္တာကြီးနဲ့နားရင် ရွာနာသယ် လို့ အယူရှိသာကိုး။
သွားရင်းက နောက်လည်းမလှည့်ရဘူး တဲ့။ သွားရင်းများ သူများကို တိုက်မိလို့လည်း မရဘူး။ သူများကလည်း ကိုယ့်ကို မတိုက်ရဲပါဘူး။ ကားတွေဆိုသာ ဘေးက ရှောင်မောင်းသယ်၊ ထိသွားမှာ စိုးလို့။ ကျက်သရေ မရှိလို့ ပေါ့လေ။
နောက်တစ်ခုက လိုက်ပို့ရမယ့် ရပ်ကွက်ရောက်လို့ သေတ္တာကြီး ထမ်းပြီး ဟိုအိမ်မေး သည်အိမ်မေး လို့လည်း ရသာမဟုတ်ဘူး။ ဒီတော့ ဝယ်စကတည်းက သေချာချိန်းထားရသယ်။ ကာယကံရှင်တစ်ယောက်က ထွက်ကြိုနှင့်ရသယ်။
ကာယကံရှင်က စောင့်ခေါ်သွားရင်တောင်မှ လမ်းကြိုလမ်းကြား၊ အိမ်ကြိုအိမ်ကြားက ခေါ်သွားလို့ မရဘူး။ လမ်းမက ဖြောင့်ဖြောင့် သွားရသာ။
ကာယကံရှင်အိမ် ရောက်ရင်လည်း ‘လေးလိုက်တာ’ လို့ မညည်းရဘူး ဆိုသာ ရှိသေးတယ်။ တချို့က အဲသလိုပြောရင် အားကြီး စိတ်ဆိုးသယ်။ ကျုပ်ကတော့ ရိုးရိုးပြောမိသာပါ၊ အဝေးကြီးက ရွက်လာရသာ ဇက်တွေဆိုသာ ပူထူနေသာမဟုတ်လား။
သေတ္တာထဲ ခေါင်းထည့်ရွက်သာ လေမတိုးဘာမတိုးနဲ့ ချွေးဆိုသာ ပြုတ်ထားတဲ့အတိုင်းပဲ။ သေတ္တာအဖုံးက တစ်ဖက် ဆိုတော့ စဉ်းစားသာကြည့်။ အဲသာကို လေးသယ် မပြောရဘူး တဲ့။
အကောင်းဆုံးက ဘာမှမပြောသာပါပဲ။ ကနားဖျင်းရိပ် ချပြီး ထိုင်နေလိုက်သာပဲ။ ရွက်ခပိုက်ဆံက ချေပြီးသားပါ။ ဒါပေမဲ့ လမ်းစရိတ်လေး၊ မုန့်ဖိုးလေး ပေးပါဦး ဆိုပြီး ပေထိုင်နေလိုက်ရင် ကာယကံရှင်က ထုတ်ပေးသာပဲ။
တချို့ကလည်း ‘ပေးပြီးသားပဲဗျ’ ဘာညာ နဲ့ မဆီမဆိုင် ဝင်ဟောက်ချင်သယ်။
ဘာပဲဖြစ်ဖြစ်လေ သည်လို မျက်နှာပြောင်ပြောင်နဲ့ တောင်းရသာပဲ။ ဘယ့်နှယ်လုပ်မလဲ၊ ရရင်လည်း အမြတ်၊ မရရင်လည်း ပြန်ရုံပေါ့။ မသကာ ဆေးလိပ်ခွက်ထဲက ဆေးလိပ် လေးငါးလိပ် နှိုက်ပြီး ထလာလိုက်ရင်လည်း တစ်ညစာတော့ ပြီးသွားသာပဲ။
* * *
(၃)
ကျုပ်ယောက်ျား နောက်ဆုံးကောင်အကြောင်း ကျုပ် မပြောရသေးဘူး။ နာမည်က မောင်ငယ် တဲ့။
တကယ်လည်း ကျုပ်မောင် အငယ်လောက် ရှိမှာပါ။ ကျုပ်ထက် တော်တော့်ကို ငယ်သယ်။ ဒါကြောင့်လည်း သေခြင်းဆိုးက ဆိုးချင်သာ ထင်ပါတယ်။
ယူစကတော့ သွားခေါခေါနဲ့ မျက်နှာ တင်းတိပ်တွေ ကွက်ချင်းထိုးပြီး ခါးတစ်ဖက် လိမ်၊ ခြေတစ်ဖက် ဆွဲနေသဲ့ ကျုပ်ကို သူ့ထက် အသက်ကြီးတဲ့ကြားက ယူထားသာကိုပဲ ကျေးဇူးတင်ရသေးသယ် အောက်မေ့သာ။ ဘယ်ဟုတ်မှာတုံး … မသာက အရက်သောက်ချင်သာရော၊ ဖဲကလေး ပွတ်ချင်သာရော၊ မိန်းမရွှင် နှိုက်ချင်သာရော။
မနက်မိုးလင်းရင် အရက်နဲ့ အရင် မျက်နှာသစ်သာ။ အရက်နဲ့ ပလုတ်ကျင်းသာ။ မျက်ပေါက်တွေဆိုသာ ဘယ်တော့မှမပွင့်ဘူး။ အထက်မျက်ခမ်းနဲ့ အောက်မျက်ခမ်းများ တွဲချုပ်ထားသာကမှ ချုပ်ရိုးပေါ်နေနိုင်သေးသယ်။ ရေကတော့ သူလည်း မချိုးဘူး၊ ကျုပ်လည်း မချိုးဘူး။
သင်္ချိုင်းနဲ့ခပ်ဝေးဝေးက ရေဘုံပိုင်မှာ သောက်ရေတော့ ရသယ်၊ ရေချိုးခွင့် မပေးဘူး။ ချိုးရင် ရေကဲ့ချိုး ပဲ။ အံမာ … သူက ကျုပ်ကို ရိုက်သေးနှက်သေးသာ။ ကျုပ်ကလေးတွေကိုလည်း နှိပ်စက်ချင်သေးသာ။ ဘာမှတ်လို့လဲ ဒင်းက … ဒင်းကိုယူတုန်းက ထမင်းတောင် နပ်မှန်သဲ့ကောင် မဟုတ်ဘူး။ မြေကျင်းအငှားတူးသဲ့ကောင်။ အရက်ပုလင်း ခါးထိုးပြီး နေပူကြီးထဲ ကျင်းအငှားတူးသဲ့ကောင်။ သင်္ချိုင်းထဲ နေ့တိုင်းတွေ့တော့လည်း နီးစပ်သွားသယ်ပြောပါတော့။ မရိုသေ့စကား မယူခင်က ဒင်းက ကျုပ်ကို အချောင်နှိုက်ချင်သာ။ ယူဖို့များ စိတ်ကူးခဲ့တာ မဟုတ်ဘူး။ ချဉ်ချဉ်တူးတူး သဘော ထားသာ။ ကျုပ်ကလည်း လင်နှစ်ယောက် ရခဲ့ဖူးသာပဲ၊ သိသာပေါ့။ ကျုပ်ကတော့ သံယောဇဉ်တွေဖြစ်လို့။
ကျုပ်တဲရိပ်ကလေး ခိုလိုက်၊ ကျုပ်သားလေး အရက် ဝယ်ခိုင်းလိုက်၊ ရတဲ့ပိုက်ဆံလေး ကျုပ်အပ်ထားလိုက်နဲ့ နေရင်းက ညားသာ။ ညားခါမှ ပိုဆိုးလာသယ် ပြောပါတော့။ ဘာမှကို မလုပ်တော့သာ။ မြေကျင်းတောင် မတူးတော့ဘူး။ ထိုင်စား ပဲ။ ကျုပ်သေတ္တာရွက်လို့ ရသာလေး ထိုင်စားရင်း အိမ်မှာ ဘုရင်လုပ်တော့သာ။ ကြာရင် ကြာပြန်ပြီ၊ ထမင်းဆာရင် ဆာပြန်ပြီ၊ ပိုက်ဆံမပေးရင် မပေးလို့၊ နည်းရင် နည်းလို့၊ မူးမူးနဲ့ နားအုံနားရင်း ထရိုက်ချင် ရိုက်သာ။
ကျုပ်ကတော့ ယူမိပြီကိုး၊ လင်သားကိုး။ ကျုပ်တို့မိန်းမတွေ တစ်သက်လုံး သည်လို အရိုက်အနှက်ခံလာရသာပဲ၊ ဆန်း မှတ်လို့။ စိတ်တော့ နာသယ်၊ ဘုရားစူး … ညာမပြောဘူး။ အခုတော့ ကျုပ်က အသက်ကလေးကလည်း ရလာပြီ။ မောလည်း မောသယ်။ ဒင်းကတော့ နေ့မူး ညမူးပဲ။ မနက်လည်း နေမြင့်မှ ထသယ်။ သည်ကြားထဲ မနက် မနက် အမူးနာဖြေဖို့ တဲ့၊ အရက်တစ်ပိုင်းလောက်က ဝယ်ထားရသေးသာကလား။ စိတ်ပဲ ကုန်သယ်၊ တကယ် …
လင်ရယ်မယားရယ် လို့ တစ်အောင့်တစ်နား စကားပြောရသယ်၊ စိတ်ချမ်းသာရသယ် လို့ တစ်ခါမှ မရှိသာ။
လင်ကံများ မကောင်းချက် ပြောသာပါ။ တစ်ခါတစ်ခါ သေသွားတဲ့အမေ့ကို သတိရသယ်။ သည်အလုပ်က ရှက်စရာလည်း မဟုတ်ပါဘူး၊ ကောင်းရောင်းကောင်းဝယ်ပဲ။ စာမတတ် ပေမတတ်နဲ့ သည်လောက်ပိုက်ဆံရသာ လုပ်ပျော်သဲ့ အလုပ်ပါ။
ဒါပေမဲ့ ဒါက ဒါပဲ၊ အမေများ သိရင် ရင်ကျိုးမှာပဲ။ အမေတို့က ‘စားတော်ဦး ငါးလူးငယ် ပါပါစ’ တောင် မကြားချင်ဘူး မဟုတ်လား။ ဘယ့်နှယ်လုပ်မတုံး၊ အညာကဆင်းလာကတည်းက ကိုယ့်ဘဝ ကိုယ့်အကြောင်း၊ ကိုယ့်အထုံ ကိုယ့်ရေစက် သင်္ချိုင်းထဲနေရသာ ဘယ့်နှယ်မှ မတတ်နိုင်ဘူး။ လူပြုပြင်လို့ ရ မှတ်လို့။
* * *
(၄)
အဲသည့်မနက်က ကိုစံမောင်သေတ္တာဆိုင်ရှေ့ လူသုံးလေးဦး တွေ့ကတည်းက ကျုပ်ရွက်ရတော့မယ်ဆိုတာ သိသားပဲ။ ရွက်လည်း ရွက်ရသာပါပဲ။ ခုနစ်ဆယ်နဲ့ တည့်သယ်။ သိပ်မဝေးဘဲ ခုနစ်ဆယ်ရသာ။
ဘာစိတ်ကူးပေါက်သယ် မသိဘူး၊ အိမ်ကမသာ အဲသည်မနက် အစောကြီး နိုးနေသယ်။ သူပါ လိုက်မယ် တဲ့။ လိုက် ပေါ့။ တစ်ခါမှတော့ မလိုက်ဖူးပါဘူး။ အဲသည်ညက အရက်လည်း ဝယ်မထားတော့ ကျုပ်နောက် လိုက်ရင်း အရက်ဝယ်သောက်ချင်သာလည်း ပါမှာပေါ့။
ထင်တဲ့အတိုင်းပဲ၊ သေတ္တာရွက်ဖို့တော့ သေတ္တာအဖုံးတောင် မကိုင်ချင်ဘူး၊ ရှက်လို့ တဲ့။ သေခြင်းဆိုးက မြေကျင်းတူးလာတဲ့ဘဝ မေ့သာ ပြောပါတယ်။ ဖောသွပ်ဖောရောင် မျက်နှာနဲ့ ခပ်လှမ်းလှမ်းက ခွာလိုက်ရင်း အရက်ဖိုးတစ်ဆယ် တောင်းတော့ ကျုပ်လည်း မောမောနဲ့ ပြောပစ်လိုက်သယ်။
“မောင်ငယ်ရယ် … နင့်ဟာက မလွန်ဘူးလား။ သက်သက်လိုက်လာပြီး ဒုက္ခပေးတာလား။ မိုးတောင် မလင်းသေးဘူး ကတဲ … ဒီအရေကို ဝမ်းကျချင်နေလိုက်သာ လွန်သယ်”
ဟုတ်ပါ့တော်၊ စိတ်ထဲရှိသာ ပြောပစ်လိုက်ရမှ။ သင်းကတော့ မျက်ထောင့်နီကြီးနဲ့ ကျုပ်ကို ရန်လုပ်ချင်သေးတဲ့ပုံ။ နေပူထဲလုပ်ရလို့ ကျပ်ခိုးစွဲနေတဲ့ အသားနဲ့၊ သွားခေါခေါ၊ ခါးစောင်းစောင်း၊ အသက်ကြီးကြီး မိန်းမကို သူ့မယားထင်မှာလည်း စိုးသယ်နဲ့ တူပါရဲ့။
ကျုပ်ကလည်း ခေါင်း ထည့် ရွက်ထားတဲ့ကြားကပဲ တစ်လမ်းလုံး မေတ္တာပို့သယ်။ သေတ္တာဖုံးကလည်း တစ်ဖက်က ချိုင်းကြားညှပ်ပြီး ပိုက်လာရတော့ ဒေါသတွေလည်း ထွက် ပေါ့လေ။ မသာက အကြင်နာ တစ်စက်မှမရှိသာများ ကမ်းကုန်ရော။
ပို့ရမယ့်အိမ်ရောက်လို့ ကနားဖျင်းအောက်ရောက်တော့ လူတွေဆိုသာ မနည်းဘူး။ ပိုက်ဆံကလည်း ဘာရှိသလဲ မပြောနဲ့၊ သေတ္တာမှာရေးထားတဲ့ နာမည်နဲ့ အသက်က ငယ်ငယ်ရယ်။ မီးတွေဆင်တဲ့လူက ဆင်လို့။ အဖိုးတန်ခုံတွေချတဲ့လူက ချလို့။ လုပ်တဲ့ကိုင်တဲ့လူက လုပ်လို့ကိုင်လို့။
တော်တော့်ကိုငိုထားတဲ့ မိန်းမငယ်ကလေးကလည်း ငိုတာတောင် လှနေသေးတာ မပြောနဲ့တော့။ အသားကလေးများဆိုတာ ဝင်းမွတ်လို့။ ဪ … ငယ်ငယ်ရွယ်ရွယ်နဲ့ လင်ကံဆိုးရှာတဲ့ မိန်းကလေးနှယ် လို့တောင် အောက်မေ့လိုက်သေးသယ်။
အတူတူပါပဲ၊ ကျုပ်နဲ့ဘာထူးလို့လဲ။ ကျုပ်လင်ကလည်း အသက်ရှင်နေသာပဲ ရှိသာပါ၊ သေသာနဲ့ ဘာမှမထူးပါဘူး။
“ရေလေးတစ်ပေါက်လောက် တိုက်ကြပါ”
မောလိုက်သာလည်း ဟပ်ထိုးလိုက်နေပြီ။
အဲသည်မိန်းကလေးကပဲ ရေယူပေးသယ်။ ပုလင်းထဲထည့်ထားသဲ့ ရေပါ။ ပုလင်းကရေသီးတွေ ကလည်း အေးလို့။
အေးလိုက်တဲ့ ရေ … အေးမြပြီး ချိုနေသယ်တောင် အောက်မေ့သယ်။ ဪ … ပိုက်ဆံရှိတဲ့သူများ ရေတောင် အေးအောင်လုပ် သောက်ကြသာ ပြောပါသယ်။ လမ်းစရိတ်တောင်းတော့ လေးဆယ့်ငါးကျပ်တန် တစ်ရွက် ထုတ်ပေးသယ်။
အဲသည်နေ့ပဲ နောက်တစ်ခေါက် သေတ္တာပို့တော့ နေပြင်းလှပြီ။ ဒင်းက ဘာစိတ်ကူးရသယ် မသိဘူး၊ သည်တစ်ခေါက်လည်း လိုက်မယ် တဲ့။
သည်တစ်ခါပို့သဲ့အိမ်ကတော့ ဆင်းရဲလိုက်တာ တာတေကို လံလို့။ ကနားဖျင်းလည်း မရှိဘူး၊ လူလည်း မရှိဘူး။ ကျုပ်ရွက်လာရတဲ့ သေတ္တာကြမ်းကို ကြည့်ကတည်းက အခြေအနေကို ကျုပ်က သိပြီးသားပါ။ ကာယကံရှင်ယောက်ျားကလည်း မူးနေလိုက်တာ လူမှန်းမသိဘူး။ ပါးစပ်ကလည်း အတင်ရေ … အတင်ရေ … လို့ ကျုံးကျုံးအော်နေတာက လွဲရင် ကူညီမယ့်လူလည်း မရှိဘူး။ အတင် ဆိုတာ သေသွားသဲ့ သူ့မိန်းမ နာမည်နဲ့ တူပါရဲ့။
လမ်းစရိတ်ဆိုတာလည်း ဝေးရော၊ ဘာဆေးလိပ်၊ ဘာကွာစေ့မှလည်း မရှိပါဘူး။ ကျုပ်အဖို့ကတော့ မဆန်းပါဘူး။ မြင်နေကျပဲ၊ ဖြစ်နေကျပဲ။ မောင်ငယ်ကတော့ ဆန်းနေသလား မပြောတတ်ဘူး။ စကားလည်း မပြောဘူး၊ လမ်းမှာတော့ ပိုက်ဆံ ငါးကျပ် ငါးကျပ် နှစ်ခါ တောင်းပြီး အရက်တော့ ဝင်သောက်သယ်။ ဒါပဲ။ ချိုသည်လည်း မပြောဘူး၊ ခါးသည်လည်း မပြောဘူး။
* * *
(၅)
ကြားသားမိုးကြိုး … ဘာတွေတွေးပြီး သည်စကားပြောမှန်းလည်း ကျုပ် မသိပါဘူး။ ကျုပ်နားလည်း ကျုပ် မယုံပါဘူး။ အဲသည်ညက ဒင်းပြောသာ ပြောပါသယ်။ မူးတော့ မူးနေသာပေါ့လေ။ ဒါပေမဲ့ ညားကတည်းက တစ်ခါမှ အဲသလိုမပြောဖူးဘူး။ နေပါဦး … ပြောသာ … ဘာတဲ့ …
“ကျုပ် စဉ်းစားမိတယ်။ ပိုက်ဆံရှိတဲ့လူလည်း သေတာပဲ၊ ဆင်းရဲတဲ့လူလည်း သေတာပဲ။ သေမှငိုနေလည်း အလကားပဲ။ လင်နဲ့မယား အသက်ရှင်ရတုန်း ချစ်ကြဖို့ လိုတာပဲ … ” တဲ့။
မောင်ငယ်က ဒါလောက်ပဲ ပြောသာပါ။ ဒါပေမဲ့ ကျုပ် အဲသည်ညက တစ်ညလုံး အိပ်မပျော်ဘူး။ သိပ်တော့လည်း မယုံပါဘူး၊ ဒင်း သောက်ကောင်းအောင် ပြောသာပဲ လို့လည်း တွက်ပါသယ်။ အဲသည်ညက တန်းစီအိပ်နေသဲ့ ကျုပ်ကလေးတွေကို ကြည့်ရင်းက အရင်ယောက်ျားတွေကိုလည်း အောက်မေ့မိရဲ့။ ဘာပဲဖြစ်ဖြစ် ကျုပ်ချက်ကျွေးသာ စား၊ ကျုပ်တဲထဲမှာ နေ၊ ပြီးရင် အရက်မှန်မှန် ဝယ်ပေးနေသဲ့ ရက်တွေထဲမှာ မောင်ငယ် သည်စကားမျိုး တစ်ခါမှမပြောဖူးဘူး။ အောင်မယ် … ဟုတ်တော့လည်း ဟုတ်သား။ မနက်မိုးလင်းလို့ ကိုစံမောင်တို့အိမ်ရှေ့ သေတ္တာဝယ်သူတွေလာတော့ ကျုပ်က နိုးနေနှင့်ပါပြီ။ မောင်ငယ်ကလည်း နိုးလို့ တော်ရေ့ … ပြုံးပြုံးကြီး … သိလား။
အဲသည်နေ့က သေတ္တာရွက်တော့ နေပူပြင်းပြင်းထဲမှာ ကျုပ်က သေတ္တာရွက်လို့။ ကျုပ်ရှေ့က မောင်ငယ်။ သေတ္တာအဖုံးပျဉ် ချိုင်းကြားညှပ် လိုက်လို့။ ငိုက်စိုက် ငိုက်စိုက်နဲ့။ ဖောသွပ်ဖောရောင်နဲ့၊ ဖိနပ်လည်း မပါဘူး။ ကျုပ်ရင်ထဲမတော့ တလှပ်လှပ်နဲ့။ မောလို့ မဟုတ်ပါဘူး၊ ဘာရယ်လည်း မသိပါဘူး။
ဒင်းကို … အဲလေ … မောင်ငယ်ကို အရက်ဖိုးပေးရဦးမယ်လို့လည်း တွက်သယ်။ ခမျာ … မောနေရှာပြီထင်ပါရဲ့ပေါ့။
----------
နေဝင်းမြင့်
(ဆယ့်နှစ်ကြိုးဝတ္ထုတိုများ)

မေတ္တာမဏ္ဍိုင်

မေတ္တာမဏ္ဍိုင် (သော်တာဆွေ)
-------------------------------
“အဖေ၊ ကျွန်တော့် သက်ပြင်းကြီးတော့ သွားရှာပြီ”
ငိုသံပါကြီးနှင့် အခန်းထဲ ဝင်လာ၍ ပြောလိုက်သော ၁၂ နှစ်ရွယ် သားငယ်၏ အသံကြောင့် အဖေသည် စာရေးနေရာမှ ဖောင်တိန်ကို ချလိုက်ပြီး ဝမ်းနည်းတကြီး ရှိုက်ငိုနေသော သားငယ်အား ပခုံးကို လှမ်းဖက်၍ …
“ဟုတ်လား၊ အဖေတော့ ဒီကောင် ဒီလောက်တောင် ဖြစ်လိမ့်မယ်လို့ မထင်မိဘူး သားရယ်”
ဤတွင် သားက သူ့ပခုံးပေါ် တင်ထားသော အဖေ၏ လက်ကို ဒေါသနှင့် ရုတ်တရက် ပုတ်ချလိုက်ပြီး ဖခင်အား မျက်ရည်စက်လက်နှင့် စူးစိုက်ကြည့်လျက် …
“ဒါကြောင့် အစကတည်းက ဆေးရုံ ခေါ်သွားပါ ကျွန်တော်ပြောတယ် မှုတ်လား၊ အဖေတို့က ကျွန်တော့်ဆို ဘယ်တော့မှ အကောင်း မထင်ကြဘူး”
ဒေါသသံနှင့် စူးရှသော အသံငယ်ဖြင့် အော်၍ ပြောရင်းက ချာခနဲ လှည့်ထွက်၍ “သတ်မယ်၊ သတ်မယ် သူရဲပေါကြောင်တဲ့ တိမ်တစ်လုံးကို အခုသွားသတ်မယ်” ဟု ပြောရင်း ပြေးထွက်မည် ပြုသည်ကို ဖခင်က ဖတ်ခနဲ လှမ်းဖမ်းဆွဲလိုက်ပြီး …
“ဟဲ့ … ဟဲ့ … နေပါဦးကွ လူကလေးရ၊ အဖေ့ကို ပြောပဲ ပြောစမ်းပါဦး၊ သက်ပြင်း သေတာနဲ့ တိမ်တစ်လုံးနဲ့ ဘာဆိုင်လို့တုန်း”
သားက ကျောခိုင်းနေရာမှ လှည့်မကြည့်ဘဲ “ဆိုင်တယ် ဆိုင်တယ်၊ သက်ပြင်း သေတာဟာ တိမ်တစ်လုံး တစ်နံပါတ် တရားခံ ဖြစ်တယ်ဆိုတာကို သိချင်ရင် အဖေ အခုလိုက်ခဲ့၊ ကျွန်တော်ပြမယ်၊ ဟစ် … ဟီး” ဟု ချုပ်တည်းထားရာမှ ပေါက်ကွဲထွက်လာသော ငိုသံဖြင့် ပြေးထွက်သွားလေ တော့သည်။
အဖေလည်း သားနောက် ကောက်ကောက်ပါအောင် လိုက်သွားရလေရာ နောက်ဖေး မီးဖိုဆောင် မီးသွေးအိတ်ဘေး ဂုံနီခင်းပေါ်၌ လက်ကလေးနှစ်ဖက် ယှက်ကာ ခွေခွေကလေး အသက်ပျောက်နေရှာပြီ ဖြစ်သည့် သက်ပြင်း၏ ဖားလျားကျနေသော နားရွက်ရှည်ကြီး တစ်ဖက်ကို သားဖြစ်သူက လက်နှင့် အသာအယာ မလိုက်သည် ရှိသော် နားသယ်အောက် နားပေါက်နှင့် ကပ်လျက် မမြင်ဝံ့အောင် လောက်တဖွားဖွား ရှိနေသော အနာကြီး ဘွားကနဲ ပေါ်လာလေရာ အဖေမှာ စုတ်သပ်လျက် …
“အင်း … ဟုတ်ပါရဲ့ကွာ သက်ပြင်း သေရတာဟာ တိမ်တစ်လုံးက တရားခံ နံပါတ်တစ် ဆိုရင် နှစ်တရားခံက သက်ပြင်းရဲ့ ရှည်လျားတဲ့ နားရွက်ကြီးတွေပဲကွ”
“တရားခံ နံပါတ် ၃ ကတော့ ဆေးရုံပို့ပါ ဆိုလျက်နဲ့ မပို့တဲ့ အဖေပဲ ခင်ဗျာ့” ဟု သူ့အဖေကို စွဲချက်တင်ပြီးနောက် “ဒါဟာ သူ့ညီကို သူချစ်လွန်းလို့ ရတဲ့ ဒဏ်ရာ၊ သူဟာ သူ့ညီကြောင့် ကျသမျှဒဏ် ငဝက်ခံရပေါင်း များလှပြီ။ ဒီတစ်ခါတော့ မောင်သက်ပြင်းကြီး သက်မပြင်းနိုင် ရှာတော့ဘူး၊ သွားပြီ … ” ဟု ပြောရင်း ဝမ်းနည်းရာမှ ဒေါသပါ ထွက်လာပြန်ပြီး အနီး၌ ကရုဏာသက်စွာ ရပ်ကြည့်နေသော အိမ်ဖော် မောင်ဘိုအား မော်ကြည့်ရင်း …
“လာဗျာ … ကိုဘို၊ ဟိုဂြိုလ်ကောင်ကို လိုက်ရှာပြီး သတ်ချေရအောင်၊ ခင်ဗျား မလိုက်လဲနေ၊ ကျွန်တော့်ဟာ ကျွန်တော် တွေ့အောင် ရှာသတ်မှာပဲ” ဟု ပြောပြီး နေရာမှ ဆောင့်ဆောင့်နှင့် ထွက်ခွာသွားလေ၏။
***
သက်ပြင်းနှင့် တိမ်တစ်လုံး
တစ်အူတုံဆင်း ညီအစ်ကို အရင်းပေမယ့် ပေါက်ပန်းဈေး ခွေးမတို့ ဓမ္မတာ ဖခင် တစ်ယောက်တည်းနှင့် ပေါက်ဖွားသည် မဟုတ်သောကြောင့် သူတို့၏သွင်ပြင် ရုပ်ရည် အမူအကျင့် ဝသီဓလေ့တို့မှာ လုံးဝခြားနားလေသည်။ သက်ပြင်က အကောင်ကြီးမား ခံ့ထည်၍ ဇော်ရောင်တွင် အဖြူကွက်နှင့် မေးရိုးအောက် တစ်လက်မလောက် တွဲကျနေအောင် ရှည်လျားလှသော နားရွက်ရှိသည်။ မျက်လုံးမှာ မျက်ခုံးသုံးထောင့် မေးစေ့တိုတိုနှင့် ဗိုလ်ခွေးကောင်းမျိုးနှင့် စပ်ကျဟန်တူသည်။
တိမ်တစ်လုံးကား ဖြူတူတူ မွဲခြောက်ခြောက်၊ ထုံးခြောက်ရောင်မှ အဝါမွေးကလေး အချို့နှင့် နားရွက်တိုတိုထောင်ထောင်၊ မျက်လုံးက ပြူးပြူးပြဲပြဲ၊ ဘယ်အခါမှ ဂဏာမငြိမ် ကျီးကန်းတောင်းမှောက် တောင်ကြည့် မြောက်ကြည့်နှင့် လစ်လျှင် လစ်သလို ဘာမျှ ချမ်းသာမပေးတမ်း အုပ်တတ်၏။ ခိုးတတ်၏။ အထူးသဖြင့် သူကျွမ်းကျင်သည်မှာကား ကြက်ကိုက်ခြင်းတည်း။ လျင်လိုက်သည်မှာလည်း ပြောစရာမရှိ၊ တိမ်တစ်လုံး ပါးစပ်ထဲ ရောက်ပဟေ့ ဆိုလျှင်ဖြင့် ဘာလိုအရာမျိုးမဆို ပြန်ရဖို့ ခဲယဉ်းလှပေတော့သည်။
အလျဉ်းသင့်၍ ပြောရဦးမည်။ တစ်ခါက အိမ်တွင် ချစ်စနိုးမွေးထားသော ‘ပေါ်လီ’ အမည်ပေးထားသည့် ကတ္တဝါအထီးနှင့် ‘အစ်ဇဘယ်လ်’ ခေါ် ကတ္တဝါအမ တစ်စုံ ရှိသည်။ ပေါ်လီသည် အိမ်သို့လာသမျှ လူများအား အင်မတန် ရှိုးပြလေ့ရှိသည်။ နှုတ်မှ သူတတ်သမျှ ရွတ်ဆိုသည်။ တန်းပေါ်မှာ တွဲလွဲမှောက်ခုံ ပက်လက်နှင့် ကျွမ်းအမျိုးမျိုး ထိုးပြတတ်သည်။ ‘အစ်ဇဘယ်လ်’ ကိုလည်း အင်မတန်နိုင်စားသည်။ နေ့လယ်နေ့ခင်း သူပျင်းပြီဆိုလျှင် လှောင်အိမ်ထဲ၌ ဆင်ထားသော ဒန်းပေါ်သို့ သူတက်စီး၍ အစ်ဇဘယ်လ်က နှုတ်သီးဖြင့် ဒန်းလွှဲပေးရသည်။ ကတ္တဝါမက ညောင်းညာ၍ ခဏတဖြုတ်တော့ သူ မကျေနပ်ခင် မရပ်နားလိုက်ပါနှင့်။ တစ်ခါတည်း ဒန်းပေါ်မှ ဆင်းလာပြီး ဆွဲဆိတ်တော့သည်။ ဤသို့ ဒေါသတကြီး ဆွဲဆိတ်မှုကြောင့် ကတ္တဝါမ အစ်ဇဘယ်လ်မှာ မျက်လုံးတစ်ဖက် ကန်းနေရှာသည်။
အစ်ဇဘယ်လ်က ခပ်အေးအေး နေတတ်၍ လင်ကို ကြောက်ရသော မယားနှင့်တူပြီး ပေါ်လီမှာ မယားကို ညှင်းဆဲသော လင်မိုက်နှင့် တူချေသည်။
ပေါ်လီ၏ မူလကြီးပြင်းခဲ့ရာမှာ ဘုန်းကြီးကျောင်းတွင် ဖြစ်သည်။ ပေါ်လီ စကားတတ်စ ပြုသည်၌ ဆရာတော်ဘုရားက “ဟား … သံယောဇဉ်တော့ ဖြစ်တော့မှာပဲ” ဟု စွန့်ကြဲလိုက်၍ အဖေ ရလာခဲ့ခြင်း ဖြစ်သည်။ အစ်ဇဘယ်လ်ကား သူ့အတွက် အဖော်ရအောင် ဝယ်ပေးထားခြင်း ဖြစ်သည်။
ပေါ်လီသည် သူအစာ ဆာပြီဆိုလျှင် ဘုန်းကြီးကျောင်းသားပီပီ “ထမင်းဖြူနဲ့ ငှက်ပျောသီးနဲ့ စားချင်တယ် ဝေ့ … ဩကာသ ဩကာသ” ဟူ၍ မနားတမ်း အော်တော့သည်။ အစာပေးလိုက်မှ အအော်ရပ်၏။ အစာဝပြီဆိုလျှင် ဒန်းစီး၏။ ဒန်းမစီးချင်သေးဘူးဆိုလျှင် …
“ဒေဗီး … အောင်းအောင်း၊ ဒေဗီ … အောင်းအောင်း” ဟု ပါးစပ်မညောင်းမချင်း အော်နေတော့၏။
ဒေဗီမှာ အိမ်က မာလီကုလား ဖြစ်သည်။ ‘ဒေဗီအောင်းအောင်း’ ဟု အမေက မကြာခဏ လက်တိုလက်တောင်း ခိုင်းစရာရှိတိုင်း ခေါ်သည်ကို သူမှတ်ထား၍ တတ်နေခြင်းဖြစ်သည်။
မည်သို့ သင်ကြားစေကာမူ ကတ္တဝါတိုင်း၊ ကြက်တူရွေးတိုင်း စကားတတ်သည် မဟုတ်လေရာ အစ်ဇဘယ်လ်ခမျာ မတတ်ရှာပါ။ ရိုးရိုးအေးအေးပဲ နေတတ်၍ ပေါ်လီကို အလုပ်အကျွေး ပြုနေရသည်နှင့်ပင် တူချေသည်။
ပေါ်လီကား အိမ်ကို ဧည့်သည်လာလျှင်လည်းကောင်း၊ လမ်းတွင် မိန်းကလေး လှလှလေးများ မြင်လျှင်လည်းကောင်း လေတရွှီးရွှီးချွန်ကာ ဂျွမ်းအမျိုးမျိုး ထိုးပြတတ်သဖြင့် အချို့ငေးကြည့်မိကြသည်။ ဤသို့ကြည့်လေ ဖိုးပေါ်လီက ကဲလေဖြစ်သည်။ ယင်း၌ ပေါ်လီသည် ယောက်ျားတို့ထက် မိန်းမလှလှကို ပို၍ အစွမ်းပြတတ်ခြင်းမှာ တိရစ္ဆာန်ပင် ဖြစ်လင့်ကစား ဖိုသတ္တဝါတို့၏ စရိုက်ပင် ဖြစ်ချေသည်။
တစ်နေ့သောအခါ၌ ပေါ်လီသည် လမ်းလျှောက်သွားသော ဂါဝန်ဝတ်မ လှလှကလေး တစ်ယောက်ကို လေတရွှီးရွှီးချွန်၍ ကျွမ်းဘားအမျိုးမျိုး ထိုးပြနေစဉ် ခြေလွတ်ပြီး တန်းပေါ်ကအကျ သူ့လှောင်အိမ် တံခါးကို ဂျက်ကျအောင် ပိတ်မထားမိသည်နှင့် ကြုံလေရာ လှောင်အိမ်ထဲမှ ထွက်ပြီးအကျမှာ လှောင်အိမ်အောက်၌ လျောင်းစက်နေသော တိမ်တစ်လုံးနှင့် တွေ့သွားလေသဖြင့် ပေါ်လီ အလန့်တကြား အော်သံတစ်ချက် ကြား၍ အမေ ထွက်ကြည့်လိုက်တော့ တိမ်တစ်လုံး ရှေ့မှာ အမွေးအနည်းငယ်မျှသာ မြင်ရတော့သည်။
တိမ်တစ်လုံးကား ဤမျှ လျင်၍ ဤမျှ အစားသရဲ ကျနေသော အကောင် ဖြစ်ပါ၏။ သူ့ကို မည်မျှပင် အစားဝအောင် ကျွေးစေကာမူ ကြက်ငှက်ကို စားလိုသည်ကား သူ့စရိုက်ပင် ဖြစ်ချေသည်။
သက်ပြင်းကတော့ တိမ်တစ်လုံးနှင့် ဆန့်ကျင်ဘက် ခြားနားရုံမက ခွေးနှင့်မတူသော ခွေး ဟူ၍ပင် ဆိုရပါမည်။ သူ့အား အစာကျွေးပြီဆိုလျှင် သည့်ပြင်ခွေးများလို အငမ်းမရ တအားဟပ်၍ စားသည်မရှိဘဲ ပထမ သူ့စားခွက် ဇလုံထဲ၌ ထည့်ထားသော အစာကို နမ်း၍ နှုတ်သီးနှင့် ကောက်ကြည့်သည်။ ပြီးလျှင် ဘေးဘီ၌ တိမ်တစ်လုံး ရှိလေမလားဟု မျှော်ကြည့်သည်။
တိမ်တစ်လုံးသည် ရှိ၏။ သူ့စားခွက်သူ စားနေ၏။ သို့မဟုတ် သူ့စားခွက်ထဲ၌ ပါသော အရိုးအရင်း ဟင်းတုံးကို အငမ်းမရ တဇတ်ဇတ်နှင့် ကုန်အောင် စားပစ်ပြီး ထမင်းချည်း ချန်ထား၍ သက်ပြင်းခွက်ကို လှမ်းမျှော်နေသည် ဆိုပါတော့ အံ့ဩချီးမွမ်းဖွယ် ကောင်းသော သက်ပြင်းသည် သူ့စားခွက် အနီးမှ နောက်သို့ အသာ ဆုတ်ပေးလိုက်သည်။ ဒီတော့ သည်အခွင့်ကို စောင့်နေသော တိမ်တစ်လုံးသည် သက်ပြင်းခွက်က အရိုးအရင်းကို လာတုတ်လေတော့၏။
စင်စစ် တစ်မိပေါက်ချင်း ဖြစ်သော်လည်း ဖအေချင်း ခြားနား၍ သက်ပြင်းမှာ ကြီးမားလှပလျက် တိမ်တစ်လုံးမှာ ထုံးခြောက်ရောင် အဝါပျောက် အစက်ကလေး အနည်းငယ်နှင့် သာမန်ခွေးဝင်စားမျိုး ပုံသဏ္ဌာန်ရှိရာ သက်ပြင်းကို ကြောက်ရ၍ တော်တော့သည်။ နိုင်များနိုင်လျှင် သူ့အစားသရဲပုံ စရိုက်ဆိုးပုံနှင့် သက်ပြင်းကို တော်တော် ညှင်းဆဲမည့်အကောင် ဖြစ်၏။
သက်ပြင်းကား အင်အား ကြီးမားသော်လည်း တိမ်တစ်လုံးကို ဘယ်တော့မျှ ကိုက်ခဲခြင်း မပြု၊ အထက်ဖော်ပြပါအတိုင်း သူ့စားခွက်ထဲက အရိုးအရင်းကို စားရန်ပင် ကျေနပ်အောင် စားပြီးမှ အကျန်ကို သက်ပြင်းက စား၏။ သူစားပုံမှာလည်း သိမ်မွေ့လှသည်။ ပထမဦးဆုံး ဇလုံနှုတ်ခမ်းမှစ၍ သေသေသပ်သပ် စားသည်။ ကုန်ပြီ ဆိုသောအခါ၌ လူဆေးသကဲ့သို့ ပြောင်နေအောင်လျက်ပြီးမှ ဇလုံကို နှုတ်သီးနှင့်ထိုး၍ မှောက်ထားလိုက်၏။ အစာစားပြီးသော အခါဝယ် ဤစားခွက် အနီးမှာပင် ဝပ်လျားမှောက်၍ လက်ပေါ် မေးတင်ကာ မှိန်းနေတော့သည်။
အစာစားပြီးလျှင် ပြီးချင်း အနီးအပါးကို အနှံ့အပြား နှုတ်သီးတရမ်းရမ်း အမြီးတထောင်ထောင်နှင့် ပြေးနေတတ်သည်ကတော့ တိမ်တစ်လုံး။ သူသည် မညစ်မကျယ် အခြားခွေးများကိုလည်း ရန်စတတ်သည်ဖြစ်ရာ သူအကိုက်ခံရ၍ အော်သံကြားပြီ ဆိုပါက အိမ်တွင် ဝပ်လျားမှောက်၍ အေးအေးမှိန်းနေသော သက်ပြင်းမှာ မနေသာ။ ကပျာကရာ ထသွားပြီး သူ့ညီတော်မောင်ကို ကူ၍ ကိုက်ပေးပြန်ပါသည်။ သို့သော် တိမ်တစ်လုံးကား သက်ပြင်း ရောက်လာ၍ အခြားခွေးများနှင့် ဝင်ကိုက်နေပြီ ဆိုပါက သူကဘာမျှမဖြစ်သလို ခပ်အေးအေးပဲ ပြန်၍ လစ်ခဲ့တော့၏။ သက်ပြင်း အခြေအနေ ဘယ်သို့ပဲနေနေ သူနောက်ပိုင်း ပြန်မကြည့်တော့။ အမှန်က သူ့ကြောင့် ဖြစ်ရသောအမှု။
သီတင်းကျွတ်လ တစ်ခုသော နံနက်စောစော၌ အမေအိပ်ရာမှထ၍ ရေနွေးအိုး တည်နေစဉ် မီးဖိုဆောင် တံခါးကို အပြင်ဘက်မှ ကုတ်ခြစ်သံ ကြားရသည်။ ထိုအခါတွင် အိမ်၌ ခွေးမရှိ၊ကြောင်မရှိ ဖြစ်၍ မည်သည့်အကောင် ဖြစ်မည်နည်းဟု အမေက တံခါးဖွင့်လိုက်သော် ခွေညိုမ ဝဝတစ်ကောင် ဆောင့်ဆောင့် ထိုင်နေသည်ကို တွေ့ရသဖြင့် အမေက မောင်းထုတ်သည်။ သို့သော် ခွေးက မသွား။ ရှမ်းပြည်နယ် တောင်ကြီးမြို့ ဖြစ်၍ နံနက်ခင်း နှင်းတွေ တဖြောက်ဖြောက်နှင့် ချမ်းအေးလှရကား အိမ်ထဲဝင်ရန်သာ ခွေးမက ကြိုးစားသည်။ အမေသည် တိရစ္ဆာန်ကို ရိုက်တတ် ပုတ်တတ်ခြင်းလည်း မရှိ၍ ခွေးမက မောင်းမရ၊ အတင်း ပေကပ်နေခြင်းဖြင့် နောက်ဆုံးမှာ အမေက ကရုဏာသက်ပြီး မီးဖိုတွင်း လက်ခံကာ ညက ထမင်းဟင်းကျန်ကို ကျွေးလိုက်သည်မှ စ၍ ဤဂေဟာတွင် ‘ကောက်ရမ’ မည်သော ခွေးဝင်စားမ တစ်ကောင် စားရင်းဝင်လာခြင်း ဖြစ်ပေတော့၏။
အဖေကတော့ အစကတည်းက ကောက်ရမကို မနှစ်သက်ပေ။ ဒီခွေးဝင်စားမကို ကျွေးမွေးထားရ ကောင်းလားဟု အမေ့ကိုလည်း အဆင်သင့်တိုင်း ဆူလေ့ရှိသည်။
“ဟေ့ … မရီ၊ ခွေးလေဆိုတာ ခွေးမျိုးသန့်လို တစ်ခါမွေး နှစ်ကောင် သုံးကောင် မဟုတ်ဘူးကွ၊ ဒါဇင်နဲ့ချီ မွေးတတ်တာ၊ အဲဒီတော့ ခက်မယ်၊ အင်း … ခု ခွေးမဗိုက်က တစ်နေ့တခြား ကြီးလာတာ ၁၀ ကောင်ထက် နည်းမယ် မထင်ဘူးနော်”
စင်စစ် ဤခွေးမ ဝ,ဝ ရှိနေသည် ဆိုကတည်းက ဇီးနှင့် ဖြစ်ပေသည်။ အမေကတော့ သူ့ပင်ကိုအတိုင်း ခပ်အေးအေးပင်။
“အို … တော်ကလည်း ဖြစ်လာမှတော့ ဘယ်တတ်နိုင်ပါ့မလဲ။ မောင်းထုတ်လို့လည်း မရတာကြီးကို”
“ဟ … မင်းက စားကောင်းသောက်ကောင်း၊ ပသထားတော့ ဘယ်ပြန်ကြွတော့မလဲကွ။ အရောက် နောက်ကျတယ်တောင် အောက်မေ့နေဦးမယ်။ နာနာကျည်းကျည်း မှတ်လောက်သားလောက် ရိုက်ထုတ်မှပေါ့ကွ”
“အိုး … သူ့ခမျာ ကိုယ်လေးလက်ဝန်ကြီးနဲ့ မရိုက်ရက်ပေါင်တော်”
“ကိုင်း … ကောင်းသဟေ့၊ ဒါဖြင့် မိရွှေရီ ခုကတည်းက ပြောထားလိုက်ပါရဲ့။ နင့်ခွေးမ အချိန်တန်လို့ အိမ်မှာ တစ်ထုပ်တစ်ပိုးကြီး ပေါက်ဖွားလာရင်ဖြင့် နင့်ပါအတူ နင့်ခွေးအုပ်နဲ့ မောင်းထုတ်ပြီမှတ်ပေရော့”
အဖေသည် ဤခွေးမကိစ္စနှင့်ပတ်သက်၍ နောက်ထပ်ဘာမျှ မပြောတော့ချေ။ အမေ့မှာမူ ဒီခွေးမ မမွေးရအောင်တော့ တားရမည် မဟုတ်။ သည်တော့ ကလေး နည်းနည်းကလေး မွေးပါစေဟု ဆုတောင်းရ၏။
သို့သော် တန်ဆောင်မုန်းလ တစ်ရက်၌ သားငယ်သည် အမေ့ဆီ သုတ်သုတ် သုတ်သုတ်နှင့် ပြေးလာ၍ “အမေ … အမေ … ကောက်ရမကြီး အိမ်အောက်မှာ ကျင်းယက်ပြီး ကလေးတွေ မွေးထားလိုက်တာ အောတိုက်နေတာပဲ။ ဘယ်နှစ်ကောင်လည်းတောင် ရေလို့ မရဘူး။ ရွစိရွစိ နေတာပဲ”
ဤတွင် အမေ့မှာ ဟိုက်ခနဲ ဖြစ်သွားပြီး ထိုနေ့မှစ၍ ထမင်းကို ပိုချက်ကာ အဖေ မသိစေဘဲ ခွေးမကြီးအား ကောင်းမွန်စွာ ကျွေးရတော့၏။ ခွေးသားအုပ်မ အစာကောင်းစွာ မဝ၍ နို့ကောင်းစွာ မထွက်သဖြင့် ခွေးကလေး နို့မဝသည့် အော်သံမြည်ပါက အဖေကြီး သိသွားမည် စိုးသောကြောင့်တည်း။
သို့သော် တာရှည်စွာဖုံး၍ မဖြစ်နိုင်သော ကိစ္စပါ။ တစ်နေ့သောနံနက် အဖေအိမ်ပေါ်မှ ဆင်းပြီး ခြံထဲ လမ်းလျှောက်သည်တွင် ခြေထောက် လိုက်နမ်းကြသော ရွစိရွစိ ကောင်ကလေးတွေ တွေ့၍ ငုံ့ကြည့်လိုက်တော့ လမ်းလျှောက်တတ်ခါစ ခွေးကလေး (၉)ကောင်တောင်။
ယင်း၌ အဖေသည် အမေရှိရာ မီးဖိုချောင်သို့ တဟုန်ထိုးသွား၍ “ဟေ့ … မရီ၊ မင်းမှာ သားတွေ သမီးတွေ တော်တော်ပွားစည် နေပြီပေါ့။ ကိုင်း … ဒီလိုဆို ကျုပ်ကလည်း ဟောဒီလို စီမံရလိမ့်မယ်။ ဟေ့ … မောင်ဘို … မောင်ဘို … လာစမ်း”
အသက်အစိတ်မျှ ရှိမည်ဖြစ်သော မောင်ဘိုသည် ရိုသေကျိုးနွံစွာ ရောက်လာသည်၌ “ဟေ့ … မောင်ဘို၊ ငါ ကျောင်းက ညနေ ပြန်လာတဲ့ အခါမှာ ဒီအိမ်က ခွေးမကြီးနဲ့ ခွေးကလေးတွေ တစ်ကောင်မှ ငါ မမြင်ချင်ဘူး။ နားလည်လား၊ ဒါပဲ”
မောင်ဘို ဆိုသည်မှာ မိတ္ထီလာ၊ မြင်းခြံဘက်မှ လူဆိုးလူတေ တစ်ယောက် ဖြစ်သည်။ သူ့ရပ်ရွာမှ သူ့ကိုဝိုင်းကြဉ်ကြ၍ သူ လွင့်ထွက်လာခဲ့ကာ ခိုကိုးရာမဲ့ ဖြစ်နေသည်ကို အဖေကခေါ်ယူ ကျွေးမွေးထားခြင်း ဖြစ်သည်။ စင်းစစ်တော့ မောင်ဘိုသည် လူဖြောင့်စိတ်တို တစ်ယောက်၊ မဟုတ်မခံတတ်၊ ဇက်ရဲ လက်ရဲ၊ သတ်ရဲ ဖြတ်ရဲသူ ဖြစ်သည်။ အဖေသည် ကျောင်းအုပ်ဆရာကြီး တစ်ယောက်ဖြစ်လျက် အများက မကောင်းဟု ယူဆကြသော လူဆိုးလူတေများကို ကြည့်ရှုမစထားတတ်သည်။ ဤလူစားမျိုးမှာ အများအားဖြင့် လူကောင်းသူကောင်းဟု ဆိုကြသူများထက် မိမိကျေးဇူးရှင်အား ချစ်ခင်၍ သစ္စာရှိတတ်ကြောင်း အဖေသည် သူ့ဘဝ ကိုယ်တွေ့များဖြင့် သိကျွမ်းသူဖြစ်သည်။ ဤလူဆိုးတွေကိုလည်း ကယ်တင် ပြုပြင်လိုသည်။
မောင်ဘို၏ ဗီဇမှာ သွေးအေးအေးနှင့်ပင် သတ်ရဲဖြတ်ရဲ သတ်ချင်ဖြတ်ချင်စိတ်ရှိသူ ဖြစ်လေရာ၊ အဖေပေးခဲ့သော အမိန့်ကို သူဆောင်ရွက်ရန် (သူ့အမြင်အားဖြင့် သူ့အရှင်ကို ကျေးဇူးဆပ်ရန် ဖြစ်၍) ဝမ်းသာဟန် တူပေသည်။
အမေမူကား သူ့ယောက်ျား ဆန္ဒကို မည်သို့မျှ တားဝံ့သူ မဟုတ်၊ ခွေးများကိုလည်း သနားသည် ဖြစ်သော်လည်း မောင်ဘိုကို မကန့်ကွက်နိုင်ပေ။ ‘ငါမမြင်ရ၊ မကြားရအောင်သာလုပ်ပါ ငဘိုရာ’ လောက်သာ ပြောနိုင်သဖြင့် ကိုဘိုသည် အမေမမြင်ရ၊ မကြားရအောင်ပင် လုပ်လေသည်။
ခြံဝင်းထဲတွင် ပန်းများကို ရေလောင်းရန် ရေကန်ငယ်တစ်ခု ရှိလေရာ ခွေးကလေးတွေကို တစ်ကောင်ပြီးတစ်ကောင် ယူကာ စိမ်ပြေနပြေ ရေနှစ်သတ်သည်။ သည်တော့ ဘာအသံမှ မကြားရဘူးပေါ့။ ခွေးမကြီးကိုကား ရေနှစ်သတ် မဖြစ်၍ နောက်မှ တစ်မျိုး တစ်ဖုံ စီမံမည်ဟု သူ ကြံထားဟန် ရှိသည်။
ကိုဘိုသည် အိမ်အောက်မှ ခွေးမကြီး၏ ဝပ်ကျင်းမှ ကလေးများကို မအေ့ရင်ခွင်မှ တစ်ကောင်ပြီး တစ်ကောင် ယူသတ်သည် ဖြစ်လေရာ ၃ ကောင်မြောက်၌ မိခင်သည် မသင်္ကာဖြစ်၍ လိုက်ကြည့်သည်။ သိသွားလေပြီ။ ကိုဘို တစ်ကောင်ယူပြီး သတ်လိုက် သူ့ခမျာလိုက်ပြီး ကြည့်လိုက်၊ ကျန်သော သားငယ်များဆီ ပြေးလိုက်နှင့် အသံအမျိုးမျိုး မြည်ကာ ယောက်ယက်ခတ်နေ ရှာသည်။ အဋ္ဌမမြောက် ခွေးကလေးကို ယူရန် သွားသည်၌ ခွေးမကြီးရော ခွေးငယ် နှစ်ကောင်ပါ ရှာမတွေ့တော့ချေ။
ထိုမှ တစ်လကျော်မျှ အကြာ ပြာသိုလ ရောက်၍ မိုးဥတု ကုန်ဆုံးခဲ့ပြီးနောက် ဆောင်းတွင်းရောက်သော် မြက်ပင်၊ ပေါင်းပင်များ ကျဆင်းသွားချိန်၌ သားငယ်များ ခြံထဲ ကစားစဉ် စံပါယ်ရုံကြီး အတွင်းမှ ခွေးငယ်တို့ အော်သံ ကြားရ၍ စံပါယ်ရုံကြီး ဖြဲကြည့်ရာ ဘာမျှမတွေ့ရ၊ နောက်မှ တွင်းဝတစ်ခု တွေ့သဖြင့် နှိုက်ကြည့်တော့ ပျော့စိစိ ခွေးငယ်တို့၏ ကိုယ်ကို ကိုင်မိသည်။ သို့သော် နှိုက်ထုတ်၍ မရချေ။ ခွေးငယ်များ ကိုယ်တိုင်လည်း အပေါ်သို့ မတက်နိုင်၊ ရေအိုးသဏ္ဌာန် အဝကျဉ်း၍ အတွင်းလှိုက်နေသဖြင့် သူတို့မိခင်သာ ဝင်နိုင်ထွက်နိုင် ချေသည်။
စင်စစ် ခွေးမကြီးနှင့် ခွေးကလေး ၂ ကောင် ပျောက်ကွယ်သွားပြီဟု အိမ်သားများ ထင်နေကြသော်လည်း ထိုအထဲမှာ အမေတစ်ယောက် အပါအဝင် မဟုတ်ချေ။ ပါးနပ်သော ‘ကောက်ရမ’ သည် အခြားသူများ အလစ်ကြည့်၍ အမေ့ထံ အစာလာယူလေ့ ရှိသဖြင့် အမေမှ တိတ်တဆိတ် ကျွေးမွေးနေသူ ဖြစ်သည်။ ယခု သားငယ်က ကျင်းကိုဖြဲ၍ ခွေးကလေးနှစ်ကောင်ကို ထုတ်ယူလာသည်၌ အဖေနှင့် အမေ ထမင်းစားနေစဉ် ဖြစ်သည်။ အမေက ရိပ်စားမိပါပြီ။ အဖေကတော့ မသိရှာ။
“ဟဲ့ … ဘယ်ကခွေးကလေးတွေ ယူလာပြန်တာတုန်း”
“တခြား မဟုတ်ပါဘူး၊ ကျွန်တော်တို့ စံပါယ်ခြုံကြီး အလယ်က တွင်းထဲကပါ။ ဒါဟာ ကိုဘို သတ်နေရင်း ပျောက်သွားတဲ့ ကောက်ရမရဲ့ ကလေးတွေ ဖြစ်ရမယ် အဖေရဲ့။ အထီးကလေးတွေချည်းပဲ။ သူတို့တော့ မွေးထားလိုက်ပါတော့ အဖေရယ်” ဟု ဆိုကာ ခွေးကလေးများကို မျက်ခွက်ရော ဝမ်းဗိုက်ရော တရှုံ့ရှုံ့ နမ်းလေသည်၌ အမေက …
“ဟဲ့ … ဘယ့်နှယ် ခွေးကို ဒီလောက်တောင် နမ်းနေရတာလဲ၊ မရွံဘူးလား သွားသွား၊ သူ့နေရာသူ ပြန်ထားချေ။ မွေးချင်လည်း မွေးပေါ့။ ဖြစ်လာမှတော့ ဘာတတ်နိုင်တော့မှာလဲ”
အဖေက အမေ့ လက်သုံးစကားကို မကျေနပ်ဟန်နှင့် စောင်းငဲ့ ကြည့်လိုက်သည်။ သားငယ်က ခွေးကလေးများကို နမ်းလျက်ပင် “သူတို့ အနံ့ကလေးတွေက ညှီတီတီနဲ့ မွှေးတယ် အဖေရဲ့၊ ရော့ နမ်းကြည့်စမ်းပါ” ဟု ရှေ့တစ်လှမ်း တိုးလာသည်၌ အဖေ၏ မကျေနပ်သော အေးစက်စက် မျက်လုံး အကြည့်ဒဏ်ကို ခံရ၍ အသာကျုံ့ကာ အိမ်အောက်ဘက် လျှိုဝင်သွားပြီး ဂုံနီအိတ်စုတ်များဖြင့် ထွေးနွေးစွာ သိပ်ထားလိုက်လေ၏။
ဤခွေးကလေး နှစ်ကောင်အနက် ဖြူရော်ရော် ထုံးခြောက်ရောင် အကောင်ကလေးမှာ ငယ်စဉ်က သူ့မျက်လုံး တစ်စုံတစ်ခုနှင့် ခိုက်မိ၍ တိမ်ဖြစ်နေသောကြောင့် ‘တိမ်တစ်လုံး’ ၊ ဇော်ရောင် အဖြူကွက်နှင့် အကောင်ထွားကြီးမှာ နားရွက်ဖားဖားကြီးနှင့် လှပဝဖြိုးသည်။ သတ်ရန် ဖြစ်သော်လည်း လွတ်မြောက်သွား၍ ‘သက်ပြင်း’ ။
***
ဆိုးသော တိမ်တစ်လုံး
နောက်ဖေးဘက်မှ စီစီညံညံ အသံများကြောင့် အဖေသည် စာဖတ်နေရာက အာရုံပျက်သွား၍ စာအုပ်ကို ဖုတ်ခနဲ ပစ်ချပြီး မျက်မှန်ကို နဖူးပေါ် ပင့်တင်ရင်း မီးဖိုချောင်ဘက်မှ အိမ်ရှေ့သို့ ခပ်သုတ်သုတ် ဝင်လာနေသော အမေ့ကို လှမ်း၍ …
“ဘယ့်နှယ် မရီ … ဟိုအကောင် စားရင်းရှုပ်ပြန်ပြီ မဟုတ်လား။ တောက် … ဒုက္ခတော့ တစ်မျိုးပြီး တစ်မျိုးဟေ့ … ”
အမေက အဖေ့ကို ပြန်မကြည့်အားသေးဘဲ အိပ်ခန်းထဲ လှမ်းဝင်၍ ချိုးချိုးချောက်ချောက်နှင့် သေတ္တာထဲမှ ပိုက်ဆံတွေကို မွှေနှောက်ရင်း …
“ဒီတစ်ခါတော့ ကြက်မကြီးမို့ သုံးမတ်က မလျှော့ဘူးတဲ့ အဖေကြီးရေ့ တစ်ကောင်တော့ ကျွန်မတို့ ရမှာပေါ့လေ၊ သူတို့က မူစလင်ဆိုတော့ လည်လှီးသား မဟုတ်လို့ မစားနိုင်ဘူးတဲ့၊ ကျွန်မတို့က တိမ်တစ်လုံး ပါးစပ်ထဲက ကျန်သမျှ စားရမှာပေါ့၊ သူတို့ ကြက်မကြီးက တစ်ပိဿာ ကျော်တယ် ဆိုတော့ ကိုယ်က မနာလှပါဘူး”
အမေက စိတ်ရှည်စွာ ပြောနေသော်လည်း အဖေက စိတ်တိုလှစွာ …
“ကောင်းကွာ မင်းတို့ သားအမိနှစ်ယောက် ကောင်းမှု ဒီခွေးနှစ်ကောင်က ကောင်းကျိုးပေးလှတယ်။ အငယ်ကောင်က ကြက်လျော်ရ၊ ဘဲလျော်ရ၊ ဆိတ်လျော်ရ၊ တွေ့သမျှ တိရစ္ဆာန် ကိုက်၊ အကြီးကောင် ကျတော့လည်း လူကိုက်တတ်လို့ ဆရာကြီးခွေး၊ ဆရာကြီးခွေးနဲ့ ငါလည်း ရစရာကို မရှိတော့ဘူး”
အမေက သူ၏ လက်သုံးစကားအတိုင်း “အိုတော် … ဖြစ်လာမှတော့ ဘယ်တတ်နိုင်မတုန်း”
“နင့်အမေ … ဖြစ်လာမှတော့”
အဖေသည် စိတ်ဆိုးမာန်ဆိုးနှင့် အိမ်ပေါ်မှ ဆင်းသွားပြီး မကြာမီ၌ အိမ်အောက်မှ ကျယ်လောင်သော အသံဖြင့် “အိမ်ပေါ်က တစ်ယောက် တိုင်မှာ ချိတ်ထားတဲ့ ထားဝယ်ကြိမ်လုံး ယူခဲ့စမ်းဟေ့”
အဖေ ဒေါသထွက်နေပြီ ဆိုလျှင် တစ်အိမ်လုံးက ကြောက်ကြရသည်။ သူခိုင်းရာကို မြန်မြန် လုပ်ပေးရသည်။ အဖေသည် တိုင်တွင် သံကြိုးနှင့် ချည်ထားသော တိမ်တစ်လုံးအား သူကိုက်သတ်ထားသော ကြက်သေကောင်ကို နှာသီးရှေ့ ထိုးထိုးပြ၍ ထားဝယ်ကြိမ်နှင့် ရိုက်လေသည်။
“နင် … နောက် ကိုက်ဦးဟဲ့၊ နင် - နောက်ကိုက်ဦးဟဲ့” တိမ်တစ်လုံးသည် ငယ်သံပါအောင် အော်လျက် ပတပ်ရပ်ရပ်ပြီး လက်ကလေးနှစ်ချောင်း ယှက်၍ ရှိခိုးသည့်ဟန် ပြုလေရာ မည်သူကမျှ မသင်ရပါဘဲ မိမိအသား နာလှ၍ သူ့ဟာသူ တတ်နေသည်ကို သားအမိတစ်တွေ သနားကြသည်။ သို့သော် အဖေ့ကို မည်သူကမျှ တော်ပါတော့ဟု မပြောဝံ့ကြ။ ယင်းအခိုက် အဖေ့ကို တားရဲသူ ပေါ်လာချေသည်။ သက်ပြင်း …။
တိမ်တစ်လုံး နာကျည်းစွာ အော်သည့်အသံ ကျယ်သည်ထက် ကျယ်လာတော့ သက်ပြင်းသည် အိမ်ပေါ်မှ ဝမ်းခေါင်းသံကြီးနှင့် ဟိန်း၍ အောက်သို့ ပြေးဆင်းလာခဲ့ပြီး တိမ်တစ်လုံးနှင့် ရိုက်နေသော အဖေ့အကြားထဲ သူ့ကိုယ်လုံးကြီးကို ကန့်လန့်ဝင်ခံ လိုက်သည်၌ နောက်ထပ်ရိုက်ရန် လက်မြှောက်ရွယ်နေသော အဖေ့ကြိမ်လုံးသည် လက်ထဲမှ ဖုတ်ခနဲ မြေပေါ်သို့ ကျသွားလေ၏။
ဤနေရာ၌ သားအမိတို့ စိတ်ထဲတွင် သက်ပြင်းအား ‘ဟီးရိုး’ ဟူ၍ ချီးကျူးမိကြလေ၏။
***
ဟီးရိုး၏ တိုက်ပွဲ
တော်သလင်းလ၏ တစ်နေ့ခင်း လူကြီးတွေ ကျောခင်း အညောင်းဆန့် နေကြချိန်၌ ခွေးချင်းကိုက်သံတွေ တစီစီ ကြားနေရစဉ်တွင် အိမ်ဝင်းထဲ တဖုတ်ဖုတ်နှင့် ပြေးဝင်လာသော ခြေသံနှင့်အတူ သားငယ်သည် မောကြီးပန်းကြီးဖြင့် …
“ကိုဘို … ကိုဘို ထစမ်းပါဦးဗျ မြန်မြန်၊ ဟိုမှာ တိမ်တစ်လုံး သွားစခဲ့တာနဲ့ သက်ပြင်းကြီး အလူးအလှိမ့် ခံနေရပြီ၊ သူတစ်ကောင်ထဲ၊ ဟိုက ဆယ်ကောင်လောက်ဗျ၊ ဝိုင်းခဲနေကြတာ ကျွန်တော် ဝင်ဖျဉ်တာလည်း မရဘူး၊ ကြည့်စမ်း သေချင်းဆိုး တိမ်တစ်လုံး သူကတော့ ပြန်လာပြီး ဟောဒီမှာ အေးအေးဆေးဆေး” ဟု ဆိုပြီး တိုင်ရင်း၌ အမွေးအလှေး လျက်နေသော တိမ်တစ်လုံးအား ခြေနှင့်တစ်ချက် ကန်လိုက်သေးသည်။
ဤကား တိမ်တစ်လုံး၏ အကျင့်ပင်။ သူက စကိုက်၊ သူ့အော်သံ ကြား၍ သက်ပြင်းက ကူရအောင်သွား၊ သူ့ရန်သူဘက်တွေနှင့် ကိုက်ကျန်ရစ်ခဲ့သည်၌ သူကတော့ အေးဆေးစွာ ပြန်ခဲ့သည်သာ၊ ဘယ်တော့မှ သက်ပြင်းနှင့် နှစ်ကောင်တွဲ၍ ကူမကိုက်တတ်ချေ။ သူ့စိတ်ထဲမှာ သက်ပြင်းလာလျှင် သူ့အလုပ် မဟုတ်တော့၊ ‘ငါ့အသား အနာမခံနိုင်’ ဟု ယူဆဟန်တူသည်။
သက်ပြင်းသည် ဗလကောင်းသူ၊ သတ္တိကောင်းသူဖြစ်၍ တော်ရုံတန်ရုံ ခွေး ၃-၄ ကောင်လောက်ကို သူမဖြုံပါ။ ယခုတော့ ဆယ်ကောင်လောက်နှင့် ဆော်ရသည်ဆိုတော့ သူအရေး မသာပါ။ အိမ်က လူကြီးများပါ ကိုဘို့တို့လူသိုက် တလကြမ်းဝင်ရိုက်၍ သက်ပြင်းကို ကယ်ထုတ်ခဲ့ရသည်။ သက်ပြင်း နာလာ၏။ သို့သော် သူဘယ်တော့မှ အမြီးမကုပ်ချေ။ အားကုန်၍ ယိုင်တိုင်တိုင်နှင့် အိမ်သို့ ပြန်လာခဲ့သည်။ တိမ်တစ်လုံးမှာမူ သူဘာမျှ မသိသလို သူ့ကိုယ်သူ လျှာဖြင့်လျက်ရင်း အေးအေးဆေးဆေး အမူအရာ မပျက်ပင်။ အမေနှင့် သားငယ်သည် သက်ပြင်းကိုယ်မှ ဒဏ်ရာရှာ၍ ဆေးထည့်ပေးသည်။
ဤမှ ၄-၅ ရက်ကြာသည်၌ “အစ်မ … အစ်မ သက်ပြင်း အနားလာရင် သိပ်နံတာပဲ အစ်မရယ် ပုပ်ဟောင်ဟောင်ကြီး” ဟု မောင်ဘိုက အမေ့ကို ပြောသည်၌ “ဟဲ့ မဟုတ်တာဘဲ၊ ငါတမြန်နေ့ကပဲ သူ့ကို သန်းချဆေးတွေ လူးပေးသေးတာ ဘာအနာမှ မတွေ့ပါဘူး။ ဟိုနေ့က ကိုက်ရာလေးတွေလည်း ကျက်နေပြီ၊ အစာလည်း စားသားပဲ”
“သူ သိပ်မစားဘူးနော် အစ်မ၊ သူ့ဇလုံထဲ ကုန်နေတာကတော့ တိမ်တစ်လုံး ဝင်အုပ်ပစ်လို့”
ဤတွင် အနီး၌ ပြောင်းဖူးဖုတ်စားနေသော သားငယ်ကလည်း “ဟုတ်တယ် အမေ၊ သက်ပြင်းမျက်ခွက်ကို ဒီတစ်လော ကျွန်တော်နမ်းတာ ခါတိုင်းလို ညှီစို့စို့လေး မမွှေးဘူး။ တစ်မျိုးပဲ နံနေတယ်။ သူ့ကို ဆေးရုံခေါ်သွား ပြပါလားဟင်၊ ဒီနေ့ ကျွန်တော် နွားမြီးစွတ်ပြုတ် တိုက်တာ ကုန်အောင် မသောက်ဘူး။ နည်းနည်း လျက်ရုံလေး လျက်တယ်၊ ဟုတ်တယ် တိရစ္ဆာန် ဆရာဝန်ကို ပြပါ အမေရယ်”
ခပ်လှမ်းလှမ်းမှ ပက်လက်ကုလားထိုင်တွင် ထိုင်နေသော အဖေက “ဟဲ့ … လူကြီးတွေ မအားရတဲ့ ကြားထဲ နင့်ခွေးကို အလုပ်ကြီး လုပ်လို့ ဘယ်ဆေးရုံ ပို့နေနိုင်မှာလဲ၊ ဒီလိုပေါ့ သူတို့လည်း မအီမသာ ရှိတဲ့အခါ ဘယ်စားချင် သောက်ချင်စိတ် ပေါ်မလဲ။ ထန်းလျက် ဝယ်ကျွေးလိုက် ပျောက်သွားလိမ့်မယ်၊ တကတည်းဗျာ အစထဲက ဒီခွေးတွေ မမွေးပါနဲ့ဆိုတာ ဘယ်က အလေနတောမျိုးတွေလည်း မသိ … ”
“သက်ပြင်းက အလေနတောမျိုး မဟုတ်ပါဘူး အဖေရဲ့၊ လမ်းထိပ်က ရဲဝန်ထောက် မစ္စတာရှောအိမ်က တိုက်ဂါးကြီးရဲ့ သားဆိုတာ ကျွန်တော် ပြောရဲတယ်။ အမွေးရောင်ရော နားရွက်ဖားပုံရော သိပ်တူတာပဲ”
သို့သော် သက်ပြင်းသည် နောက်ထပ်ဆက်၍ အသက်မပြင်းတော့ချေ။ ဤမှ ၃ ရက်မြောက်၌ သေဆုံးလေသည်။ အစက ဖေါ်ပြခဲ့သည့်အတိုင်း သူ့ဒဏ်ရာမှာ သေမှ သားငယ် ရှာတွေ့လေ၍ အဖေက လိုက်ကြည့်ပြီး …
“ဟုတ်ပါရဲ့ကွာ … သက်ပြင်းသေတာမှာ တိမ်တစ်လုံးက တစ်တရားခံ ဆိုရင် နံပါတ် ၂ တရားခံက သူ့နားရွက် ဖားဖားကြီးပဲကွ။ ကြည့်လေ … သူ့နားရွက်ကြီးတွေကြောင့် သူ့ဒဏ်ရာကို တို့ ရှာမတွေ့တာ၊ သူ့ခမျာ မသေသင့်ဘဲ သေရတယ်။ ဒါပေမယ့် သူ့ကို ငါတစ်ခု ချီးမွမ်းတာက သေသည့်အထိ အနာဒဏ်ကြောင့် တစ်ခွန်းကလေးမှ ညည်းမသွားရှာဘူး၊ တကယ် သတ္တိကောင်းတဲ့ အကောင်”
ဤတွင် သားငယ်က အချက်ရ၍ … “ကဲ ဒါဟာ ခွေးမျိုးကောင်း ဆိုတာကို အဖေ ငြင်းနိုင်ဦးမလား၊ အမျိုးယုတ် အမျိုးစုတ်ကတော့ တိမ်တစ်လုံး ခင်ဗျာ့ … တိမ်တစ်လုံး၊ သင်းကို ခုသတ်ပစ်ရမယ် …”
ထိုနေ့တစ်နေ့ခင်းလုံး မောင်ဘိုနှင့် သားငယ် အိမ်မှ ပျောက်နေကြရာ ညနေစောင်းမှ နှစ်ယောက်သား မောပန်း နွမ်းဟိုက်သော သဏ္ဌာန်နှင့် ပြန်ရောက်လာကြသည်။ အမေက တိမ်တစ်လုံးကိုလည်း တစ်နေ့လုံး မမြင်သဖြင့် … “ဟဲ့ ဟိုနှစ်ယောက် ဘယ်က ပြန်လာကြတာလဲ … ဒီလောက်တောင် လည်ကြရသလား”
ဤတွင် သားငယ်က ခါးပန်းပေါ် ခြေပစ်လက်ပစ် ထိုင်ချလိုက်ပြီး “လည်တာ မဟုတ်ဘူး အမေ၊ တိမ်တစ်လုံးကို နတ်ပြည် သွားပို့တာ”
“ဟဲ့ တစ်တစ်လုံးကို ဘာသွား လုပ်ကြတာတုန်း။ အခု တိမ်တစ်လုံး ဘယ်မှာလဲ”
“အမေ့ တိမ်တစ်လုံး အခုဆိုရင် သေခြင်းမြစ်ရဲ့ တစ်ဖက်ကမ်းကို ကူးတို့နဲ့ ကူးနေပြီ”
“ဟဲ့ … ဟုတ်မှလည်း လုပ်ကြပါကွယ်ရို့”
“ဟုတ်လိုက်သမှ ကျွန်တော်နဲ့ ကိုဘိုနဲ့ သက်ပြင်းကိုယ်စား လက်စားချေပစ် လိုက်တာပဲ” ဟု ပြောဆိုပြီး သူ့စိတ်ထဲ တစ်မျိုး ဖြစ်လာဟန် တူသည်။ ထိုင်ရာမှ ထသွားကာ သက်ပြင်းနှင့် တိမ်တစ်လုံးတို့ ဟိုတုန်းက အတူတကွ အိပ်စားသွားကြသော နေရာမှ ဇလုံခွက်ကလေးတွေကို ခါးကော့ပြီး ရပ်ကြည့်နေလေ၏။ သို့သော် သူပြန်လှည့်လာသော အခါ၌ သူ့မျက်လုံးအစုံမှာ မျက်ရည်များ ရွှဲနေကြောင်း အမေ သတိထားလိုက်မိ လေသည်။
***
သေရွာပြန်
နောက်တစ်နေ့ နံနက် အဖေသည် အိပ်ရာမှ စောစောထလျက် နောက်ဖေး ဝင်းတံခါးကို ဖွင့်လိုက်လျှင် အပြင်၌ ဘွားကနဲ မြင်လိုက်ရသော သဏ္ဌာန်တစ်ခုကြောင့် ရုတ်တရက် တုန်လှုပ်အံ့ဩသွားပြီးနောက် တံခါးကို ပြန်စေ့လိုက်ကာ မီးဖိုဆောင်၌ မီးမွှေးနေသော အမေ့ကို အော်ခေါ်သည်။
“ဟေ့ … မရီ မရီ၊ မင်း မနေ့ ညနေက မောင်ဘိုနဲ့ မင်းသား တိမ်တစ်လုံးကို သွားသတ်တယ်လို့ ငါ့ကို ပြောတယ်မှုတ်လား …”
“ဟုတ်တယ်လေ၊ သူတို့ပြောကြတာပဲ”
“ဒါဖြင့် အဲဒီနှစ်ကောင် သွားနှိုးပြီး မြန်မြန် ခေါ်ခဲ့စမ်း”
ခဏကြာလျှင် အမေနှင့်အတူ မောင်ဘိုနှင့် သားငယ် အိမ်မှုန်စုံမွှားနှင့် ရောက်လာကြသော် အဖေက “ဟေ့ကောင်တွေ၊ မင်းတို့မနေ့က တိမ်တစ်လုံးကို သွားသတ်ကြတယ်ဆို ဟုတ်လား …”
မောင်ဘိုမှာ အဖေစိတ်ဆိုးမှာ စိုးရွံ့စွာနှင့် “သွားတာကတော့ ကျွန်တော်တို့ ၂ ယောက်ပဲ ဆရာ၊ ဒါပေမယ့် သားငယ်က တိမ်တစ်လုံးကို လက်စားချေရာမှာ သက်ပြင်းအတွက် သူ့လက်နဲ့သာ လက်စားချေချင်တယ်။ ကိုဘို အသာပဲ ထိုင်ကြည့်နေပါ ဆိုတာနဲ့ ကျွန်တော် ဘာမှ မလုပ်ပါဘူး” ဟု သူ့အပြစ် လွတ်အောင် ဖြေ၏။
ကိုယ်လုပ်ရင် မှန်တာ ပြောရဲရမည်ဟု သင်ကြားထားသော သားငယ်ကမူ တည်ကြည်စွာဖြင့် “ဟုတ်ပါတယ် အဖေ၊ ကျွန်တော် တစ်ယောက်တည်းပဲ တိမ်တစ်လုံးကို သတ်ပစ်တာပဲ” ဆိုပြီး သူ့အသံမှာ တိမ်သွားပြီး မျက်ရည် စို့လာသဖြင့် အမေက “ဟ ကောင်ရ၊ မင်းက ကိုယ့်ဟာကိုယ် သတ်ပစ်ပြီး ခုမှ နှမြောနေပြန်ပလား”
“ကျွန်တော် သနား … သနား”
သူ့စကားမဆုံးမီ အဖေက သူကိုင်ထားသော တံခါးကို ဆွဲဖွင့်လိုက်ရာ သပိတ်လုံးလောက်နီးနီး ရောင်၍ ကြီးနေပြီး အက်ကွဲနေသော သလဲသီးမှည့်သဏ္ဌာန် ဦးခေါင်းဖြင့် ဆောင့်ကြောင့်ထိုင်နေသော ခွေးတစ်ကောင်ကို တွေ့ရရာ ၂ ယောက်သား အလွန် အံ့အားသင့်သွားကြ၍ ဟိုက်ခနဲ မြည်ကာ မောင်ဘိုက …
“ဟင် မနေ့က ကျွန်တော်တို့ သေပြီလို့ ထားခဲ့တာ သေသေချာချာ ကိုင်ကြည့်ခဲ့သေးတယ်။ လှုပ်လည်း မလှုပ်တော့ဘူး၊ အသက်လည်း မရှူတော့ဘူး။ တကယ်လို့ မသေတောင် ဒီဒဏ်ရာတွေနဲ့ အိမ်ကို ပြန်လာနိုင်ဖို့ ခဲယဉ်းတယ်။ ဟင်း ဒါ တိမ်တစ်လုံးမှ ဟုတ်ရဲ့လား” ဟု ဇဝေဇဝါ လုပ်သည်၌ အဖေက မောင်ဘို့ နားသယ်ကို ရိုက်ဟန်ရွယ်၍ “ခွေးကောင်၊ ဒါကို မင်းက ခွေးတစ္ဆေလို့များ ဆိုချင်သေးလား”
ထိုအချိန်၌ တိမ်တစ်လုံးမှာ သခင်တွေကို ကြည့်ကာ ကြိုးစား၍ အမြီးလှုပ်ရှားသည်။ ဤတွင် အံ့ဩခြင်း၊ ဝမ်းနည်းခြင်းဖြင့် တိမ်တစ်လုံးကိုသာ စူးစိုက်ကြည့်နေသော သားငယ်၏ ကျောကုန်းမှာ ဖားဖိုသဏ္ဌာန် ရှုံ့ချည် ပွချည် ဖြစ်လာကာ ဟင်းခနဲ မချိမဆန့် သက်ပြင်းကြီးကို ချလိုက်ပြီး လက်နှစ်ဖက်ကို ဆန့်တန်းလျက် တိမ်တစ်လုံးဆီ တစ်လှမ်းချင်းသွား၍ တိမ်တစ်လုံး၏ ရောင်ကိုင်းနေသော မျက်နှာကြီးကို လက်နှစ်ဖက်ဖြင့် အသာရွရွလေး ကိုင်ရင်း သူ့နှာခေါင်းဖျားနှင့် တိမ်တစ်လုံး၏ နှာသီးဖျားကို ထိလျက် ပါးစပ်မှ တတွတ်တွတ် ပြောနေသည်ကို သတိထား နားထောင်မည် ဆိုလျှင် …
“တိမ်ကြီး … ကိုကို့ဆီကို ပြန်လာတယ် ဟုတ်လား။ မင်း ကိုကို့ကို စိတ်မနာဘူးပေါ့။ နောက်တစ်သက်လုံး ကိုကိုက မင်းကို လက်ဖျားနဲ့ မတို့တော့ပါဘူးကွယ်။ မာန်လည်း မမာန်တော့ပါဘူးကွယ်နော်။ ကိုကို ကတိပေးပါတယ်။ သက်ပြင်းကြီးကိုယ်စား ငါ့မင့်ကို ပုံချစ်ပါတော့မယ်နော်၊ ကြားလား တိမ်ကြီး”
တိမ်တစ်လုံးမှာ နားလည်ဟန်ဖြင့် အမြီးလှုပ်ရှာသည်။ သားငယ်၏ မျက်ရည်တို့သည် မျက်နှာမှာ စီးကျ၍ တိမ်တစ်လုံး၏ နှာရိုးပေါ်သို့ ကျရောက်သည်။
အဖေကတော့ သူ့သားငယ်နှင့် ခွေး၏ဖြစ်ပုံကိုကြည့်ကာ ရင်တွင်း၌ မဖော်ပြနိုင်သော ဝေဒနာတစ်ခုကို ခံစားလျက် “အင်း … လူလူချင်းသာ ဒါလောက် နာကျည်းအောင် လုပ်ထားရင်ဖြင့် ဘယ်လိုမှ ခွင့်လွှတ်မှာ မဟုတ်ဘူး။ ခုတော့ တိရစ္ဆာန်ဖြစ်လို့ သူ့စရိုက်ကြောင့် မိုက်သာ မိုက်တယ်၊ ငါ့အရှင် ငါ့သခင်ဆိုတဲ့ မေတ္တာတရားကတော့ ရှိရှာပေတယ်ကွယ် … ” ဟု မှတ်ချက်ချ၏။
နောက်ပိုင်း၌ကား တိမ်တစ်လုံးမှာ ဒဏ်ရာတွေ ပျောက်သွားသော်လည်း ခေါင်းတစ်ခြမ်းစောင်း၍ နားလေးသွားရှာသည်။ သူ့ကို ခပ်ကျယ်ကျယ်ခေါ်မှ ပြောမှ ကြားတော့၏။ မူလ စိတ်လည်း ပြောင်းသွား၏။ ကြက်ကိုက်ခြင်း၊ ဘဲကိုက်ခြင်းများလည်း မပြုတော့။ ဟိုတုန်းကလို လမ်းမ လျှောက်ပြီး တစီစီ ခွေးချင်း ကိုက်ခြင်းလည်း မပြုတော့။ အိမ်မှာပဲ ကောင်းကောင်းမွန်မွန် စားသောက်လျက် အေးချမ်းစွာ နေလေသည်။
ဤနေရာ၌ လင်ဆိုးမယားလို ဖြစ်ခဲ့ရှာသော ကတ္တဝါမ အစ်ဇဘယ်လ် အကြောင်းကို အနည်းငယ် ထည့်ရဦးမည်။ သူလည်း မခေပေ၊ ပေါ်လီ မရှိသည့်နောက် သူ့ကိုပဲ လူတွေက ခေါ်ကြပြောကြ စသည်ဖြင့် သူ စကားအနည်းငယ် ပြောတတ်လာသည်။ အထူးသဖြင့် နားလေးနေသော တိမ်တစ်လုံးကို လူတွေက ခပ်ကျယ်ကျယ် ခေါ်ရလေရာ အစ်ဇဘယ်လ်သည် “တိမ်လုံး တိမ်လုံး” ဟု ကျယ်လောင်စွာ အော်မြည်တတ်လာလေ၏။
ယင်း၌ တိမ်တစ်လုံးက မပြတ်ကြားနေရသည်ဖြစ်ရာ သူ့ကို အစ်ဇဘယ်လ်က ခေါ်သော လှောင်အိမ်အောက် သွားထိုင်လျက် တစ်ဖက်သော ကြည်လင်သည့် မျက်လုံးဖြင့် မော်ကြည့်ကာ အမြီးလှုပ်နေပုံကို ထောက်ချင့်ခြင်းအားဖြင့် ကျေနပ်နှစ်သိမ့်ဟန် ရှိသည်။ အစ်ဇဘယ်လ် လှောင်အိမ်ထဲမှ အောက်ကျလာသည့်တိုင် ပေါ်လီတုန်းကလို ကိုက်မသတ်ဟု ယူဆရသည်။
ယင်းရှုခင်းကို ကြည့်၍ အဖေကလည်း ကျေနပ်သည်။ သားငယ်ကလည်း ဝမ်းသာသည်။ မောင်ဘိုလည်း ရွှင်ပြသည်။ ပီတိ အဖြစ်ဆုံးမှာ ဤခွေးဇာတ်ကြောင်းကို စတင်ခဲ့သည့် မိခင်ကြီးပေတည်း။
အမေလှိုက်လှိုက်လှဲလှဲ မျက်ရည်ဝဲလောက်အောင် ကြည်နူးနှစ်သိမ့် လိုက်သည်ကတော့ အဖေသည် ဈေးမှ လှပသော သားရေလည်ပတ်ကို ဝယ်လာခဲ့၍ တိမ်တစ်လုံး၏ လည်ပင်းမှာ တပ်ဆင်ပေးတုန်းကပေတည်း။
-------------
သော်တာဆွေ
(သတ္တဝါတို့၏ သံသရာ)