ဂါရဝခဲကြမ်း

 " ဂါရဝခဲကြမ်း"
************************************************
တက္ကသိုလ်နယ်မြေ ဟိုအရင်ကျနော်တို့ မရောက်မီခေတ်များက
ဟောပြောပို့ချချက်ကောင်းသည့် ဆရာများအချိန်တွင်
သက်ဆိုင်ရာ အတန်းသားများသာမက အဓိက အထူးပြု ဘာသာ
ရပ်မတူ ကျောင်းသားများပါ စိတ်အားသန် လာနားထောင်လေ့
ရှိခဲ့ကြသည်။ ခန်းလုံးပြည့်သာမက အခန်းဘေးစင်္ကြန်များဆီပါ
ပြည့်နှက်လျှက် ထိုပို့ချသူ ဆရာများထဲတွင် ဆရာကြီး
ဦးခင်မောင်လတ်လည်း အပါအ၀င်။ သူ့ပို့ချချက်တွေက
ကျောင်းစာမေးပွဲအတွက်သာမက ဘ၀စာမေးပွဲအတွက်ပါ
အကြုံးဝင်သည်ကိုး ၊ တနှစ်စာမက တသက်စာတန်ဖိုးရှိသည်ကိုး ။
.
တက္ကသိုလ်မြေ “ပြည်-တကောင်း”ဆောင်၊ လိပ်ခုံးဆေးတက္ကသိုလ်
အနီး ဆရာကြီးနှင့် ဇနီးဒေါ်ခင်မျိုးချစ်တို့ နေခဲ့သည့် “အေးရိပ်သာ”သည်
တစ်ချိန်က ပညာရပ်ဝန်း၏ အမှတ်တရတစ်ခုဖြစ်ခဲ့သည်။
နောင်တချိန်တွင် ထင်ရှားသည့် စာရေးဆရာပညာရှင်အလောင်း
အလျာများ ဆုံစည်းရာလည်းဖြစ်သည်။ စာရေးဆရာထင်လင်း ၊
ဆရာမကြည်အေးတို့လည်း ထိုအေးရိပ်သာမှာ နားခိုခဲ့ကြဖူးသည်။
.
အေးရိပ်သာမှသည် ပြည်ရိပ်သာလမ်းအိမ် ရောက်သည်အထိ
ဆရာသော်တာဆွေ ၊ ဆရာနိုင်ဝင်းဆွေတို့လည်း ကွန်းခိုခဲ့ကြသည်။
ဆရာဦးခင်မောင်လတ် ဒေါ်ခင်မျိုးချစ်တို့ အရိပ်မှ စာပေနယ်စင်မြင့်သို့
ရောက်လာကြသူများမှာ အယူဝါဒ မတူကြလျှင်တောင် အတူခိုလှုံဖူး
ကြသည့် သံယောဇဉ် ဇာတိစိတ်အခြေခံဖြင့် တစ်သက်တာဆက်ဆံရေး
မပျက်ခဲ့ကြ။ ဆရာဦးမိုးသူ အပါအ၀င် စာရေးဆရာများစွာက ပြောပြ
ခဲ့သည်။ ၁၉၈၈ အရေးတော်ပုံ နီးသည်အထိ ဆရာမ စမ်းစမ်းနွဲ့
(သာယာဝတီ)၊ ဆရာချစ်ဦးညို ၊ ရွှေကူမေနှင်းအပါအ၀င် ထိုအချိန်က
ခေတ်ပြိုင် စာရေးဆရာများ၏ စာပေနှင့် ခေတ်သမိုင်း ဆွေးနွေးဝိုင်း
များမှာ ဆရာကြီးတို့ဇနီးမောင်နှံ၏ ပြည်ရိပ်သာခြံဝန်းထဲပျက်ခဲ့သည်မရှိ ။
.
“အပျိုလို မနေမိလို့ “ဆိုသည့် ခေါင်းစဉ်ဖြင့် ဆွဲဆောင်ခဲ့သည့်စာအုပ်
အပါအ၀င် ဆရာမကြီးဒေါ်ခင်မျိုးချစ်လက်ရာ အင်္ဂလိပ်-မြန်မာ စာအုပ်
များက စာချစ်သူတို့အတွက် မမေ့နိုင်စရာများပင် ။ Colourful Burma,
Flowers and Festivals(ရောင်စုံမြန်မာ ဆယ့်နှစ်လရာသီပန်းနှင့်
ပွဲတော်များ)စာအုပ် တို့မှာ မြန်မာဆိုတာ ဘာလဲဟု သိလိုသော
နိုင်ငံခြားသားများအတွက် ရည်ညွှန်းစာအုပ်ကောင်းများ ဖြစ်ခဲ့သည်။
ထိုစာအုပ်များမှ မြန်မာတို့၏ ရနံ့ အသံ အဆင်းများ သာမက စိတ်
ဝိဥာဉ်ကိုလည်း ဖမ်းယူရနိုင်ခဲ့ကြသည်။ စာပေစိစစ်ရေးတင်းကျပ်သော
မ.ဆ.လ လက်ထက်အထိ ပြောလိုက်စမ်းမယ် သောင်းပြောင်းထွေလာ
ခေါင်း စဉ်နှင့်အညီ ဆရာမကြီး ကလောင်က အဆက်မပြတ်ခဲ့၊ တာဝန်
ကျေခဲ့မြဲ ။ ယခုစာမှာ ဆရာကြီးနှင့်ဆရာမကြီးတို့၏ စာပေလက်ရာများ
အကြောင်းပြုစုသည်မဟုတ်၍ အကျယ်မချဲ့ တော့ပါ။
.
တော်လှန်ရေးကောင်စီလက်ထက်၌လည်း လုပ်သားပြည်သူ့နေ့စဉ်
အင်္ဂလိပ်သတင်းစာ အယ်ဒီတာချုပ်ဘ၀မှာ လွတ်လပ်စွာရေးခွင့်
ပိတ်ပင်ခံရပြီး သံအမတ်ရာထူးပေးရန်နှစ်သိမ့်ကမ်းလှမ်းသည့်အပေါ်
ရာထူးကို ငြင်းပယ် ၊ သူမြတ်နိုးသည့် ကျောင်းဆရာဘ၀ကိုသာ
ပြန်သွားခဲ့သည့် ဆရာကြီးဦးခင်မောင်လတ်၏ ရွေးချယ်မှု။
.
ဂျပန်ခေတ်မှာ အလွန်အန္တရာယ်ကြီးသော စစ်သတင်းနားထောင်၍
ပေးပို့ရသည့် လျို့ဝှက်အလုပ်ကို တော်လှန်ရေးခေါင်းဆောင်များ၏
တာဝန်ပေးချက်အရ ထမ်းဆောင်ခဲ့သည့် ဆရာမကြီးဒေါ်ခင်မျိုးချစ်၏
စွန့်စားရဲရင့်မှု။
.
*....*.....*....*.....*
.
တစ်ခါက လှည်းတန်းတွင် မီးလောင်ခိုက် ဆရာကြီးတို့အိမ်သို့ လူတစ်အုပ်
ဒုန်းဆိုင်းဝင်လာပြီး အိမ်တွင်းရှိ အဖိုးတန်ပစ္စည်းများကို သယ်ယူပြေးသွား
ကြသည်။ အ်ိမ်မှာ အခွံနှင့် ပရိဘောဂသာ ဟောင်းလောင်းကျန်ခဲ့သည်။
အဖိုးတန်ရတနာအားလုံးယူသွားကြပြီပေါ့ ။ ထိုရတနာအားလုံးကို
သယ်ပြေးကြသူများမှာ တစ်နေရာတွင် စုရပ်အဖြစ် ရောက်ရှိသွားသည်။
ထိုနေရာကား လှည်းတန်းအ၀ိုင်း (ထိုစဉ်က လှည်းတန်းလမ်းဆုံမှာ
မီးပွိုင့်ပင် မတပ်ဆင်သေး။အ၀ိုင်းသာ ရှိသေးသောခေတ်ဖြစ်ပါသည်။)
မီးလောင်ခိုက် အိမ်တွင်းသို့ ပြေးဝင်လာကြသူများမှာ ကျောင်းသားများ
ဖြစ်ပြီး သူတို့တန်ဖိုးထား သယ်ပြေးကြသည့် ရတနာများမှာ စာအုပ်များ
ဖြစ်ကြောင်း ကျနော် အထူးရှင်းရန်လိုမည် မထင်ပါ။
.
၁၉၈၈ အရေးတော်ပုံကာလ ဒေါက်တာမောင်မောင် သမ္မတဖြစ်ချိန် အစိုးရနှင့်
ပြည်သူကြား တင်းမာပေါက်ကွဲကြချိန်၊ တုန့်ပြန်ကြချိန်။ အလယ်တန်း
ကျောင်းသားကလေးများကအစ ပြင်းပြင်းထန်ထန်ဝေဖန်ပြောဆိုကြခြင်းကို
ဒေါက်တာမောင်မောင် ရင်ဆိုင်ရချိန်တွင် သမ္မတထံ ဆရာမကြီး၏ အိတ်ဖွင့်
ပေးစာတစ်စောင်ကို ကျနော်တို့ ဖတ်ခဲ့ရသည်။
.
ယာတောအလယ် ငါပြောမယ် ရွှေရှင်ဘုရင်ရဲ့ နင်ဆင်ခြင်ဦး ဟူသော
ဒေါ်ခင်မျိုးချစ်၏ အိတ်ဖွင့်ပေးစာတွင် ကိုမောင်မောင် ရေ …ဟု
တရင်းတနှီးခေါ်လျှက် အစချီသည်။ ပြည်သူ့ဖက်မှ ရပ်တည်သော
အရေးတော်ပုံ ဘက်တော်သားအဖြစ် ရေးသောစာ၊ ပညာတတ်တစ်ဦး၏
ဆင်ခြင် ဥာဏ်ရှေ့ရှုလျက်ရေးသောစာအဖြစ် ထိုကာလကို သိမီသူတိုင်း
မှတ်မိကြပါဦးမည်။ အချက်အလက်များက ခိုင်မာသလောက် ဥာဏ်
အမြော်အမြင် ဆင်ခြင်တုံတရား ပြည့်ဝသောစာအဖြစ် ကျနော်တို့
မမေ့နိုင်ခဲ့ကြပါ။ သာမန်လူတစ်ယောက်ချင်း ဝေဖန်ရေးသားစာများ
ကြားတွင် သမ္မတ၏ကျောင်းနေဖက် မိတ်ဆွေတဦးထံမှ အိတ်ဖွင့်
ပေးစာက ထူးခြားအားရှိစရာ အမှန်ဖြစ်ခဲ့ပါသည်။
.
*....*.....*....*.....*
.
ရပ်ကွက်တစ်ခု မီးလောင်သည်။
လူတွေအိမ်ထဲ ပြေးဝင်လာ အထုပ်များသယ်ယူကြသည် ၊ ပညာမြတ်နိုး
သူများဖြစ်သည့်အလျောက် သူတို့အရေးတကြီး မက်မက်မောမော
သယ်သောအထုပ်များမှာ စာအုပ်များသာဖြစ်သည်။
ပညာကိုတန်ဖိုးထားတတ်ရန် သင်ပေးခဲ့သော ဆရာတို့ ဇနီးမောင်နှံ၏
စေတနာ။ ထိုအပေါ် သူတို့ တပည့်များ၏ တုံ့ပြန်မှု။
အကြောင်းနှင့်အကျိုး။
လူဟာ စိတ်နဲ့ထိုက်တန်တဲ့ ဘ၀ကို ရကြတာပဲ…ကျနော်တွေးနေမိပါသည်။
.
- မင်းကိုနိုင်
[ ဆရာကြီးဦးခင်မောင်လတ် နှင့် ဆရာမကြီးဒေါ်ခင်မျိုးချစ်တို့ ဇနီးမောင်နှံ
နှစ်တရာပြည့် အမှတ်တရ - ၉ - မေ- ၂၀၁၅ ]