ညနေခင်းကဗျာ

"ညနေခင်းကဗျာ"
~~~~~~~~~~~~~~~~~~~~~~~~~~
အစာမကျွေးရဘူး
ရေမတိုက်ရဘူး

ကြက်တူရွေးတစ်ကောင်လို သဘောထားနိုင်ပါရဲ့
သူ စကားတော့ ပြောတတ်ခဲ့ပါတယ်
မဆာပေမယ့် ဆာလောင်ဟန်ဆောင်နေတတ်တယ်
လေလွင့်တဲ့လေကို အားကျရှာရဲ့
ပြီး...
ပလပ်မြေတစ်ခုလိုလည်း ဟန်ဆောင်တတ်ပေတယ်
သင်တို့အားလုံးရဲ့ ကော်ဖီတစ်ခွက်မှာ
သီချင်းတွေ ရှိခဲ့တယ်
ဒါကို ညနေခင်းကဗျာ သူသိခဲ့ပါတယ်
မိခင်မြေကြီးမှာ လေထန်တဲ့အခါ
ဘဝကို သူလွမ်းဆွတ်နေတတ်တယ်
နာကျင်ခြင်းကို တောင့်တခဲ့တယ်
မာကျောကျောရှာဖွေခြင်းတွေ
အသက်မွေးဝမ်းကျောင်းပြုခဲ့တယ်
စောင့်မျှော်ခြင်းသစ်ပင်တွေ
ပေါင်းသင် မြက်နုတ်ခဲ့တယ်
တိမ်တွေနဲ့ မိတ်ဆွေဖြစ်တဲ့အချိန်မှာ
အမှန်တရားကို သူလွမ်းလွမ်းနေတတ်တယ်
ညနေခင်းကဗျာ...
တစ်ခါတလေ မြေကြီးဆန်သီချင်းကို လေချွန်ပြီးနေတယ်
ညနေခင်းကဗျာ...
တစ်ခါတလေ အာရေဗျက ကော်ဖီ
သူမှာပြီး သောက်နေတတ်တယ်
ညနေခင်းကဗျာ...
တစ်ခါတရံမှာ သူ့အဆုတ်ကို ကုတ်ခြစ်နေတတ်တယ်
ညနေခင်းကဗျာ...
တစ်ခါတလေ သူ မူးဟန်ဆောင်တတ်တယ်
တစ်ခါတလေ
အပွင့်အဖူးဟန် ဆောင်တတ်တယ်
ညနေခင်းကဗျာ...
ကြယ်များကို နမ်းခဲ့ပြီ
ညနေခင်းကဗျာ...
မစားဖူးတဲ့ ပန်းသီးကို
အကြိမ်ကြိမ်စားဖို့ ကြိုးစားခဲ့
မစားဖူးတဲ့ပန်းသီးကိုပဲ လွမ်းဆွတ်
ညနေခင်းကဗျာ...
ဘယ်မှမသွားဘူး
ဘာမှမလုပ်ဘူး
သူ့လျှာကတော့ ကမ္ဘာကို ပတ်ခဲ့ပြီ။ ။ ။

မောင်ချောနွယ်