“ ယုံကြည်သော အနာဂါတ် ”
▬-▬-▬-▬-▬-▬-▬-▬
လူကြီးတရာ ဟောပြောတာထက်
ကလေးတယောက် ရှိုက်ငိုသံက
နာကျင် ပိုထိရောက်ပါတယ်
.
တခါတလေ
လူကြီးတွေ မစာနာပေမယ့်
ကလေးတွေ လွယ်လွယ် သနားတတ်တယ်
.
တခါတလေ
လူကြီးတွေ မမီချင်ယောင်ဆောင်တဲ့အရာ
ကလေးတွေ ရအောင်ယူနိုင်တယ်
.
ခေါင်းလောင်းသံချိုဟာ ဗုံးသံကြောင့်ဆွံ့အ
တောင်ယာခင်းစိမ်းဟာ မီးကျည်တွေကြောင့် ပြာကျ ၊
စစ်ဖိနပ်တွေက
ထမင်းဝိုင်းကို ခလုတ်တိုက်ချလိုက်တဲ့အခါ
.
အရွယ်ချင်းတူပေမယ့်
ဘ၀ချင်းခြား သူငယ်ချင်းများအတွက်
[ ကလေးတွေသံပြိုင် ]
ကောင်းကင်ကြီးပွင့်သွားအောင် တိုင်တည်လိုက်မယ်။
.
မင်းကိုနိုင်
No comments:
Post a Comment