မတူညီမှုတို့ ဆုံဆည်းရာ

“ မတူညီမှုတို့ ဆုံဆည်းရာ ”
▬▬▬▬▬▬▬▬▬▬
မေး - ၈၈အရေးအခင်းကာလက အမှတ်တရနဲ့ အဲဒီကရတဲ့
သင်ခန်းစာ ပြောပေးပါ။
.
‪#‎ဖြေ‬ - ဇွန်အရေးတော်ပုံ ဆင်နွှဲကြတဲ့ အချိန်တုန်းက ကျောင်း
ဝင်းထဲမှာ မတ်လမှာ အဖမ်းဆီးခံရတဲ့ ကျောင်းသားတေ
ွအတွက်ရော၊ ပြည့်သူ့ဘ၀ လွတ်မြောက်ရေးအတွက်ရော
ကြိုးစားကြပါတယ်။ အဲဒီအခါမှာ ဘာပြနေလဲ ဆိုတော့ အလုပ်
တာဝန်ခွဲဝေမှုဟာ အလိုလျောက် ဖြစ်သွားပြီးတော့ အရေးတော်ပုံ
တစ်ခုကို အောင်မြင်အောင် ဘယ်လို ဆင်နွဲမလဲဆိုတာမျိုး။
.
နံပါတ်တစ် စွန့်ဦးတရားတက်ဟောတဲ့သူ ရှိတယ်။ ဒီလူတွေကို
နားထောင်ရဲတဲ့သူ အင်မတန်ရှားတယ်။ ခဲယဉ်းတယ်။ အဲဒီခေတ်
ဓာတ်ပုံရိုက်ခံရရင် လူတွေ အကုန်လုံးက နောက်နေ့ဆိုရင်
အိမ်ပေါ်တက် ခေါ်သွားပြီဗျ။အဲဒီမှာ လူတွေ ဖြန့်ခွဲပြီး ကျောင်းခန်း
တွေထဲကို လိုက်ပြီး ကျောင်းခန်းတွေထဲကစာသင်ကြားခြင်းကို
သပိတ်မှောက်ပြီးတော့ ကျောင်းခန်းအပြင်ထွက်ဖို့ ဆော်သြတယ်။
ထွက်တဲ့သူက ထွက်တယ်။ နေခဲ့တဲ့သူ နေခဲ့တယ်။ တဖြည်းဖြည်းနဲ့
အဲဒီလူတွေ စုမိသွားတဲ့အခါမှာ ကျောင်းထဲမှာ တရားပွဲတွေ
ဖြစ်တယ်။ ဖြစ်တဲ့အခါမှာ တာဝန်ခွဲဝေမှုက အလိုလိုဖြစ်သွားတယ်ဗျ။
( ဒါဟာ နောက် ဘယ်ကိစ္စမရှိဒီနမူနာကို ယူသင့်တယ်လို့ ကျနော်
ထင်တယ်။ )
.
စကားပြောအနုပညာကို အတန်အသင့် နိုင်နင်းတယ်ဆိုတဲ့ လူက
စင်ပေါ်ကနေ ဟောတယ်။ ပုံကောင်းဆွဲတတ်တဲ့သူက သရုပ်ဖော်ပုံ
ဆွဲတယ်။ အဲဒီနှစ်ခုလုံး မတတ်တဲ့သူက ကိစ္စမရှိဘူး။ စာရွက်တွေ
လိုက်ရှာတယ်။ ဆေးတွေ ယူလာတယ်။ ကော်သုတ်ပြီး ကျောင်း
အပြင်မှာ ပိုစတာတွေ ထောင်တယ်။ နံရံတွေမှာ လိုက်ကပ်တယ်။
လုံခြုံရေးယူတဲ့သူက ယူတယ်။ တဖြည်းဖြည်းနဲ့ အသံချဲ့စက်
ငှားတယ်။ဘယ်သူ တစ်ဦးတစ်ယောက်ကမှ စနစ်တကျ ခိုင်းစေတာ
မဟုတ်ဘဲနဲ့ ကိုယ့်အသိစိတ်နဲ့ကိုယ်ရောက်လာကြတာဗျ။ အဲဒီအခါမှာ
အဖြူအစိမ်းကျောင်းသားတွေ၊ တခြား တက္ကသိုလ်တွေ၊ အရပ်ထဲက
ပြည်သူတွေက လာပြီး နားထောင်ကြတဲ့အချိန်မျိုးမှာဆိုရင်
ကျွန်တော်တို့ ကျောင်းသားတွေ တူညီတဲ့ကြွေးကြော်သံတစ်ခုကို
ရအောင် ညှိလိုက်ကြတယ်။ ညှိပြီးတော့ လက်ရေးတွေနဲ့ ရေးလိုက်
ကြတယ်ဗျ။(မျက်စိထဲမှာ မြင်အောင် ကြည့်လိုက်ပါ)
အဓိပတိလမ်းရဲ့ ၀ဲယာနှစ်ဖက်မှာ ကျောင်းသားတွေအပြည့်
ကိုယ့်ဗလာစာအုပ်ကိုထုတ်ပြီး ကိုယ့်လက်ရေးနဲ့ ကိုယ်ရေး
ကြတယ်။ ရေးကြတဲ့ လက်ရေးတွေကွဲတယ်။ မင်အရောင်တွေ
ကွဲတယ်။ ဒါပေမယ့် ကြွေးကြော်သံက တစ်ခုတည်းဗျ။
အဲဒါတွေ အကုန်လုံးကိုကျနော်တို့ ညနေစောင်းတဲ့အခါကျတော့
စက္ကူတွေ ဖြုတ်ပြီးတော့ ရပ်ကွက်တွေ၊ လမ်းတွေ၊ဈေးတွေထဲမှာ
ဝေကြတာဗျ။ ကျနော်ပြောချင်တာက မင်ရောင်တွေ ကွဲပါစေ၊
လက်ရေးတွေ ကွဲပါစေ၊ အလုပ်တာဝန်တွေကွဲပါစေ၊ အချိန်တန်ရင်
တသံတည်းထွက်လာတာမျိုး။ ဘာပဲလုပ်လုပ် ဒီဥပမာနဲ့ပဲ
သွားရင် အောင်မြင်မယ်လို့ယုံကြည်တယ်။
.
ကျနော်တို့ ဖြတ်သန်းခဲ့ရတဲ့ ခေတ်အဆက်ဆက်အတွက်
အပြောင်းအလဲတိုင်းအတွက်လည်းဒီလိုပဲ စုပေါင်းပြီး တာဝန်
ယူမယ် အထူးတလည် ပြောစရာမလိုဘဲနဲ့ ကိုယ့်ထောင့်ကနေ
တာဝန်ကျေသွားမယ်ဆိုရင် အောင်ပွဲကိုရောက်မယ်။
.
‪‎မင်းကိုနိုင်‬
[ကျော်ကျော်ဦး(ပြည့်သူအရေး)၏ “ အနာဂါတ်ကို ဖော်ဆောင်သူများနှင့်
တွေ့ဆုံခြင်း ” စာအုပ် ( စာ ၂၃-၂၄ )မှ ကောက်နှုတ်ဖော်ပြသည်။ ]