အပိန်နှင့် အပဲ့တို့၏ သမိုင်း

ဦးကြီး ဦးဘတူ မျက်မှောင်ကြီး ကုတ်ထားတာကို လှမ်းတွေ့လိုက်တော့ တစ်စုံတစ်ခု အလိုမကျ ဖြစ်နေပြီ ဆိုသည်ကို မောင်ကိတ် ချက်ချင်း သိလိုက်သည်။ သူ့ဦးကြီးက အငြိမ်းစား ယူထားပြီ ဖြစ်သော်လည်း တစ်သက်လုံး ကျောင်းဆရာ လုပ်လာသူ ဆိုတော့ တွေ့သည့် လူတိုင်းကို သူ့တပည့်ဟု ထင်နေတတ်သူ ဖြစ်သည်။ ထို့ကြောင့် သူ စိတ်တိုင်း မကျလျှင် မကျသလို၊ အမြင် မတော်လျှင်လည်း မတော်သလို အချိန်အခါ နေရာမရွေး လူမရွေးဘဲ ဆူတတ်၊ ပူတတ်၊ အော်တတ်၊ ငေါက်တတ်သူ ဖြစ်သည်။ တစ်ခါတစ်ရံလည်း ဘာမှ မဆိုင်သော ဘေးလူကိုပါ အဖျားခတ် တတ်သေးသည်။
“နှုတ်ခမ်းလည်း မကွဲ သွားလည်း မကျဲ လျှာလည်း မပြဲဘဲနဲ့ မြန်မာစကားကို မြန်မာက ဘာလို့ ပီအောင် မပြောနိုင် ရတာလဲကွ … ဟေ …”
ဦးကြီး၏ အသံက ဟိန်းထွက်လာတော့ မောင်ကိတ် ခြေလှမ်း တုံ့သွားသည်။ အိမ်ထဲ မဝင်တော့ဘဲ အသာလေး လှည့်ပြန်ရရင် ကောင်းမလားဟု စဉ်းစားမိသည်။ သို့သော် သူ့အကြံက အတန်ငယ် နောက်ကျသွားတော့ မျက်စိ လျင်လှသော ဦးကြီးက သူ့ကို လှမ်းမြင်ပြီး ဖြစ်သွားသည်။
“သည်ခေတ် ကလေးတွေက ဘာဖြစ် နေကြတာလဲကွ ဟေ၊ စလုံးနဲ့ ဆလိမ် မကွဲတော့ဘူးလား”
“ဘာမကွဲလို့လဲ ဦးကြီး”
မောင်ကိတ် ဦးကြီးရှေ့က ကုလားထိုင်တွင် ခပ်ယို့ယို့ ဝင်ထိုင်သည်။ ဦးကြီးဘေးတွင် ထိုင်နေသော ဒေါ်ကြီးကတော့ ကွမ်းလေး တမြုံ့မြုံ့ ဝါးရင်း မောင်ကိတ်ကို ပြုံးပြသည်။
“ဆလိမ် အသံထွက်တွေကို စလုံး အသံတွေ ထည့်ပြော နေတာလေ။ စွဲစောင့်တဲ့၊ စောင်ရွက်တဲ့၊ စုံးမတဲ့၊ စောက်လုပ်တဲ့၊ လုပ်စောင်တဲ့ … ကဲ …”
ဒေါ်ကြီးက နားနည်းနည်း လေးတော့ တော်ရုံတန်ရုံ အသံကို မကြားချေ။ သို့သော် ဦးကြီး ပြောသမျှကိုတော့ မကြားမရှိ အကုန်ကြားသည်။ ဒေါ်ကြီးက နား ချက်ချင်း ကောင်းသွားသောကြောင့်တော့ မဟုတ်၊ ဦးကြီး၏ အသံက ကျယ်လွန်းသောကြောင့် ဖြစ်လေသည်။
“သူ့ဟာသူ ဆောက်လုပ်ချင် လုပ်၊ စောက်လုပ်ချင်လည်း လုပ်၊ နားလည်တာကတော့ နားလည်နေတာပဲ မဟုတ်လား ကိုတူကြီးရယ် …”
ဒေါ်ကြီးက ဦးကြီးဘတူကို ကိုတူကြီးဟု ခေါ်လေ့ရှိသည်။ ဦးဘတူ ဟူသောအမည်မှ နောက်ဆုံး အလုံးကို ဆွတ်ပြီး ခေါ်ခြင်း မဟုတ်။ ဟို့လူကိုထု သည်လူ့ကိုထုနှင့် ထုရန်နှက်ရန် ဝါသနာ ပါလွန်းသောကြောင့် ကိုတူကြီးဟု ခေါ်ခြင်း ဖြစ်လေသည်။
ဒေါ်ကြီးက နာမည် အပေးကောင်းသည်။ ငယ်စဉ်က ကိတ်မုန့် အလွန်ကြိုက်သော သူ့ကို “မောင်ကိတ်” ဟု အမည်ပေးခဲ့ သည်မှာလည်း ဒေါ်ကြီးပင် ဖြစ်သည်။ ဒေါ်ကြီး၏ ကျေးဇူးကြောင့် ဆွေတော်အပေါင်း မျိုးတော် တစ်သောင်းသည် သူ၏ အမည်ရင်း “မျိုးမင်းနိုင်” ဟူသည်ကို မည်သူမျှ မခေါ်။ အချို့ဆိုလျှင် သိပင်မသိ။ ကြီးသူတွေက မောင်ကိတ်၊ ငယ်သူတွေက အစ်ကိုကိတ်၊ ချာတိတ်တွေက လေးလေးကိတ်နှင့် တစ်ကိတ်တည်း ကိတ်နေကြလေသည်။
“ဟေ့ … သည်မှာ မောင်ကိတ်”
“ဗျာ… ဦးကြီး”
“မြန်မာစကားနဲ့ မြန်မာစာကို ဘယ်သူတွေ ဖျက်ဆီး နေတာလဲ သိလား”
“နိုင်ငံခြားသားတွေ”
မောင်ကိတ်က ပစ်၍ မလွဲနိုင်ဟု ယူဆသော အဖြေကို လျှာသွက် အာသွက်နှင့် အလျင်စလို ဖြေလိုက်သည်။ ဦးကြီးခမျာ မျက်ခုံးမွေး ဖြူဖြူကြီး နှစ်ဖက် ကုပ်ရုံသာမက မျက်နှာကြီးပါ ရှုံ့သွားသည်။
“မင်းအမေ နိုင်ငံခြားသား လားကွ။ မြန်မာစာ မြန်မာစကားကို ဖျက်နေတာ မြန်မာတွေပဲ … ဟကောင်ရ”
ဦးကြီးက အားရပါးရ အော်လိုက်သည်မှာ နားလေးနေသော ဒေါ်ကြီးကပင် “တိုးတိုး ပြောစမ်းပါတော်” ဟု ပြောယူရသည်။
“ပြောပြန်ရင်လည်း အသံမမှန်၊ ရေးပြန်တော့လည်း သဒ္ဒါမမှန်၊ တာတေကို လန်နေကြတာပဲ။ ခုနတုန်းက မင်းရဲ့ ဒေါ်ကြီးက ပြောတယ်။ နားလည်တာကတော့ နားလည်နေတာပဲ … တဲ့။ မင်း ဘယ်လို သဘောရလဲ။ ဆောက်လုပ် ဆိုတာကို စောက်လုပ်လို့ ပြောနေတာကို ဘယ်လိုလုပ်ပြီး နားလည် ရမှာလဲ။ အဲဒီ စကားနှစ်ခွန်းဟာ အများကြီး လွဲတယ်။ အများကြီး ကွဲသွားတယ် အဓိပ္ပါယ် မတူဘူး။ အသံထွက်လည်း မတူဘူး”
“ဟုတ်တာပေါ့”
မောင်ကိတ်က ခေါင်းညိတ်သည်။ ဟုတ်ပါသည်။ မှန်ပါသည်။
“ပြောချင်သလို ပြောကြ … ပြင်မယ့်သူလည်း မရှိ”
“ရှိပါတယ်တော် … မြန်မာ့ရုပ်သံမှာ မြန်မာစာ မြန်မာစကား၊ မြန်မာသဒ္ဒါတွေ အကြောင်း ညနေပိုင်း လာတာတွေလေ။ မှားလေ့ရှိတာ မှားနေကြတာတွေကို ဇာတ်လမ်းလေးတွေ ဆင်ပြီး ပြနေတာ ဘယ်လောက် ကောင်းလဲ”
“အေး … ဟုတ်တယ်။ အဲဒီကဏ္ဍ သိပ်ကောင်းတယ်”
ဦးကြီးက ချက်ချင်း ထောက်ခံသည်။ ထို့နောက် မောင်ကိတ်ဘက်ကို လှည့်ပြီး …
“မင်း ကြည့်ဖြစ်ရဲ့လား မောင်ကိတ်။ သိပ်ကောင်းတယ်နော်” ဟု ပြောသည်။ မောင်ကိတ်က သွားလေးဖြီးကာ ငြိမ်နေသည်။ အမှန်အတိုင်း ဝန်ခံရလျှင် သူမကြည့်ဖြစ်။
“အဲဒါတွေ ခက်တာပေါ့ကွ။ မင်းတို့ လူငယ်တွေဟာ ငှက်ပျောသီးကို အသား လွှင့်ပစ်ပြီး အခွံသာ စားတတ်ကြတာ မျိုးတွေ။ ကိုးရီးယားကား ကျတော့မှ တီဗွီရှေ့ကို တဝုန်းဝုန်း ပြေးလာတတ်ကြတဲ့ ဟာတွေ”
ဦးကြီးက မကျေမနပ် ပြောသည်။ သည်လိုပုံစံနှင့် ဆိုလျှင် ဦးကြီးဆီက ဇိနတ္တပကာသနီ စာအုပ်ငှားဖို့ပင် လွယ်ကူလိမ့်မည် မဟုတ်။ အမေက သူ၏ အစ်ကိုကြီး အကြောင်း အတွင်းသိမို့ …
“အမေလည်း မျက်မှန်အသစ် လုပ်ပြီးမှ စာဖတ်လို့ ကောင်းနေတာ။ အစ်ကိုကြီးဆီက စာအုပ် ငှားရမှာလည်း ခပ်ကြောက်ကြောက်ရယ်။ သူက သူ့စာအုပ်ကို သိပ်နှမြောတာ။ ငါ့သား အခြေအနေကို ကြည့်။ မင်းဦးကြီး စိတ်ကြည်ကြည်လင်လင် ရှိမှ ပြော” ဟု မှာလိုက်ရှာသည်။ အမေ မမှာလိုက်လျှင်လည်း မောင်ကိတ်ကတော့ ဦးကြီးဆိုလျှင် ကြောက်ပြီးသား ဖြစ်သည်။ သူငယ်ငယ် ကျောင်းနေခါစ လက်ရေး ဆိုးလွန်းတုန်းက လက်ဆစ်ကို ပေတံနှင့် ခေါက်ပြီး လက်ရေးလှ သင်ခံသူမို့ ငယ်ကြောက် ဖြစ်သည်။ ဦးကြီးကို ဆိုလျှင် အသံကြားရုံနှင့်ပင် လက်ဆစ်ကလေးတွေက ယခုတိုင် နာချင်ချင်နှင့် ကျင်နေဆဲ ဖြစ်သည်။
“မနေ့တုန်းကပဲ လုံးချင်းစာအုပ် ကောက်ဖတ်မိပါတယ်။ စာရေးဆရာက အရေးအသားလေး မဆိုးပါဘူး။ ဦးတည်ချက်လည်း ရှိပါရဲ့။ ဒါပေမယ့် သဒ္ဒါတွေ မှားလိုက်တာ သောက်သောက်ကို လဲလို့”
ဦးကြီးက သူ၏ ဘေးမှ ရေနွေးကြမ်းခွက်ကို ကောက်ယူ၍ တကွတ်ကွတ်နှင့် မော့ချသည်။ ဦးကြီး၏ ရေနွေးကြမ်းခွက်မှာ တစ်ငုံစာလောက်သာ ဆန့်သော သမားရိုးကျခွက် မဟုတ်ချေ။ ထိုခွက်မျိုး ငါးလုံးစာ ဆန့်သော ဟင်းသောက် ပန်းကန်လုံး ဖြစ်သည်။ အနားတွင် ရွှေရေးသုံးရစ် ရှိသော ကြွေပန်းကန် ပါးပါးလည်း ဖြစ်သည်။ ထိုလှလှပပ ပန်းကန်လေးနှင့် မလိုက်ဖက်သည်က ဒန် ရေနွေးကြမ်းအိုး ဖြစ်သည်။ ဦးကြီး၏ ရေနွေးကြမ်းအိုးသည်ကား ဦးကြီး၏ စိတ်ကြိုက်အတိုင်း ရေနွေးများများ ဆန့်သော်လည်း ဒန်အညှိ တက်ကာ မလှပသည်ကား အမှန်ပင်။ ခွက်ကို ကြွေခွက်မှ ကြိုက်သော်လည်း အိုးကိုတော့ ဦးကြီးက ကြွေအိုး မကြိုက်ပြန်။
“အထဲမှာ ရေနွေးတွေနဲ့မို့ လေးရတဲ့အထဲ ကြွေအိုး ဆိုပြန်တော့ ပိုလေးတာပေါ့။ ဒန်ကတော့ ပေါ့တယ်။ သည်အိုးကို ခဏ ခဏ မပြီး ငှဲ့နေရတာ ပေါ့ပေါ့ပါးပါးပဲ ကောင်းတယ်” ဟု ပြောတတ်သည်။
“ဥပမာကွာ … ငါ ပြောပြမယ်။ 'ကိုကိုကြီးသည် ဒေါသတကြီးနှင့် သင်းသင်းကို လှမ်းကြည့်လိုက်သည် တဲ့ …' ကဲ… မှန်လား မှားလား”
မောင်ကိတ်က ခေါင်းကုတ်ရင်း “မှန်သားပဲဟာ” တွေးသည်။ ထို့နောက် “မှားတယ် ထင်တယ်”ဟု ချက်ချင်း ပြန်တွေးသည်။ သည်လို အရေးအသားမျိုးတွေက ခဏ ခဏ တွေ့နေရတော့ မှန်လား မှားလားပင် ချက်ချင်း စဉ်းစား၍ မရချေ။
“မင်းတို့လည်း ငယ်ငယ်ကတည်းက သင်ခဲ့ရတာပဲ။ နာမဝိသေသန ဆိုရင် နာမ်ရဲ့ ရှေ့မှာ ကပ်နေရတယ်၊ ကြိယာဝိသေသန ဆိုရင် ကြိယာရှေ့မှာ ကပ်နေရတယ် ဆိုတာလေ”
“ဟုတ်”
အဲဒီမှာ ဒေါသတကြီးက သင်းသင်းရဲ့ ရှေ့မှာ ကပ်နေတော့ ဒေါသကြီးတာက သင်းသင်း ဖြစ်မနေဘူးလား”
မောင်ကိတ် ခေါင်းညိတ်သည်။ ဒေါ်ကြီးကတော့ မညိတ်။
“သည်နေရာမှာ သင်းသင်းက ဒေါသကြီးတာ မဟုတ်ဘူး ဆိုတာကို ရှင်လည်း နားလည် ကျုပ်လည်း နားလည် မောင်ကိတ်လည်း နားလည်တာပဲ ကိုတူကြီးရယ်”
“ဟ … နားလည်ပေမယ့် မှားနေတယ်ဟ”
“အမှန်က ကိုကိုကြီးသည် သင်းသင်းကို ဒေါသတကြီးနှင့် လှမ်းကြည့်လိုက်သည်။ အဲဒီလို ရေးရမှာနော် ဦးကြီး”
“အေးပေါ့ကွာ … ရေးထုံးပျက် နေတာတွေကို ပြောတာပါ။ ‘မြမြသည် မျက်စောင်းလေး တဝဲဝဲနှင့် မောင်မောင့်ကို မခို့တရို့ ကြည့်သည်။' ‘ရွှံ့တွေ ပေနေသော ကျားဘိုသည် ပါးစပ်ထဲတွင် အမဲရိုးကြီးနှင့် မောင်မောင့်ဆီသို့ ပြေးလာသည်’ ဆိုတာမျိုးလေးတွေလေ။ အမှန်က မောင်မောင့်ကို မျက်စောင်းလေး တဝဲဝဲနှင့် မခို့တရို့ ကြည့်သည်။ မောင်မောင့်ဆီသို့ ပါးစပ်ထဲတွင် အမဲရိုးကြီးနှင့် ပြေးလာသည်လို့ ဖြစ်ရမှာပေါ့။ အခုတော့ ကြိယာကို အထူးပြုတဲ့ ကြိယာဝိသေသနကို နာမ်ရှေ့မှာ သွားကပ်ထား တတ်တာမျိုးတွေလေ။ မှားလို့တောင် မှားမှန်း မသိတော့ဘူး”
ဦးကြီး၏ လေရှည်ကြီး အဆုံးတွင် ဒေါ်ကြီးက တဟင်းဟင်း ရယ်သည်။ ဒေါ်ကြီး ရယ်သံက သိပ်မကျယ်သော်လည်း နားမလေးသော ဦးကြီးက ကောင်းစွာ ကြားလေသည်။ သည်ကမ္ဘာ သည်လောကတွင် ဦးကြီး မနိုင်သောသူ ဟူ၍လည်း ဒေါ်ကြီး တစ်ယောက်သာ ရှိလေသည်။
“မင်းက ဘာရယ်တာလဲ”
“သည်နေရာမှာ မောင်မောင်က မျက်စောင်းလည်း မဝဲဘူး။ အမဲရိုးကြီးကိုလည်း ကိုက်မထားဘူး ဆိုတာ ရှင်းနေတာပဲဟာ … ဖတ်တဲ့သူက သိပါတယ် ကိုတူကြီးရဲ့”
“အေး … သိတာပေါ့။ သိတာက ဉာဏ်နဲ့ယှဉ်ပြီး သိရတာ။ သဒ္ဒါ မှားတာကတော့ မှားနေတာပဲ”
“မှားရင်လည်း သက်ဆိုင်ရာ လူတွေ ရှိတယ်။ ပြင်ကြလိမ့်မယ်။ ရှင်က အနေသာကြီးပါနော်”
“ငါလည်း မနေသာဘူး၊ မင်းလည်း မနေသာဘူး၊ ဒါဟာ အားလုံးနဲ့ ဆိုင်တယ်”
မောင်ကိတ်က စိတ်ထဲမှ နေပြီး “ဟုတ်တာပေါ့” ဟု ထောက်ခံလိုက် မိသည်။ တစ်ဖက်မှလည်း ငါ့အမေတော့ ဇိနတ္တပကာသနီနှင့် ဝေးပါပြီဟု တွေးလိုက်မိသေးသည်။ ဦးကြီးနှင့် ဒေါ်ကြီး နှစ်ဦးစလုံးက အငြင်းသန်ကြသည်။ ငြင်းမိပြီ ဆိုလျှင် ဘယ်သူမှ မလျှော့တတ်။ နှစ်ဦးစလုံးကလည်း ကော်တော်တော် ကပ်တပ်တပ်များ ဖြစ်ကြသည်မို့ သူတို့၏ သမီး မဘူးသီးက ကြားထဲမှ မောင်ကိတ်ကို အားနာသလို ကြည့်နေရင်း …
“အစ်ကိုကိတ် ကော်ဖီ သောက်ဦးလေ” ဟု ဧည့်ဝတ်ပြုရှာသည်။
“တစ်နေ့တုန်းက ဈေးထဲမှာ ဒန့်သလွန်နဲ့တောင် တွေ့ခဲ့သေးတယ်” ဟု ဝင်ပြီး စကားဖြတ် ရှာသည်။
ဘူးသီးနှင့် ဒန့်သလွန်တို့ကြောင့် ကြားရသူများ အာရုံရှုပ်၊ နားရှုပ်သွားလေ့ ရှိသည်။ စင်စစ် သူတို့နှစ်ဦးမှာ လူသားစင်စစ်များ ဖြစ်ကြသည်။ အမည်ပေး ကောင်းသူ ဒေါ်ကြီး၏ လက်ချက်နှင့် အသီးအနှံ ဘဝသို့ ပြောင်းသွား ကြရရှာခြင်း ဖြစ်သည်။ ဒေါ်ကြီး၏ သမီးအရင်း မောင်ကိတ်၏ ညီမဝမ်းကွဲ ဖြစ်သူ မဘူးသီးမှာ ခါးသေးပြီး ခန္ဓာကိုယ် အောက်ပိုင်း ကြီးလေသည်။ မောင်ကိတ်၏ ညီမအရင်း ဖြစ်သူ ဒန့်သလွန်ကတော့ ကိုယ်ဟန် နွဲ့နွဲ့နှင့် ပိန်ပိန်ရှည်ရှည် ဖြစ်သည်။
သို့သော် မဘူးသီး ဘယ်လိုပင် ဖြတ်ဖြတ် ဦးကြီး၏ လေကြောက မပြတ်ရေးချ မပြတ်ထဲက ဖြစ်သည်။
“သည်နေ့မနက် လမ်းလျှောက်တုန်းကတောင် တွေ့ခဲ့ရတာလေ။ ဟို သွပ်ပြားကြီးတွေ ကာထားတဲ့ နေရာမှာပေါ့ ‘စည်းကမ်းမဲ့ အမှိုက်မစွန့်ရ’ တဲ့။ ကဲ … သည်တော့ ‘စည်းကမ်းရှိတဲ့ အမှိုက် ဆိုရင်တော့ စွန့်လို့ ရတယ်ပေါ့’ ဟုတ်လား”
သူက တစ်သက်တာလုံး စာသင်လာသော ကျောင်းဆရာကြီး ဆိုတော့လည်း ဒါမျိုးတွေ အတွေ့ များလာတော့ အူယား ရှာပေလိမ့်မယ်ဟု မောင်ကိတ် တွေးမိသည်။
“သည်လိုဆိုရင် ‘စည်းကမ်းမဲ့စွာ အမှိုက်မစွန့်ရ’ လို့ ရေးရမှာလား ဦးကြီး။ ဒါမှမဟုတ်ရင်လည်း ‘အမှိုက်ကို စည်းကမ်းမဲ့ မစွန့်ရ’ လို့ ရေးရင်ရော”
သည်တစ်ခါတော့ ဦးကြီးက ဘာမှမပြောမီ ဒေါ်ကြီးက “အမှိုက်မစွန့်ရ ဆိုရင် ပြီးပြီဟေ့ လိုရင်း တိုရှင်းပဲ” ဟု ဦးအောင် ဝင်ပြောသည်။ ထို့နောက် “ဘယ်လိုပဲ ရေးထားထား အဲဒီနေရာမှာ အမှိုက်မပစ်ဖို့ တားမြစ်ထားတယ် ဆိုတာကိုတော့ လူတိုင်း နားလည်ပါတယ်” ဟု ခပ်တင်းတင်း ပြောကာ ဆိုက်နေကျ ဘူတာကို ကမန်းကတန်း ဝင်ဆိုက်ပစ်လိုက် လေသည်။
“ရော့ … အစ်ကိုကိတ်… အစ်ကိုကိတ်အကြိုက် ကိတ်မုန့်” ဘူးသီးက တင်းမာတော့မည့် အခြေအနေကို ကိတ်မုန့်နှင့် ဝင်ထိန်းသည်။ သပျစ်သီးခြောက်နှင့် သီဟိုစေ့လေးများ မြှုပ်ထားသော သစ်သီးကိတ်လေးက စားချင်စဖွယ်မို့ မောင်ကိတ် တစ်ခြမ်း လှမ်းယူလိုက်သည်။
“ကောင်းသားပဲနော်”
“ညီမ သူငယ်ချင်း မိုးကေသွယ်ဦး ပေးတာလေ”
“စကားမပီတဲ့ ကောင်မလေးလား”
ဦးကြီးက မျက်မှောင်ကြီး ကုပ်လျက်ပင် မေးပြန်သည်။ ဘူးသီးက သက်ပြင်းလေး မသိမသာ ချရင်း မောင်ကိတ်အား လှမ်းကြည့်သည်။ သူ့အဖေရော၊ သူ့အမေရော သည်ဘူတာထဲက ထွက်ကြတော့မည် မထင်။
“အဲဒီ ကိတ်မုန့်ဘူးကို နင့်အမေကို လှမ်းပေးရင်း သည်မှာ အန်တီံအသွက် ကိတ်မုန့် … တဲ့”
သူ့အဖေစကား ကြားတော့ ဘူးသီးခမျာ ရယ်လည်း ရယ်ချင် စိတ်လည်း ညစ်သွားသည်။ အမှန်စင်စစ် မိုးကေသွယ်ဦးမှာ စကားမပီသူ မဟုတ်။ သို့ပါသော်လည်း အတွက်ဟူသော စကားကိုတော့ “အသွက်” “အသွက်” ဟု ခပ်ဆွဲဆွဲလေး မခို့တရို့ ပြောတတ်သည် ကတော့ အမှန်ပင်။
“နောက်ပြီး သူက ပြောသွားသေးတယ်။ မြန်မာ့အသံမှာ အလုပ် လျှောက်မလို့တဲ့ … သိလား… မောင်ကိတ်”
“သူက တော်တော်လှတယ် အစ်ကိုရဲ့”
“ဟ … သည်မှာ ဘူးသီး … ငါ့သမီးရဲ့ လူလှဖို့ထက် အသံလှဖို့ အရေးကြီးတာဟ … နင့်သူငယ်ချင်းက စလုံးနဲ့ ဆလိမ်ရော ကွဲရဲ့လား”
“အဖေကလည်း ကွဲပါတယ်”
ကွဲပါတယ်ဟု ချက်ချင်း ပြန်ဖြေလိုက်သော်လည်း ဘူးသီး၏ စိတ်ထဲတွင် သိပ်ပြီးတော့ မသေချာချင်။ သူ၏ သူငယ်ချင်း အချို့က ဆောင်ရွက်နှင့် စောင်ရွက်တွင် စောင်ရွက်ကသာ အမှန်ဟု ထင်ပြီး တွင်တွင် အသုံးပြုကာ “သိပါဘူးဟယ် ကူညီ စောင်မတယ် ဆိုတာရှိတော့ စောင်ရွက်တယ် ဆိုတာလည်း ရှိတယ် မှန်တယ် ထင်တာပေါ့” ဟု ပြောဖူးလေသည်။ အချို့က မှား၍ မှားမှန်း မသိသည်များက ရှိနေသည်။
“သည့်ပြင် လူမျိုးတွေတော့ မသိဘူး။ ငါတို့ မြန်မာလူမျိုးတွေ ကတော့ အသံကို အရောင် အမျိုးမျိုးနဲ့ သရုပ်ဖော် တတ်ကြတာ အမှန်ပဲ၊ ကြည့် … အသံနက်ကြီးတဲ့၊ အသံဝါကြီးတဲ့၊ အသံပြာပြာတဲ့၊ နောက်ပြီး ရှိသေးတယ် အသံပြားကြီး၊ လျှာပြားကြီးနဲ့ ပြောတယ် ဆိုတာက တစ်မျိုး၊ အသံကိုက ပေါ့လျှပ်လျှပ်နဲ့လို့လဲ ပြောတတ်ကြသေးတယ်၊ တို့မြန်မာ အချင်းချင်းတော့ အဆင်ကို ချောလို့၊ ဘယ်လို အသံဟာ ဘယ်လိုဆိုတာ ချက်ချင်းသိပြီး ချက်ချင်း ကြားယောင်လာတယ်”
သည်တစ်ခါတော့ ဒေါ်ကြီး ခေါင်းညိတ်သည်။ “ကိုယ့်အသံကိုလည်း ကိုယ် ဘာသံလည်း သိအောင် လုပ်ဦး” ဟု ပြောသည်။ ဦးကြီးက မကြားချင်ဟန် ဆောင်နေသည်။ မောင်ကိတ်နှင့် ဘူးသီးတို့ ခမျာမှာလည်း ပြုံးချင်ပါလျက် မပြုံးရဲချေ။
“သမီး သူငယ်ချင်းကိုလည်း အေးအေးဆေးဆေးပဲ နေပါ။ မြန်မာ့အသံမှာတော့ အလုပ် မလျှောက်ပါနဲ့လို့ ပြောလိုက်စမ်းပါ”
“အဖေကလည်း သူက သတင်း ကြေညာချင်တာ”
“သတင်း ကြေညာတဲ့ လူရဲ့ အသံက ထူရမယ်၊ လုံရမယ်၊ ပီရမယ် သမီးရဲ့၊ အခုတော့ သူ့အသံက ပါးလျှပ်လျှပ်လေးနဲ့ 'စောက်လုပ်ရေး လုပ်သားကြီးအသွက် စန်တစ်အိတ်၊ စီတစ်ပုံး ပေးအပ်ခဲ့သည်' လို့ ကြေညာ မလို့လား၊ ကျောင်းအုပ် စရာမကြီးက စုံးမ စကားများ ပြောကြားခဲ့သည်။ နောက်ပြီး မြန်မာ့အတံမှ အတံ လွှင့်နေပါသည် ဆိုတာမျိုးတွေ ကြေညာနေရင် အခက်”
သည်တစ်ခါတော့ မောင်ကိတ် မရယ်ဘဲ မနေနိုင်၊ မောင်ကိတ် ရယ်တော့ ဘူးသီးနှင့် ဒေါ်ကြီးကပါ လိုက်ရယ်ကြသည်။ သူတို့ရယ်တော့ ဦးကြီး၏ မျက်မှောင်ကုပ်ကြီးလည်း အတန်ငယ် ပြေသွားသည်။
မောင်ကိတ်ကတော့ နာရီကြည့်သည်။ သူ၏ ကွန်ပျူတာ သင်တန်းက နေ့ခင်း နှစ်နာရီ စမည်ဖြစ်၍ ပြန်ရန်သင့်ပြီ ဖြစ်သည်။ မပြန်မီ အမေ မှာလိုက်သော ဇိနတ္တပကာသနီ စာအုပ်ကို ငှားရ ကောင်းမလား မငှားဘဲ နေရတော့ ရာသီဥတု ကောင်းလာပြီမို့ ငှားလိုက်ရင် ကောင်းမလားဟု ချီတုံချတုံ ဖြစ်နေစဉ် လေပြင်း ပြန်တိုက်သည်။
တရားခံကတော့ နှင်းဆီမွှေးသည် ဦးကြီးတို့အိမ်မှ အိမ်ဖော် ကောင်မလေး ဖြစ်သည်။ သူက ဒေါ်ကြီး၏ နောက်နားတွင် ခပ်ရို့ရို့လေး ရပ်ကား “အမေကြီး စီ ကုန်ခါနီးပြီ” ဟု ပြောသည်။
သူ၏ အသံကြားတော့ ဦးကြီး၏ မျက်ခုံးမွေးကြီး နှစ်ဖက် ချက်ချင်း ပြန်ကုပ်သွားသည်။
“ဆန်ရော ရှိသေးလား”
ဒေါ်ကြီးက မေးခြင်းမဟုတ်။ ဦးကြီးက မေးခြင်းဖြစ်သည်။ နှင်းဆီမွှေးကလည်း တရိုတသေ ဖြေရှာပါသည်။
“စန်ကတော့ ရှိပါသေးတယ် ဘဘကြီး”
“ဆား … ရော”
“စားလည်း ရှိပါတယ်”
“ဆေးရော ရှိသေးရဲ့လား”
“စေး … အဲ စေးတော့ ကျွန်မ မသိ”
“ကဲ … ဆပ်ပြာရော”
“စပ်ပြာ … အင်း … စပ်ပြာတော့ ကုန်ခါနီး”
သူ တစ်ခါ ဖြေတိုင်း ဦးကြီး၏ မျက်နှာက တစ်ခါ ရှုံ့သွားရာ ငါးခါလောက် ဖြေပြီးသွားပြီမို့ ဦးကြီး၏ မျက်နှာကြီးမှာ လေပေါက်သွားသော ကြက်ပေါင် ဘောလုံးလို ရှုံ့ရှုံ့တွတွကြီး ဖြစ်နေသည်။
“နင်… ဆန်လို့ မခေါ်တတ်ဘူးလား”
“ခေါ်တတ်ပါတယ် … ဘဘကြီး”
“ကဲ … ခေါ်ကြည့်စမ်း … ဆန် …”
“စန် … အဲ … ဆန် …”
“ဆီ”
“စီ … စီ … အဲ … ဆီ …”
“ဆေး”
“စေး … အဲ … ဆေး … ဆေး …”
နှင်းဆီမွှေးက အယောင်ယောင် အမှားမှား ဖြစ်နေသည်။ မောင်ကိတ်ကတော့ အံ့ဩနေသည်။ နှင်းဆီမွှေးသည် ဆန်၊ ဆီ၊ စသည်များကို ပီပီသသ မခေါ်တတ်ခြင်း မဟုတ်။ မပြောတတ်ခြင်း မဟုတ်။ သတိထား ပြောလျှင် ပီသပါလျက်နှင့် သတိမထားဘဲ မပီမသ ပြောနေခြင်း ဖြစ်သည်ကိုတော့ သိလိုက်ရသည်။ နှင်းဆီမွှေးသာ မဟုတ် အချို့သော လူငယ်များသည်လည်း စန်တွေ၊ စီတွေ၊ လုပ်စောင်တွေ ဖြစ်နေကြသည်ကို သူ သတိထားမိသည်မှာ ကြာပြီ။
“ကဲ … ကဲ … သွားတော့၊ နောက်ကို ပီပီသသပြော … ဟုတ်လား”
ဦးကြီးက သွားခိုင်းတော့ နှင်းဆီမွှေး လှည့်ထွက် သွားလေသည်။ သည်တော့မှ ဒေါ်ကြီးက တစ်စခန်းထသည်။
“ကိုတူကြီးရယ် … ရှင့်မလဲ ပြဿနာ မရှိ ပြဿနာကို ရှာ။ သူ့ဟာသူ စန် ပြောပြော၊ စီ ပြောပြော … သူပြောတာ နားလည် နေသားပဲဟာ”
“ဟ … ဒါ ပြဿနာ မဟုတ်လို့ ဘာက ပြဿနာ ဖြစ်ဦးမှာလဲ။ သည်အတိုင်း ကြည့်နေရင် ဆလိမ်သံတွေ ပျောက်ပြီး စလုံးသံတွေ အစားဝင်လာလိမ့်မယ်။ ဒါဟာ အရေးမကြီးဘူးလား”
“အရေးမကြီးပါဘူး။ အရေးကြီးရင်လည်း သက်ဆိုင်ရာ လူတွေက ပြုပြင်ကြလိမ့်မယ်။ ရှင် အနေသာကြီး”
“မင်း အတော် တာဝန်မဲ့တဲ့ မိန်းမ”
“ကျုပ်မှာ ဘာတာဝန် ရှိလို့ ဘာတာဝန် မဲ့တာလဲ ပြောစမ်းပါဦး၊ မဟာပညာရှိ တာဝန်သိကြီးရဲ့”
မောင်ကိတ်က ခေါင်းကုတ်နေစဉ် ဘူးသီးက သက်ပြင်းကြီး ချသည်။ အမေ့ အတွက်ကတော့ ပဲပြုတ် တစ်ဆယ်သား တစ်ရာ့လေးဆယ် ဖြစ်သွားခြင်းသည် စလုံးဆလိမ် ပြဿနာထက် အရေးကြီးကြောင်း သူ သိသည်။
“မင်း … အလကား မိန်းမ”
သည်စကားကို ကြားတော့ ဒေါ်ကြီး၏ မျက်နှာသည်ြ ဖူသွားသည်။ ထို့နောက် တဖြည်းဖြည်း နီလာသည်။
“ဟုတ်တယ် … ကျုပ်က အလကား မိန်းမ။ အလကား မိန်းမဆိုတာ အလကား အလုပ်တွေကိုပဲ လုပ်တတ်တယ်၊ အလကား စကားတွေကိုပဲ ပြောတတ်တယ် သိရဲ့လား”
ပထမ အသံမှန်မှန်နဲ့ ပြောနေရာမှ ဒေါ်ကြီးက “သိရဲ့လား” ဟု ဆောင့်အော်လိုက်သည်။ ထို့နောက် အိမ်နောက်ဖေးသို့ လှည့်ကာ “နှင်းစီမွှေး” ဟု လှမ်းအော်ခေါ်သည်။
“ရှန် … အမေကြီး”
နှင်းဆီမွှေးလည်း ချက်ချင်း ရောက်လာသည်။
“လာ … နင်နဲ့ ငါနဲ့ ဈေး သွားကြမယ်၊ စန်ရယ်၊ စီရယ်၊ စားရယ်၊ စေးရယ်၊ စပ်ပြာရယ် ဝယ်ကြရအောင်။ နှေးတာကို ငါမကြိုက်ဘူးလို့ စုံးမထားတယ် မဟုတ်လား၊ ငါပြောတာကို အလျင်အမြန် စောင်ရွက်၊ သွား … ခြင်းတောင်း အမြန်ယူခဲ့”
ဒေါ်ကြီးက နေရာမှ ဆတ်ခနဲ ထကာ ခပ်မော့မော့ ခပ်ကျော့ကျော့နှင့် လှည့်ထွက်သွားသည်။ အခါတိုင်း ဒူးနာသည်ဟု ဆိုကာ ခပ်ဖြည်းဖြည်း ခပ်ဆဆသာ ထောက်တတ်သော ခြေထောက် နှစ်ချောင်းမှာ ဟန်အပြည့် မာန်အပြည့်နှင့် သွက်နေသည်။
“ကဲ … အဲဒါ စန်လို့ ခေါ်တယ်ဟ”
ဦးကြီးက သူ့ဘေးမှ ရေနွေးကြမ်း အိုးကြီးကို ကောက်ကာ စားပွဲပေါ် ထုချလိုက်သည်။ ရေနွေးကြမ်းတွေ ဗွမ်းခနဲ စင်ထွက်လာသည်။
“အဲဒါကတော့ စီနဲ့ စားဟ၊ အဲဒါက စေးဟ၊ အဲဒါက စပ်ပြာဟ၊ အဲဒါ အဲဒါက စောင်ရွက်ဟ၊ အဲဒါက စုံးမဟ …”
ရေနွေးက သိပ်မပူတော့၍သာ တော်တော့သည်။ ဦးကြီး၏ အင်္ကျီတွင် လက်ဖက်ခြောက်ဖတ်တွေ စင်ကာ ရေတွေ ရွှဲကုန်သည်။ သူ့ဟာသူ ငြိမ်ငြိမ်ကလေး ရပ်နေသော ရွှေနားရစ် ကြွေပန်းကန်လေး ခမျာလည်း ကလွမ်ခနဲ အော်ကာ ကြမ်းပေါ်သို့ ကျသွားသည်။ ထို့နောက် တလိမ့် တလိမ့်နှင့် လိမ့်သွားသည့်အတွက် မောင်ကိတ်က ကမန်းကတန်း လိုက်ကောက်ရင်း စားပွဲစွန်းနှင့် နဖူး ဆောင့်မိသွားသည်။
“ဟာ … ပဲ့သွားပြီ”
နာသွားသော နဖူးကိုပင် မပွတ်အားပေ။ အနား ပဲ့သွားသော ခွက်ကလေးကို ကြည့်၍ မောင်ကိတ် အတော် နှမြောသွားသည်။
“ဟင် … ပိန်သွားပြီ”
ဦးကြီး ထုထားသော ဒန် ရေနွေးကရားလေးကို ကြည့်ရင်း ဘူးသီးကလည်း စိတ်ညစ်သွား ရှာသည်။ ရေနွေးအိုးလေး ခမျာ သနားစရာ၊ ပိန်ရုံပင်မက ချိုင့်ပင် ချိုင့်နေရှာသည်။
“ပိန်ပိန် … ပဲ့ပဲ့ဟာ … ဘာဖြစ်သေးလဲ”
ဦးကြီးကလည်း ဒေါသတကြီး အော်လေသည်။
နောက်တစ်လလောက် နေတော့မှ မောင်ကိတ်ခမျာ ဦးကြီးတို့ အိမ်သို့ ရောက်ဖြစ်တော့သည်။ “အိမ်မှာတော့ မုန်တိုင်း စဲသွားပြီ အစ်ကို၊ သူတို့ အချင်းချင်းလည်း စလုံး ဆလိမ်အကြောင်း မပြောကြေး ဆိုပြီး သဘောတူ ထားကြတယ်” ဟု ဘူးသီးက သတင်းပို့သည်။
သူရောက်သော အချိန်တွင် ဦးကြီးနှင့် ဒေါ်ကြီးက ထုံးစံအတိုင်း ယှဉ်တွဲပြီး ထိုင်နေကြသည်။ လက်ဖက်သုပ်ကိုလည်း အတူစား နေကြသည်။
ဦးကြီး၏ ဘေးက စားပွဲပေါ်တွင်တော့ ပိန်နေသော ရေနွေးကရားနှင့် ပဲ့နေသော ပန်းကန်လုံးတို့ ရှိနေကြသည်။ ဦးကြီးက ခပ်ပိန်ပိန် အိုးကို သတိနှင့် ကိုင်ပြီး ခွက်ပဲ့ပဲ့ ထဲသို့ ဂရုတစိုက် လောင်းထည့်တတ်သည်။ နှုတ်ခမ်း ပဲ့နေသော နေရာလေးကို ရှောင်ကာ ခပ်ဖြည်းဖြည်း မှုတ်၍ သောက်တတ်သည်။ ထို့နောက် ပင့်သက်ကို မသိမသာ ကျိတ်ပြီး ရှိုက်နေတတ်လေသည်။
------
မစန္ဒာ
နှစ်​​ ၆၀ ပြည့်​ မြန်​မာ့အသံ မဂ္ဂဇင်း။