စိတ်​ထားတတ်​လျှင်

နွဲ့မူအ​နေဖြင့်​ သည်​တစ်​ပွဲမှာ ခင်​​လေးအ​ပေါ်​ ကောင်း​ကောင်းကြီး အနိုင်​ရ​တော့မည်​ကို သိလိုက်​ပါသည်​။ ဪ.... ခင်​​လေး ... ခင်​​လေး သူ့အ​ပေါ် အမြဲ အနိုင်​ယူတတ်​သည့်​ ခင်​​လေး၊ သူတစ်​ပါးအ​ပေါ် နှုတ်​ဖြင့်​ ဖြစ်​​စေ၊ ကိုယ်​အမူအရာဖြင့်​ ဖြစ်​​စေ စီးပိုးအနိုင်​ယူ လိုက်​ရမှ​ ကျေနပ်​တတ်​သည့်​ ခင်​​လေး၊ စကားတစ်​ခွန်းကို ဘယ်​လို​ပြောလျှင်​ ဘယ်​လိုသ​ဘော သက်​​ရောက်​သည်​ကို သိနားလည်​ပါလျက်​ လက်​လွတ်​စပယ်​​ ပြောတတ်​ဆိုတတ်​သည့်​ ခင်​​လေး။
ခင်​​လေးက သူ၏ အပြုအမူ၊ အ​ပြောအဆိုထက်​ တစ်​ဖက်​သား မည်​သို့ ခံစားရမည်​ကို အမှုထားတတ်​သူ မဟုတ်​​ပေ။ ဟိုတစ်​​နေ့ကပဲ ကြည့်​၊ ချစ်​ချစ်​က သူ့အိမ်​က ပို့လိုက်​​သော ချဉ်​​ပေါင်​​ကြော်​ ပုလင်းကို ဖွင့်​သည်​။ ထမင်းစားခန်းက သယ်​ထား​သော ထမင်း တစ်​ပန်းကန်​၊ ကြက်​ဥပြုတ်​၊ ချဉ်​​ပေါင်​​ကြော်​နှင့်​ ညစာတစ်​ထပ်​ စားကြဖို့ ဝိုင်းဖွဲ့ခြင်း ဖြစ်​သည်​။ ချဉ်​​ပေါင်​​ကြော်​က ခါး​ပေမယ့်​ ချဉ်​​ပေါင်​ကို​ ခြောက်​​အောင်​လှမ်းပြီး ပုစွန်​​ခြောက်​များများ ဆီများများနှင့်​​ ကြော်​ထားသည်​မှာ စားချင်​စဖွယ်​။
"​မေ​မေတို့က​လေ ချဉ်​​ပေါင်​ရွက်​၊ ကန်​စွန်းရွက်​ဆို ဗိုက်​နာမှာစိုးလို့ ဆိုပြီး ဘယ်​တော့မှ မပို့ဘူး။ အရင်​တစ်​ပတ်​က ဝက်​သားကို အမျှင်​ဖဲ့ပြီး​ ကြော်​​ပေးလိုက်​တာ ကုန်​သွားတာ နာတယ်​ကွာ ..."
ခင်​​လေး စကား​ကြောင့်​ ချစ်​ချစ်​ မျက်​နှာ ညိုသွားသည်​။ ခင်​​လေးက ဘာရည်​ရွယ်​ချက်​နှင့်​​ ပြောသနည်း။ ချစ်​ချစ်​က နွမ်းပါးတာ၊ ​ကျောင်းကို ဦး​လေး စားရိတ်​နှင့်​ တက်​ရတာ၊ လုံချည်​ ငါးထည်​​လောက်​ကို အလျဉ်​မီ​အောင်​​ လျှော်​ဖွပ်​ရတာ၊ အားလုံးအသိ။ သို့​သော်​ မည်​သူမျှ တစ်​စွန်းတစ်​စ သိဟန်​ မပြကြ။
"တို့​တော့ စားမယ်​​ဟေ့၊ ချဉ်​​ပေါင်​​ကြော်​ ကြိုက်​တယ်​"
နွဲ့မူက ​ပြောပြီး ချဉ်​​ပေါင်​​ကြော်​ ပုလင်းကို ဦးစွာနှိုက်​သည်​။ သူတို့တ​တွေမှာ မိဘ​တွေက ပို့​ပေးလိုက်​​သော စားစရာ​တွေ မှန်​သမျှကို ဝိုင်းဖွဲ့၍ ဖလှယ်​၍ စားကြစမြဲ။ ခင်​​လေးဆီ​ ရောက်​လာ​သော စားစရာ မှန်​သမျှသည်​ ဝိုင်းထဲ ​ရောက်​မလာတတ်​။ သူတစ်​​ယောက်​တည်း ဗီရိုထဲ ထည့်​ဝှက်​ကာ ကြိတ်​စားတတ်​တာ အားလုံးအသိ။ ဒါနှင့်​များ စကားစီးပိုးကာ ​ပြောဖြစ်​​အောင်​​ ပြောလိုက်​​သေးသည်​။ အားလုံး​ ​​ပျော်​ပျော်ရွှင်ရွှင်​​ နှိုက်​စားကြ​တော့ တခဏချင်းမှာပင်​ ချဉ်​​ပေါင်​​ကြော်​ ပုလင်းက တစ်​ဝက်​ကျိုး​ လေသည်​။ ချစ်​ချစ်​ မျက်​နှာကလည်း လန်းရွှင်​၍​ နေသည်​။ ခင်​​လေးသည်​ ဗိုက်​နာမှာ စိုးတယ်​ ဆိုကာ ​နေရာမှ ထသွားပြီး​ ကော်​ဖီ သွား​ဖျော်​​သောက်​သည်​။
"ခင်​​လေး ဆာရင်​ ဘီစကစ်​မုန့်​ ယူစား" ဟု သ​ဘောထားကြီး​သော မမလွင်​က သူ့ဘီစကစ်​ မုန့်​ထုပ်​ကို လှမ်း​ပေးသည်​။
"ခင်​​လေးက ဘီစကစ်​ဆို သံဘူးနဲ့မှ ကြိုက်​တယ်​"
မမလွင်​က ကုန်​ပ​ဒေသာဆိုင်​က ဝယ်​လာ​သော အကျိုးအ​ကျေ များသည့်​ ဘီစကစ်​ မုန့်​ထုပ်​ကို မျက်​နှာမပျက်​ ပြန်​သိမ်းလိုက်​ နိုင်​​သော်​လည်း နွဲ့မူတို့ လူသိုက်​မှာ အံတကြိတ်​ကြိတ်​ ဖြစ်​ကြရ​လေသည်​။ ​ကျောင်းသူ​လေး​ယောက် စု​နေရ​သော အခန်းထဲမှာ စရိုက်​ အမျိုးမျိုး​တော့ ရှိသည်​ပင်​။ တစ်​ခါတရံ က​လေးများလို ရန်​ဖြစ်​ကြ ငြူစူကြသည့်​ အခါလည်း ရှိသည်​။ စည်းစည်းလုံးလုံး​ ပျော်​​ပျော်​ပါးပါး​ နေသည့်​အခါ​ နေသည်​။ များ​သောအားဖြင့်​​တော့ မိသားစုနှင့်​​ ဝေးရာမှာ တစ်​​ယောက်​နှင့်​ တစ်​​ယောက်​ ခင်​မင်​တွယ်​တာစွာ​ နေတတ်​ကြမြဲ။
ခင်​​လေးသည်​ သူတစ်​ဖက်​သားအ​ပေါ် စကားကြီး စကားကျယ်​ဖြင့်​ စီးပိုးအနိုင်​ယူ တတ်​သည်​က လွှဲလျှင်​​တော့ ခင်​မင်​စရာ​ ကောင်းတာ​လေး​တွေလည်း ရှိပါ​သေးသည်​။ ခင်​​လေးက စာ​တော်​သည်​။ သူ​တော်​သည့်​အတိုင်း သူတစ်​ပါးကိုလည်း​ တော်​​စေချင်​သည်​။ သူတတ်​သမျှ မှတ်​သမျှကို စိတ်​ရှည်​လက်​ရှည်​ ပြန်​သင်​ပြ​ပေး တတ်​သည်​။ တစ်စုံတစ်​​ယောက်​​ နေထိုင်​မ​ကောင်းလျှင်​ ကိုယ်​ဖိရင်​ဖိ ပြုစု​ပေးတတ်​သည်​။ မည်​သို့ပင်​ဖြစ်​​စေ၊ အနယ်​နယ်​ အရပ်​ရပ်​မှ လာ​ရောက်​စု​ဝေး​ နေထိုင်​ရသည်​မို့ တစ်​​ယောက်​နှင့်​ တစ်​​ယောက်​ အ​ကောင်းအဆိုး ဟူသမျှကို သည်းခံကာ​ ပေါင်းသင်း​ နေကြရသည်​ပင်​။
* * *
"ခင်​​လေးမှာ သူသာ ပြည့်​စုံတယ်​၊ သူသာ အ​ကောင်းသုံးတယ်​၊ သူ့မိသားစုဟာ အဆင့်​အတန်း မြင့်​တယ်​လို့ ဂုဏ်​ယူကြွားဝါ တတ်​တာ ခက်​တယ်​ကွာ၊ ဒီ​​​အကျင့်ကို ပြင်​လိုက်​ရင်​​ ပေါင်းလို့သင်းလို့​ ကောင်းမယ်​"
သူငယ်ချင်းများက ကွယ်ရာမှာ​ ဝေဖန်ကြသည်။ ခင်​​လေးက​တော့ သူ့အမှားကိုလည်း သူမြင်​ဟန်​ မတူ။ မှားသည်​ဟုလည်း ယူဆပုံ မရ။ အ​ပြောက အမြဲတမ်း ပိုစမြဲ။ တစ်​ပါးသူကို နာသာခံခက်​​စေမြဲ။ တစ်​ခါတစ်​ခါ​တော့လည်း သူ့ကို ခွင့်​လွှတ်​ ထားရသည်​။ တစ်​ခါတစ်​ရံ​တော့လည်း ​ဒေါသ ဖြစ်​ကြရသည်​။
တစ်​ခါက အတန်းထဲတွင် သူငယ်ချင်း ဝင်းဝင်းဆီသို့ သူ့အ​မေ လာလည်​သည်​။ အညာရပ်​မှ လာသူများမို့ အဆင်​အပြင်​၊ အ​ပြောအဆို၊ အ​နေအထိုင်​က အညာဆန်​သည်​။ ရုပ်​ရည်​က ကြမ်းတမ်းသည်​။ ပွင့်​လင်း ရိုးသားမှု၊ မသိ နားမလည်​မှုကလည်း တက္ကသိုလ်​​ ကျောင်း​တော်​သူ​တွေ ကြားမှာ ရယ်​စရာ ဖြစ်​​နေသည်​။ သို့​သော်​ သူငယ်​ချင်း တစ်​​ယောက်​၏ အိမ်​မှ လာလည်​သည်​ ဆိုလျှင်​ပင်​ ကျန်​လူများကလည်း ကိုယ့်​မိဘ​ဆွေမျိုး လာသလိုပင်​ ဝမ်းသာ​ပျော်​ရွှင်​စွာ ဝိုင်းအုံကြမြဲ။ ခင်​​လေးက​တော့ ​ဘေးဖဲ့၍ ထွက်​​နေသည်​။
ဝင်းဝင်းက သူ့အ​မေကို အခန်း​ဖော်​ သူငယ်​ချင်း​တွေနှင့် တစ်​ယောက်ချင်း မိတ်ဆက်​ပေးသည်။ ​ခင်​​လေးသည်​ သူ့အလှည့်​ မ​ရောက်​ခင်​​ နေရာမှ ထသွား​လေသည်​။ ပြီး​တော့ တစ်​ဖက်​ခန်းမှာ အတင်း သွား​ပြောသည်​တဲ့။
"ဘယ်​လို ပုံ​တွေမှန်း​လဲ မသိပါဘူးကွာ၊ ​တောပုံ​တွေ၊ ကြည့်​လို့ကို မရဘူး"
ဝင်းဝင်းက ပြန်​ကြား​တော့ မ​ကျေမနပ်​ ဖြစ်​ရသည်​။
"အားလုံး နယ်​ကလာတဲ့ သူ​တွေချည်းပဲ၊ သူက​တော့ ဘာမို့လို့လဲ။ ဒီ​လောက်​​တောင်​ ကြီးကျယ်​ဖို့ မလိုပါဘူး"
ဝင်းဝင်းသည်​ ထိုအချိန်​မှစ၍ ခင်​​လေးကို စကားမ​ပြော​တော့။ မိဘနှင့်​ ပတ်​သက်​၍ အ​စော်​ကားခံရ​တော့ ဝင်းဝင်း နာကျည်း၍ မဆုံး။ အသက်​အကြီးဆုံး မမလွင်​က​တော့ တစ်​​ယောက်​နှင့်​ တစ်​​ယောက်​ ခွင့်​လွှတ်​သည်းခံဖို့ အမြဲပဲ ဆုံးမ​လေသည်​။
"သူ့ကို တစ်​နည်းနည်းနဲ့ ဆုံးမမှပဲ ရမယ်​ မမလွင်​၊ သူငယ်​ချင်းလို စိတ်​ထားလို့ကို မရဘူး။ မ​နေ့က နွဲ့မူမှာ ​ကော်​ဖီမှုန့်​ ကုန်​​နေလို့​ ကော်​ဖီတစ်ဇွန်း​လောက်​​ ချေးပါ၊ မနက်​ ပြန်​ဝယ်​ပြီး ပြန်ပေးမယ်​​ ပြော​တော့ အ​ချေးအငှါး ဝါသနာ မပါလို့ ယူလိုက်​ပါတဲ့။ တကယ်​ဆို သူငယ်​ချင်းချင်းပဲကွာ၊ ​ချေးမ​နေနဲ့၊ ယူ​သောက်​ပါလို့​ ပြောရင်​ ဘယ်​​လောက်​ နားဝင်​ချိုမလဲ"
"အ​ပြောမတတ်​တာပါ နွဲ့မူရယ်​"
"လွန်​တယ်​ မမလွင်​၊ နွဲ့မူရဲ့ နီလာ​ကျောက်​ကိုလဲ ​သေ​သေချာချာ ကြည့်​ပြီး ရိုင်းလို​က်တာတဲ့။ သူတို့က​တော့ လက်​ဝတ်​တန်​ဆာ ဆိုရင်​ စိန်​နဲ့​ ရွှေပဲ ဝတ်​တတ်​တယ်တဲ့။ သူ့မှာဖြင့်​ စိန်​နားကပ်​​ သေး​သေး​လေး တစ်​ရံတည်း ရှိတာများ ..."
မမလွင်​က ပြုံး​နေသည်​။ မမလွင်​သည်​ နွဲ့မူတို့ထက်​ အလွန်​ဆုံး ကြီးလှမှ သုံးနှစ်​​လောက်​သာ ရှိမည်​။ သို့​သော်​ တည်​ငြိမ်​ရင့်​ကျက်​ လွန်းသည်​။ ဘာမဆို သည်းခံသည်​။
"ခင်​​လေးဟာ တစ်​ချိန်​က​တော့ ချမ်းသာတဲ့ မိဘက​ ပေါက်​ဖွားခဲ့တယ်​နဲ့ တူပါတယ်​ နွဲ့မူရယ်​။ ခုချိန်​မှာ​တော့ သူ့မိဘ​တွေလဲ စီးပွားပျက်​​နေပုံပါ။ အထည်​ကြီးပျက်​ ဆိုတာမျိုး​ပေါ့။ သူ့လိုလူမျိုးက အမှန်​အတိုင်း ရင်​ဆိုင်​ရမှာ ဝန်​အ​လေးတတ်​ဆုံးပဲ။ အမှန်​ကို ဖုံးကွယ်​ဖို့ ကြိုးစားရင်း အဲဒီလို ဖြစ်​လာတာ"
နွဲ့မူက​တော့ မမလွင်​စကားကို နားမလည်​လှ​ပေ။ မမလွင်​က မက်​ထရစ်​ကို အခါခါကျပြီးမှ တက္ကသိုလ်​​ ရောက်​လာရသဖြစ်​သဖြင့်​ အသက်​ကြီး​ နေရခြင်း ဖြစ်​သည်။ မမလွင်​သည်​ သိုသိုသိပ်​သိပ်​​ နေတတ်​သည်။ တစ်​ခန်းလုံးကို ညီညွတ်​မျှတ​အောင်​ ထိန်းသိမ်း​ပေးသည်။
သည်​လိုနှင့်​ပဲ နွဲ့မူတို့တစ်​​တွေ တက္ကသိုလ်​ နယ်​​မြေမှာ တစ်​နှစ်​တာ ခရီးကို ဖြတ်​သန်းခဲ့ကြ၏။ စာ​မေးပွဲ​​​​​​တွေလည်း ​ဖြေရ​တော့မည်။ ​ကျောင်းပိတ်​​တော့မည်​။ နွဲ့မူတို့လည်း စာ​မေးပွဲအတွက် ပြင်ဆင်ကြသည်။ ထိုအချိန်​မှာပင်​ စာတစ်​​စောင်​ကို နွဲ့မူ ရရှိခဲ့သည်​။ နွဲ့မူအ​မေထံမှ ဖြစ်​၏။ နွဲ့မူတို့က ဖြူးမှာ​ နေသည်​။ ခင်​လေး​တို့က ​ဇေယျဝတီမှာ​ နေသည်​။ တစ်​ရ​ပ်တည်းက ​​လာသူများဟုလည်း ဆိုနိုင်​သည်​။
သမီးနွဲ့မူ
သမီးသ်ိ​အောင်​​ ရေးလိုက်​ရတာ။ ယခင်​လက သမီးသူငယ်​ချင်း ခင်​​လေးရဲ့အ​မေ​ ဇေယျဝတီက လူကြုံနဲ့ စာတစ်​​စောင်​​ ပေးလိုက်​တယ်​။ အင်​မတန်​ အကျပ်​အတည်း ဖြစ်​​နေလို့ လူကြုံနဲ့ ကူညီတဲ့ အ​နေနဲ့​ ငွေတစ်​ရာ​ ချေးလိုက်​ပါတဲ့။ သမီးသူငယ်​ချင်း ခင်​​လေးရဲ့အ​မေ ပါတဲ့။ အ​မေကလဲ လူချင်း မမြင်​ဖူး​ပေမယ့်​ သမီးတို့ချင်း သူငယ်​ချင်းဆိုလို့ အခင်​မင်​ မပျက်​​အောင် ချေးလိုက်​တယ်​။ ယခုလ တစ်​ခါလာတယ်​။ အလွန်​အခက်​ခဲ​ တွေ့နေလို့ပါတဲ့။ တစ်​ရာ ထပ်​​ချေးပါဦးတဲ့။ ယခင်​တစ်​ရာ​တော့ ဆုံးချင်​ဆုံးပ​စေ ဆိုပြီး​ ပေးလိုက်​တာ ယခုတစ်​​ခေါက်​​တော့ မ​ပေးလိုက်​ဘူး။ သမီးတို့ လူငယ်​ အချင်းချင်း အ​ပေါင်းအသင်း ပျက်​သွားမလား ​မေ​မေ စိုးရိမ်​တယ်​။ သမီးသိ​အောင်​ ​ပြောထားတာပါ။
အ​မေ့စာက တခြား​အကြောင်း​တွေကို ဆက်​ရေးသည်။ ​နွဲ့မူက​တော့ သည်​စာပိုဒ်​ကိုပဲ ထပ်​တလဲလဲ ဖတ်​​နေမိသည်​။ ဪ ... ခင်​​လေး ...၊ သူတပါးအ​ပေါ် စီးပိုးအနိုင်​ယူ တတ်​သည့်​ ခင်​​လေး၊ ခင်လေးကို သင်​ခန်းစာ​ ကောင်း​ကာင်း ပေးချင်သည်။ ​သည်​စာကို ခင်​​လေးကို ပြလိုက်​လျှင်​ ဘယ်​လို​နေမလဲ။ ​ထောင်​လွှားသမျှ မာနတရား​တွေ ဦးကျိုးသွား​လေမည်​လား။
* * *
"လာ နွဲ့မူ၊ မမလွင်​ ​စောင့်​​နေတာ၊ မြန်​မြန်​လာ၊ ​နောက်​ကျ​နေမယ်​"
မမလွင်​ အဆွယ်​​ကောင်းသဖြင့်​ နွဲ့မူသည်​ ဘုရားတရားကို ဝတ်​မပျက်​ ကြည်​ညိုတတ်​လာသည်​။ မမလွင်​က "တို့များ အ​ဆောင်​မှာ အတူ​နေကြတာ ခရစ်​ယာန်​​တွေက တနင်္ဂ​နွေ​နေ့တိုင်း ချာ့ခ်ျ​ မှန်​မှန်​သွားတယ်​။ မွတ်​ဆလင်​​တွေလည်း ဝါတွင်း ဥပုသ်​​စောင့်​ကြတယ်​။ တို့ဗုဒ္ဓဘာသာ မိန်းက​လေး​တွေက​တော့ ဘာမှမလုပ်​ဘူး။ ရှက်​စရာ​ ကောင်းတယ်​။ ဘုရားဝတ်​တက်​ မပျက်​​စေနဲ့" ဟု သတိ​ပေးသည်​။ စ​နေ​နေ့တိုင်း အ​ဆောင်​မှာ ဓမ္မစကြာ ရွတ်​ရသည်​။ မမလွင်​က​တော့ ဥပုသ်​နေ့တိုင်း တက္ကသိုလ်​ ဓမ္မာရုံသို့ သွားသည်​။ နွဲ့မူက မမလွင်​ အ​ဖော်​ရ​အောင်​ လိုက်​ပါ သွားရသည်​။ နံနက်​​စော​စောမို့ နှင်းေ​တွက တဖွဲဖွဲကျဆဲ။ အဓိပတိလမ်းသည်​ တိတ်​ဆိတ်​ငြိမ်​သက်​​ နေသည်​။ ကံ့​ကော်​ရိပ်​သည်​​ အေးချမ်းသာယာလှသည်​။
ကျောင်းသူအချို့ ဓမ္မာရုံ​သို့ ​ရှေးရှု လာ​နေကြသည်​။ သည်​လို​တော့လည်း ကြည်​နူးချမ်း​မြေ့ခြင်း တစ်​မျိုးကို ခံစားရသည်​။ ဓမ္မာရုံကို ဝင်​မိ​တော့ ရင်​မှာ ပိုပြီး​ အေးချမ်းသွားသည်​။ ကျောင်းရိပ်​ကန်​ရိပ်​သည်​ လူ့​လောက၏ ​သောက​၊ မောဟ၊ အပူမီးကို တဒင်္ဂ ငြိမ်း​အေး​စေသည်​မှာ အမှန်​။ ဘုရား ဝတ်​တက်​သံ၊ ဓမ္မာစကြာ ရွတ်​သံသည်​ အာရုံဦးမှာ လွင့်​ပျံ​နေသည်​။ ​နေ​ရောင်​ခြည်​ပျို့စမှာ နွဲ့မူတို့ လမ်း​လျှောက်​ ပြန်​ခဲ့ကြသည်​။
"နွဲ့မူ ..."
နှင်းရည်​စွတ်​​သော သစ်​ရွက်​​ခြောက်​​တွေ​ပေါ် ဖွနင်းရင်း မမလွင်​က တိုးတိုး​ခေါ်သည်​။
"ဘာလဲ မမလွင်​၊ ဘာ​ပြောမလို့လဲ .."
"မ​နေ့က နွဲ့မူအိမ်​က ​ရေးလိုက်​တဲ့စာကို ခင်​​လေးကို မပြလိုက်​ပါနဲ့ကွယ်​ ..."
နွဲ့မူ ငိုင်​သွားသည်​။ မ​နေ့က စာဖတ်​ပြီးပြီးချင်း ထိုစာကို မမလွင်​ကို ပြခဲ့သည်​။ သည်​မနက်​ တခြား သူငယ်​ချင်း​တွေကိုလည်း ပြမည်​။ ပြီး ... အလွန်​ အ​ပြောကြီးပြီး သူတပါးကိုလည်း နှိမ်​​ချတတ်​​သော ခင်​​လေးကို ပြလျှင်​ ဘယ်​လို​နေမလဲ ​​စောင့်​ကြည့်​ချင်​သည်​။
"မပြနဲ့​နော်​၊ မမလွင်​တို့ ဗုဒ္ဓဘာသာတရားဟာ အင်​မတန်​ သိမ်​​မွေ့နူးညံ့ပါတယ်​​၊ ပျော့ညံ့တာ မဟုတ်​ဘူး​နော်​၊ နူးညံ့ခြင်းနဲ့ အခက်​ခဲဆုံး​သော ခိုင်​မာမှုကို ရယူနိုင်​စွမ်း ရှိတာ ...။ နွဲ့မူ စဉ်းစားကြည့်​၊ ခင်​​လေးဟာ မရင့်​ကျက်​​သေးဘူး ...။ သူ့မိသားစုရဲ့ ယိုင်​နဲ့​နေတဲ့ အ​​ခြေအ​နေကို ဖုံးကွယ်​ရင်း ဟန်​​ဆောင်​​နေတာ၊ သူ့ကိုပြိုင်​ပြီး အနိုင်​ယူဖို့ ဆိုတာ မခဲယဉ်းပါဘူး ..."
နွဲ့မူ စဉ်းစား​နေသည်​။ မမလွင်သ​ည်​ သည်​စကားကို​ပြောချင်​လို့ သည်​အချိန်​ထိ ​စောင့်​ခဲ့​လေသလား၊ တရားဓမ္မ၏ အရိပ်​မှာ ​အေးမြခိုက်​ အချိန်​ကို တမင်​​ ရွေးခဲ့လေသလား။
"သူ့ကို ပြန်​ပြီး လက်​စား​ချေဖို့၊ သူ နာသာခံခက်​​အောင်​ လုပ်​ဖို့ဆိုတာ နွဲ့မူအတွက် ​လွယ်​ပါတယ်​။ ခွင့်​လွှတ်​ဖို့သာ ခက်​တယ်​ မဟုတ်​လား။ ခက်​ခဲတာကို လုပ်​နိုင်​တာ သတ္တိပါ။ ပြီး​တော့ အကျိုးမရှိတာကို မလုပ်​တာဟာလည်း မွန်​မြတ်​ပါတယ်​။ ခုတ​လော ခင်​​လေး ငြိမ်​​နေတာ သတိထားမိလား ..."
မမလွင်​​ပြောမှ နွဲ့မူ စဉ်းစားမိသည်​။ ယခုတ​လော ခင်​​လေး သိပ်​စကားမ​ပြောပေ။ စာပဲ ကြိုးစား ကြည့်​​နေသည်​။ နွဲ့မူတို့က စိတ်​ချဉ်​​ပေါက်​၍ မ​ပြောဘဲ​ နေခြင်း​ကြောင့်​ သူမ​ပြောခြင်းဟု မှတ်​ထင်​ခဲ့သည်​။
"ဟုတ်​တယ်​ ...။ သူ စိတ်​ညစ်​​နေတယ်​။ အိမ်​က​ ငွေမလာလို့ ​ကျောင်းလခလည်း မသွင်းရ​သေးဘူး ...။ ဒီစာကို မြင်​ရရင်​ သူ ပိုစိတ်​ဆင်းရဲမှာပဲ ...။ စာ​မေးပွဲ မ​ဖြေနိုင်​ဘဲ​ နေမယ်​။ သူတပါး အကျိုးယုတ်​မယ့်​ အလုပ်​ကို ဘာလို့လုပ်​မလဲညီမရယ်​ ..."
နွဲ့မူ​ ခေါင်းတဆတ်​ဆတ်​ ညိတ်​လိုက်​သည်​။
"နွဲ့မူ သ​ဘော​ပေါက်​ပါတယ်​။ နွဲ့မူ သူ့ကိုလဲ မပြဘူး။ ဘယ်​သူ့ကိုမှလဲ မပြ​တော့ပါဘူး"
"ဝမ်းသာလိုက်​တာ နွဲ့မူရယ်​ ...၊ ခင်​​လေးလဲ အရင်​က​လောက်​ မဆိုး​တော့ပါဘူး။ မမလွင်​ကို အ​ခြေ​နေမှန်​​တွေ​ ပြောပြတယ်​​လေ၊ မမလွင်​ကလည်း တဖြည်းဖြည်း တဖြည်းဖြည်း လူ​တွေအ​ပေါ် သူ ပြုမူဆက်​ဆံပုံ​ ပြောင်းလဲလာ​အောင်​ မသိမသာ လမ်း​ကြောင်း​ ပေး​နေတာပါ။ တို့တ​တွေ​ ကျောင်းမှာ ဆုံရတာ တဒင်္ဂပါကွယ်​၊ လူ့ဘဝသက်​တမ်းနဲ့ စာရင်​ ခဏ​လေးပါ ..."
"ဟုတ်​ကဲ့၊ နွဲ့မူ နားလည်​ပါပြီ"
နွဲ့မူ၏ စိတ်​ထဲမှာလည်း​ ပေါ့ပါးရှင်းလင်း သွားသည်​။ ညက​တော့ သည်​စာကို ပြလိုက်​လျှင်​ ခင်လေးမျက်​နှာ ဘယ်​လို​ ပြောင်းလဲသွားမလဲ ဆိုတာ သိချင်​စိတ်​​တွေ လျှံတက်​​နေခဲ့သည်​။ တကယ်​​တော့ ထိုစိတ်​သည်​ မလိုလားအပ်​​သော စိတ်​ပါတကား။ အလွန်​ယုတ်​ညံ့လှပါကလား။
* * *
ဆယ့်​ငါးနှစ်​မျှ ကြာခဲ့ပြီ။ နွဲ့မူ သားကြီးကို​ ကျောင်းအပ်​ဖို့ ကိစ္စနှင့်​ ဆရာမကို ဝင်​​တွေ့တော့ ခင်​​လေး ဖစ်​​နေသည်​ကို အံ့ဩစွာ​ တွေ့ရသည်​။ နွဲ့မူကို လှိုက်​လှဲပျူငှါစွာ ဆီးကြိုပြီး လိုအပ်​တာ မှန်​သမျှ စိတ်​ပါလက်​ပါ လုပ်​​ပေးသည်​။ ​အ​ပြောကလည်း ချိုပါဘိ။
"အခုမှပဲ ရင်​ထဲ​ ပေါ့သွားတယ်​ သူငယ်​ချင်းရယ်​။ ကိုယ်​ဖြင့်​ အဆင်​မှ​ ပြေပါ့မလားလို့၊ သူငယ်​ချင်းကို ကျေးဇူးတင်​လိုက်​တာ ..."
"မလိုပါဘူး သူငယ်​ချင်းရယ်​၊ ကိုယ်​လည်း မင်းကို​ တွေ့ချင်​​နေတာ၊ ဘယ်​မှာ​နေမှန်း မသိလို့၊ အခုလို ကူညီခွင့်​ရတာ သိပ်​ဝမ်းသာတာပဲ။ ဒီထက်​မက ကိုယ်​ လုပ်​​ပေးချင်​ပါတယ်​။ မင်း​ကျေးဇူး​တွေ ကိုယ့်​မှာ ရှိပါတယ်​"
ရုတ်​တရက်​​တော့ နွဲ့မူ ငိုင်​သွားသည်​။ ခင်​​လေး မျက်​နှာကို ကြည့်​လိုက်​​တော့ မျက်​လုံးများက တစ်​စုံတစ်​ခုကို ရည်​ညွှန်း​နေ သ​ယောင်​ပင်​။ ခင်​​လေးက သူ့အိမ်​​ထောင်​အ​ကြောင်း အကျဉ်းရုံး၍​ ပြောပြသည်​။ ခင်​​လေးမှာ အလုပ်​တာဝန်​​တွေ ဝိုင်းဝိုင်းလည်​ခိုက်​မို့ စကားကြာကြာ မ​ပြောဘဲ ပြန်​ခဲ့ရသည်​။ နွဲ့မူမှာလည်း အလွန်​ခက်​ခဲမည်​ ထင်​​သော အလုပ်​တစ်​ခု​ အောင်​မြင်​ခဲ့၍ စိတ်​လက်​​ ပေါ့ပါးသွားသည်​။ ပြီး​တော့ တည်​ငြိမ်​ရင့်​ကျက်​​သော ခင်​​လေးကို မြင်​​ယောင်​သည်​။ သူ​ပြော​သော စကားကိုလည်း ကြား​ယောင်​သည်​။
"မင်း ကိုယ့်​အ​ပေါ် ညှာခဲ့တာ​တွေ ကိုယ်​ သိပါတယ်​" တဲ့။
နွဲ့မူ၏ စိတ်​ကို တဒင်္ဂမျှ ထိန်းချုပ်​ထားရှိခဲ့ရ​သော ​စေတနာသည်​ လူတစ်​​ယောက်​အ​ပေါ် သည်​မျှ အကျိုးသက်​​ရောက်​​ စေခဲ့ပါကလားဟု ယခုမှပင်​ သိရ​လေ​တော့သည်​။
---------------------
မိုးမိုး (အင်းလျား)