ဇော်​နီကွမ်း​သွေး

(၁)
သည်​ရက်​ထဲ မိုး​တွေ တစ်​မပြီးတစ်​မ ရွာလွန်းလို့ ထင်​ပါရဲ့။ ရွာအ​နောက်​၊ ရွာ​မြောက်​ စပါးခင်း​တွေမှာ ​ရေ​တွေ​ဖွေးလို့။ ပျိုးခင်း​တွေမှာ​တော့ ​ကောက်​ပင်​ စိမ်းစိမ်း​လေး​တွေ တစ်မိုက်​သာသာ တစ်​​တောင်​​လျော့​လျော့ နု​ရေဖတ်​​ရေ စိမ်းလန်းလိုက်​ပုံက တစ်​ပြင်​တစ်​ခွင်​ကြီး။
တချို့စိုက်​ကွက်​ လယ်​ကွက်​​တွေမှာ​တော့ ပျိုးစည်း​တွေ ချထားကြပြီ။ တချို့ လယ်​​တွေမှာ​တော့ ပျိုးစည်း​တွေ မ​ရောက်​​သေးဘူး။ `သာကွန်း´ က ကွမ်းရည်​​တွေ ဖွမ်းခနဲ ​ထွေးလိုက်​ပြီး ခါးဆန့်​တယ်​။ တစ်​မနက်​လုံး လိုလို နုတ်​လိုက်​ရတဲ့ ပျိုး။
ပါးစပ်​ထဲက လက်​ကျန်​ ကွမ်းဖတ်ကို ကြိတ်​ဝါးရင်း ခါးက​လေး ဆန့်​မိတုန်း ​ဘေးဘီကို လှမ်းကြည့်​လိုက်​တယ်​။ လယ်​ပြင်​ကြီးထဲမှာ ​ယောက်ျားမိန်းမ မနည်း​ပေါင်​။ လူ​တွေကို ပျိုးကြဲသလို ကြဲထားပုံမျိုး။ ဒီလူ​တွေထဲမှာ `ခင်​ရိပ်​´ ပါမှန်းသိ​တော့ သာကွန်း မ​မောနိုင်​ဘူး။
"​ဟောဒီရွာ တစ်​ရွာလုံး ဒီသူငယ်​မ အလှဆုံး ဖြစ်​​ပေမယ်​ ...
လှပါတယ်​ဆို​နေမှ ရှက်​ပြုံး​လေးနဲ့ ကြည့်​လို့​နေပြန်​တယ်​ ...
ယုံပါကွယ်​ ... ​မြှောက်​ကာပင့်​ကာ မ​ပြောတတ်တယ်​ ...
လျှို​မြောင်​စိမ့်​စမ်းနဲ့ ​အေးချမ်းတဲ့ ​ဟောဒီ ရွာမှာကွယ်​ ...
ယဉ်​​နေလိုက်​တာ လှပုံများ ... ရေ​မြေ​လိုက်​ကာ ​ချော​နေတာလားကွယ်​ ..."
သာကွန်းက ​ရေဒိယို သီချင်း တစ်​ပုဒ်​ကို ခပ်​ကျယ်​ကျယ်​ ဟစ်​တယ်​။ ​တော်​ရုံတန်​ရုံ ​အော်​ဆိုရုံနဲ့ ကြားနိုင်​မှန်း သိသားပဲ။ ပို​သေချာ​အောင်​ ဟစ်​ဆို လိုက်​တာပါ။
ခင်​ရိပ်​ ကြားဖို့ လိုတာ​လေ။ ခင်​ရိပ်​ကလည်း သာကွန်း သီချင်းက သူ့ကို ​စောင်းမှန်းသိတယ်​။ သိလို့လည်း မကြည့်​မိ​အောင်​​ နေတဲ့ကြားက မြရီက ခါးလှမ်းတို့တယ်​။ မြရီ မျက်​နှာက ချဉ်​ဖြုံးဖြုံးနဲ့။ လူမှ ​မောရတဲ့ကြားထဲ​တော်​ ... ဆိုတဲ့ မျက်​နှာနဲ့ မြရီကို မျက်​​စောင်း ထိုးလိုက်​တယ်​။
"ဘာတုန်း ... ဘာတုန်း ... ညည်း​ ​မျှော့များ တွယ်​​ရော့လား"
အမှန်​​တော့ ခင်​ရိပ်​တို့ ရွာလယ်​​တွေမှာ ​မျှော့ မ​ပေါပါဘူး။ ကျွဲ​မျှော့ ဆိုတာကြီး​တွေ​တော့ ရှိတယ်​။ ဟိုး​အောက်​လယ်​​တွေ ဘက်​မှာ​တော့ ​မျှော့​ပေါတယ်​ ကြားဖူးပါရဲ့။
မြရီ မျက်​နှာ မချိုမချဉ်​ကို မကြိုက်​လို့ အ​ငေါ့တူး လိုက်​တာပါ။ မြရီက သာကွန်းဘက်​ လှမ်းကြည့်​ပြီးမှ ပြန်ပြောတယ်​။
"​မျှော့ထက်​ ဆိုးသာ​ပေါ့​အေ ... သာကွန်းက တွယ်​မိရင်​ ​ဆေးရွက်​ကြီး ​ရေ​ဖျော်​ တို့လို့​တောင်​ ကွာကျမယ့်​ဟာ မဟုတ်​ဘူး၊ တစ်​မနက်​လုံး ပျိုးနုတ်​ ပျိုးစည်း ပျိုး​တွေ ထမ်းပိုလျှို ထမ်းရသာ မ​မောသဲ့ အတိုင်းပဲ၊ သီချင်း​တောင်​ ဟစ်​လိုက်​​သေး"
"သာကွန်းကို ညည်း သနား​နေရင်​လည်း ယူလိုက်​ပါလား ဟဲ့ ... ဘာလို့ ငါ့ လာ​ပြော​နေတုန်း"
"ငါ့ မကြိုက်​လို့​ပေါ့​အေ ... နို့မို့လား သာကွန်း ရင်​အုပ်​ကြီး​တောင်​ ထုလိုက်​ချင်​​သေး"
"သွားထု​ချေပါလား၊ ဟိုမယ်​ တို့ဘက်​ကို ကြည့်​​နေသာ ...သာကွန်းများ​တော့ မျက်​နှာပိုး မ​သေသာကို မကြိုက်​သာ​တော်​ ...ဘယ်​လို ​ရေစက်​မှန်း မသိဘူး"
မြရီက​တော့ မချိုမချဉ်​ပါပဲ။ ခင်​ရိပ်​က​ ပါးစပ်​က တတွတ်​တွတ်​ ​ပြောဆို​နေတုန်း။ အသံတိတ်​သွားလို့ မသိမသာ လှမ်းကြည့်​​တော့ ပျိုးစည်းကြီး ထမ်းပိုးလျှို ထမ်းသွားလို့ လယ်​နှစ်​ကွက်​​ ကျော်​​ကျော်​​တောင်​ ​ရောက်​​နေပါပြီ။ သာကွန်းက ခင်​ရိပ်​ကို သရိုးသရီ လုပ်​တယ်​ ဆိုတာကလည်း အဲသ​လောက်​ပါ။ တစ်​ရွာတည်းသူ တစ်​ရွာတည်း​သားချင်း သည်​ထက်​လည်း ပိုမကွန့်​ဝံ့ဘူး။
သာကွန်းနဲ့ ခင်​ရိပ်​က ကုန်းရိုး​မွေး၊ ကုန်းရိုးကြီး​တွေ။ အသက်​ချင်းကလည်း မတိမ်းမယိမ်းရယ်​။ ရွာ​ကျောင်းမှာ တုန်းက ​ကျောင်းတက်​ဖက်​​တွေ။
ကုန်းရိုးရွာမှာ ရွာ​ဘေးက ကပ်​စီး​နေတဲ့ ဆည်​​တော်​​ချောင်းကြီး ရှိတယ်​။ သည်​​ချောင်းမကြီးနဲ့ ကုန်းရိုးရွာကြားမှာ ​ရေကန်​ကြီး တစ်​ကန်​လည်း ရှိတယ်​။
လူသုံးတဲ့ ​ရေကန်​တာ့ မဟုတ်​ပါဘူး။ ​ချောင်း​ရေလျှံတဲ့ အခါမှာ ကုန်းကျင်း ကုန်းချိုင့်​ထဲ ​ရေဝင်​ရာက ကန်​ ဖြစ်​​နေတာပါ။ နွား​ရေ​သောက်​ကန်​၊ ကျွဲ​ရေ​စိမ်​ကန်​ပါ။
ကြာ​တွေက​တော့ အပြည့်​ရှိတယ်​။ သာကွန်းက ​ကျောင်းကတည်းက ကြာပန်း​တွေ ဆင်းဆင်းခူးပြီး ခင်​ရိပ်ကို ​ပေး​နေကျ။ က​လေး​တွေ ဆို​တော့ ခူးလာတဲ့ကြာပန်း ကြုံရာ မိန်းက​လေး ​ပေးကြတာ သဘာဝ​ပေမယ့့် သာကွန်းက တခြားလူ မ​ပေဘူး။ ခင်​ရိပ်​ကိုပဲ ​ပေးတယ်​။
ခင်​ရိပ်​ကလည်း ကြာပန်းများ​တော့ ကြိုက်​သကိုး။ ကန်​ထဲ ကိုယ်​တိုင်​ဆင်း ခူးဝံ့တာ မဟုတ်​​တော့ သာကွန်း​ပေးတာ ဝမ်းသာအားရ ယူတာပါပဲ။
"သာကွန်း ... ကန်​ကြီးထဲမှာ ကြာ​တွေ ပွင့်​​နေပြီဟ ... နင်​မခူးဘူးလား"
"ငါ့ဟာ ငါ​တော့ ဘာခူးစရာ လိုတုန်း ၊ နင်​လိုချင်​ရင်​ ခူးဖို့ ရှိသာပဲ"
"လိုချင်​သယ်​"
တစ်​ခါ​တော့ သာကွန်း ကြာကန်​ထဲမှာ ကြာခူးရင်း ​ရေနစ်​ဖူးတယ်​။ ကံသီလို့ မ​သေခဲ့တာပါ။ လယ်​ထွန်​ ပြန်​လာတဲ့ ရွာသား တစ်​​ယောက်​က ကယ်​လိုက်​လို့သာ​ပေါ့။ ဒါ​ပေမယ့်​ သာကွန်း မမှတ်​ဘူး။ ခူးတာပါပဲ။
သည်​လို ကြီးပြင်းလာကြတဲ့ ငယ်​သူငယ်​ချင်း​တွေ​ ပေမယ့်​ ​လေးတန်းနှစ်​​ ရောက်​​တော့ ခင်​ရိပ်​မိဘ​တွေက ​ကျောင်းနုတ်​ လိုက်​ကြတယ်​။ ဒါကလည်း ရွာထုံးစံလို ဖြစ်​​နေတာ မဟုတ်​လား။ သမီးမိန်းက​လေး ​သေစာ ရှင်​စာ တတ်ပြီ ဆိုတာနဲ့ ​ကျောင်းက နုတ်​ကြတာ များတယ်​။ ​လေး​တန်း​အောင်​လို့ ​ကျောင်းဆက်​ တက်​ရ​အောင်​ကလည်း ဆည်​​တော်​​ချောင်း တာရိုး​ပေါင်​ကြီး အတိုင်း အလယ်​တန်း​ကျောင်း ရှိတဲ့ ရွာကို​ရောက်​​အောင်​ ​တော်​​တော်​ သွားရတာ​ ဆို​တော့ ​တော်​ရုံ မိန်းက​လေးက ​လေးတန်းမှာ အနားလုံး ကြတာပဲ။
လေးတန်းကထွက်​၊ မ​အေ့ မီးဖိုး​ချောင်​ဝင်​၊ လယ်​ထဲ ထမင်းပို့​ပေါ့။ ​ကောက်​စိုက်​ လိုက်​နိုင်​တဲ့ အရွယ်​​ ရောက်​​တော့​ ကောက်​စိုက်​။ လယ်​သမား သားသမီး ဆို​တော့ ​ရေခပ်​​ ​မောင်းထောင်း၊ စပါးရိတ်​၊ နှမ်းရိတ်​ကလည်း မလွတ်​ဘူး။
သည်​လိုနဲ့ လုပ်​ရင်းကိုင်​ရင်း သွားရင်းလာရင်း ထန်းပင်​များလို ​ကျေးမြီးလက်​​မျှော်​ ဆင်​​ခြေ​ပေါ် အရွယ်​က ရည်​ရ ပင်​ထွက်​ ဖြစ်​လာတာပါပဲ။ ရွာမိန်းက​လေး တစ်​​ယောက်​ ရွာထဲ ရပ်​ထဲ သည်​လိုပဲ လူမသိ သူမသိ ကြီးပြင်းကြရတာ သူသူကိုယ်​ကိုယ်​ ဘာမှဆန်းလှတာ မဟုတ်​ပါဘူး။ ဒါ​ပေမယ့်​ သာကွန်း အဖို့ရာ​တော့ ဆန်းတယ်​။ သာကွန်းမှာ ခင်​ရိပ်​ကို မမြင်​ရတဲ့​နေ့ မရှိဘူးလို့​တောင်​ ​ပြောမယ်​ဆိုရင်​ ​ပြောနိုင်​ပါရဲ့။
ပြောရရင်​ ခင်​ရိပ်​မိဘများက သာကွန်းမိဘများထက်​​ ​သောင်​သာကြတယ်​။ ခင်​ရိပ်​မိဘများ အလုပ်​ မလုပ်​နိုင်​ရင်​ သာကွန်းကို အလုပ်​ကူ ​ခေါ်ကြတာလည်း ရှိတယ်​။ သူရင်းငှါး ရယ်​လို့​တော့ မဟုတ်​ပါဘူး။ အလုပ်ကူ ဆိုတာက နိုင်​သ​လောက်​ ဝင်​ရုန်း​ပေးတာ​ လောက်​ပါ။
ကောက်​ရိုးစဉ်းရင်း မြက်​စဉ်းရင်း လာခဲ့ပါဦး ဆိုရင်​ ထ, သွားလိုက်​တာပါပဲ။ တစ်​ခါတစ်​ခါ ခင်​ရိပ်​က လာ​ခေါ်တာ ဆို​တော့ သာကွန်းက သွားဖြီးကြီးနဲ့ "အေး ... ​အေး လာခဲ့မယ်​ ခင်​ရိပ်​​ရေ'' လို့ အာမဘ​န္တေ ခံလိုက်​တာချည်းပဲ။
ရောက်​လည်း​ ​ရောက်​တယ်​။ လုပ်​လည်း ​ပေးတယ်​။ တစ်​ခါတ​လေ ခင်​ရိပ်​တို့အိမ်​မှာ ထမင်းစားတာ​တောင်​ ရှိ​သေး​တော့ ခင်​ရိပ်​ကပဲ ခူးခပ်​​ ကျွေးရတာ များတယ်​။
သာကွန်းက လူရိပ်​က​လေး မမြင်​ရင်​ စကားထည့်​​တော့တာပါ။
"သည်​ ဟင်းချက်​မျိုး တစ်​သက်​လုံး စားရလို့က​တော့ အသက်​က​လေးရယ်​ ရှည်​​စေလို မန်း​တောင်​ရိပ်​ ခိုစရာ​တောင်​ လိုအံ့ ထင်​​ပေါင်​​ဗျာ ... ရှည်​လိုက်​မဲ့အသက်​ ... ခံတွင်းများ မတင်းတိမ်​နိုင်​ဘူး"
"အဲ့ဒါဆို ​ဒွေး​လေးစိန်​တို့ အိမ်​သာ လိုက်​​နေ​တော့ ဟင်း​တွေက ​ဒွေး​လေးစိန်​ လာချက်​​ပေးသွားသာ"
"နင်​ ချက်​တာ မဟုတ်​ဘူး​ပေါ့"
"ဟုတ်​​ပေါင်​"
"ငါ ထင်​​တော့ ထင်​သား၊ ဟင်း​တွေက မနူးမနပ်​နဲ့ တစ်ပွက်​ဆူ ထင်​ပါရဲ့လို့"
သည်​လို ဆို​တော့လည်း ခင်​ရိပ်​က ရယ်​​နေတတ်​တယ်​။ ​ဒွေးလေးစိန်​ ဆိုတာက ခင်​ရိပ်​တို့နဲ့ ​ဆွေရိပ်​မျိုးရိပ်​ မကင်းဘူး။ ခင်​ရိပ်​တို့ အိမ်​မှာပဲ လုပ်​လုပ်​စားစား လုပ်​ကိုင်​​ပေးတတ်​တယ်​။ တစ်​ခါတ​လေ သာကွန်းကို လာ​ခေါ်ရင်​ သာကွန်းက ခင်​ရိပ်​​ရေ ... ကန်​ထဲမှာ ကြာ​တွေ ပွင့်​​နေလိုက်​တာ မြင်​မ​ကောင်းဘူးလို့ စကား​ခေါ်တတ်တယ်​။ နင်​လိုချင်​သလား​ပေါ့။
"လိုချင်​​ပေါင်​ ... ငါ က​လေး မဟုတ်​​တော့ဘူး"
"က​လေး မဟုတ်​​တော့လို့ ခူး​ပေးချင်​​တာ​ပေါ့ဟ၊ ခက်​ပါ့ဟာ"
သာကွန်းက​တော့ သည်​ထက်​လည်း မပိုဝံ့ဘူး။ ​တောသူ​တောင်​သား ဆို​တော့ တစ်​ဖက်​မိန်းက​လေး ထိခိုက်​မယ့်​စကား ​ရှောင်​တာလည်း ပါသလို ခင်​ရိပ်​ကို လန့်​တာလည်း ပါတယ်​။ ​ကျောင်းတုန်းက​တော့ ထိပ်​ပုတ်​၊​ ခေါင်းပုတ်​၊ ဖန်​ခုန်​၊ တွတ်​ထိုး၊ ရှပ်​ထိုး၊ ဇယ်​ခုပ်​ က​လေး သဘာဝ ကစားခဲ့ကြတာပါ။
ခင်​ရိပ်​က သီးသီး စားချင်​လှဆို သီးသီး ၊ ခင်​ရိပ်​က ရီးလှဲ့တို့ စည်းရိုးက ခတ္တာပန်း လိုချင်​တယ်​ဆို ခတ္တာပန်းကိုး။ သာကွန်းက ခင်​ရိပ်​ အ​ပေါ်မှာ ငယ်​ငယ်​ကတည်းက ​ကောင်းရှာတာလည်း မှန်​ပါရဲ့။ အနွံတာခံ အစီးပိုးခံခဲ့တာလည်း မှန်​ပါရဲ့။
ဒါ​ပေမယ့်​ ခင်​ရိပ်​က သည်​​ညောင်​ကိုင်း ချိုးလို့ ​ရွှေအိုးရမယ်​ ဆိုဦး​တော့ သာကွန်းကို မျက်​နှာသာ မ​ပေးခဲ့ဖူးဘူး။ ချည်​လို့လည်း မမြဲ၊ ဆွဲလို့လည်း မပါ စဉ်းစားလို့ကို မရခဲ့တာ မဟုတ်​လား။
(၂)
"မိုး​ဖြောက်​​ဖြောက်​ ကယ်နှင့်​​လေ၊ ရွာ​မြောက်​က လယ်​မှာ၊
ထမင်းရယ်​ ဆာ၊ ​ပေါ်လာပါပဲ လာပါပဲ။
လာပြန်​​သောခါ၊ ဟင်း​ဗလာ ၊ ကျီးအာရွက်​ပြုတ်​၊ ငါးပိ မီးမှာဖုတ်​၊
ငရုတ်​မပါ၊ မစပ်​တာ၊ ဘာမှ မသိသ​လေ၊
လယ်​သူကြီး ​မောင်​တို့​ရေ ..."
ကန်​​သင်း​ဘေး ထမင်းစားရတဲ့ အရသာက အိမ်​မှာ စားရတာနှင့်​ မတူ။ ​မောကလည်းမော ဆာကလည်းဆာ ဆို​တော့ အင်​မတန်​ ခံတွင်း မြိန်​ရတာမျိုးပါ။ မိုးက​လေး ​ဖြောက်​​ဖြောက်​မှာ ထမင်း​တောင်း ဟင်း​တောင်းထဲက ခူးစထမင်းက အ​ငွေ့​တွေ ​ထောင်း​ထောင်း ဆို​တော့ ဝမ်းကိုလှိုက်​ပြီး ဟာလာ​အောင်​ ဆာလာတတ်တယ်​။
လယ်​ရှင်​က တည်​ဟင်းတစ်​ခွက်​ အိုးကြီးနဲ့ ရွက်​လာ ပို့ထားတာ​တော့ ရှိပါရဲ့။ အငန်​ဖက်​ အစပ်​ဖက်​က​လေး​တော့ အိမ်​က ထုပ်​ခဲ့ကြတာ များပါတယ်​။
သံ​ကြွေရည်​သုတ်​ ပန်းကန်​ ပါ​ပေမယ့်​ သည်​ပန်းကန်​နဲ့ စားကြတာ မဟုတ်​ဘူး။ အဲ့ဒါက ခပ်​ပန်းကန်​ပါ။ ထမင်း​တောင်းထဲကို သံ​ကြွေရည်​သုတ်​ ပန်းကန်​နဲ့ ​ဇောင်းထိုး နှစ်​လိုက်​ပြီး ပါလာသ​မျှ ထမင်း လက်​ထိုး ခံကြတဲ့ ​ဇောက်​ဇလုံကြီး​တွေထဲ ထည့်​​ပေးလိုက်​တာပဲ။ ​
တော်​ရုံမြို့သား ဘယ်​ကုန်​မှာတုန်း။ ​တောသူ​တောင်​သားများ​တော့ ထမင်းစား မ​ကောင်းဘူး ဆိုတာ​တောင်​ တစ်​စလယ်​ချက်​​တော့ နံမကပ်​ဘူး။
"ခင်​ရိပ်​ ... ညည်းတို့အိမ်​က ငါးဇင်​ရိုင်းချက်​က​လေး ​ကောင်းလိုက်​သာအေ ... မွှေးချက်​​တော့ ... ငါတို့ဟင်းလည်း စားပါအေ ... ရော့, ပဲငါးပိချက်​"
ကန်​သင်း​ဘေးမှာ ထမင်းစား​နေကြတဲ့ ​ကောက်​စိုက်​သမ​တွေ ကချည်း နှစ်​ဆယ်​ အစိတ်​​လောက် ရှိမယ်​။ ​လေး, ငါး​ယောက်​ တစ်​အုပ်​ ​ခေါင်းမ​ဖော်​တမ်း စား​နေကြတာများ ငှက်​ ထမင်းလုံး ​ကောက်​စရာ မကျန်​ဘူး။ ဟင်း​တွေက​တော့ စုံပါ့။ ​တောထမင်း ​တောဟင်းမှ ​တောသူ​ဘတောင်​သား​တွေ တင်းတိမ်​ကြတာ မဟုတ်​လား။
"သုတ်​သုတ်​ စားကြဟဲ့ ... ငါဖြင့်​ ​ဟောဒီ တိမ်​ခဲကြီး ရွာလိမ့်​မယ်​ ထင်​သာပဲ ... သည်​နှစ်​ မိုး​ကောင်းချက်​​အေ ... ငါ့တစ်​သက်​ ကြုံဖူးဘူး"
မ​သေးသွယ်​က ​ကောင်းကင်​ကို ​မော့ကြည့်​ရင်း ​လော​ဆော်​လိုက်​​တော့ အားလုံးက လိုက်​ကြည့်​ကြတယ်​။ ဟုတ်​ပါရဲ့။ တိမ်​ပုပ်တွေ မည်းလို့။ သည်​နှစ်​ မိုး​ကောင်း​တော့ ရွာက ဝမ်းသာကြတယ်​။ အညာရွာ ဆည်​​တော်​​ချောင်း​ ရေ​သောက်​လယ်​ ဆို​ပေသိ မိုး​တော့ ​မျှော်​ကြရတာပဲ။ လယ်​​ရေ​ရော မိုး​ရေ​ရော ရလိုက်​​တော့ သကာ​ပေါ် သကြားဖြူး​ပေါ့​လေ။
"ညည်းတို့ အပျို​တွေ သည်​နှစ်​ လယ်​​ရေ​ကောင်းရင်​ လင်​ယူကြ ... တစ်​နှစ်​ဆို​ တစ်​နှစ်​​အေ့ ... နောက်​မကျ​စေကြနဲ့"
က​လေးမ​အေ မ​အေးလှက အပျို​တွေ ထမင်းစားတဲ့ဘက်​ လှည့်​​အော်​​တော့ အပျို​တွေ ပွဲကျ သွားကြတယ်​။ မြရီက ပြုံးတယ်​။ ခင်​ရိပ်​က ထမင်းစားရင်း တန်းလန်းဆို​တော့ စကားထဲ စိတ်​မ​ရောက်​နိုင်​​သေးဘူး။
"မ​အေးလှရယ်​ ... လင်​ယူ လင်​ယူ နဲ့ လွယ်​မှတ်​လို့ ... ​နော့​အေ ခင်​ရိပ်​"
"ငါ ဘယ်​သိပါ့မလဲ ... ငါမှ လင်​ မယူဖူးသာ"
"သ​ဘော​ ပြောသာပါ​အေ ... ညည်းနှယ်​ လင်​ယူသယ်​ ဆိုသာ သမုန်းဥ ​ကြေးဥများလို တူးလို့ရသာမှ မဟုတ်​သာ ... ကိုယ့်​ကြိုက်​သူ ရှိလို့က​တော့ အ​ကြောင်းလား"
မြရီက သာကွန်းနဲ့ စချင်​လို့ စကားဖန်​​ နေတာပါ။ ဒါကို တခြား လယ်​သူမ​တွေကလည်း သိကြတယ်​။ သာကွန်း​နဲ့ စရင်​ ခင်ရိပ်​ မကြိုက်​မှန်း သိ​တော့ စကားအဝင်​ ​စောင့်​​နေကြတာ။ တစ်​ကွင်းလုံး ထမင်းစား​နေကြ​ပေမယ့်​ သာကွန်းက မစားနိုင်​​သေးဘူး။ ပျိုးစည်း​တွေနဲ့ အလုပ်​ရှုပ်​​နေတုန်း။ တစ်​ခါတစ်​ခါ ဆိုလိုက်​တဲ့ သီချင်းသံ​တောင်​ ထမင်းဝိုင်းဆီ ​ရောက်​လာတတ်သေးကိုး။
"သာကွန်း ရတဲ့ မိန်းမ​တော့ စိတ်​ချမ်းသာမှာပဲ ... ကြည့်​ပါလား ခုထိ မနား​သေးဘူး ... အလုပ်​များ​တော့ လက်​​ကြော တင်းပါ့​တော်​ ... ခက်​သာက မိန်းမ​တွေက သာကွန်းလိုလူ​တော့ မကြိုက်​ကြဘူး​အေရဲ့ ... တစ်​မြို့သားမှ အဟုတ်​ထင်​ကြသာ"
သည်​စကားက ခင်​ရိပ်​နား​ ရောက်​သွားတယ်​။ တစ်​မြို့သားဆိုတာ ရွာကြီးမှာ​နေတဲ့ ကျန်းမာ​ရေးမှူး ဆရာ​လေးကို ​ပြောတာ မဟုတ်​လား။ ခင်​ရိပ်​တို့ ရွာမှာ​တော့ ကျန်းမာ​ရေးမှူးလည်း ဆရာဝန်​ဆို​တော့ ရွာမိန်းက​လေးတွေက အထင်​ကြီးကြတယ်​။ ဆရာ​လေးနဲ့ ခင်​ရတာ၊ အ​ရေးတယူ ရှိရတာကလည်း တစ်​ဂုဏ်​ကိုး။ ခင်​ရိပ်​တို့ အိမ်​ကိုလည်း ​ရောက်​လာတတ်​သားပဲ။
ကျန်းမာ​ရေးမှူးက​လေးက ကိုမြ​ဖေတဲ့။ ရွာက​တော့ ဆရာ​လေး ​ခေါ်ကြတာပါပဲ။ လူက ရှိုးကျကျ ​နေတတ်​တာ​ရော၊ စကား အ​ပြောအဆို ညင်​သာတာ​ရော၊ ဘယ်​သူ့အိမ်​မှာပဲ ဖြစ်​ဖြစ်​ ဝင်​ဟယ်​ ထွက်​ဟယ်​ စားဟယ် ​ သောက်​ဟယ်​ ရှိတာ​​ရောညဆို​တော့ ရွာက ခင်​ကြတယ်​။ တခြားရွာက အပျို​တွေလိုပါပဲ။ ခင်​ရိပ်​လည်း ဆရာ​လေးကို ခင်​ချင်​ မင်​ချင်​ အ​ရောဝင်​ချင်​တာ​ပေါ့။ မ​နေ့က​တောင်​ မြို့က ပြန်​လာလို့တဲ့ ​ကော်​နှင်းဆီ ရင်​ထိုးက​လေး​တွေ ရွာထဲ​ ဝေ​သေးတာ မဟုတ်​လား။ ခင်​ရိပ်​​တောင်​ တစ်​ခု ရလိုက်​​သေးတယ်​။
"အဖိုး​တော့ မတန်​ပါဘူး မခင်​ရိပ်​ရယ်​ ... မြို့​ရောက်​တုန်း ရွာက နှမများအတွက်​ ဝယ်​လာတာ ... ဟိုဘက်​ ရွာတွေလည်း ​ပေးခဲ့​သေးတယ်​ ... ဆရာမ မသီတာကိုလည်း ​ပေးရဦးမယ်​"
မသီတာ ဆိုတာ ခင်​ရိပ်​တို့ ရွာ​ကျောင်းက ​ကျောင်းဆရာမ​လေးပါ။ ဆရာ​လေးက ဆရာမ မသီတာဆီကိုလည်း မကြာခဏ ဝင်​လည်​တတ်တာ ခင်​ရိပ်​ သိတယ်​။ ဆရာမ မသီတာကိုလည်း ခင်​ရိပ်​တို့ တစ်​ရွာလုံးက ချစ်​ခင်​ကြတာပါပဲ။ ဆရာ​လေးက ဒီနားက ရွာ​တွေ အကုန်​ ​ဆေးလည်​ကုတာ ဆို​တော့ ခင်​ရိပ်​ထက်​​ ချောတဲ့ မိန်းက​လေး​တွေ ဝိုင်း​နေမှာပါ​လေ လို့လည်း ​တွေးမိတယ်​။
"ခင်​ရိပ်​ ဘာချက်​သတုန်းဟ ငါ့ဖို့များ ချန်​ပါဦး"
ထိုင်​​နေတဲ့ မိန်းမ​တွေ​ပေါ် မိုးကြည့်​​နေတဲ့ သာကွန်းက ခင်​ရိပ်​ကို ​မေးလိုက်​တာပါ။ ခင်​ရိပ်​​တောင်​ အ​တွေးဝင်​​နေရာက သာကွန်း အသံကြီး​ကြောင့်​ လန့်​သွားမိ​သေးတာ။
ခင်​ရိပ်​တို့အားလုံး ထမင်းစား ပြီးကြပါပြီ။ ​မြေစိုစို ​ဗွက်​စိုစိုမှာ ထိုင်​ကြရင်း တစ်​​ယောက်​​ခေါင်း တစ်​​ယောက်​ သန်း​ရှာသူက ရှာကြလို့။ ရေ​နွေးကြမ်း ပူ​လောင်​​လောင်​ကို ​ရေဆာ​ပြေ​အောင်​ တဖူးဖူး မှုတ်​​သောက်​သူက ​သောက်​ကြလို့။
"ခင်​ရိပ်​ ... ​ရော်​​ဗျာ ... ​ခေါ်​နေသာကို"
"ဘာတုန်း ... ဘာတုန်း ... ​ပြောစရာရှိ​သာ ပြော​လေ ... ဘယ့်​နှယ့်​​ကြောင့်​များ တွန်း​ခေါ်​ နေရသာပါလိမ့်​ ... ကိုင်း, ​ပြော ဘာတုန်း"
"ဘာချက်​တုန်း ​မေးသာပါဟ ... ငါဖြင့်​ ထမင်းမစားရ​ သေး​ပေါင်​ဟာ"
"လယ်​ရှင်​ မျက်​နှာလုပ်​​ နေသာကိုး ဘယ်​စားရပါ့မလဲ ... လယ်​ရှင့်​သမီး ခင်​တုတ်​ မျက်​နှာနဲ့ ပိုး​ကြေးပန်း​ကြေး လုပ်​​သာ မစားရ ငတ်​​ပေါ့ "
"ဟာ ... ခင်​ရိပ်​ မကြားသာ ကြားသာဟာ ​ပေါက်​ကရ"
ခင်​ရိပ်​နဲ့ သာကွန်းက အဲသလို​တွေ့တိုင်း တကျက်​ကျက်​ ​အော်​​နေကျ။ သာကွန်းကလည်း မထိတထိ စ,တယ်​။ ခင်​ရိပ်​ကလည်း မခံဘူး။ ရွာက​တော့ ခင်​ရိပ်​ကို သာကွန်း ကြိုက်​​နေမှန်း သိကြပါတယ်​။ သ​ဘော​လည်း တူကြတယ်​။
ကိုယ့်​​ တောသူ ​တောင်​သားချင်း ဆို​တော့ သာတယ်​ နာတယ်​၊ စီးတယ်​ ပိုးတယ်​ မရှိကြပါဘူး။ မိဘချင်း သ​ဘောတူလို့ လူငယ်​ချင်း ​မေတ္တာမျှ ကြလို့က​တော့ ​ပေးစားကြတာ များတယ်​။ ယူကြတာ များတယ်​။ အခုက ခင်​ရိပ်​ ကိုယ်​တိုင်​က သာကွန်းကို ​မေတ္တာမရှိတာ ဆို​တော့ မ​လှော်​ဝံ့ကြဘူး။
သာကွန်းက မိန်းမအုပ်​ဘေးမှာ ငုတ်​တုတ်​ ဝင်​ထိုင်​တယ်​။ လက်​ဖက်​ရည်​အကြမ်း တစ်​ခွက်​ကို ယူ​သောက်​တယ်​။ လက်​မှာက ရွှံ့​တွေနဲ့။ မ​အေးလှက ထမင်း​တောင်းထဲက ထမင်းခူးပြီး သာကွန်းကို ​ပေးတယ်​။ ဟင်း​တွေက​တော့ ပုံထည့်​​ ပေးလိုက်​တာ​ပါ။ တကယ်​က သာကွန်းအတွက်​ လယ်​ရှင်​က ထမင်းပို့ပါတယ်။ သာကွန်းက မစား​သေးပဲ ခင်ရိပ်​ကို လာစ,ရင်း ကြုံရာ ဝင်​စားလိုက်​တဲ့ သ​ဘောပါ။ မ​အေးလှက ​မေးတယ်​။
"လယ်​ရှင်​က ဘာချက်​သတုန်း"
"က,ကတစ်​ ငါးပိ​ကောင်​ ထင်​ပါရဲ့ ... ကန်​သင်း​ဘေးမှာ သည်​အတိုင်းပဲ ... တစ်​​ယောက်​တည်း စားရသာ ထမင်း​မမြိန်​​ပေါင်​​ဗျာ"
"မမြိန်​ရင်​ တို့နဲ့ လာစား​ပေါ့ဟဲ့ ... ခင်​ရိပ်​လည်း ရှိသားပဲ"
ခင်​ရိပ်က သည်​စကားကြား​တော့ ဇတ်ဇတ်​ပါ​အောင်​ ဝင်​​ငေါက်​တယ်​။
"အ​မယ်​​လေး ​လေး ... ခင်​ရိပ်​နဲ့ မဆိုင်​လိုက်​သာမှ ... မဆီ​လေး ရယ်​တဲ့မှ အိုမဆိုင်​ ... ​နွေ​ခေါင်​​ခေါင်​ကြီး ဘူးပင်​မှာ ခရမ်းဝင်​လို့သီး"
"ခင်​ရိပ်​ရယ်​ ... ထူပါရုံ ထီး​တော်​ဖျား နှံပြည်​စုတ်​ ဝင်​လို့နား ဆိုသာလို ငါ့နှမများနဲ့ စား​ရ​တော့ ထမင်း ပိုဝင်​သယ်​ ပြောသာပါဟာ ... ဒါထက်​ ခင်​ရိပ်​ နင်​တို့အိမ်​က ​ဇော်​နီကွမ်း​သွေးကြီး ​နေ​ကောင်း သွားပလား "
ဇော်​နီးကွမ်း​သွေး ဆိုတာ ခင်​ရိပ်​တို့အိမ်​က နွားကြီးကို​ ပြောတာပါ။ အ​ရောင်​နဲ့​ ပြောလိုက်​ရင်​ သိကြတာကိုး။ ခင်​ရိပ်​က မ​ဖြေဘူး။ သာကွန်းက အမြဲတမ်း ပါ​လေရာ ဆို​တာ သူအသိ။ ငယ်​ငယ်​က လူ​ကောင်​ကြီး ထွားလွန်း​လို့ ​ကျောင်းမှာ ဆရာက အတန်းအပ်​ရင်​ အင်​မတန်​ ပါဝါပြတာ ခင်​ရိပ်​ မှတ်​မိတယ်​။
ဆရာက မြို့သွားစရာ ရှိရင်​ သာကွန်း အတန်း ထိန်းထားစမ်း အပ်​ထားခဲ့ရင်​ သာကွန်းက ချက်​ချင်း ​ကျောင်း​ဆရာဂိုက်​ ဖမ်း​တော့တာ မဟုတ်​လား။ ပေတံတစ်​​ချောင်း ကိုင်​ပြီး တစ်​တန်းလုံး လိုက်​ကြည့်​​တော့တာပဲ။ စကား​ပြော ​ပြောလို့၊ ကစား​တော့ ကစားလို့။ အခုလည်း ဒါမျိုးပဲ။ နွား​ နေ​ကောင်းသလား ​မေးတာ အ​ကောင်း မဟုတ်​ဘူး။ မ​ကောင်းဘူး​ ပြောရင်​ သူ အိမ်​​ရောက်​လာမယ်​။ အ​ဖေ့ကို​ ပြောပြီး သူကု​ပေးမယ်​ ဆိုမယ်​။ ​နေ့တိုင်း နွား​ဆေး​တွေနဲ့ ​ရောက်​လာမယ်​။ ဒါမျိုး​တွေ ရိုး​နေ​ပေါ့။
"ဆရာ​လေး သွားပင့်​ထားသယ် ... ဆရာ​လေး​လောက်​ ဘယ်​သူက စွမ်းမှာတဲ့တုန်း"
သာကွန်းက ထမင်းလုတ်​ကြီး ပါးစပ်​ထဲ သွင်းခါနီး ခင်ရိပ်​ကို ကြည့်​တယ်​။
"ဆရာ​လေးက လူကုသာပါဟာ ... နွား အ​ကြောင်း​တော့ မသိ​လောက်​ပါဘူး ... ဆရာ​လေး ကိုယ်​တိုင်​ကလည်း ​ပြောဖူးသား ဟာကို ... နင်​တို့​တွေ အဲ့ဒါ ခက်​သာ ... ကိုယ့်​ရိုးရာ ​ဆေးကျ​တော့ အထင်​​သေး သလိုလို ... ​ဆေးပဲ မစွမ်းသလိုလို ..."
"အို ... ဆရာ​လေးက လူ​တောင်​ ကုနိုင်​​သေးသာ ...ား​လောက်​​တော့ စ​ပျော့​ပေါ့"
"​အေး​ တော်​ကြာ စ​ပျော့က​ စ​မျော့ဖြစ်​မှာ စိုးသာဗျာ ... ကျွဲနဲ့ နွားနဲ့ လုပ်​ကိုင်​စား​နေ ကြမှ​တော့ ကျွဲအ​ကြောင်း နွားအ​ကြောင်း အကဲခတ်​ တတ်​ရမှာ​ပေါ့ ... တို့ရွာက လူ​တွေ အသိ အရင်​လိုသာဗျား"
လယ်​သူမ​တွေက​တော့ သာကွန်းနဲ့ ခင်​ရိပ်​ တစ်​​ယောက်​တစ်​ခွန်း စကားများ​ နေကြတာကိုပဲ သ​ဘောကျ နေကြတာပါ။
မိုး​တွေ ညို့လာပြန်​ပြီ။ လယ်​ဆင်းချိန်​ ပြန်​​ရောက်​​တော့ သုတ်​ခနဲ ထ,ရပ်​ကြရ ပြန်​တယ်​။ ခင်​ရိပ်​တို့​တွေ ထ,သွား​ပေမယ့်​ သာကွန်း မထ​သေးဘူး။ ခင်​ရိပ်​​ နောက်​​ကျောကို ကြည့်​ရင်​ ပြုံးကျန်​ရစ်​တယ်​။ မ​အေးလှက သူတို့ နှစ်​​ယောက်​ကို သီချင်း​စောင်း ဆိုလိုက်​တယ်​။ ကွင်းလုံးကြား ဆိုလိုက်​တာပါ။
"အ​မေရယ်​ ... ဟိုလူကြီးက နမ်းတယ်​ နမ်းတယ်​
နမ်းတာများ နာလို့လားဟယ်​ ​ဗိုင်းတာမရယ်​။
နမ်း​တာ​တော့ မနာဘူး​ပေါ့ ...
နှုတ်​ခမ်း​မွေးက စူးသ​တော့်​
မုတ်​ဆိတ်​​မွေးက ယားသ​တော့် ...
အာလာလာ ... အို အ​မေ့ ... ပလို့ ဂျိ"
ခင်​ရိပ်​က သူ့​စောင်းဆိုမှန်း သိ​တော့ မ​အေးလှ ​ကျောကို အုန်းခနဲ ထုတယ်​။ လယ်​သူမ​တွေ ရယ်​သံ​ကြောင့်​ ရွာ​တော့မယ့်​ မိုး​တောင်​ တန့်​သွား​လေရဲ့ ...။
(၃)
ခင်​ရိပ်​ထင်​တဲ့ အတိုင်းပဲ။ ည​နေဘက်​ လယ်​ပြန်​ချိန်​​လောက်​ သာကွန်း ​ရောက်​လာပါ​ကောလား။
ခင်​ရိပ်​အ​ဖေက​တော့ သာကွန်း ​ရောက်​လာတာကို ဘုရင်​ခံ ​ရောက်​လာတဲ့ အတိုင်းပဲ။ သာကွန်းက အသုံးတည့်​တယ်​ လို့လည်း ​ပြော​နေကျကိုး။ သာကွန်းက ဖင်​​ပေါ့​တော့ နှီးက​လေး တုပ်​ခဲ့ပါဦး။ နွား​ချေးက​လေး သိမ်းခဲ့ပါဦး။ နွားစာက​လေး ​ကျွေးခဲ့ပါဦး။ သည်​နားက ပစ္စည်း ဟိုနား ​ရွှေ့ခဲ့ပါဦးက အစ အားကိုးရတာကိုး။ သွက်​လိုက်​တာလည်း မ​ပြောနဲ့ ဖျိုးဖျိုးဖျတ်​ဖျတ်​ သိပ်​ရှိတာ။ မောင်​ရို့​လေး ဆိုတာနဲ့ `ဝိတ်​´ ဆိုတဲ့ လူမျိုး။
"ဘကြီးတင့်​ နွား ဘယ်​လို ဖြစ်​သာတုန်း ... ခင်​ရိပ်​​ မေး​တော့လည်း စကားအ​ကောင်း မ​ပြောဘူး ... ဆရာ​လေးနဲ့ ကုမလိုလို ​ပြော​နေလို့ ... ကျုပ်​တို့ရိုးရာ နွား​ဆေး​တွေ ​ကောင်းချက်​​ဗျာ"
"ခင်​ရိပ်​ကိုေ​ဗွမယူပါနဲ့ သာကွန်းရာ ... မင်းနှမက က​လေးစိတ်​ မကုန်​​သေးဘူးရယ်​ ... ဆရာ​လေး ပြမှ ရမယ်​ ဘာရယ်​ ဟုတ်​​ပေါင်​ကွာ ... မင်းကြည့်​စမ်း ဘာဖြစ်​သာတုန်းလို့"
သာကွန်းက ​ဇော်​နီကွမ်း​သွေးကြီး ချည်​ထားတဲ့ နွားချည်​တိုင်​ဆီ သွားပြီး ငုတ်​တုတ်​ ထိုင်​ကြည့်​တယ်​။ ​တောသူ​တောင်​သားများ ထုံးစံ နွားတစ်​​ကောင်​ကို ​ရေဆုံး ရေဖျား ကြည့်​​တော့တာပါ။ အ​မွေးအ​ရောင်​ ကြည့်​တယ်​။ ဗွေအင်္ဂါ ကြည့်​တယ်​။ ချိုလက္ခဏာကို ကြည့်​တယ်​။ မျက်​စိ၊ အသားအ​ရေ၊ အမြီး၊ ခွာ၊ သွားကအစ အကျင့်​ လက္ခဏာ​တွေ ကုန်​​အောင်​ ကြည့်​ကြတာ သဘာဝပါ။
နွားကြီးက နွားမျိုး​ကောင်း။ လည်​မှာေ​ဗွထိုး​နေတဲ့နွား မ​ကောင်း ရှိပါ့မလား။ ကြာလည်း ​ရှေ့​ရောက်​တယ်​။ ​ကျောေ​ဗွနုကလည်း ​ကောင်းလှသလို နွားရွက်​တို ခွာရှည်​ထဲက နွားမျိုး။ လည်​ပင်းက​လေး ရှည်​ချင်​တာ​တော့ သာကွန်း မကြိုက်​ဘူး။ ​မွေးကြမ်းမြီးရှည်​၊ ​ခေါင်းတိုနံကျပ်​၊ မျက်​ကွင်းလည်​ကြား၊ သွားကြား​ရေယိုဆိုတဲ့ ကြန်​အင်​ဆိုး​တွေ ကင်းတာ​တော့ ရိုးရိုးရိပ်​ရိပ်​​တောင်​ မပါဘူး။
"ဘကြီးတင်​ နွားက ချိုနှစ်​ဖက်​ကြား ထိပ်​ကွင်းကြီး ကျယ်​လိုက်​သာ ... ခြစ်​ခုံလည်း ကျယ်​သားပဲ ... ရင်​ဆုံက​လေး ​ယောင်​​ယောင်​ ကျဉ်းလို့သာ ... နို့မို့ လက်​ခ​မောင်းသာ ခတ်​​တော့"
ခြစ်​ခုံကျယ်​တယ်​ ဆိုတာ တင်​ပါးဆုံ ကျယ်​တာကို​ ပြောတာပါ။ သာကွန်းက နွား ဆိုလို့က​တော့ ဝါသနာ ပါပြီးသား။ နွားက​လေး ​မွေးပါပြီ။ `ဖွားကျ´ ဘဝကတည်းက လိုက်​ကြည့်​တတ်တယ်​။ ဖွားကျ အရွယ်​ကမှ အင်​ပဲ့၊ နွားဖျန်း၊ နွား​ပေါက်​၊ နွားမတန်း၊ နဖားထိုး၊ သင်းခြင်း၊ နွားသိုး၊ နွားပိုက်​အထိ သာကွန်းမှန်းရင်​ လွဲခဲတယ်​။
"သင်းပြီးသား နွား အခါလည်​ ပြည့်​ရင်​ ညှပ်​​ခေါ်ကြသာ ... တချို့က နွား နို့ခွဲခါစ နွား​ပေါက်​ကို နှစ်​နှစ်​မပြည့်​ခင်​ ပိုက်​ကျ​တော့ လှီသာ​ပေါ့ ... သည့်​ထက်​လွန်​မှ ပိုက်​ပြန်​​တော့`ရှူး´ သွားတတ်​သယ်​ ... ဖင်​ရှူး၊​​ ခေါင်းရှူး ​ဗိုက်​အိုးကြီး ကားက​ရော ... ဘကြီးတင်​ ​ဇော်​နီကွမ်း​သွေးလို​ ကောင်​များ လှည်းတပ်​ရ လိုက်​လို့က​တော့ ​သေ​အောင်​​ ပြေး​ပေါ့​ဗျာ"
ဒါမျိုးများဆို ခင်​ရိပ်​အ​ဖေက သ​ဘောကျလို့ မဆုံး​တော့ဘူး။
"သာကွန်း ကြည့်​စမ်းပါဦးကွ ... ဝယ်​တာ မကြာ​သေး​ပေါင်​ကွာ ... မတ္တရာ ဘက်​က င​ဆောင်​ နွားလာပြလို့ ယူထားလိုက်​သာ"
"နွားလာပြတိုင်း မယူနဲ့ ဘကြီးတင်​ရ ... နွားပွဲစားများ နွားဆိုး နွား​ကောင်း လုပ်​​ပြောကြသာ ... နွား​ကောင်းများဟာ ​ခေါင်း​မော့ လည်​​မော့ ရှိရသယ်​ ... လဘို့​ မြောက်​ရသယ်​၊ မြီးရင်း ​မောက်​ရသယ်​၊ လှည်​တင်​မဲ့ နွားများ သွားရင်းနဲ့ ထိုင်​ချသာ​တောင်​ ရှိ​သေးသာ ... နွားဘီလူး ​ခေါ်တယ်​ ... ဟောသည်​မယ်​ ကြည့်​"
သာကွန်းက နွားမြီးကို သွား မ,တယ်​။ အမြီးကို ထုံးပြတယ်​။
"အမြီးမှာ မြီးသွယ်​တဲ့ ... သံကွင်းစွပ်​တဲ့ ... ကြက်​ဆူးတဲ့ ... သိုးမြီးထိုးတဲ့ ... တံမြက်​လှည်းတဲ့ ... သရက်​ကင်းတဲ့ ... ​ဟောသလို မြီးလုံး​ သေး​သေးသွယ်​သွယ်​ ဆင်းသွားရင်​​ ကောင်းပြီ မှတ်​​တော့ ... သည်​​ကောင်​ တစ်​ချက် ညံ့သာက နွားမြီးကို ​ပေါင်​နှစ်လုံးကြား တစ်​ခါတစ်​ခါ ထိုးချင်​သယ်​၊ သိုးမြီးထိုးသယ်​ ​ခေါ်သာ​ပေါ့ ... သည်​တစ်​ချက်​ မကြိုက်သာ"
ခင်​ရိပ်​က​တော့ သူ့အ​ဖေနဲ့ သာကွန်း ဒီလိုများ နွားစကား ​ပြော​နေရရင်​ ​နေကုန်​တတ်မှန်းလည်း သိပါရဲ့။ သာကွန်းက နွားအ​ကြောင်း နားလည်​သူ ဆို​တော့ သာကွန်းရှိရင်​ နွားအဝယ်​ မမှားနိုင်​ဘူးလို့လည်း တွက်​​နေပုံရတယ်​။ နွားဆိုတာက အဝယ်​မှားရင်​ နွားတစ်​သက်​ အိမ်​မှာ အဖတ်​တင်​​ နေတတ်တာ မဟုတ်​လား။
"အခု ဘကြီးတင်​နွားက မှင်​​နေသာပါ၊ အခိုးငုတ်​​နေတာ ထင်​ပါရဲ့ ... နေပူထဲ အခိုင်းနာမိ သွား​ရော့လား​ဗျာ ... လွယ်​ပါ့ ... ဒါမျိုး​တော့ ကျုပ်​တို့ ရိုးရာ​ဆေး ​ကောင်းလွန်းလို့မှ လူ​တွေ ရိုးရာ​ဆေး အထင်​​သေး တတ်​လွန်းလို့"
သည်​စကားက ခင်​ရိပ်​ကို ​စောင်း​ပြော​နေတာ ခင်​ရိပ်​ သိသားပဲ။ သာကွန်းကို မျက်​​စောင်းတစ်​ချက်​ လှမ်းထိုး လိုက်​တယ်​။ ဒါမျိုးကို မကြိုက်​တာ။ သာကွန်းက ခင်​ရိပ်​ကို လှမ်း​ခေါ်လိုက်​တယ်​။ ငရုတ်​​ကောင်း တစ်​ဆုပ်​၊​ ချင်း​ တစ်​တက်​၊ ဆား တစ်​ဆုပ်​နဲ့ ကျွန်းသားမီး​သွေး ​ရောအ​ထောင်း ခိုင်းတယ်​။
သာကွန်း မျက်​နှာက တကယ့်​​ ဆေးဆရာကြီးပုံ။ မျက်​နှာကြီး ချီလိုက်​လို့။ အမြင်​ကပ်​ လိုက်​ပုံများ​တော့။
ခင်​ရိပ်​​ ထောင်းပြီးသား သတ္တုရည်​ကို ပုဆိုးစုတ်​နဲ့ အရည်စစ်​ပြီး ခွက်​နဲ့ ခံတယ်​။ လက်​ခလယ်​နဲ့ တို့ တို့ပြီး နွားကို မျက်​စဉ်းခပ်တော့တာပဲ။ နွားက စပ်​လွန်းလို့ `ဘူး´ခနဲ ​အော်​လိုက်​​တော့ ခင်​ရိပ်​ အ​ဖေက နွား​ကျောကို သပ်​​ပေးတယ်​။
"ခင်​ရိပ်​ သည်​နား​တော့ ရှိမယ်​ မထင်​ဘူး ... လယ်​စပ်​မှာ​ ပေါက်​တဲ့ ကျွဲန​ပေါင်းရွက်​နဲ့ န​မြေရင်း (နွား​​မြေရင်း) ရွက်​ ရသ​လောက်​ ခူး​ချေစမ်း ... ညက်​​အောင်​​ထောင်း တိုက်​လိုက်​ရင်​ ငါ့​ကောင်​ ရန်​​ထောင်​ ထ,​တွေ့လိုက်​ဦးမယ်​"
ခင်​ရိပ်​က ​အောင့်​သက်​သက်​ ဖြစ်​သွားတယ်​။ ရန်​​တောင်​ ထ,​တွေ့နိုင်​တယ်​ဆိုတာ သူ့ကို​ စောင်း​ပြောတာ မဟုတ်​လား။ မိုးက​လေး ချုပ်​စဆို​တော့ အိမ်​က ​မောင်​အလတ်​​ကောင်​ကို ​ပြေးခူးခိုင်းရတယ်​။ ​ဆေးရွက်​ ရလာ​တော့ ခင်​ရိပ်​ကပဲ ​ထောင်းရသာပါ။ သာကွန်းက နွားပါးစပ်​ထဲ ​ဆေးဝင်​​အောင်​ တိုက်​ပြီး ​ခဏ​ စောင့်​ကြည့်​တယ်​။ နွားက ​ဆေးနဲ့​ တွေ့သွားလို့ ထင်​ပါရဲ့။ မျက်​စိ​အောက်​တင်​ လန်းလာတယ်​။
ဘကြီးတင်​က မုန့်​လက်​​ကောက်​​တွေ ချခိုင်းပြီး ​ရေ​နွေးကြမ်းနဲ့ ဧည့်​ခံတယ်​။ လက်​​တွေ​ ဆေး​တော့ ခင်​ရိပ်​ကပဲ ​ရေ​လောင်း​ ပေးရတာ ဆို​တော့ သာကွန်းက လက်​ နမ်းကြည့်​လိုက်​၊ ​ရေ​လောင်းခိုင်းလိုက်​ လုပ်​​နေတာ အကြာကြီး။ ကြာ​တော့ ခင်​ရိပ်​က အမြင်​ကပ်​ လာတာနဲ့ ​ရေတစ်​ဖလား ခပ်​ပြီး သာကွန်းကို ​ခေါင်းက​နေ ​လောင်းချ လိုက်​က​ရော။
"ခင်​ရိပ်​ရယ်​ ... ငါ ဆရာ ဟ ... မရိုမ​သေနဲ့ဟာ"
"ဘာဆရာလဲ၊ မသိရင်​ခက်​မယ်​ ဟွန်း"
ဘကြီးတင်​က သမီးအ​ကြောင်း သိ​တော့ ရယ်​​နေတာပါပဲ။ တစ်​ရွာတည်းသား​တွေလည်း ဖြစ်​ပြန်​၊ သာကွန်း​ကိုလည်း ချစ်​ခင်​ကြ​လေ​တော့ ဘယ့်​နှယ့်​မှလည်း မထင်​ပါဘူး။ ​မောင်​နှမလို့ ဒီလို စ,​နေကြတာ မဟုတ်​လား။
သာကွန်းက မုန့်​လက်​​ကောက်​​ကြော်​​တွေ ပလုတ်​ပ​လောင်း စား​နေ​တော့ ခင်​ရိပ်​က "ဘယ်​အချိန်​ကများ ​သရော​ကြီး ခိုင်း​နေသယ်​ မသိဘူး" လို့ လှမ်းဆိုလိုက်​​သေးတာ။ သာကွန်းက​တော့ တဟားဟားရယ်​ရင်း တစ်​ခုပြီး တစ်​ခု စား​နေ​တော့တာပါ။
အဲ့ဒီညက သာကွန်းနဲ့ ဘကြီးတင်​ နွားအ​ကြောင်း​တွေ ​ပြောလိုက်​ကြတာ ညကြီးကို ရင့်​က​ရောပဲ။
(၄)
"ကျန်းမာ​ရေးမှူး ဆရာ​လေး ကိုမြ​ဖေနဲ့ ဆရာမ မသီတာတို့ ယူကြ​တော့မတဲ့​တော်​"
ဆောင်း​ပေါက်​ပြီ လယ်​စပါး​တွေလည်း မှည့်​ကြပြီ။ တစ်​ရွာလုံး လယ်​​တွေ ရိတ်​ကြဖို့ ပြင်​ကြရပြီ။ သူ့လယ်​ ကိုယ့်​လယ်​ ​မောင်းမညိုခင်​ ရိတ်​ကြရမှာ ဆို​တော့ ရင့်​နှင့်​တဲ့လယ်​ လယ်​စား လိုက်​ကြရတယ်​။ သည်​က​နေ့ ဖွား​လေးသီတို့ လယ်​​တွေ ရိတ်​ကြရမှာ​လေ။
"ဆရာမ မသီတာနဲ့ ယူမှာ​ပေါ့​အေ့ ... သူတို့ချင်း ဖြစ်​​နေသာပဲ ကြာလှ​ပေါ့ ... ​ကောင်းပါသယ်​​အေ စာတတ် ​စာတတ်​ချင်း ယူကြ​တော့မ​ပေါ့ "
ခင်​ရိပ်​ ဝမ်းနည်း သလိုလို​တော့ ဖြစ်​မိသား။ ဒါ​ပေမယ့်​ သည်​လိုပဲ ဖြစ်​ရမှာ​ပေါ့​လေ။ ရွာအပျို​တွေကလည်း ဆရာ​လေးကို ချစ်​လှချည့်​ ကြိုက်​လှချည့်​ရယ်​ မဟုတ်​ကြပါဘူး။ မြို့သား ပညာတတ် ကျန်းမာ​ရေးမှူး ဆို​တော့ အထင်​ကြီး ကြတာ​တော့ ရှိတာ​ပေါ့။ မိန်းက​လေး သဘာဝ စိတ်​ကူး​လေး ယဉ်​ကြတာ​တော့ ရှိကြမ​ပေါ့။
"ခင်​ရိပ်​​ရေ ... ​အေ ခင်​ရိပ်​"
လယ်​စည်း​ခေါင်း မကြီးတင်​ရဲ့အသံ။ အောင်​လိုက်​တဲ့ အသံနှယ်​​တော်​။
"လာပြီ တော်​​ရေ ... လာပြီ ... လာပြီ"
ရွာလမ်း​ပေါ်မှာ ​ကောက်​ရိတ်​မယ့်​ ​ယောကျာ်းမိန်းမ ပလုံထိုးကြလို့။ တံစဉ်​ရိုးရှည်​၊ ရိုးတို​တွေ ကိုင်​ကြလို့။ ​ခေါင်း​ပေါင်းကြီး​တွေ ခ​မောက်​ကြီး​တွေနဲ့။ သနပ်​ခါး​တွေက ပိန်းကြမ်း။ ဖျင်​လက်​ရှည်​ ထူထူကြီး​တွေ ဝတ်​ထားကြ​တော့ အိုင့်​တိုင့်​တိုင့်​ကြီး​တွေ။
"​ရော်​ ... ခင်​ရိပ်​ နင်​ပါ ပါသကိုး ... ဝမ်းသာသဟာ"
သာကွန်းက ​ဝေလီ​ဝေလင်း အလင်း​ရောင်​ထဲ မြင်​လိုက်​ရတဲ့ ခင်​ရိပ်​ကို နှုတ်​ဆက်​တယ်​။ ခင်​ရိပ်​က မ​ဖြေဘဲ တစ်​ဖက်​ကို လှည့်​​နေ​လေရဲ့။ သာကွန်းက သူ့ထုံးစံ အပြုံးမပျက်​ဘူး။ ခင်​ရိပ်​အ​ကြောင်း သိ​နေတာ မဟုတ်​လား။ ပုဆိုးပို တစ်​ထည်​ကို ​ခေါင်းခြုံပြီး လက်​​တွေပါ ပုဆိုးထဲ ထည့်​ထားတယ်​။ ​အေးလိုက်​တာ စက်​လို့ကိုး။
"ငါက နင့်​ကို ​ဒွေး​ဖော့တို့ လယ်​ဘက်​ လိုက်​သွားသယ်​ မှတ်​သာ"
"ငါ့ဟာငါ ဘယ်​ကွင်းလိုက်​လိုက်​ နင့်​အပူလား"
"ငါ့ အပူ​ပေါ့ဟ ငါဖြင့်​ အိပ်​​တောင်​မ​ပျော်​ဘူး ... ဒွေး​ဖော့တို့ လယ်​ဘက်​ ပါသွားမှာ စိုးလို့"
"​သေလိုက်​ပါလား"
"မ​သေနိုင်​​သေး​ပေါင်​​ဗျာ ... မိန်းမ​တောင်​ ရ​သေးသာ မဟုတ်​ဘူး"
"နင့်​ ဘယ်​သူက ကြိုက်​မှာတုန်း"
"နင်​ ရှိသားပဲဟာ ... ဘယ်​သူ ရှိရဦးမှာတုန်း"
ခင်​ရိပ်​က တံစဉ်​နဲ့​လိုက်​​တော့ သာကွန်း​ ပြေးတယ်​။ ​ကောက်​ရိတ်​ထွက်​မယ့်​ ရွာသား​တွေက တ​ဟေး​ဟေး။ စည်း​ခေါင်း မကြီးတင်​ အသံက အကျယ်​ဆုံး။ ရွာလမ်းပင်​ တုန်​သွား​တော့တယ်​။
"ခင်​ရိပ်​​ရေ ... မိတာနဲ့ တံစဉ်​နဲ့ တိခနဲ ဖြတ်​လိုက်​​ဟေ့"
"ဝါး ... ဟား ... ဟား ..."
တာ​ပေါင်​​ပေါ်မှာ လူ​တွေ အုံးအုံးထလို့။ ခင်​ရိပ်​မှာ​တော့ ​ဆောင်းတွင်း ချမ်းချမ်းစီးစီးကြီးထဲ ​ချွေးများ​တောင်​ ပြန်​လို့​လေ။ မျက်​နှာက​တော့ ပြုံးလို့ပါလား။
"ကျောကုန်းကြီး ဝ​အောင်​ ထုခဲ့တာ​လေ"
မြရီက သီချင်းတစ်​ပုဒ်​ ​ကောက်​ဆိုလိုက်​က​ရော။
"ပျိုစိုက်​တဲ့ လယ်​ထိပ်​က
လည်​ညိတ်​ကာကူ ချိုးဖြူ၊ ချိုးဖြူ
အသံတူကူ ကူရရိုးလား
သည်းအူကျ ချိုး
ချိုးလဟဲ့ ..."
ကောက်​စိုက်​သမ​တွေ `ဝါး´ ခနဲ ရယ်​ကြ​တော့လည်း ခင်​ရိပ်​ အရှက်​သား။
ရွာအ​နောက်​က လယ်​​တွေက တ​မျှော်​တ​ခေါ်ကြီး။
စပါးရိတ်​ကြမယ့်​ လူ​တွေဆိုတာ ရွစိထိုးလို့။ တံစဉ်​ရိုးရှည်​၊ တံစဉ်​ရိုးတို၊ ကျွဲချိုတံစဉ်​ကြီးတွေ ကိုင်​ကြရင်း လယ်​​တွေဘက်​ သွားကြပြီ။ ခင်​ရိပ်​တို့ အပျို​တွေကလည်း သနပ်​ခါး ပိန်းကြမ်းကြီး​တွေနဲ့၊ ရွာသူ​တွေ ဆို​တော့ နဖူးစာက တစ်​ခြားရွာ သွားလည်​စရာ​တောင်​ မလို​တော့ဘူး။ ကိုယ့်​ရွာ ကိုယ့်​အပျို ကိုယ့်​လူပျို လယ်​ခင်း စပါးခင်းထဲ လည်​ကြပါ​လေ့။
သာကွန်းက ကျွဲချိုတံစဉ်​ကြီးနဲ့ ​ရှေ့က ဒီးလွှားဒီလွှား သွား​နေ​တော့ ခင်​ရိပ်​တို့မှာ ​နောက်​က မီ​အောင်​ လိုက်​ကြရတယ်​။ သာကွန်းက စပါးရိတ်​​တော့ အဖြစ်​။ လူမ​နော​ကောင်း ဆို​တော့ လူတိုင်းကလည်း ချစ်​ကြပါရဲ့။ ခင်​ရိပ်​က အ​ဖေ​ပြောတဲ့ စကား နားထဲ ကြားမိတယ်​။
"သာကွန်းက လယ်​ကိစ္စ နွားကိစ္စများ​တော့ ဗုံ​တောင်​ တောင်​​ ခေါက်​နိုင်​​သေး​ဗျာ ... တို့အိမ်​က ​ဇော်​နီကွမ်း​သွေး​ကြီးနဲ့များ ဖက်​လိုက်​ရင်​ တစ်​ရှဉ်းဖြစ်​မယ့်​​ ကောင်​"
ခင်​ရိပ်​က သာကွန်းကို စ,ချင်​လို့ ​နောက်​က​ ပြေးလိုက်​တယ်​။ သာကွန်း ဝတ်​ထားတဲ့ ​နေပူခံ ​ကျောစုတ်​ အင်္ကျီကို ​နောက်​က​နေ ဖြဲချလိုက်​​တော့ ​ကျောလုံး လန်​သွားလိုက်​တာ ဖတ်​လတ်​ကြီး။
လယ်​ကွင်းထဲက ရယ်​သံ​တွေ​ကြောင့်​ လက်​ပံပင်​​ပေါ်က ဆက်​ရက်​​တွေ​တောင်​ ​ဝေါခနဲ ထ,ပျံ ကြပါ​ရောလား။
----------
ခင်​ခင်​ထူး
(ရက်​ကန်းလွန်း ဝတ္ထုတိုများ)