မင်္ဂလာရှိတဲ့အချိန်

မင်္ဂလာရှိတဲ့အချိန် (တင်မောင်သန်း)
----------------------------------------
ဟို ... လွန်ခဲ့တဲ့ အနှစ်လေးဆယ် လောက်က အထက်မြန်မာပြည် ရေစကြိုမြို့မှာ မောင်ဘဂျမ်း ဆိုတဲ့ လူငယ်တစ်ယောက် ရှိသတဲ့။ သူ့အသက်က နှစ်ဆယ်ကျော်။ ကျောင်းပညာက ဆယ်တန်း။ ကဗျာ စာ ဝါသနာ ပါတယ်။ ရေးလည်း ရေးတယ်။ တခြားမြို့ရွာက ကဗျာဆရာတွေ နဲ့လည်း စာချင်း အဆက်အသွယ် ရှိတယ်။
မောင်ဘဂျမ်း မွေးဖွားကြီးပြင်းခဲ့တာက ကန်မြဲဇဂျမ်း ဆိုတဲ့ ရွာကလေးရယ်၊ ရေစကြို ဆိုတဲ့ မြို့ကလေးရယ် ဒါပါပဲ။ မြင်းခြံကို တစ်ခါတစ်ရံ ရောက်ဖူးတယ်။ မန္တလေး ရွှေရေးဆောင်တိုက်မှာ ကိုရင်ဝတ်နဲ့ နေဖူးတယ်။ ရန်ကုန်ဆိုတဲ့ မြို့တော်ကြီး ဆိုရင် ရောက်ဖူးဖို့ မပြောပါနဲ့ အနားတောင် သီဖူးခဲ့တာ မဟုတ်ပါဘူး။
မောင်ဘဂျမ်း ဆယ်တန်းဖြေပြီး အောင်စာရင်း မထွက်မီမှာ လုပ်အားပေးဆရာ အဖြစ်နဲ့ ကျောင်းမှာ စာသင်ပေး ပါတယ်။ မှတ်မှတ်ရရ အဲဒီရက်က နောက်တစ်နေ့ (၇) တန်းမှာ သင်ရမယ့် အင်္ဂလိပ်စာနဲ့ သင်္ချာအတွက် မောင်ဘဂျမ်း ပြင်ဆင်နေပါတယ်။ အချိန်က ညဦးပိုင်း။ ဆရာဦးသောင်းညွန့်က မောင်ဘဂျမ်း ဆီကို ရွာကား ချက်ပလက် ခေါင်းတိုနဲ့ စာတစ်စောင် လူကြုံပါးလိုက်ပါတယ်။
စာထဲမှာ ရန်ကုန် တက္ကသိုလ်က မြန်မာစာ ပါမောက္ခ ဦးဧမောင်ကို မောင်ဘဂျမ်း သွားတွေ့ပါတဲ့။
ဆယ်တန်း စာမေးပွဲကြီးမှာ မောင်ဘဂျမ်း ဖြေခဲ့တဲ့ မြန်မာစာ အဖြေလွှာက ကောင်းလွန်းလို့တဲ့။
မောင်ဘဂျမ်း သူ့မျက်စိသူ မယုံချင်ဘူး။ မဖြစ်နိုင်လိုက်တာ။ သူက သူဖြေခဲ့တဲ့ မြန်မာစာ အဖြေလွှာကို အားရ ကျေနပ်ခဲ့တာမှ မဟုတ်ဘဲ။ သူ မယုံချင်ဘူး။
ပြီးတော့ အခုလို ပြောတာဟာ သူ ဆယ်တန်း အောင်တယ် ဆိုတဲ့ သဘော မဟုတ်လား။ အောင်စာရင်းမှ မထွက်သေးတာ။ အောင်စာရင်း မထွက်သေးခင်မှာ ကြိုသိတဲ့လူ ဆိုတာ ကြားလည်း မကြားဖူး။ ရှိလည်း မရှိဖူး ဘူးလေ။
ဒါ့ထက်ပိုပြီး မယုံချင်စရာ ကောင်းတာက ရှိသေးတယ်။ မြန်မာစာ ပါမောက္ခကို သွားတွေ့ပါလို့ ပြောသွားတဲ့ ပုဂ္ဂိုလ်က ပြည်ထောင်စု မြန်မာနိုင်ငံတော် အစိုးရရဲ့ ပညာရေးဝန်ကြီး တဲ့။ မြန်မာပြည် အထက်ပိုင်းကို ခရီးလှည့်မယ့် ဝန်ကြီးကို မြန်မာစာ ပါမောက္ခက မှာလိုက်တဲ့အတွက် ရေစကြို ရောက်လာတဲ့ ဝန်ကြီးက ထပ်ဆင့် မှာကြားလိုက်တာ ပါတဲ့။
ဘယ့်နှယ် ဖြစ်နိုင်ပါ့မလဲ။
ပါမောက္ခကြီး တစ်ယောက်က ချင်းတွင်းမြစ်ကမ်း အညာ တောမြို့လေး တစ်မြို့က ဘယ်လိုလူမျိုးမှန်း မသိတဲ့ ကျောင်းသားလေး တစ်ယောက်ကို အာရုံထဲ ထည့်ထားခဲ့သတဲ့။
ဘယ့်နှယ် ဖြစ်နိုင်ပါ့မလဲ။
ပြီးတော့ ပညာရေးဝန်ကြီးလို ပုဂ္ဂိုလ်ကြီး တစ်ဦးက ဆယ်တန်းမျှသော ကျောင်းသားလေး တစ်ယောက်အတွက် ပါမောက္ခ မှာလိုက်တဲ့အတိုင်း မမေ့မလျော့ စကားလက်ဆင့် ပါးပေးပါသတဲ့။
မဖြစ်နိုင်လိုက်တာနော် ...။ ဒါပေမဲ့ ဖြစ်ခဲ့ပါတယ်။
အဲဒီအချိန်က အဲဒီအတိုင်း တကယ် ဖြစ်ခဲ့ပါတယ်။
အောင်စာရင်းတွေ ထွက်တော့ ဝိုင်ဇက်ဂျီ-၇၄ ဆိုတဲ့ ခုံနံပါတ် နောက်မှာ မောင်ဘဂျမ်း မြန်မာစာ ဂုဏ်ထူး ထွက်ပါတယ်။
တကယ် ဖြစ်ခဲ့ပါတယ်။
မောင်ဘဂျမ်းရဲ့ အဖြေလွှာကို စစ်တော့ ဂုဏ်ထူး ပေးထိုက်တဲ့ အဖြေလွှာ ဖြစ်လို့ စာစစ်သူက ဆရာ ဦးဧမောင်ကို တင်ပြသတဲ့။ ဦးဧမောင်က စစ်ဆေးပြီး သိပ်ကောင်းလွန်းတယ်လို့ မှတ်ချက်ချ သတဲ့လေ။ ပြီးတော့ အဲဒီ ကျောင်းသားကို သူ တွေ့ချင်တဲ့ အကြောင်းလည်း သူ့လက်အောက်က ဆရာတွေကို ပြောသတဲ့။
ဒါ ... တကယ် ဖြစ်ခဲ့တာပါ။
သူ့လက်အောက်က ဆရာတွေကို ပြောသလို သူ့အထက် အထက်ဆုံးက ပညာရေးဝန်ကြီး ဦးသန်းအောင်ကိုလည်း နယ်လှည့် ကျောင်းသားတွေ စစ်ဆေးတဲ့အခါ ရေစကြို ရောက်ရင် သူ့ကို လာတွေ့ဖို့ ခုံအမှတ် ဝိုင်ဇက်ဂျီ-၇၄ ကျောင်းသားကို ပြောပေးဖို့ ပါမောက္ခက မှာခဲ့ပါတယ်။
ဒါ ... တကယ် ဖြစ်ခဲ့တာပါ။
ဝန်ကြီးကလည်း ရေစကြို ရောက်တော့ တာဝန်တွေကို ပြောသတဲ့လေ။ ဒီလိုနဲ့ မောင်ဘဂျမ်းဆီ သတင်းစကား ရောက်လာခဲ့တာကိုး။
ဒါပေမဲ့ ပါမောက္ခကို မောင်ဘဂျမ်း သွားမတွေ့ခဲ့ပါဘူး။ ရေစကြိုကနေ ရန်ကုန်သွားဖို့ ဆိုတာ မောင်ဘဂျမ်း အတွက် လွယ်တာမှ မဟုတ်ပေပဲ။
သူ ဆယ်တန်း အောင်တယ် ကြားတော့ တောင်သာ ဖဆပလ အမတ် ဦးထွန်းရှိန်က မောင်ဘဂျမ်းကို သူ့ရွာမှာ ဆရာ လာလုပ်ဖို့ ကမ်းလှမ်းပါတယ်။ အဲဒီ ခေတ်အခါက ခုနှစ်တန်း အောင်ရင်ကို ဆရာအဖြစ် ခန့်တဲ့ အချိန်ပါ။ ဆယ်တန်းအောင်တဲ့ ဆရာဆိုတာ တော်တော် ရှားတာကလား။
မောင်ဘဂျမ်းက စာပြဖို့လည်း ဝါသနာ ပါတယ်။ တက္ကသိုလ် တက်ဖို့ကလည်း စီးပွားရေး အခြေအနေက မပေးလေတော့ ဆရာ အလုပ်ကို လက်ခံလိုက်တော့တာပေါ့။
ဒီလိုနဲ့ တက္ကသိုလ်တွေ ဖွင့်ပါရော။ ပါမောက္ခ ဦးဧမောင်ဟာ မောင်ဘဂျမ်း သူ့ကို လာမတွေ့လို့ နေပစေလို့ သဘော မထားဘဲ ဝိုင်ဇက်ဂျီ-၇၄ တက္ကသိုလ် တက်မတက် စောင့်ကြည့်ပါတယ်။ ရောက်မလာဘူး ဆိုတော့ မန္တလေး တက္ကသိုလ် မြန်မာစာ ပါမောက္ခကို မောင်ဘဂျမ်း တက္ကသိုလ် တက်နိုင်အောင် တာဝန်ယူ စီစဉ်ပေးဖို့ မှာပါတယ်။ မြန်မာစာ အတွက် အမြှော်အမြင် ရှိရှိ မျိုးဆက်သစ် မွေးတဲ့ သဘောပါ။ မောင်ဘဂျမ်း ရဲ့ သူငယ်ချင်း တက္ကသိုလ် ရောက်နေတဲ့ ကိုလှမောင်ကို အကျိုးအကြောင်း ပြောပြီး စာရေး ခေါ်ခိုင်းပါတယ်။
မောင်ဘဂျမ်း ကသာ မသိတာ၊ မောင်ဘဂျမ်းကို တက္ကသိုလ်ထဲမှာ သိနေကြပါပြီ။ အဲဒီ အချိန်အခါ မန်းတက္ကသိုလ်မှာ ပြောစမှတ်လေး ဖြစ်သွားတာပေါ့။
'ဇ' ရှိတဲ့ လူငယ် တစ်ယောက်ကို ပညာရေးဆိုင်ရာ ပုဂ္ဂိုလ်တွေက အလွတ်မခံတဲ့ ဆွဲထုတ် မြေတောင် မြှောက်ခဲ့ကြပုံလေးကို ကြားရတာကဖြင့် စေတီဖြူဖြူရဲ့ ထီးတော်က ညောင်ရွက် ခတ်သံလေးတွေက်ို နွေဦးမှာ ကြားရသလိုပါပဲ။ ရင်ထဲမှာ ကြည်နူး လိုက်တာလေ။ ဆယ်စုနှစ် နှစ်ခု သုံးခုမှာ တစ်ခါသာ ပေါ်တဲ့ ကြည်နူးရပုံမျိုး ...။
အဲဒီနေ့က ဧပြီလ (၇) ရက်။ ၁၉၉၅ ၊ နံနက်ခင်း ရှစ်နာရီခွဲလောက် ထင်ပါရဲ့။ ဆရာဂျမ်းကို ကျွန်တော် ငေးကြည့် နေမိတယ်။ ကဗျာဆရာရဲ့ မျက်နှာမှာ miracle တစ်ခု ကျွန်တော် တွေ့နေရတယ်။
အဲသည်လိုပဲ ကျွန်တော် ခံစားရသလို ပြောချင်တယ်။ အင်္ဂလိပ် စာလုံးတွေကို မြန်မာစာ ရေးရာမှာ ထည့်သုံးတာ မသင့်ဘူး ဆိုပေမယ့် အဲဒီ တဒင်္ဂ ရင်ထဲဝင်လာတဲ့ စာလုံးက အဲဒီစာလုံးပါပဲ။ ( miracle ရဲ့ အဓိပ္ပါယ်က အံ့ဖွယ်ထူခြားတဲ့ အဖြစ်အပျက်။ ဘယ်လောက် အံ့ဖွယ်ကောင်းလဲ ဆိုရင် မဖြစ်နိုင်တာတွေက ဖြစ်လာလို့ ဘုရားသခင်ရဲ့ ဖန်ဆင်းမှုမျိုးလို့တောင် အဓိပ္ပါယ် ရတာမျိုး။)
နေရာက လူထုတိုက် မှာပါ။ အစ်မ မတင်ဝင်းရဲ့ စားပွဲရှေ့က ကုလားထိုင် နှစ်လုံးမှာ ထိုင်ကြလို့။ ကျွန်တော်တို့ နှစ်ယောက် စကား ပြောနေကြတာ။ ကျွန်တော်က ဆရာဂျမ်းကို ဘယ်လိုလုပ် 'တင်မိုး' ဖြစ်လာတာလဲလို့ မေးခဲ့တာကိုး။ ကဗျာဆရာဟာ ဆေးပေါ့လိပ်တစ်ချက် ရှိုက်ဖွာ လိုက်တယ်။ ဆေးလိပ်ငွေ့တွေ လွင့်ပါလာတော့ အလင်းပြပြတွေကို တစ်ချက်တစ်ချက် လက်ခနဲ၊ လက်ခနဲ တွေ့နေရတယ်။ ကဗျာဆရာဟာ သူ့မျက်လုံးထဲမှာ ဖန်မီးအိမ်လေးတွေ ချိတ်ထားသလား မသိဘူး။
ရေစကြိုမှာ ကတည်းက ကဗျာရေးခဲ့တဲ့ မောင်ဘဂျမ်းဟာ မန္တလေး တက္ကသိုလ် ရောက်တော့လည်း ကဗျာ ဆက်ရေးပါတယ်။ ဆယ်တန်း မအောင်မီ ကတည်းက လူထုဂျာနယ်မှာ ကဗျာ ရေးခဲ့တာ။ 'ကန်မြဲ နန်းမြင့်နွယ်' ဆိုတဲ့ နာမည်နဲ့။ ဒါပေမဲ့ 'တင်မိုး' ရယ်လို့တော့ ဖြစ်မလာသေးဘူး။ ရှုမဝ၊ မြဝတီ၊ သွေးသောက် မဂ္ဂဇင်းကြီးတွေ ပို့တာ အပယ်ချည်း ခံနေရတဲ့ အချိန်။
ဒါနဲ့ ၁၉၅၆ မှာ ကဗျာလေးတွေ စုစည်းပြီး စာအုပ်လေး တစ်အုပ် ဖန်တီးပါတယ်။ အဲဒီစာအုပ်လေး အတွက် အမှာစာကို အဲဒီခေတ် မန္တလေး တက္ကသိုလ်က မြန်မာစာ ဆရာကြီး တစ်ယောက်ဆီမှာ သွား မေတ္တာရပ်ခံတော့ "မင်းက ကျောင်းသား၊ ငါက ဆရာ၊ မသင့်ဘူး" တဲ့။ ပြီးတော့ "မင်းကဗျာတွေက ကဗျာစပ်နည်းလည်း မစုံဘူး" ဆိုပြီး အမှာ ရေးမပေးပါဘူး။ ဒါ့အပြင် "စာအုပ်ကို ဘယ်လောက်နဲ့ ရောင်းမှာလဲ" မေးတော့ တင်မိုး အမည်ခံ ကျောင်းသား မောင်ဘဂျမ်း က "တစ်ကျပ်ခွဲ" လို့် ဖြေပါတယ်။ ဒီတော့ ဆရာကြီးက "ငါးမူးလောက် ဆိုလည်း တော်သေးရဲ့။ သူငယ်ချင်းတွေက အားနာပြီး ဝယ်ကြဦးမှာ။ ခု ဈေးနှုန်း ဆိုရင်တော့ မင်းရောင်းရမှာ မဟုတ်ပေဘူး" ရယ်လို့ တပည့်အတွက် ပူရှာ ပါသတဲ့။
ဘယ်လိုပဲ ဖြစ်ဖြစ် ဆရာကြီးကို ကျေးဇူးတင်ကြောင်း ပြောဆိုပြီး လူထုတိုက်ကို မောင်ဘဂျမ်း တန်း သွားပါတယ်။ ကဗျာစာအုပ်လေးရဲ့ ကြော်ငြာကို လူထုသတင်းစာမှာ ထည့်ဖို့ အပ်ထားတာကိုး။ အဲသည် ကြော်ငြာမှာ တစ်ကျပ်ခွဲလို့ စာအုပ်တန်ဖိုးကို ရေးထားတာ။ ဆရာကြီးက ငါးမူးဆို တော်သေးရဲ့လို့ ပြောလိုက်တာ မဟုတ်လား။ မောင်ဘဂျမ်းလည်း လူထုတိုက်ကို သွား၊ ကြော်ငြာထဲက ကဗျာစာအုပ်ရဲ့ တန်ဖိုးကို အချိန်မီ ပြင်ပစ်လိုက်ပါတယ်။
"နှစ်ကျပ်"
အဲဒီ ကဗျာစာအုပ်လေးကတော့ 'ဖန်မီးအိမ်' ပါပဲ။ ၁၉၅၉ ခုနှစ်အတွက် စာပေဗိမာန်ဆု (နောင်မှာ ...အမျိုးသားစာပေဆု) ရပါတယ်။
ဒီကတည်းက ကဗျာကောင်းကင်မှာ တင်မိုး ထွက်ပြူ လာတာပါ။
အဲသည် ဧပြီ (၇)ရက်၊ နေ့ခင်းမှာပဲ ဆရာဂျမ်းနဲ့ ကျွန်တော် မန္တလေး တက္ကသိုလ်ထဲ သွားဖို့ ဆုံကြ ပြန်ပါတယ်။ ကျွန်တော်က သုတေသနကိစ္စ တစ်ခုအတွက် ဆရာ ဦးခင်မောင်သန်း (စိတ်ပညာ)နဲ့ သွားတွေ့တာ။ ဆရာဂျမ်းကတော့ (သူ့စကားအတိုင်း ဆိုရင်) ဟိုးတုန်းက ကာလကို လွမ်းချင်တာ။ ကျွန်တော့် ကိစ္စပြီးတော့ ဆရာ့သူငယ်ချင်းတွေ ရှိနိုင်လောက်တဲ့ မြန်မာစာ ဌာနကို ကူးကြပါတယ်။ စာပေသမားတွေ ဆိုတော့ ပုံစံက ခပ်ကုတ်ကုတ်နဲ့ပါ။ ပခုံးမှာလည်း ကြံတိုင်းအောင်က လက်ဆောင်ပေးတဲ့ မီးခိုးရောင် လွယ်အိတ်တစ်လုံးစီ လွယ်ကြလို့။ ဘယ်လို လုပ်လို့မှ သားနားစရာ မရှိတဲ့ မျက်နှာတွေကလည်း မန္တလေး နေရောင်မှာ အဆီ တပြောင်ပြောင်နဲ့။
"ဆရာ ဦးတင်မြင့် ရှိပါသလား" လို့ ရုံးခန်းလေးမှာ မေးတော့ အစည်းအဝေး သွားနေတယ်တဲ့။ ဘာကိစ္စ ရှိလို့လဲတဲ့။ ကိစ္စမရှိပါဘူး ဆိုပြီး ဆရာဂျမ်းက ရှေ့၊ ကျွန်တော်က နောက်က ထွက်လာ ကြပါတယ်။ ဒါနဲ့ ဆရာတွေ ရှိတတ်တဲ့ အခန်းကျယ်ကြီးထဲ ကုပ်ချောင်းချောင်းနဲ့ ကြည့်ပြန် ပါတယ်။ ဆရာဂျမ်းရဲ့ သူငယ်ချင်းတွေကို မတွေ့ပါဘူး။ ဆရာငယ်တွေကသာ စားပွဲအရှည်ကြီး တစ်လုံးမှာ ထိုင်ပြီး အဖြေလွှာတွေကို စစ်နေကြပါတယ်။
ဒါနဲ့ ဆရာဂျမ်းက ရှေ့ပြန်ထွက်၊ ကျွန်တော်က နောက်က လိုက်ပြန်ပေါ့လေ။ ကျောင်းထိုင် ဘုန်းကြီးနဲ့ ဘုန်းကြီး ကျောင်းသားလေးလို။ ကျွန်တော်တို့ စင်္ကြံန်အတိုင်း နည်းနည်း လျှောက်ကြ ပြန်တယ်။
မြန်မာစာ ဌာနက စာသင်ခန်းမကျယ်ကြီးကို အခန်းကန့်ထားတာပါ။ အခန်းကန့်တယ် ဆိုတာ အသေ ကန့်ထားတာမျိုး မဟုတ်ဘဲ စာအုပ်ဗီရိုကြီးတွေနဲ့ ကန့်ထားတာ။ အနောက်ဘက်ဆုံးမှာ ပါမောက္ခတွေရဲ့ အခန်း ရှိပါတယ်။ ပြီးတော့ ဧည့်သည်ထိုင် ဆက်တီတစ်စုံ ရှိတယ်။ ပြီးတော့ စားပွဲတွေ ဆက်ထားတဲ့ စားပွဲရှည်ကြီး။ အဲသည်မှာ ဆရာငယ်တွေ ထိုင်ပြီး စာစစ်နေကြတာ။ ခန်းမရဲ့ နေရာအများဆုံး အလယ်ဧရိယာမှာ ဆက်တီနဲ့ အဲဒီ ဆရာငယ်တွေစားပွဲ နေရာယူထား တာပေါ့။ အရှေ့ဘက်ဆုံး ရောက်သွား ပြန်တော့ ဗီရိုတွေနဲ့ ကန့်ထားပြန်တဲ့ အခန်းတစ်ခန်း ဖြစ်သွားပြန်တယ်။ အဲသည် အခန်းက လ/ထ ကထိကနဲ့ ကထိကတွေရဲ့ အခန်းပါ။
ဆရာဂျမ်းက အဲဒီကထိကတွေရဲ့ အခန်းထဲကို ခေါင်းပြူ ကြည့်လိုက်တယ်။ "ဟောတော့ ကိုတင်မိုးကြီး ရယ်" ဆရာမကြီး တစ်ယောက်ရဲ့ အံ့ဩဝမ်းသာ အသံတစ်သံကို ကြားလိုက်ရတယ်။ ဆရာမကြီးတွေက ဆရာဂျမ်း ပိန်မသွားဘူးတဲ့။ ဆံပင်တွေ နက်သွားတယ်တဲ့။ အရင်လိုပဲတဲ့။ ကျန်းမာပုံ ရတယ်တဲ့။ ဆေးလိပ်ကြောင့် တစ်ခါတစ်ရံ ချောင်းတဟွတ်ဟွတ် ဆိုးတာကလွဲပြီး ဆရာဂျမ်း ကျန်းမာပါတယ်။
"ကဲ ... ကဲ ... ဟိုမှာ သွားထိုင်ရအောင်"ဆိုပြီး ဆရာမကြီးက ဆက်တီခုံ ရှိရာကို လက်ညှိုး ညွန်ပြပါတယ်။ ဆရာငယ် တစ်ယောက်က ဆရာဂျမ်းကို တစ်ချက်လှမ်း မော့ကြည့်လိုက်ပြီး စာစစ်တဲ့အလုပ် ဆက်လုပ် နေတယ်။ အားလုံးဟာ ဆရာမကြီးတွေရဲ့ သာမန်ဧည့်သည် တစ်ယောက် လာသလိုပဲ။
ဆရာမကြီး တစ်ယောက်က ဦးဆောင်ပြီး အဲသည် ဆရာငယ်တွေ စာစစ်နေတဲ့ အခန်းကျယ် ကြီးထဲကို ဝင်လိုက်ကြတယ်။ ဆရာမကြီး နောက်က ဆရာဂျမ်း၊ ဆရာဂျမ်း နောက်က ကျွန်တော် ... ပြီးတော့ ဆရာ၊ ဆရာမကြီးတွေ။ ဆရာငယ်တွေရဲ့ စားပွဲထိပ်နား အရောက်မှာ ဆရာမကြီး တစ်ယောက်က ဟောသလို ပြောလိုက်တယ်။
"ဒါ ကဗျာဆရာကြီး တင်မိုး"
ငုံ့နေတဲ့ ဆရာငယ်တွေရဲ့ ခေါင်းတွေ ဆတ်ခနဲ မော့လာတယ်။ ပိတ်နေတဲ့ ပါးစပ်တွေ ပွင့်သွားတယ်။ "ဪ" ဆိုတဲ့ အံ့ဩတဲ့၊ လေးစားတဲ့၊ အနှစ်နှစ် အလလက ရင်းနှီးပြီး တွေ့ဖူးချင်တဲ့ ပုဂ္ဂိုလ်ကို ရုတ်ခြည်း တွေ့လိုက်ရတဲ့အခါ အံ့အားသင့်သွားတဲ့ အသံ တိုးညှင်းညှင်းတွေ ကျွန်တော် ကြားလိုက်ရတယ်။
ပြီးတော့ ဘယ်သူကမှ မခိုင်းစေ၊ မမှာကြားရပါဘဲ အလိုအလျောက်ပါပဲ ဆရာငယ်တွေဟာ ထိုင်နေရာက မတ်တတ် ရပ်လိုက်ကြတယ်။ ကဗျာဆရာကြီး တင်မိုး သူတို့ရှေ့မှာ ဖြတ်လျှောက် နေပြီကိုး။
ဆရာဂျမ်းက ခေါင်းတညိတ်ညိတ်၊ အပြုံးနဲ့ ပြန်နှုတ်ဆက်လို့၊ ကျွန်တော်ကတော့ ဆရာငယ်တွေရဲ့ ကြိုဆိုပုံကို အံ့အားသင့်၊ ဝမ်းသာ၊ ကြည်နူး။ ဒါ ... ကဗျာဆရာ။ လူထု ကဗျာဆရာ။ ရင်ထဲမှာ ရင့်ကျူး လိုက်မိ။ ခေါင်းတွေ ဆတ်ခနဲ မော့။ ပါးစပ်တွေ ပွင့်။ ထိုင်ရာက ထကြ။ ဒါ ... လူထု ကဗျာဆရာ ဖြစ်တယ်။
ဆက်တီခုံမှာ ထိုင်ကြတော့ ကျွန်တော်တို့ကို ကော်ဖီ တိုက်ပါတယ်။ ပြီးတော့ ရှေးဟောင်း နှောင်းဖြစ်တွေချည်း သူတို့် ပြောကြတယ်။ မိတ်ဆွေတွေ အကြောင်း၊ အဆောက်အအုံတွေ အကြောင်း၊ သူတို့ခေတ်က ဆရာတွေ အကြောင်း၊ လက်ဖက်ရည်ဆိုင်၊ စားသောက်ဆိုင်တွေ အကြောင်း။ ၅၀ နှောင်းပိုင်း မန်းတက္ကသိုလ်။
အတော်လေး ကြာတော့ တက္ကသိုလ်ထဲ လှည့်ကြည့်ဦးမယ် ဆိုပြီး ကျွန်တော်တို့ ထလိုက်ကြတယ်။ ဝင်ခဲ့တဲ့အတိုင်း ကျွန်တော်တို့ ပြန်ထွက်ကြတယ်။
ဒီတစ်ခါတော့ ဆရာငယ်တွေက တစ်ပြိုင်တည်း မရပ်ကြတော့ဘူး။ ထိပ်ဆုံးမှာ ရှိတဲ့ ဆရာငယ်က သူ့ရှေ့ကို ကဗျာဆရာကြီး ဖြတ်တဲ့အခါ မတ်တတ်ရပ် လိုက်တယ်။ ကျော်သွားတော့ သူ ပြန်ထိုင်တယ်။ သူထိုင်ချိန်မှာ သူနဲ့ကပ်လျက် ဆရာငယ်က မတ်တတ်ရပ် နေပြီ။ ဒီလိုနဲ့ ကဗျာဆရာကြီး တင်မိုး ဖြတ်လျှောက်နေတဲ့ အချိန်တွေမှာ ဆရာ၊ ဆရာမငယ်တွေက ထလိုက် ထိုင်လိုက်နဲ့။ လှိုင်းလုံးကြီး တစ်လုံးဟာ နိမ့်လိုက် မြင့်လိုက် ဖြတ်သွားနေသလိုပဲ။
အဲသည် လှိုင်းကြီးဟာ ကျွန်တော့် ရင်ထဲမှာ လာရိုက်နေခဲ့တာ အခုထိ။ ရင်ထဲမှာ အေးလို့။ လင်းလို့။ ကြည်လို့။ ဝင်းလက်လို့။
ဒါ့ထက် မင်္ဂလာရှိတဲ့အချိန် ဘယ်အချိန် ရှိပါဦးမလဲ။
--------------
တင်မောင်သန်း
သင့်ဘဝ၊ ဩဂုတ်၊ ၁၉၉၅။

သဇင်ပန်းသုံးခက်

သဇင်ပန်းသုံးခက် (မိုးမိုး (အင်းလျား))
-------------------------------------
“မညို ငါ့လုံချည်ကို သေသေချာချာ မီးပူတိုက်ထားနော် ကြားလား၊ ပြီးရင် မခေါက်နဲ့၊ တန်းပေါ်မှာ ဖြန့်ထား၊ ခေါက်ရိုးကြောင်းကြီးတွေ ထင်နေရင် ငါမကြိုက်ဘူး”
“ဟုတ်ကဲ့မမ”
“အင်္ကျီကိုလဲ ပြန့်အောင် တိုက်ပြီးအင်္ကျီချိတ်နဲ့ ချိတ်ထား”
“ဟုတ်ကဲ့”
“ဖိနပ်အဖြူလဲ ထုတ်ထားနော်”
“ဟုတ်ကဲ့”
“နင့်အစ်ကို မေးရင်ငါသဇင်ပန်း သွားဝယ်တယ်ပြော၊ အခု ပြန်လာမယ်လို့”
ဒေါ်ခင်မိုးအေးသည် သားရေအိတ်ကို ကိုင်၍ အိမ်ထဲမှ ထွက်ခဲ့သည်။ တော်တော် ဒုက္ခပေးတဲ့ သဇင်ပန်းပဲ။ မနေ့ကတည်းက ကြိုကြိုတင်တင် ဝယ်ထားဖို့ ကိစ္စ၊ ဟိုမိန်းမပေါ့၊ ၃၈လမ်း ဈေးထိပ်က သဇင်ပန်းသည်။ တစ်နေ့ကတည်းက သဇင်ပန်းလှလှ၊ အခက်ကြီးကြီး လေး ငါးခက်လောက် ဆက်ဆက် ယူခဲ့ဖို့ မှာလိုက်သည်။ “စိတ်ချပါ အစ်မ” ဆိုပြီး သည်နေ့မနက် ဈေးကို ရောက်တော့ ပိန်းပန်းဘက် လှည့်နေရလို့ သဇင်ပန်း ဝယ်ဖို့ မေ့သွားသတဲ့၊ သဇင်က သိပ်လဲ မပွင့်သေးလို့ ရှားတယ်တဲ့၊ သူသွားနေကျ အိမ်ကလဲ သဇင်မစိုက်၊ ပိန်းနဲ့ သစ်ခွပဲ စိုက်တယ်တဲ့။
“သစ်ခွပဲ ပန်ပါလား အစ်မရယ်နော်၊ ဗင်ဒါလေး တစ်ပွင့်မှ ရှစ်ကျပ်တည်း၊ အစ်မမို့ ပေးတာ၊ အန်တီ တစ်ယောက်က တစ်ဆယ်နဲ့ ယူနေကျ၊ သစ်ခွနှစ်ပွင့် ပန်လဲ လှပါတယ် အစ်မရဲ့”
သူကပြောသေးသည်။
“ငါဝတ်မှာက အပြာဟဲ့၊ မလိုက်ပါဘူး၊ သဇင်ပန်း ပန်ချင်တာ၊ သူ့အားကိုးပြီး နေတာ၊ ခုတော့ အချိန်တောင် မရတော့ဘူး”
“သဇင်က ရှားသေးတယ် အစ်မရဲ့၊ ဟောဒီ ခရမ်းရောင်လေးတွေ ပန်ပါလား၊ အပြာနဲ့ လိုက်ပါတယ်”
အရေးထဲမှာ သူက အရောင်စပ်နေ သေးသည်။
“မဖြစ်ပါဘူးအေ”
သစ်ခွ ခရမ်းရောင်က ဈေးပေါလွန်းလှသည်။ ပြီးတော့ သည်ပွဲမှာ သဇင်ပန်း ပန်မှပဲ ဖြစ်မည်။ ကိုယ်က အသက် လေးဆယ်ကျော်စ ဆိုပေမဲ့ မင်္ဂလာ ဆောင်မှာက ကိုကို့ တူလေး။ ကိုယ်က လူကြီးလုပ်ပြီး ဦးဆောင်ဦးရွက် လုပ်ရမည့်ပွဲ။ ကိုကို့ ဘက်ကရော သတို့သမီး ဘက်ကရော လူကြီးလူကောင်းတွေ လာကြမည်။ ဆံထုံးမြင့်မြင့် ထုံးရမည်။ ချိတ်လုံချည် ဝတ်ရမည်။ အင်္ကျီလက်ရှည် ဝတ်ရမည်။ ပဝါ ခြုံရမည်။ အဲသည် အဝတ်အစားတွေနှင့်က သဇင်ပန်းနှင့်ပဲ ပနံရသည် မဟုတ်ပါလား။ သဇင်ပေါ်စ ဆိုသော်လည်း ယခင် တစ်ပတ်ကပဲ အင်းလျားလိတ် မင်္ဂလာဆောင်တစ်ခု သွားရာ သဇင်ပန်းတွေကို ဖွေးဖွေးလှုပ်အောင် မြင်ခဲ့ရသေးသည်။
အိမ်က ကားကို ကိုကို ယူသွားလေတော့ ဗိုလ်ချုပ်ဈေးကို ခြေကျင်ပဲ လျှောက်ခဲ့ရသည်။ ပန်းဆိုးတန်းနှင့် ဗိုလ်ချုပ်ဈေးက သိပ်မဝေးလို့ တော်ပါသေးရဲ့။ ဗိုလ်ချုပ်ဈေးမှာက ရှားပါးလှသည့် ပန်းတွေပေမဲ့ အဆင်သင့် ရှိနေတတ်သည်။
ဗိုလ်ချုပ်ဈေး ပန်းဆိုင်တွေဘက် လျှောက်လာခဲ့သည်။ အဆင်သင့် တွေ့ရလျှင် ဘယ်လောက် ပေးရပေးရ ဝယ်မည်ဟု စိတ်ကူးခဲ့၏။
“သဇင်ပန်း ရှိလားဟင်”
“ရှိတယ်”
ရှိတယ်သာ ဆိုပေမဲ့ ပန်းကို မမြင်ရ။ ဈေးသည်က အေးစက်စက်။
“ပြပါဦး”
“ဘယ်နှစ်ခက် ယူမှာလဲ”
“လေး ငါးခက်ပေါ့”
ပန်းသည်က နောက်နားမှ ငှက်ပျောဖက် အထုပ်လေးကို အသာအယာ လှမ်းယူသည်။ ဒေါ်ခင်မိုးအေး ရှေ့မှာ ဖြေပြသည်။ အားမရစရာ၊ ပန်းက ဆယ်ခက်လောက်တော့ ရှိသည်။ သို့သော် တစ်ခက်ချင်း ကောက်ကိုင်လိုက်တော့ အခက်လေးတွေက တိုနံ့နံ့၊ အပွင့်ကလဲ ကျဲပါဘိ။
“ဒီထက်ကောင်းတာ မရှိတော့ဘူးလား”
ဈေးသည်က ခေါင်းခါသည်။
“တစ်ခက် ဘယ်လောက်လဲ”
“ခုနစ်ကျပ်”
“များလှချည်လား အဒေါ်ရယ်၊ အခက်ကလဲ ကျဲလိုက်တာ”
“ပေါ်ခါစကိုးကွဲ့၊ မနက်ကပဲ ဆယ့်ငါးခက် ရောင်းလိုက်ရတယ်၊ ဒါလဲ တော်ကြာ ကုန်မှာ”
ဈေးသည်က သူ့ပန်းတွေကို အဖိုးတန် ရတနာလေးတွေ အလား ဖက်နှင့် တယုတယ ပြန်ထုတ်ပြီး နှီးကြိုးလေး လိမ်ကာ ချည်လိုက်သည်။
“ကျွန်မ အခက်ကြီးကြီး လိုချင်တာ”
မဝယ်နိုင်ဘူး ထင်မည် စိုးသောကြောင့် ပြောလိုက်သေးသည်။ ဈေးသည်က စကားမပြန်။ ဒေါ်ခင်မိုးအေးသည် နောက်တစ်ဆိုင် မေးသည်။ မရှိ။ နောက်မှ ရခိုင်ချိတ်တွေ ရောင်းသော ဆိုင်တစ်ဆိုင်ရှေ့မှာ ရခိုင်သဇင် ရပြီ ဟူသော ဆိုင်းဘုတ် ချိတ်ထားလေ့ ရှိတာ သတိရပြီး ထိုနေရာသို့ သွားရပြန်သည်။
“သဇင်ပန်း ရမလားဟင်”
“ဪ သဇင်ပန်းက မှာမှ ယူလာတာ အစ်မရဲ့၊ အစ်မက ဘယ်နေ့ လိုချင်တာလဲ”
“အခုပဲ လိုချင်တာ၊ ပွဲက ညနေ သွားရမှာ”
ဒေါ်ခင်မိုးအေးက နာရီ ကြည့်လိုက်တော့ ၁၁ နာရီ ကျော်ပြီ။ မင်္ဂလာဆောင်အတွက် လုပ်စရာ နည်းနည်း ရှိသေးသည်။ ဟိုတယ်မှာ ဆောင်မှာမို့ တော်သေးရဲ့။
“ကျွန်မတို့က တစ်ရက် ကြိုမှာမှ ယူလာတာ၊ ဒီလိုလုပ်လေ အစ်မ၊ အိမ်ကို လိုက်သွားပါလား”
“အိမ်က ဘယ်မှာလဲ”
“ကမ္ဘာအေးဘုရား လမ်းမှာ၊ မဝေးပါဘူး၊ ဘော်ဒရီကွေ့တင်၊ ဘယ်ဘက် မြေနီလမ်းထဲ ကွေ့ဝင်သွား၊ ဆိုင်းဘုတ်လဲ ရှိတယ်၊ ကားနဲ့သွားရင် မကြာပါဘူး၊ ဟိုမှာ ကိုယ်ကြိုက်တဲ့အခက် လက်ညှိုထိုး ဝယ်လို့ ရတာပေါ့ အစ်မရဲ့”
ကားနှင့် သွားရင် မကြာပါဘူး ဆိုသော ဈေးသည်၏ အထင်ကြီး စကားကိုတော့ သဘောကျသား။ ကားကလည်း ပါမလာခဲ့။ သို့သော် မတတ်နိုင်။ သည်ကနေ့အဖို့ကတော့ သဇင်ပန်း ရကိုရမှ ဖြစ်တော့မည်။ ခက်ခဲလေလေ ပန်ချင်လေလေ။ ဈေးသည်က လိပ်စာ ကတ်ပြားလေး တစ်ခု ထုတ်ပေးသည်။ အပွင့်စိပ်စိပ်၊ အခက်လှလှ ရခိုင်သဇင်ပန်း လိုသလောက် ရပြီတဲ့။
ကတ်ပြားက အခံ့သား။ ဒေါ်ခင်မိုးအေးက ကတ်ပြားကို သားရေ အိတ်ကြီးထဲ ထည့်ပြီး ပြန်ထွက်ခဲ့သည်။ သဇင်ပန်းနောက် လိုက်ရဦးမည်။ ဈေးရှေ့မှာ ရပ်ပြိး လေးဘီးကားကို တားရသည်။ ဘောင်ဒရီကွေ့ကို တစ်ဆယ်တဲ့။
“ရှစ်ကျပ် ထားပါဟဲ့၊ သိပ်မဝေးပါဘူး”
“မရဘူး အန်တီ၊ ကျွန်တော်တို့က ဒီမှာ ဂိတ်ထိုးတော့ ဝင်ခတစ်ကျပ် ပေးရသေးတာ”
အရေးထဲမှာ ဒရိုင်ဘာက အန်တီတဲ့။ အချိန်က မရှိတော့သည်မို့ ထိုလေးဘီးဖြင့်ပင် လိုက်ခဲ့ရသည်။ ကမ္ဘာအေးစေတီလမ်း အတိုင်း လာပြီး သူပြောသလို ဘောင်ဒရီကွေ့နား ရောက်လာသည်။ မြေနီလမ်းထိပ်မှာပင် ရခိုင်သဇင် ရပြီ ဟူသော မြားပြထားသည့် ဆိုင်းဘုတ်ကို မြင်ရသည်။ လေးဘီးက အထဲအထိ မပို့၍ ဆင်းလျှောက်ခဲ့ရ၏။
လိပ်စာကတ်ပြားပါ ခြံနံပါတ်က အဆင့်ဆင့် မြားပြသွားသည်။ သူ့ခြံမ ရောက်ခင် တခြား သဇင်ခြံတွေကို ဖြတ်သန်း သွားရသည်။ လှလိုက်တဲ့ သဇင်ပန်းတွေ။ တိုင်လုံးကြီးတွေမှာ ပတ်ကာ စိုက်ထားသော သဇင်ဥတွေမှ အခက်လေးတွေ ထိုးထိုးထောင်ထောင် ထွက်နေသည်။ သဇင်ခြံကို ရောက်တော့ သူပြောသလို လက်ညှိုးထိုး ဝယ်လို့ ရပါရဲ့။ သို့သော် တစ်ခက် ဆယ့်နှစ်ကျပ်တဲ့။ အစက ငါးခက်ဝယ်မည် စိတ်ကူးသော်လည်း သုံးခက်ပဲ ဝယ်ဖြစ်တော့သည်။ ကြွားကြွားရွားရွား သုံးခက်ဆိုလည်း လှတာပါပဲ။ အပြန်မှာလည်း အငှားကားခ ရှစ်ကျပ် ပေးလိုက်ရသေးသည်။
“ဥလေးတွေကို ရေမှာ မြုပ်အောင်ထည့်၊ ရေခဲသေတ္တာထဲ ထည့်ထား ကြားလား”
မညိုသည် ဒေါ်ခင်မိုးအေး လက်မှ သဇင်ပန်းခက်လေး တွေကို လက်နှစ်ဖက်ဖြင့် တရိုတသေ လှမ်းယူလိုက်သည်။ ငှက်ပျောဖက်လေးဖြင့် ထုပ်ပြိး နှီးကြိုးပါးပါးလေး စည်းထားသည့် သဇင်ခက်လေး တွေကို ပန်းကန်ပြား တစ်ချပ်ပေါ်မှာ တင်သည်။ ဥကလေးတွေကို အရင်းမှာ ထားပြီး ရေလေး နည်းနည်းတောက်ကာ ရေခဲသေတ္တာထဲ တယုတယ ထည့်ရသည်။
ယခုတော့ မိညိုသည် စည်းကမ်းကြီးသော အလှကြိုက်သော သူ့အိမ်ရှင်မ အကြောင်းကို ကောင်းကောင်း သိနေပြီ။ အလိုက်တသိ လုပ်ပေးတတ်ပြီ။ ရောက်စကတော့ အထာမကျသေး၍ ဧည့်သည်လာလျှင် အအေး ဖျော်တာ၊ ကော်ဖီ ဖျော်တာကအစ စနစ်မကျ။ လက်သုတ်ပဝါ ချပေးဖို့ အမြဲမေ့သည်။ ဒေါ်ခင်မိုးအေး အပြင်သွားရာမှ ပြန်လာလျှင် ပိုက်ဆံအိတ် လှမ်းယူဖို့ သတိမရတတ်။ ယခုတော့ လုပ်တတ်ကိုင်တတ် အလိုက်သိတတ်လာ၍ ဒေါ်ခင်မိုးအေးက သဘောကျလာပြီ။ မိညို၏ အဖေသည် ဒေါ်ခင်မိုးအေး ခင်ပွန်း၏ ရုံးမှ ညစောင့်တစ်ယောက်။ ဒေါ်ခင်မိုးအေးကလည်း အဖော်အလှော် လိုခိုက်၊ မိညိုတို့ အိမ်မှာလည်း ကလေးတွေနှင့် မပြေမလည် ဖြစ်နေခိုက်မို့ မိညိုအဖေက မိညိုကို သည်အိမ်မှာ စိတ်ချလက်ချ အပ်နှံတော့သည်။
တစ်ခါသာ ကျဖူးသေးသော လေးတန်း စာမေးပွဲကို ဆက်ဖြေချင်သော်လည်း မိညိုကို ဥာဏ်ထိုင်းလှသည် ဆိုကာ အမေက မထားချင်တော့။ မိညိုအောက်မှာ မောင်လေးတစ်ယောက်၊ ညီမလေးနှစ်ယောက် ရှိသည်။ မောင်လေးကတော့ သုံးတန်းမှာ စာတော်လှသည်။ ညီမလေးက သူငယ်တန်း၊ အငယ်ဆုံးလေးက အမေ့ရင်ခွင်မှာ။
မိညိုကသည် အိမ်မှာ ထမင်းဝဝလင်လင် စားရသည်။ အဝတ်အစားလှလှ ဝတ်ရသည်။ ပြီးတော့ တစ်လငါးဆယ် ရသည်။ အမေက ပျော်သလောက် နေတဲ့။ လခကိုတော့ တစ်လတစ်လ အိမ်ပြန်တိုင်း အမေ့လက် အပ်ရသည်။
“မိညို တိုက်ပုံအင်္ကျီတွေ ပုဆိုးတွေလဲ မီးပူတိုက်ပြီး ဖြန့်ထားဦး”
“ဟုတ်ကဲ့”
မိညိုသည် ဒေါ်ခင်မိုးအေး လှမ်းပေးသော အင်္ကျီနှင့် လုံချည်ကို မီးပူတိုက်ရ ပြန်သည်။ သည်အိမ်မှာ အလုပ် များများစားစားတော့ မရှိပါ။ အိမ်ကလည်း တိုက်ခန်းမို့ သိပ်မကျယ်လှ။ လူကလည်း နည်းသမို့ စည်းကမ်းတကျ သပ်သပ်ရပ်ရပ် လုပ်တတ်ဖို့သာ လိုပါသည်။
ညနေဘက်မှာ ဒေါ်ခင်မိုးအေးတို့ ဇနီးမောင်နှံ မင်္ဂလာဆောင်သွားဖို့ အလုပ်များနေကြသည်။ အထူးသဖြင့် ဒေါ်ခင်မိုးအေး တစ်ယောက်တည်း အတွက်ကပဲ အလုပ်များနေခြင်း ဖြစ်သည်။ အနားမှာ စောင့်ပြီး လိုတာကို ဖြည့်ဆည်းပေးနေ ရသည်။ မှန်ကိုနောက်က ကိုင်ထားဦး။ ဆံညှပ်ပေးဦး သည်ဘက် ဖိထားဦး စသည်ဖြင့် လက်မလည်ရ။ ဆံထုံးထုံးပြီး ရှေ့နောက် ဘယ်ညာ ကြည့်နေသည်က ဆယ်မိနစ်ခန့် ကြာသည်။
“မြန်မြန် လုပ်လေကွာ၊ ဧည့်သည်တွေ မရောက်ခင် ကြိုရောက်ရမှာ”
“အင်းပါ၊ ဟဲ့ မိညို နင်က ဘာရပ်ကြည့် နေတာလဲ။ ပန်း ယူခဲ့လေ၊ သဇင်ပန်း၊ အမယ်လေး ကိုကိုရေ၊ သဇင်ပန်း တစ်ခက်ကို ဆယ့်နှစ်ကျပ်တောင် ပေးခဲ့ရတယ်၊ ကားခချည်းပဲ ဆယ့်ရှစ်ကျပ် ကုန်တယ်၊ ရှာလိုက်ရတာ လူကို ဖတ်ဖတ်ကို မောရော”
“မင်းနှယ်ကွာ၊ ဒီသဇင်ပန်း ပန်တော့ ဘယ်လောက် ပိုလှ သွားမှာမို့လဲ”
“အမယ် ကြည့်နေပါ၊ ဟိုကျတော့ သဇင်ပန်းတွေချည်း ဝေနေမှာ၊ မင်္ဂလာ သတို့သား သတို့သမီး နောက်က လိုက်ရမှာ၊ ချိတ်လုံချည်နဲ့ ပဝါနဲ့ သဇင်ပန်းနဲ့မှ ခံ့မှာပေါ့၊ ဒါတောင် ငါးခက်လောက် ပန်ချင်တာ၊ မတတ်နိုင်လွန်းလို့”
“တော်လောက်ပါပြီကွာ”
မိညိုသည် သဇင်ပန်းထုပ်လေးကို ရေခဲသေတ္တာထဲမှ တယုတယ ထုတ်ယူလာခဲ့သည်။ တစ်ခက် ဆယ့်နှစ်ကျပ်တဲ့၊ ယခုမှ မညို ပိုပြီး စိတ်ဝင်စား သွားသည်။ ဖက်ရွက်ကို စည်းနှောင်ထားသော နှီးကြိုးလေးကို ဖြေလိုက်တော့ သဇင်ပန်းလေး သုံးခက်က နုနုရွရွ ပေါ်လာသည်။ ပထမဆုံး တစ်ခက်ကို ဒေါ်ခင်မိုးအေးက ဖြူနေသော လက်ကလေးနှင့် ယူကာ ဆံထုံးအရင်းမှာ ပန်သည်။ ဥစိမ်းစိမ်းလေးကို ဆံထုံးကြားထဲ ထိုးဝှက်လိုက်သည်။ အဖျားလေးကို အောက်သို့ ကွေးညွှတ် ကျနေစေသည်။ နောက်တစ်ခုကို အလယ်မှာ စိုက်သည်။ နောက်ဆုံး တစ်ခက်က အပေါ်မှာ။ သုံးခက်ဆင့်ပြီး ဖြူဖြူဖွေးဖွေး ကွေးကွေးညွှတ်ညွှတ် ပန်လိုက်တော့ တကယ်ပဲ လှပခံ့ညား၍ သွားလေသည်။
“ဘာငေးနေတာလဲ မိညိုရဲ့၊ မှန်ပြစမ်းပါဦး”
“ဪဟုတ်ကဲ့၊ ဟိုလေ အန်တီကသိပ်လှနေလို့ ဟင်းဟင်း”
“ခေါ်ပြန်ပြီ အန်တီ၊ မမလို့ ခေါ်ပါဆို”
“ဪ ဟုတ်ကဲ့၊ မမက သဇင်ပန်းတွေနဲ့ သိပ်လှတာပဲ”
ဒေါ်ခင်မိုးအေးသည် မိညို၏ ချီးကျူးစကားကိုပင် အားရကျေနပ်စွာဖြင့်
မှန်ကို ရှေ့နောက် ကြည့်၏။ ပြီးတော့ ပဝါကို ရွရွလေးချကာ ဒေါက်ဖိနပ်လေး ခပ်ကြွကြွစီးပြီး ခင်ပွန်းနှင့်အတူ ဆင်းသွားလေသည်။
* * *
မိညို ငါ့ခေါင်းက ဆံညှပ်တွေ ဖြုတ်စမ်း”
တကယ်တမ်း ဒေါ်ခင်မိုးအေးသည် ပန်းကြိုက်သူ မဟုတ်ပါ။ အိမ်မှာလည်း မည်သည့်အခါမျှ ပန်းပန်လေ့ မရှိပါ။ ပွဲလမ်းသဘင်မို့ ပန်သွားခြင်း ဖြစ်သည်။ ပြီးတော့ သဇင်ပန်းရယ်လို့ ပန်သွားခြင်းသာ ဖြစ်သည်။
“မြန်မြန် ဖြုတ်စမ်းဟယ်၊ ငါခေါင်းတွေ ကိုက်လွန်းလို့ ပဝါခြုံရတာလဲ အိုက်လိုက်တာ၊ လူတွေကလဲ များတော့ ငြီးစီစီနဲ့”
“ဖြစ်ရပြန်ပြီ၊ မင်းက မသွားခင်ကတော့ တစ်မျိုး”
“အို ဒါတော့ လူတောသူတော သွားရတာ၊ ဒီလိုပဲ ပြင်ရတာပေါ့”
မိညိုသည် ဒေါ်ခင်မိုးအေး၏ ခေါင်းပေါ်မှ သဇင်ပန်း သုံးခက်ကို ဦးစွာ ဖြုတ်ရလေသည်။ ဖြုတ်သည် ဆိုရာမှာလည်း အခက်လေး ကျိုးမသွားအောင်၊ အပွင့်လေးတွေ ပဲ့မသွားအောင်၊ ဥကလေးတွေ ပြုတ်မသွားအောင် သတိကြီးစွာထားပြီး ဖြုတ်ရသည်။
“ဖြုတ်စမ်းပါဟဲ့ မြန်မြန်၊ ငါ အိုက်လှပြီ”
ဒေါ်ခင်မိုးအေးက ပြောသည်။ ညနေက သဇင်သုံးခက်သည် ဒေါ်ခင်မိုးအေး၏ ဆံထုံးထက်ဝယ် အတော်လေးပဲ လှနေခဲ့သည်။ ပြီးတော့ သည်သဇင်ခက်က တစ်ခက်ကို ဆယ့်နှစ်ကျပ် တန်သည်တဲ့။ တန်ဖိုးကြီး၊ လှလည်းလှသော သဇင်သုံးခက်သည် လန်းဆန်းနေဆဲ။ မိညိုက သဇင်ပန်းတွေကို သံယောဇဉ် ကြီးစွာဖြင့် တယုတယ ယူပြီး ရေခဲသေတ္တာ ထဲမှာပြန်သိမ်းသည်။
“ငါ မပန်တော့ပါဘူး ဒီပန်းတွေ၊ အေးလေ သေသေချာချာထား၊ ပန်ချင်တဲ့သူရှိ ပေးရတာပေါ့၊ တစ်ပတ်လောက်တော့ ခံဦးမှာ”
ဒေါ်ခင်မိုးအေးက ပြောတော့ မိညို ဝမ်းသာ သွားသည်။ တစ်ပတ်လောက်တော့ ခံဦးမယ်တဲ့။
* * *
မိညိုသည် အိပ်ရာ ထသည်နှင့် ရေခဲသေတ္တာကို ဦးစွာဖွင့်သည်။ ပန်းကလေး သုံးခက်ကို ကြည့်သည်။ လှပလန်းဆန်းဆဲ ရှိသော ပန်းလေးများကို မြင်ရမှ စိတ်အေးသွားပြီး တခြား အလုပ်များကို လုပ်သည်။
ရေနွေးအိုး တည်ရသည်။ ကော်ဖီ ဖျော်ရသည်။ ပေါင်မုန့် မီးကင်ရသည်။ ထမင်းချက်ထား ရသည်။ ဒေါ်ခင်မိုးအေး ဈေးက ပြန်လာသောအခါ ဟင်းဝိုင်းချက် ရသည်။ ချက်ရင်း ပြုတ်ရင်း ဟင်းရွက်ဟင်းသီး ယူရန် ထုတ်ရန် ရေခဲသေတ္တာ ဖွင့်တိုင်း ပန်းလေးတွေကို လှမ်းကြည့်သည်။
“ဟဲ့ မိညို၊ ခရမ်းသီး ယူခဲ့ပါဆိုတာ ဘာရပ်လုပ် နေတာလဲ”
“ဪ မမ၊ ဟို သဇင်ပန်း၊ အဲ”
သဇင်ပန်းတွေကို ငေးကြည့်နေရာမှ ရေခဲသေတ္တာကို ကမန်းကတန်း ပိတ်လိုက်ရသည်။ အင်း စနေနေ့ ရောက်ဖို့ ခြောက်ရက်တောင် လိုသေးသည်။ သဇင်ပန်းတွေက အဲဒီရက်အထိ လန်းနိုင်ပါဦးမလား မိညို တွေးကာ ပူနေမိသည်။
ထိုအခိုက် ဒေါ်ခင်မိုးအေး၏ ညီမဝမ်းကွဲ ရောက်လာသည်။ သူက အိမ်မှာ ဝင်ထွက် သွားလာနေကျ၊ လိုချင်တာ ရှိလျှင်လည်း နှုတ်ချိုချိုနှင့် တောင်းတတ် ပြုတတ်သည်။
“ဘာဟင်း ချက်သလဲ မမမိုး”
“ခရမ်းချဉ်သီးနဲ့ ငါး၊ စားသွားပါလားဟဲ့”
”မစားတော့ပါဘူး မမရယ်၊ မနေ့က မင်္ဂလာဆောင် လူတော်တော် စည်တယ်နော်၊ မမကလဲ ပြင်ထားတာ လှလိုက်တာ၊ သဇင်ပန်းတွေနဲ့”
“အေးဟဲ့၊ ငါ့မှာ မနေ့က အဲဒီသဇင်ပန်းတွေ ရှာရတာ နေကိုကုန်ရော၊ တစ်ခက် ဆယ့်နှစ်ကျပ်တောင် ပေးခဲ့ရတယ်၊ ခြံအထိ လိုက်ရတာ”
“ဟုတ်လား၊ အဲဒီပန်းတွေရော မမ”
“ရေခဲသေတ္တာထဲမှာ”
ပန်းကန် ဆေးနေသော မိညို ရင်ထဲမှာ တဒိန်းဒိန်း ခုန်လာသည်။ ဒေါ်ခင်မိုးအေး၏ ညီမ စိုးစိုးကိုလည်း မုန်းတီးစိတ်တွေ ဝင်လာသည်။ ထင်သားပဲ။ သူလာကတည်းက တစ်ခုခုတော့ လိုချင်ပြီ ဆိုတာ။
“မမမိုး မပန်ရင် တစ်ခက်လောက် ပေးပါနော်”
“အေး ယူသွားလေ”
စိုးစိုးသည် ရေခဲသေတ္တာဆီသို့ လျင်မြန်စွာ လှမ်းသွားသည်။ မိညိုသည် စိတ်သောက ရောက်စွာဖြင့် လှမ်းကြည့်မိသည်။ စိုးစိုးက အလှဆုံး အကြွားဆုံး တစ်ခက်ကိုမှ ရွေးယူလိုက် လေပြီကော။
“ပြန်မယ် မမမိုး၊ အိမ်မှာလည်း ချက်တုန်း ပြုတ်တုန်း၊ ပန်းမရလိုက်မှာ စိုးလို့ လာတာ၊ တစ်ခက်တည်း ယူသွားတာနော်”
“အေးပါဟဲ့”
စိုးစိုးက ၃၈လမ်းမှာ နေသည် ဆိုတော့ သည်လိုပဲ အချိန်မရွေး လာနေကျ။ သည်တစ်ခါတော့ သူလာခြင်းကို မကျေနပ်လွန်း၊ ခါတိုင်းလို “ပြန်တော့မလား မမစိုး၊ ထမင်းစားသွားပါဦး” ဟုပင် နှုတ်မဆက်မိ။ ရေခဲသေတ္တာကို အကြောင်းရှာဖွင့်ကာ ကျန်သဇင်ပန်းနှစ်ခက်ကို နေရာတကျ ပြန်ထားရင်း ဂျိုင်းခနဲ ပြန်ပိတ်လိုက်မိလေသည်။
အိမ်ပြန်ရဖို့ သုံးရက်ပဲ လိုတော့သည်။ အမေ့ကို လခ အပ်ရမည်။ မောင်ညီမလေးတွေနှင့် တွေ့ရမည်။ သည်တစ်ခါ ထူးထူးခြားခြား ပြောစရာလေးတွေ ရှိလိမ့်ဦးမည်။
ရေခဲသေတ္တာကို ဖွင့်သည်။ အသားတွေကို နေရာတကျ ထည့်သည်။ ကြက်ဥတွေကို စီသည်။ ရေပုလင်းတွေ ဖြည့်သည်။ သဇင်ပန်းလေး နှစ်ခက်ကို အရိပ်ကြည့်သည်။
“ဟဲ့ မိညို၊ နင် ဘာလုပ်နေလဲ၊ ပေးစမ်း ငါ့ကို ရေတစ်ပုလင်းလောက်”
မည်သည့် အချိန်က အိမ်ထဲ ရောက်လာသည် မသိ၊ ဒေါ်ခင်မိုးအေး၏ သူငယ်ချင်း မမနိုင်က ထုံးစံအတိုင်း စွာစွာစွာစွာဖြင့် သူ့အနား ရောက်လာသည်။ မိညို လက်က သဇင်ပန်းတွေကို နေရာရွေ့ဖို့ သတိရသော်လည်း နောက်ကျခဲ့ပြီ။
“ဟယ် သဇင်ပန်းတွေ လှလိုက်တာ၊ မိုးပန်ဖို့ ဝယ်ထားတာလား”
ဒေါ်ခင်မိုးအေးက လျှော်ထားသော ဆံပင်ကို မျက်နှာသုတ် ပဝါဖြင့် ပွတ်ရင်း ခေါင်းခါသည်။
“မပန်ဘူး၊ ပွဲရှိမှ ပန်တာ၊ ဟိုစနေက တူတော်မောင်ရဲ့ မင်္ဂလာဆောင်လေ၊ ဆံထုံးနဲ့မှ ခံ့မှာမို့ အချိန်မီ ဝယ်ပန်လိုက်ရတာ”
မမနိုင်က သဇင်ပန်း နှစ်ခက်ကို ဆတ်ခနဲ ဆွဲယူသည်။ မိညို၏ အသည်းဖျားမှာ လှုပ်ခါသွားသည်။ တစ်ခက်နှင့် တစ်ခက် နည်းနည်းငြိ နေသည်ကို ဂရုမစိုက်ဘဲ အခက်ကြီးကြီးကို လှမ်းဆွဲသည်။ ပြီးတော့ ဆံထုံးမကျ၊ ဆံတိုမကျ သူ့ဆံပင်ကြားကို ထိုးစိုက်လိုက်လေသည်။
“မိညို နင့်မှာ ကလစ်ရှိရင် တစ်ချောင်းလောက်”
မိညိုသည် မျက်နှာ မသာမယာဖြင့် မရှိဘူးဟု ခပ်ပြတ်ပြတ် ပြန်ပြောလိုက်သည်။
“ရော့ ရော့ ဒီမှာယူ”
ဒေါ်ခင်မိုးအေးက ဆံညှပ်တစ်ချောင်း ရှာပေးသည်။ မမနိုင်က သဇင်ခက်ကို ခပ်ထောင်ထောင် ထားကာ ဆံညှပ်ဖြင့် ဖိလိုက်သည်။ ပြီးတော့ ထုံးစံအတိုင်း သူတို့ သူငယ်ချင်း နှစ်ယောက် ရောက်တတ်ရာရာ အတင်းအဖျင်း ပြောကြသည်။ ထမင်းစားကြသည်။ မိညိုမှာ လိုအပ်တာ မှန်သမျှ ဖြည့်ဆည်းလုပ်ကိုင် ပေးရသော်လည်း စိတ်က မရွှင်။ သဇင်ပန်းက တစ်ခက်ပဲ ကျန်တော့သည်။ အလွယ်တကူ မမြင်သာအောင် အတွင်းဘက်ကို ဘာကြောင့် တွန်းမထားမိပါလိမ့်။ အောက်ဆင့်ကို ပြောင်းထားလျှင်လည်း မြင်နိုင်မည် မဟုတ်။ ခုတော့။ သည်တစ်ခါတော့ လူတွေလစ်သည်နှင့် မိညိုသည် ကျန်သဇင်လေး တစ်ခက်ကို အောက်ဆင့် အတွင်းဘက် ကျကျကို ပို့ထားလိုက်တော့သည်။ ဒေါ်ခင်မိုးအေးသည် ပန်းကိုကြိုက်သူ မဟုတ်။ သူ့ဂုဏ်ဒြပ်အတွက် လိုက်ဖက်အောင် ပန်ခြင်းသာဖြစ်သည်။ ပန်းကိုမတွေ့ရလည်း ပြဿနာ မရှိ။ အခြားသူတွေ မတွေ့ဖို့သာ အရေးကြီးလေသည်။
သည်နေ့ အိမ်ပြန်ရတော့မည် ဆိုတော့ မိညို ပျော်သည်။ ဒေါ်ခင်မိုးအေး လက်ထဲမှ ငွေငါးဆယ်ကို တရိုတသေ လှမ်းယူသည်။
“ရော့ ဘတ်စ်ကားခ အကြွေ ယူသွားဦး”
“ဟုတ်ကဲ့”
“အရင်တပတ်က သူများလာပေးတဲ့ ပဲကြမ်းကြော်တွေ ရှိတယ်၊ ဒီမှာဘယ်သူမှ မစားဘူး၊ နင့်မောင်လေးတွေ စားဖို့ယူသွား”
“ဟုတ်ကဲ့”
“နင့်အမေဖို့ လုံချည်ဟောင်း တစ်ထည် ပေးလိုက်တယ်၊ မနက်ဖြန်စောစော ပြန်လာ သိလား၊ ညနေစာ နင်ပြန်လာမှ ချက်ရမှာ”
“ဟုတ်ကဲ့ပါ”
“အေး သွားတော့၊ ကားပေါ်မှာ ခါးပိုက်နှိုက်လဲ သတိထားဦး”
မိညိုသည် တုံ့ဆိုင်းဆိုင်း ဖြစ်နေသည်။ ဒေါ်ခင်မိုးအေး မျက်နှာကို မော့ကြည့်သည်။ ဒေါ်ခင်မိုးအေးသည် တစ်ခါတစ်ရံ စိတ်တိုင်းမကျလျှင် အော်တတ် ငေါက်တတ် သည်ကလွဲ၍ ရက်ရောတတ်သူ ဖြစ်ပါသည်။
သူအရဲစွန့်ပြီး လည်ချောင်း ရှင်းလိုက်သည်။
“ဟဲ့ မသွားသေးဘူးလား၊ တော်ကြာ ကားတွေ ကျပ်နေမယ်”
“ဟို ဟို မမဆီက ကျွန်မ တောင်းချင်တာလေး ရှိလို့”
“ဟဲ့ ဘာတုံး”
မိညိုက ရေခဲသေတ္တာဆီ လက်ညှိုးထိုးပြသည်။
“သဇင်ပန်းလေးပါ မမ”
“ဟင် သဇင်ပန်းက ရှိသေးလို့လား”
“တစ်ခက် ကျန်သေးတယ် မမ”
“နေပါဦး၊ နင်က ဘယ်နား သွားပန်မှာလဲ၊ ဆံပင်ဖြင့် မရှိဘဲနဲ့”
မိညို၏ ဆံပင်က တစ်မိုက်လောက်သာ ရှိသည်။ မိညို ရယ်နေသည်။
“ကျွန်မ အမေကို ပေးချင်လို့ပါ၊ အမေက ပန်းသိပ်ကြိုက်တယ်၊ ဘာပန်းတွေ့တွေ့ ကောက်ပန်တာပဲ၊ ဆယ့်နှစ်ကျပ်တန် ဆိုတဲ့ သဇင်ပန်းကို ပန်ရရင် အမေ သိပ်ဝမ်းသာမှာ”
ဒေါ်ခင်မိုးအေးသည် စိတ်ရှုပ်ထွေးသွားဟန် ရှိသည်။
“ယူသွား ယူသွား”
မိညိုသည် ရေခဲသေတ္တာဆီ လျင်မြန်စွာ လှမ်းသွားသည်။ သူ တယုတယ
လျှို့ဝှက်သိမ်းဆည်း ထားရသော နောက်ဆုံး သဇင်ပန်းကလေး တစ်ခက်ကို ယူသည်။ ပေါ့ပါးရွင်လန်းစွာဖြင့် အိမ်ပြန်ခဲ့လေသည်။
ယခင်တစ်ခါ အမေ့ကို ပြောဖူးသည်။ အန်တီဝတ်တဲ့ လုံချည်က တစ်ထောင်ကျော် တန်သည် ဆိုတော့ အမေက မယုံဘူးတဲ့၊ ဘယ်လိုဟာမျိုး မို့လဲတဲ့။ မိညိုက သူ့အမေနှင့် သက်တူရွယ်တူ ဖြစ်သော ဒေါ်ခင်မိုးအေးကို ကွယ်ရာမှာ အန်တီပဲ ခေါ်သည်။ အမေကလည်း ကိုယ့်ထက် အသက်ကြီးသည့် ကျေးဇူးရှင်ကို ရိုရိုသေသေ ခေါ်ရမည်တဲ့လေ။ ဆယ့်နှစ်ကျပ် တန်သည့် ပန်းကို သုံးခက်တောင် တစ်နေ့တည်း ပန်ပြီး ပစ်ထားလိုက်သည် ဆိုလျှင် အမေက ယုံမည်မဟုတ်။ သည်တစ်ခါ လက်တွေ့ ပြလိုက်မည်။ ပြီးတော့ အမေ့ကို ပန်စေမည်။ ပန်လျှင် သုံးရက်လောက်တော့ ပန်ရမှာပဲ။ ဥကလေးက စိမ်းစိုနေသေးသည်။ ပိုက်ဆံကိုလုံချည်ခေါက်ကြားမှာ ညှပ်လျက် ချိုင်းအောက်မှာ ထားပြီး ဖက်ရွက်လေးနှင့် ထုပ်ထားသည့် ပန်းကိုတော့ လက်က ကိုင်ထားရသည်။
ကားကလည်း ကျပ်လိုက်တာ လွန်ပါရော။ လူတွေကလည်း တိုးလိုက်တာ။ သဇင်ပန်းကို ကာကွယ်ရသည်မှာ အမော။ ဆင်းရမည့် မှတ်တိုင် ရောက်တော့ အောက်ကလူတွေ တိုးမတက်ခင် မြန်မြန် ခုန်ချရသည်။ ဟောတော် သဇင်ပန်းကလေး လွင့်စဉ်သွားပါပကော။
“ဟယ် ဒီကောင်မလေး သေချင်လို့၊ ရပ်မှဆင်းလို့ ပြောနေတဲ့ဟာ”
စပယ်ယာ၏ ထောမနာပြုသံကို ဂရာမစိုက်အား၊ ခြေထောက်တစ်ဖက် မျက်ခနဲ ဖြစ်သွားသည်ကိုလည်း နာဖို့ သတိမရပေ။ သဇင်ပန်းခက်ကို အမောတကော ရှာဖွေရသည်။
လမ်းပေါ်က လူအုပ်ကြီးက ကားပေါ် ရောက်သွားသည်။ ကားပေါ်က ဆင်းလာသည့် လူတွေကလည်း ကျောခိုင်း ထွက်သွားကြပြီ။ ကားက ဝူးခနဲ မောင်းထွက်သွားသည်။
မိညို တစ်ယောက်တည်း ငိုင် ကျန်ရစ်သည်။ သဇင်ပန်းခက်နှင့် ဝင့်ထည်နေသော အမေ့မျက်နှာကို မြင်ယောင်၏။ သို့သော် သဇင်ပန်းခက်လေးက ကားဘီးအောက်ဝယ် တစ်စစီ ပျောက်ကွယ်ခဲ့ပြီကော။
------------------
မိုးမိုး (အင်းလျား)
လုံမလေး၊ မေ၊ ၁၉၈၅။

နွေးသော နှင်း

နွေးသော နှင်း (သုမောင်)
-----------------------------
သည်မနက် နှင်းထုက သိပ်သည်းစွာ ကျနေသည်။ တက္ကသိုလ် ပရိဝုဏ် အတွင်းမှာ ကျန်းမာရေးအတွက် လမ်းလျှောက်လာကြသော လူနှင့် ခွေးများ မနည်းလှပါ။ မှုန်ဝါးဝါး နှင်းထု အကြားမှာ အရွယ်လွန် ဂျူးလီးယက်ကို ကျွန်တော်က စ၍ တွေ့ပါသည်။ သူ့ကို ရုတ်တရက် ချာတိတ်မ ခပ်ဝဝကလေး အဖြစ် ပထမ ကြည့်မိခြင်း ဖြစ်သည်။ လုံးဝ မမှတ်မိ။
သို့ရာတွင် သူကတော့ ကျွန်တော့်ကို မြင်မြင်ချင်း မှတ်မိသွားပါသည်။ ကျွန်တော့်ကို နှုတ်ဆက်ပြုံး ပြုံးပြသော သူ့အပြုံးသည်ကား အရင်တုန်းဆီက အတိုင်း မူမပျက်"နောက်တွဲဆံထုံး အပြုံး"။ ပြုံးလိုက်လျှင် ကြေးစည်ကလေး ကဲ့သို့ စူသွားတတ်သော သူ့နှုတ်ခမ်းကို ကျွန်တော် ချက်ချင်း မှတ်မိသွားပါသည်။
ရုပ်ရှင်မင်းသမီး တင်တင်အေး၏ နှုတ်ခမ်းနှင့် တူသည်ဟု ကျွန်တော် ပြောခဲ့စဉ်က "အို ... ပေါက်တတ်ကရ" ဟူ၍ ရှက်ပြုံးဖြင့် ပြောခဲ့သော သူ့စကားသံကိုပင် အဆစ်အနေဖြင့် ပြန်လည်ကြားလိုက်မိ သွားပါသည်။ မှုန်ဝါးသော နှင်းထုကြားမှာပင် အတိတ်ကာလသည် ကြည်လင်ပြတ်သား လာပါတော့သည်။
"ဟင် ... သိန်းသိန်း"
သူ့နာမည်ရင်း`မခင်ချစ်´ ဖြစ်သော်လည်း တော်တော်ကလေး ရင်းနှီးကျွမ်းဝင် လာကတည်းက သူ့ကို သိန်းသိန်းဟုပင် ကျွန်တော် ခေါ်ခဲ့ပါသည်။ အကြောင်း ရှိပါသည်။ အဘွားဒေါ်သိန်းကို ကျွန်တော်သည် ဘာကြောင့်မှန်း မသိ၊ သိန်းသိန်းဟုပင် ငယ်ငယ် ကတည်းက နှုတ်ကျိုးခဲ့ပါသည်။ ထို ကျွန်တော့်အဘွား `သိန်းသိန်း´ အသုံးပြုလေ့ရှိသော ဘော်ကြယ်သီး အလုံးကြီးမျိုးကို `မခင်ချစ်´ ရင်ခွင်ဆီ၌ ရှေးဆန်စွာ မြတ်မြတ်နိုးနိုး တပ်ဆင်အသုံးပြုလေ့ ရှိခဲ့သည်ကို အကြောင်းပြု၍ သူ့ကို "သိန်းသိန်း" ဟု ကျီစယ်ခေါ်ခြင်းပါ။
နှုတ်ဆက်လိုက်သော ကျွန်တော့် လေသံတွင် ရုတ်တရက် သူ့ကို မမှတ်မိကြောင်း ဝန်ခံသည့် အရိပ်အယောင် ပါသွားသလား မသိ။ မထီသော အပြုံးဖြင့် ကျွန်တော့်ကို တုံ့ပြန် ပါသည်။ သူ့အပြုံးသည် အရင်ကလိုပင် ကျွန်တော့်အပေါ် စိုးမိုးသော၊ အနိုင်ယူသော အထင်သေးသော၊ ဂရုမထားသော ကြေးစည်အပြုံးပင်။
"ဆံပင်တွေ ဖြတ်ထားလို့ ကျွန်မကို မမှတ်မိဘူးမို့လား"
ကျွန်တော်က အမှန်အတိုင်း ဖြေလိုက်လျှင်
"လူဆိုတာ တစ်ခါတလေ စိတ်ထင်ရာတွေ လုပ်ကြမြဲပဲ။ ခုလို ကျွန်မ ဆံပင်ကို ဖြတ်လိုက်တော့ ဘယ်သူ့ကို ထိခိုက်မှာလဲ။ ပြီးတော့ ဘယ်သူနဲ့ကော ဆိုင်လို့လဲ" စသည်ဖြင့် စကားချီပြီး သဘောတရားတွေရော၊ အခြေအနေတွေရော ဘာညာကွိကွ စကားလုံး အကြီးကြီးများဖြင့် ကျွန်တော့်ကို ထုပေလိမ့်မည်။
"ဆံပင်ဖြတ်လိုက်လို့ မမှတ်မိတာ မဟုတ်ပါဘူး" ဟု ဖြေမိပြန်လျှင်လည်း "ဒီလိုပဲ မေ့ပစ်တတ်သလား" ခနဲ့ နေပေဦးမည်။ ကျွန်တော် ရယ်ပြလိုက်ပါသည်။ ထိုအခါ တက္ကသိုလ်၏ နှင်းလေအေးသည် ကျွန်တော့်သွားနှင့် သွားဖုံးကိုလာ၍ ထိဟပ်လိုက်ရာ ပါးစပ် ချမ်းသွားပါသည်။
"မနက်တိုင်း ခုလိုပဲ သိန်းသိန်း လမ်းလျှောက် တတ်သလား"
"ဟင့်အင်း၊ ခုမနက်မှ နှင်းတွေ ပိတ်ကျလာလို့ နှင်းတောထဲ လမ်းလျှောက်ချင် လို့ပါ"
အရင် လေးငါးခြောက်နှစ် တစ်မနက်တုန်းဆီက ကျခဲ့သော နှင်းသည် ဒီနေ့ မနက်ကျသော နှင်းနှင့် မည်သို့ ဆွေမျိုးတော်စပ် သနည်းဟု ကျွန်တော် တွေးမိသည်။ သိန်းသိန်း တစ်ယောက် ငယ်မူပြန်နေသည်လား။ သို့မဟုတ် ငယ်စဉ်က ခံစားမွေ့လျော်ဖွယ်များကို လျစ်လျူရှုခဲ့မိသဖြင့် ခုမှ အတိုးချနေခြင်းပေလား။ သူ့စိတ်နှင့် သူ့ရုပ်သည် လိုက်ဖက် နေပါသည်။ ဂျူးလီးယက်ကြီးသည် နှင်းတောထဲ စိတ်ကူးယဉ် နေပါသည်။
"ကိုဦးကော လမ်းလျှောက် ထွက်တာပဲလား"
"မဟုတ်ပါဘူး၊ ရွှေဘိုဆောင်ဘေးကို သွားမလို့ပါ"
"ရှင်"
"အော် ... သင်္ဘောမဲဇလီပင်အောက် သွားမလို့ပါ"
သူ ဖျတ်ခနဲ မျက်နှာပျက်သွား ပါသည်။ ကျွန်တော်က ကျွန်တော့ကိစ္စနှင့် ကျွန်တော် ရိုးရိုးသားသား ပြောခြင်း ဖြစ်သော်လည်း သူက အရင်တုန်းဆီကို မှတ်မိသွားပုံရသည်။ တစ်ဆက်တည်းမှာပင် ကျွန်တော်လည်း မှတ်မိသွားပါသည်။ ဟုတ်ပေသားပဲ။ နှင်းကျသော မနက်သည် လည်းကောင်း၊ ကျွန်တော် ခုသွားမည့် နေရာသည် လည်းကောင်း အတိတ်ကို အမှတ်ရစေသည် မဟုတ်ပါလား။ မှတ်မှတ်ရရ နေရာလေး။ ထိုမှတ်မှတ်ရရ နှင်းတစ်မနက်ကို ပြိုင်တူ သတိရလိုက်မိသည်။ ဤတွင် နှစ်ယောက်လုံး အနေရခက်မိသလို ဖြစ်မိကြပါ သည်။ အတိတ်ဟူသည် ပြန်မရနိုင်တော့သော ကာလများဆီသို့ စိတ်ကူးဖြင့် အရောက် သွားနိုင်သောအရာပင် ဖြစ်သည် မဟုတ်လား။ ကျွန်တော်၏ စိတ်သည် ပျော့ပျောင်းနူးညံ့ လာသည် ထင်၏ ။ သိန်းသိန်းကို ကြင်နာစွာ ကြည့်မိသည်။ သိန်းသိန်းသည်လည်း အတိတ် ကို လွမ်းသောအပြုံးဖြင့် စကားဆိုပါသည်။
"သွားချင် သွားလေ"
သူ့စကားကို ကျွန်တော် နားလည်လိုက်သည်မှာ ကျွန်တော် သွားချင်သွားတော့၊ သူလည်း လမ်းဆက်လျှောက်တော့မည် ဟူ၍ မဟုတ်ပါ။ သူ၏ ခြေဦးကို နောက်ကြောင်း ပြန်လှည့်၍ ကျွန်တော်နှင့် ဘေးချင်းယှဉ် လိုက်လာပါသည်။ ထိုနေရာသို့ နှစ်ယောက်အတူ သွားကြမည့် သဘော။ အလွမ်းပြေ သဘော။ အတိတ်က မရခဲ့သော တကယ့်အရှိ ပစ္စုပ္ပန်၌ ဖန်တီး၍ ဖြေသိမ့်လိုသည့် သဘော။ ကျွန်တော် သိန်းသိန်းကို သနားသွားပါသည်။ တစ်ဆက်တည်းမှာပင် ကျွန်တော်က အလိုလို ရိုမီယို၊ အိမ်က ထွက်လာစနှင့် မတူပါ။ ခြေချောင်းကလေးများကို မြက်ရွက်ဖျားမှာ သီးနေသော နှင်းဥကလေးများ စိမ့်ခနဲ စိမ့်ခနဲ လာပြီး ထိကြသည်ပင် နှင်းတောထဲ လမ်းလျှောက်ရသော အရသာပါကလားဟု ထင်တတ် လာသည်။ ကျွန်တော့်ဘေးဆီမှာ ဟော့(ခ်)ရေမွှေးနံ့သည် ရင်ခုန်မြန်လာစေသည်။
"ကိုဦးက အမှတ်သညာ ကြီးတယ်နော်"
"ခင်ဗျာ"
"ဪ ... အစွဲအလန်း ကြီးတယ်လို့ပါ။ ဒီနေရာလေးကို ဒီလိုပဲ ခဏခဏ ရောက်တတ် သလားဟင်"
ကျွန်တော် ပြုံးနေလိုက်ရ ပြန်ပါသည်။ သူ့အမေးအတွက် ကျွန်တော့်မှာ ချက်ချင်း ဖြေနိုင်စွမ်းမရှိ။ အမှန်တော့ အလွမ်းပြေ သဘောဖြင့် သည်နေရာကို ကျွန်တော် လာခဲ့ခြင်း မဟုတ်။ သို့သော် အမှန်အတိုင်း ဖြေလိုက်လျှင် သူစိတ်မကောင်း ဖြစ်မည်မလွဲပါ။ ကျွန်တော်သည် သူနှင့်ပတ်သက်လျှင် အမြဲတမ်း အလျှော့ပေးခဲ့သည်သာ။ သူ့အတွက် ငဲ့ကွက်တတ်သော အကျင့်သည် ယခုတိုင် မပျောက်သေးပါလား။ ထိုနေရာကလေးနှင့် ပတ်သက်၍ ကျွန်တော့်တွင် အကြီးအကျယ် အစွဲအလန်းထားခဲ့စဉ် ဟိုအရင်ကာလတုန်း ဆီက ထိုနေရာကလေးနှင့်ပတ်သက်၍ ကျွန်တော့်စကားများကို ရယ်မောစရာအဖြစ် သဘော ထားခဲ့သည်။ ကျွန်တော့်အဖြစ်ကို သနားစရာကောင်းသည်ဟု သူ ယူဆခဲ့သည်။ ကျွန်တော့် အစွဲအလန်းကိုတော့ စိတ်ကူးမယဉ်ပါနဲ့လေဟု ပေါ့ပေါ့တန်တန် ဆိုခဲ့သည်။
ဤနေရာလေးနှင့် ပတ်သက်၍လည်း "နေရာဌာန ဆိုတာ အဓိက မကျပါဘူးရှင်၊ ပင်လယ်ကမ်းခြေ ပေမယ့်လည်း မုန်တိုင်းလာရင် ဘယ်မှာ လမ်းလျှောက် ကောင်းပါ့မလဲ၊ ဟုတ်ဘူးလား" ဟု အထက်စီးနင်း ပြောခဲ့သည်။
ထိုစဉ်တုန်းက သူ့စကား၊ သူ့အယူအဆမျိုးကို ကျွန်တော် ချေပနိုင်စွမ်း ရှိခဲ့ပါသည်။ သို့ရာတွင် မေတ္တာတရားကို စကားအရာဖြင့်သာ အနိုင်ယူ၍ မရစကောင်းမှန်း ကျွန်တော် သိပါသည်။
ထို့ကြောင့် မတုံ့ပြန်ခဲ့။ ခု ဤနေရာလေးနှင့် ပတ်သက်၍ သူမကပင် မှတ်မှတ်ထင်ထင် စကားဆိုလာသော အခါ ကျွန်တော် ကလဲ့စားချေလိုက ချေနိုင်ပါသည်။ သို့ရာတွင် ကျွန်တော်သည် သူမ မဟုတ်ပါ။
ကျွန်တော့် နှလုံးသားနှင့် သူ့ နှလုံးသားသည် မတူကြပါ။ ထို့ကြောင့်ပင် ဤနေရာသို့ ကျွန်တော် အလွမ်းပြေ ရောက်လာခြင်း မဟုတ်ကြောင်းကို သူ့အား ငဲ့ညှာစွာဖြင့်ပင် ကျွန်တော် ထိန်ဝှက်ထားလိုက် ရပါသည်။
တကယ်တော့ ခုချိန်တွင် ထိုနေရာလေးကို သူက ကျွန်တော့်ထက် စွဲလန်းနေကြောင်း စောစောက သူမေးသော မေးခွန်းကပင် သက်သေပြနေသည် မဟုတ်ပါလား။ ယခုတိုင်ပင် မိမိသဘောကို တစ်ပါးသူ၏ သဘောဖြစ်ခဲ့ရလေအောင် သူ၏ ဆန္ဒကို ကျွန်တော်နှင့် ကာဗာလုပ်၍ ထုတ်ဖော်ပြီးသား ဖြစ်ရလေအောင် ပြုမူတတ်သော အကျင့်သီလသည် သူ့၌ စွဲကပ်နေတုန်းပင်တကား။
* * *
အချစ်ဆိုသော အရာနှင့် သက်ဆိုင်သည် မသက်ဆိုင်သည်တော့ဖြင့် မသိ။ ကျွန် တော်နှင့် အိမ်ထောင်ရေးသည် ရိုးသားမွန်မြတ် သည်တော့ အမှန်ပါ။
"နေကောင်းပါတယ်၊ ခု သူ တောသွားတယ်"
"ကလေးတွေကော"
"အငယ်ကောင်တော့ သူ့အမေနဲ့ တောပါသွားတယ်။ အကြီးကောင်ကတော့ ကိုယ်နဲ့ကျန်နေခဲ့တယ်"
သိန်းသိန်းသည် ယခုတိုင် အိမ်ထောင် မပြုသေးပါ။ ဘာကြောင့်မှန်းတော့ မသိပါ။ မည်သို့ရှိစေ ကျွန်တော် အိမ်ထောင်ပြုခြင်းနှင့် ပတ်သက်၍ မိမိကိုယ်မိမိ စိတ်သန့်ပါသည်။
လူသည် အချိန်တန်လျှင် အိမ်ထောင်ပြုသည်၊ မည်သူက အပြစ် ဆိုမည်နည်း။ အချစ်နှင့် ပတ်သက်၍ ကျွန်တော် ဥပေက္ခာထားခြင်း မဟုတ်ပါ။ ဘဝတစ်ခု၏ အစသည် အချစ်ဖြစ်သည်ဟု ကျွန်တော် ယုံကြည်ပါသည်။
သို့ရာတွင် ဘဝတစ်ခု ဖြစ်လာသော အခါ၌ အချစ်သည် ဘဝ၏ အစိတ်အပိုင်းသာ ပြန်ဖြစ်သွားတတ်သည် ဟူ၍ လည်း ယုံကြည်ပါသည်။
မည်သို့ပင် ရှိပါစေ၊ ဘဝ၏ အစိတ်အပိုင်း တစ်ခုသာ ဖြစ်သော အချစ်သည်လည်း သူ့ အင်အားနှင့်သူ ရှိကြောင်း သေချာပါသည်။ ခုပင်ကြည့်တော့၊ ကျွန်တော်၏ စိတ်သည် မအေးမိနှင့် ပတ်သက်၍ သန့်ရှင်းရိုးသားသည်မှာ တစ်ပိုင်း၊ နေရာဟောင်းမှ ငယ်ချစ် (ကျွန်တော်က ချစ်ခဲ့ခြင်းကို ဆိုလိုပါသည်) ဟောင်းနှင့် ပြန်လည်ဆုံစည်းရသော အခိုက်မှာတော့ နည်းနည်း စိတ်လှုပ်ရှားချင်သည်။ အနေရ အထိုင်ရ ခက်သလိုလို၊ ရင်ခုန်သလိုလို၊ တက္ကသိုလ်၏ နှင်းသည် ရုပ်ရှင်ကား တစ်ကား၏ ဇာတ်လမ်းကို နောက်ခံတီးလုံးဖြင့် ပို့ပေး နေသကဲ့သို့။
* * *
"တစ်ချိန်က ကျွန်မပြောခဲ့တဲ့ စကားကို"ကိုဦး" မှတ်မိမလား မသိဘူး။ နေရာဌာန ဆိုတာ အဓိက မကျဘူးလို့လေ။ ပင်လယ်ကမ်းခြေ ဆိုပေမယ့် မုန်တိုင်းကျရင် ဘယ်မှာ လမ်းလျှောက်လို့ ကောင်းပါ့မလဲ လို့လေ။ မှတ်မိရဲ့လား။ တကယ်တော့ ကျွန်မ မှားပါတယ်။ မုန်တိုင်းဆိုတာ အမြဲတမ်း ကျနေတတ်တာမှ မဟုတ်ဘဲရှင်"
ကျွန်တော် အံ့ဩ သွားပါသည်။ သည်မျှအထိ သူပြောရဲ ဆိုရဲလိမ့်မည်ဟု ကျွန်တော် မထင်ခဲ့။ ဤနေရာတွင် အတိတ်ကို သတိရရင်း အာလာပ သလ္လာပ စကားများ ပြောရင်းဖြင့်ပင် ရင်မောစွာ ကိုယ့်လမ်းကိုယ် ပြန်ကြရမည်ဟုသာ ကျွန်တော် ထင်ခဲ့ပါသည်။ ခုတော့ သူ့စကားသည် ရဲတင်းလွန်းသည်။ ဆက်၍ ပြောသည်ကို ကြည့်ပါဦး။
"ကိုဦး စိတ်ထဲမှာ ကျွန်မနဲ့ပတ်သက်လို့ အရင်လိုပဲလား"
ဤမေးခွန်းကို ဖြေဆိုရန် ပိုခက်ပါသည်။ သူ့ကိုရော မအေးမိကိုပါ ငဲ့ကွက်၍ ဖြေရပါလိမ့်မည်။ ထို့ကြောင့် သည်တစ်ခါ ကျွန်တော် ပြုံးမနေပြတော့ပါ။ သူ့မေးကို အမေးဖြင့်ပင် ရှင်းလင်းရပါတော့မည်။
"ဘာပြုလို့ မေးတာလဲ သိန်းသိန်း"
"ဟင့်အင်း၊ ဘာမှ မဖြစ်ပါဘူး၊ သိချင်ရုံ တစ်မည်တည်းပါ။ ထားပါလေ၊ မဖြေချင်လည်း မဖြေပါနဲ့၊ တကယ်တော့ ဒီမေးခွန်းမျိုး မေးအပ်တဲ့အချိန် မဟုတ်တော့ဘူး ဆိုတာ ကျွန်မ နားလည်ပါတယ်"
သူ့ကို ကျွန်တော် သနားသွားပါသည်။ မိုးလွန်မှ ထွန်ချချင်လာသော ဝေဒနာသည် အခံရခက်လှပါသည်။ ထို့ကြောင့် သူ့စကားလမ်းကြောင်းကို ကျွန်တော်မသိမသာ ဆက်ပေးရပါသည်။ ပြောလိုက ပြောပါလေ သိန်းသိန်း။
"သိန်းသိန်း စိတ်ထဲမှာတော့ ကိုယ့်ကို အရင်လိုပဲ သဘောထားသလား"
ကျွန်တော်၏ မေးခွန်းသည် သူ့မေးခွန်းထက် ထိရောက်ပါသည်။ အဘယ်ကြောင့် ဆိုသော် သူ့မေးခွန်းသည် တိုက်ရိုက်ပြောရပါက "ကျွန်မကို ချစ်တုန်းပဲလား၊ မချစ်ခဲ့ဘူးလား" ဟူသော အဓိပ္ပါယ် ဆောင်ပါသည်။ ကလေးငယ်ကဲ့သို့ သနားစဖွယ် ချက်ချင်းဖြေ ပါသည်။
"ကျွန်မကိုယ်ကျွန်မ သိပ်အထင်ကြီးခဲ့တယ် ကိုဦးရယ်။ အရှက်အကြောက် ကြီးတဲ့ ဗီဇကလည်း ရှိနေတော့"
ကျွန်တော်ပင်လျှင် တစ်ချိန်က မိမိဘာသာ မသိလိုက်ရဘဲ ဆုလာဘ်တစ်ခု ရခဲ့ခြင်းကို ခုမှသိရသဖြင့် အသုံးချ၍ မရနိုင်တော့သော်လည်း ဂုဏ်ယူမိသလိုဖြင့် ကြည်နူးမိပါသည်။ မိုးလွန်မှ ထွန်ချခြင်း ဖြစ်သော်လည်း ၀တ္တရားတစ်ခု ပြီးမြောက်သွား သလိုတော့ စိတ်လက် ပေါ့ပါးသွားသည်။
သိန်းသိန်းသည် ကျွန်တော့်ဘေးတွင် ရှက်ရွံ့စွာ ပြုံး၍ ခေါင်းငုံ့လျက် နေပါသည်။ လုံမပျိုလေးပမာ သူ့ပေါင်ထဲကို သူ့လက်ဖဝါးဖြင့် ပွတ်သပ်နေပါသည်။ ကျွန်တော်သည် သူ့ကို သနားပြီးရင်း သနား ဖြစ်သွားပါသည်။ သူနှင့် ပတ်သက်၍ ဘယ်တုန်းကမျှ အနိုင် မယူတတ်ခဲ့သော ကျွန်တော်သည် အခုလို အနိုင်ရနေသည့် အချိန်၌ပင် သူ့ကို အရှုံးမပေး လိုသည့်တိုင် တန်းတူတော့ ထားချင်ပါသည်။ ကျွန်တော့် မေးခွန်းကို ကျွန်တော် ဖြေမိပါတော့သည်။
"သိန်းသိန်းကို ကိုယ်ချစ်ပါတယ်"
ဘယ်လောက်များ ထူးဆန်းနေပါသနည်း။
တစ်ချိန်က သည်နေရာလေးကို အလေးအမြတ်ထားပြီး သည်အချိန်ကလေးကို တယုတယ စောင့်ဆိုင်းရင်း ပြောအပ်သော ပြောချင်သော စကားလုံးပေါင်း များစွာကို စီစဉ် သီကုံးတိုင်း အလဟဿ ဖြစ်ခဲ့ရသည်။ ချစ်ရေးဆိုမည့် ကျွန်တော်က စကားအလှအပများဖြင့် ဝေ့သီဝန်းဝိုက်ပြီး လိုရင်းရောက်အောင် မပြောဖြစ်ခဲ့သလို ချစ်ရေးအဆိုခံရမည့် သိန်းသိန်းကလည်း သူ့ကိုသူ အထင်ကြီးခြင်း၊ အရှက်တရား ကြီးခြင်းတို့ကြောင့် ကျွန်တော့် စကားတိုင်းကို ဂျူဒို၊ ကရာတေး၊ ကိုယ်ခံကစားတို့ဖြင့် ဖယ်ရှားပုတ်ထုတ် ပစ်ခဲ့သည်။
ပြောမည့် ပြောဖြစ်တော့လည်း လျှောခနဲ။
* * *
ခေါင်းငုံ့ရှက်နေသော အရွယ်လွန် ဂျူးလီးယက်သည် ကျွန်တော်၏ ပြန်လည်ဆန်းသစ် နေသော အချစ်စကားကို ကြားရသောအခါ မျက်ရည်ငွေ့ဖြင့် ပြုံးပါသည်။ သက်ပြင်းချရင်း ဖြည်းညင်းစွာ ထရပ်လိုက်ပြီး ကျွန်တော့်ကို တွေတွေ ကြည့်ပါသည်။
"ကျွန်မ ပျော်လိုက်တာကွယ်"
သူ မတ်တပ် ထရပ်လိုက်ခြင်းမှာ ပြန်ကြစို့ဟူသော အဓိပ္ပါယ်ဟု ကျွန်တော် နားလည်ပါသည်။
ဟုတ်ကဲ့။ သည့်ထက် စကားအားဖြင့်လည်း ကျွန်တော်တို့ ရှေ့မဆက် သင့်ကြတော့ပြီ။ ပြန်ကြမည်ဟု ခြေလှမ်းပြင်ရတော့သည်။ သည်တော့မှ သည်နေရာကလေးကို ကျွန်တော် လာခဲ့ရင်း အကြောင်းကို သတိရသည်။
"သိန်းသိန်း ခဏနော်"
သိန်းသိန်းသည် လက်ကလေး ပိုက်လျက် ပြုံးရင်း ခေါင်းကို တဆတ်ဆတ် ညိတ်ပြပါသည်။ ကျွန်တော်သည် ခပ်လှမ်းလှမ်းရှိ ကွမ်းယာသည်ထံမှ ဝါးလုံးတိုတစ်ချောင်း သွား ငှားပါသည်။ ကျွန်တော်တို့ စောစောက စကားထိုင်ပြောခဲ့ကြသော မဲဇလီပင် ခြေရင်းသို့ ခပ်သွက်သွက်ကလေး ပြေးသွားပါသည်။ သင်္ဘောမဲဇလီရွက် လေးငါးဆယ်ရွက်ကို ခူးလိုက်ပါသည်။ ကျွန်တော်၏ လှုပ်ရှားမှုတိုင်းကို သိန်းသိန်း မျက်ခြည်မပြတ်။ ကျွန်တော် ခူးပြီးသော သင်္ဘောမဲဇလီရွက် ကလေးများကို အသေအချာ တစ်ရွက်ချင်းထပ်ပြီး သိန်းသိန်းနားသို့ ပြန်ရောက်လာပါသည်။
"သွားကြစို့"
ကျွန်တော်တို့ အတူတွဲပြီး လမ်းလျှောက်ခဲ့ကြပါသည်။ သိန်းသိန်းက ကျွန်တော့် လက်ထဲမှ သင်္ဘောမဲဇလီရွက်များကို နားမလည်သလို ကြည့်ရင်း မေးပါသည်။
"ဘာလုပ်ဖို့လဲ ဟင်"
ခုချိန်တွင် အမှန်အတိုင်းဖြေဖို့ ဝန်မလေး။ ကျွန်တော်ရော သူပါ အတိတ်ဆီက မကြေခဲ့သော စကားကြွေးကို ပေးချေပြီးပြီမို့ စိတ်လက် သန့်ရှင်းနေပြီ မဟုတ်လား။ အတိတ်သည် ပစ္စုပ္ပန် မဟုတ်။ စိတ်ကူးသည် တကယ့်ဘဝ မဟုတ်ချေတကား။
"ကိုယ့်သား အကြီးကောင် အတွက်ပါ။ ဒီကောင်က ဘောင်းဘီ ဘယ်တော့မှ ဝတ်ပေးလို့ မရဘူး။ ဖင်တုံးလုံးနဲ့ အမြဲတမ်း လျှောက်ဆော့နေတဲ့ ကောင်။ တစ်ဖင်လုံး ပွေးတွေ ချည်းပဲ။ အဂ်လိပ်ဆေးလည်း မနိုင်ဘူး။ အဲဒါ ဟိုတလောတုန်းက ဆေးနည်းတစ်ခု ရလာတယ်။ ဒီသင်္ဘောမဲဇလီရွက်နဲ့ တအားပွတ်ချလိုက်ရင် ပွေးရော၊ ပွေးဘကြီးပါ မခံနိုင်ဘူး။ ပြေးရောတဲ့။ အဲဒါ လာခူးမယ် ခူးမယ်နဲ့ ခူးတဲ့စခန်းကို မရောက်ခဲ့ဘူး"
"ဒါဖြင့် ပွေးဝဲကုနည်း စာအုပ်တစ်အုပ်လောက် ရေးပေါ့ ကိုဦးရဲ့"
"ကိုယ့်ကို သိပ်အထင်မကြီးနဲ့ သိန်းသိန်းရေ။ ဒီနည်းက သူ့အမေ မအေးမိ ရလာတဲ့ နည်းဗျ။ အဲဒါ သူခရီးမသွားခင်ကတည်းက ခူးပြီး လုပ်ပေးပါ၊ လုပ်ပေးပါနဲ့ ခိုင်းနေတာ၊ ခု ခရီးထွက်သွားတော့လည်း အလုပ်များတာနဲ့ မေ့နေလို့။ ဒီနေ့တော့ မခူးလို့ မဖြစ်တော့ဘူး သိန်းသိန်းရဲ့"
"ဘာလို့လဲ"
"မအေးမိ ဒီမနက် ပြန်ရောက်မှာဗျ။ ဒီကအပြန် သင်္ဘောဆိပ် ဆင်းကြိုရဦးမယ်။ ပြန်ရောက်လာလို့ ဒီအရွက်ကလေးမှ ခူးမထားမိရင် သူ့စကားဆိုရင် ဘယ်တော့မှ အလေး မထားဘူး ဘာညာနဲ့ ပွက်လောရိုက်ဦးမှာ သေချာတယ်။ ဟဲဟဲ ... ကိုယ်က မိန်းမ ကြောက်ရတယ် သိန်းသိန်းရဲ့"
"ချစ်ရတယ် မဟုတ်ဘူးလား"
ကျွန်တော်ရော သူပါ ဟက်ဟက်ပက်ပက် ရယ်မိပါသည်။ တက္ကသိုလ် ပရိဝုဏ်အတွင်း နှင်းထု မကွဲသေးပါ။ သို့ရာတွင် ကျွန်တော့်သွားနှင့် သွားဖုံးကို လာ၍ ထိရိုက်ကြသော နှင်းငွေ့သည် မအေးတော့ပါဟု ထင်ပါသည်။ ကျွန်တော့်ပါးစပ် မချမ်းတော့ပါ။ နှင်းသည် နွေး၏။
-----------
သုမောင်

ခေမာရီ

ခေမာရီ (ဂျာနယ်ကျော် မမလေး)
---------------------------------
(၁)
တော်သလင်း လကွယ်နေ့။
အရပ် လေးမျက်နှာစလုံး မှောင်အတိ ဖုံးကာ ဘယ်နေရာ ကြည့်ကြည့် အလင်းရောင် ဟူ၍ မရှိ။ မိုးမှောင်ကြီး ကျနေလေသည်။
ခင်မေသည် ခေါင်းအုံးအောက်က နှစ်တောင့်ထိုး လက်နှိပ်ဓာတ်မီး ကလေးကို ဆွဲယူကာ လက်ပတ်နာရီကို ထိုးကြည့်လိုက်၏။ ၁၂ နာရီ ထိုးသွားပြီ။
ငေါက်ကနဲ အိပ်ရာမှ ထလိုက်ကာ ခြင်ထာင်ကို မလျက် အပြင်သို့ ထွက်ထိုင် လိုက်သည်။ တဘက်က ခြင်ထောင်ထဲတွင် အိပ်နေကြသော ကြီးတော်နှင့် မဦးတို့ အသံကို လှမ်း၍ နားစွင့်လိုက်၏။ အိပ်မောကျနေမှန်း စိတ်ချလက်ချ ရှိမှ ညဦးက အိပ်ရာထဲတွင် ဝှက်ထားသော လွယ်အိတ်ကို ကောက်ယူ လွယ်လိုက်သည်။ အသံ မကြားအောင် ဖြေဖျားထောက်လျက် အခန်း အပြင်သို့ စမ်းထွက်လာခဲ့သည်။ မီးဖိုချောင်ဘက်သို့ ထွက်သော တံခါးမှ ဂျက်ကို ဖြည်းဖြည်းကလေး မ ဖွင့်ကာ၊ မီးဖိုချောင်ထဲသို့ ဝင်သွားလေ၏။ ခင်မေသည် မီးဖိုထဲတွင် တအောင့်တွေးပြီး စဉ်းစားနေသေးသည်။ အပြင်ရောက်ဖို့ တံခါးတထပ် ကျန်သေးသည်။ ညများ ချွတ်ဆိုလျှင် လန့်တတ် ကြောက်တတ်သည်။ အဖော်မပါလျှင် တယောက်ထဲ မထဝံ့။ ထချင်လျှင် မဦးကို နှိုးရ၏။ ယခုတော့ ကြောက်ရမှန်း၊ လန့်ရမှန်းပင် မသိတော့။
ခြေလှမ်း သွက်သွက်ကလေး လှမ်းလျက် မီးဖိုထဲရှိ နောက်ဖေး တံခါးပေါက်ကို အသာ သွားဖွင့်သည်။ အပြင်ဘက်တွင် ပိန်းမှောင် နေလေ၏။ နောက်ဖေးလှေကား သုံးလေးထစ်ကို အတော်ပင် စမ်းပြီး ဆင်းရ၏။ မှောင်လိုက်တာ မဲလို့။
မြေကြီးပေါ်သို့ နင်းမိလျှင် လမ်းကိုလည်း မမြင်၊ ချုံကိုလည်း မမြင်ရ၍ လက်နှိပ်ဓာတ်မီး ထိုးလျက် လမ်းရှာကြည့်ရသည်။ ဓာတ်မီး ထိုးရတာ တယောက်ယောက် မြင်သွားမှာလည်း စိုးရသည်။ မြေကြီးပေါ်၌ လမ်းအတိုင်း မှန်းလျှောက် သွားလေသည်။ ချုံပုတ်တွေထဲ ရောက်သွားလျှင် လမ်းမြင်အောင် မီးကို အသုံးပြုရပြန်သည်။ ခင်မေသည် မှောင်ကြီးမဲကြီးထဲတွင် တောင်ကုန်းပေါ်သို့ မနဲအားခဲ၍ တက်နေရလေ၏။
တောင်ပေါ်၌ တရုပ်စကားပင်များ ဖုံးအုပ်ထားသော အဆောက်အဦလေး ရှိလေသည်။ အဆောက်အဦလေးမှာ လူမနေသော ကမ္မဋ္ဌာန်း ဝါးကျောင်း ဖြစ်၍ တံခါးပေါက်များ ဟာလာဟင်းလင်း ပွင့်နေပေသည်။ ခင်မေသည် ခက်ခဲစွာပင် ကမ္မဋ္ဌာန်းကျောင်းလေး ရှိရာသို့ ရောက်လာခဲ့၏။ ကျောင်းလှေခါးကို နင်းတက်လိုက်ကာ၊ ခင်မေသည် ဇွတ်မှိတ်ပြီး ထွက်လာခဲ့သော ဇရပ်ကလေး ရှိရာသို့ ပြန်လည် ကြည့်မိလေ၏။
ကျောင်းပေါ်တွင် တံခါးပေါက်တွေကို တပေါက်မကျန် အရင် လိုက်ပိတ်လေသည်။ တံခါးကို အလုံပိတ်ပြီးမှ မှောင်ထဲတွင် ကျကျနန ထိုင်လိုက်သည်။ လွယ်အိတ်ထဲမှ ဖယောင်းတိုင်ထုပ်နှင့် မီးခြစ်ကို ထုတ်ယူသည်။ ဖယောင်းတိုင်ကို မီးညှိကာ၊ ဖယောင်းစက် ချ၍ ကြမ်းပေါ်၌ စိုက်ချလိုက်သည်။ မီးထွန်းပြီးလျှင် လွယ်အိတ်ထဲမှ ပစ္စည်းတွေကို တခုစီ ဆွဲ၍ ထုတ်သည်။
ပထမ မှန်ကလေးတချပ် ထွက်လာသည်။ နောက် မောင်းချဓား၊ နောက် ကပ်ကျေး။ မှန်ကလေးကို နံရံနှင့် ကပ်၍ ထောင်လိုက်ကာ၊ မောင်းချဓားကို ဖွင့်လေသည်။ မောင်းချဓားမှာ မောင်းသန်၍ တော်တော်နှင့် ဖွင့်မရ၊ ပါးစပ်နှင့် အားရှိပါးရှိ ကိုက်ဖွင့်မှ ပွင့်၍ သွားသည်။ ဓားပွင့်လျှင် ဓားသွားကို လက်မနှင့် သပ်ကြည့်လိုက်သည်။
“ထက်လိုက်တာ မြနေတာဘဲ၊ ထက်မှ ... ထက်မှ”
ဓားသွားကို လက်မနှင့် စမ်းသပ်ရင်း၊ စိတ်တိုင်း ကျတော့မှ ဓားကိုချကာ ခေါင်းက ဆံထုံးကို ဖြေလေသည်။
“သူတို့ ဘယ်လိုပြောပြော နားမထောင်ဘူး၊ မိနဲ့ဖနဲ့ မနေရတဲ့ ဘဝ၊ ကုသိုလ်ဆိုးတဲ့ ဘဝ၊ အဖေ မရှိရင် လောကမှာ နေဘို့ မကောင်းပါဘူး”
ခင်မေ၏ ဆံပင်များမှာ တင်ပါးဖုံးအောင် ရှည်လျားလေ၏။ ဆံပင်တွေကို လက်တဘက်နှင့် အပေါ်ပင့်တင် ဆုပ်ကိုင်ထားလျက် အရင်းမှ ဆံပင်ဖျားအထိ ရှေ့သို့ ခပ်ဖြေးဖြေး ဆွဲပြီး သပ်ချနေသည့်အခိုက် ငေးငိုင်နေပြန် လေသည်။
(၂)
မိမိ တသက်တာတွင် မိခင် ဖြစ်သူအား ဓာတ်ပုံ ထဲ၌သာ တွေ့ဘူးလေသည်။ လူမှန်းသိသည့် အရွယ်လေးက ကွယ်လွန်သွား၍၊ အမေ မရှိဘဲ အဖေနှင့်ပင်၊ ညီအစ်ကို မောင်နှမ မရှိ၊ တကောင်ကြွက် နေထိုင်ခဲ့ရ၏။
“ငါ့သမီးကလေး၊ မိတဆိုးကလေး” ဟု မိမိအပေါ်တွင် သက်ညှာ ထောက်ထားလျက် နောက်အိမ်ထောင် မပြုရှာသော ဖခင်။ သားအဖနှစ်ယောက် စည်းစည်းလုံးလုံးနှင့် နေခဲ့ထိုင်ခဲ့သော အချိန်တုန်းက အဖေ အလိုလိုက်ပုံ၊ ချစ်ခင်ပုံ၊ ယုယပုံတွေမှာ အမေ မရှိသည့် အဖြစ်ကိုပင် မေ့၍ နေစေ၏။ ခင်မေသည် အမေဟူ၍ တွယ်တာစရာ ချစ်စရာ မရှိ၍၊ အဖေ့ကိုပင် အဖေလို၊ အမေလို ချစ်၏။ အရွယ်ကလေး ရောက်၍ ကျောင်းထားစက ဆိုလျှင် အဖေပါ ကျောင်းသို့ လိုက်နေရလေသည်။ မိမိအလစ် အဖေ အိမ်ပြန် သွားသည်ဆိုလျှင် တကြော်ကြော် အော်ငိုခေါ်လျက် အဖေ့နောက်သို့ ကောက်ကောက်ပါအောင် ပြေးလိုက်တတ်၏။ ခင်မ၏ ကစားဖော်မှာ အဖေ ဖြစ်သည်။ ထမင်းအိုး၊ ဟင်းအိုး ချက်တမ်း ကစားလျှင်၊ အိုးပုတ်ကလေး ထဲတွင် သဲများထည့်ကာ အဖေနှင့် နှစ်ယောက် ချက်ကြသည်။
ထမင်းကျက်၍ သဲတွေကို ခွက်ကလေးထဲ ထည့်ကာ “စားပါအုံး အဖေ” ဟု အဖေ့ကို အတင်း စားခိုင်းလေသည်။ ခွက်ကို ပါးစပ်နားတွင် တေ့ယူပြီး၊ ပါးစပ်ကို တပြတ်ပြတ် မြည်သံပြုလျက် အဖေက စားပြရလေသည်။ ခင်မေ၏ အဖေမှာ လျှောက်လွှာစာရေးကြီး ဖြစ်သည်။ ရုံးတက်လျှင် ခင်မေကို ကျောင်း၌ ဝင်ထားခဲ့ကာ၊ ညနေရုံးဆင်းလျှင် ကျောင်း၌ ဝင်ကြိုသည်။
အိမ်တွင် မိန်းမဖေါ် မရှိ၊ ကုလားအဘိုးကြီး ဘူတားက ခင်မေတို့ သားအဖ နှစ်ယောက်အား ထမင်းချက်ကြွေး လေသည်။ ခင်မေနှင့် အဖေကြားတွင် ကြားဝင်နိုင်သောသူမှာ ဘူတားပင် ဖြစ်သည်။ တော်တော်ကလေး ကြီးပြင်းလာလျှင် ခင်မေသည် ဘူတားကိုပင် စိမ်းချင်လာသည်၊ သူအဖေနှင့်သူ နှစ်ယောက်တည်း၊ သည်လိုသာ ရေတွက်ချင်သည်။
ခင်မေ ဆယ်နှစ်လောက် အရွယ်တွင် အဖေ ကွယ်လွန်သွား ပြန်၏။ အဖေ့မသာ ချသည့် နေ့၌ပင် ခင်မေကို အဖေ့အမ ကြီးတော်ကြီးက သူ့အိမ်သို့ ခေါ်ဆောင်သွား လေတော့၏။ “မိန်းကလေး ကျောင်းထားလို့ အပိုပါဘဲ” ဟု ကြီးတော်ကြီးက ဆိုကာ၊ အဖေ ဆုံးပြီးနောက်၊ ခင်မေကို လေးတန်းနှင့် ကျောင်းနုတ်လိုက်လေသည်။
ကြီးတော်အိမ်တွင် ခင်မေသည်၊ ခင်မေ တယောက်တည်းသာ ဖြစ်နေသည်။ ကြီးတော်၏ သားကိုလည်း အကိုဟု ခင်မင်ခြင်း မရှိ ၊ စိမ်းနေ၏။ ကြီးတော်ကိုလည်း ဝေးဝေးကသာ နေ၍ စကားပြောသည်။ “ဒီကောင်မလေးဟာ ဥတလုံးလေး” ဟု ကြီးတော်က ဆိုမြည်ပြောလျှင်၊ သည်စကားမှာ ခင်မေ့ အကြိုက်ပင် ဖြစ်သည်။ အဖေ မရှိတော့ တယောက်ထဲဘဲဟု အောက်မေ့ထားသည်။ ကြီးတော်ကြီးက ဘာဆင်ဆင်၊ ဘာဝယ်ပေးပေး ခင်မေသည် စုံစုံမက်မက် ဟက်ဟက်ပက်ပက် မရှိ၍ ကြီးတော်ကြီးက အခါတိုင်းပင် မေးကြည့်ရသည်။
“ကြိုက်ကဲ့လား”
ခင်မေသည် ခေါင်းကိုသာ ငြိမ့်လိုက်လေသည်။ အဖေဆုံးပြီး ငါးနှစ်လုံးလုံး ကြီးတော်အိမ်တွင် အချိန်ကုန်လွန်ရ လေသည်။ ကြီးတော်သွား သွားခြင်း၊ ကြီးတော်ထိုင် ထိုင်ခြင်း၊ ကြီးတော်နှင့်သာ ကပ်နေရသည်။
မန္တလေး ဘုရားဖူး သွားမယ်ဟု ကြီးတော်သည် ခင်မေကို မန္တလေး ခေါ်လာလေသည်။ ခင်မေသည် ဆယ့်ငါးနှစ်သမီး ရောက်မှ ခရီးသွားဘူး ရသည်။ ခရီးထွက်လာရ၍ စိတ်ထဲ ပျော်လှတယ်လည်း မဟုတ်ဘဲ ပျံ့ပျံ့ပျူးပျူး ဖြစ်သလိုမျိုးသာ ဖြစ်သည်။
ခရီးသွားကြတုန်း လမ်းတွင် လက်တိုလက်ရှည် ခိုင်းရန် မဦးဆိုသည့် ကလေးမလေးကိုပါ ကြီးတော်က ခေါ်လာလေသည်။ ခင်မေသည် မဦး အနား ကပ်လာလျှင် တယ်မကြိုက်၊ မဦး စကားပြောလျှင်လည်း စကားများရန်ကောဟု နားငြီးသည်။
မန္တလေး၌ မိုးလင်းလျှင် တည်းအိမ်က ထွက်လာကြကာ တနေ့လုံး သွားလာ လည်ပတ်ပြီးနောက် မိုးချုပ်မှ အိမ်ပြန် ရောက်ကြ၏။ မန္တလေး တမြို့လုံး ဘယ်သွားသွား၊ ဘယ်ရောက်ရောက် ခင်မေ့ မျက်စိထဲတွင် မြင်မြင်သမျှနှင့် စိမ်းနေ၏။ ဘယ်အရာမျိုးမှ ခင်မေ့ကို မဆွဲဆောင်နိုင်၊ ဘယ်ဟာနှင့်မှ နီးကပ်ခြင်းလည်း မရှိ။ မြို့ကမြို့ တခြား၊ သူကသူ တခြား။ တယောက်ထဲ ... တယောက်ထဲ ဆိုသော အသိထဲသို့ ဘယ်အရာဝတ္ထုမှ ဝင်လာမရော၊ ပေါင်းလို့ စပ်လို့မရ ဖြစ်နေလေ၏။
မန္တလေးတွင် တပတ်နေကြပြီးနောက် “ကြီးတော်ကြီး မန္တလေး ရောက်တုန်း စစ်ကိုင်းက သူ့ဇရပ်တွင် တလ ကိုးသီတင်း ဥပုသ် သွားစောင့်အုံးမယ်” ဆိုကာ စစ်ကိုင်းဘက်သို့ ကူးလာခဲ့ကြလေသည်။
(၃)
ခင်မေသည် ပျော်သလိုလိုပင် ဖြစ်လာလေသည်။ စစ်ကိုင်း မဂ္ဂင်ချောင်ရှိ ကြီးတော်၏ ဇရပ်လေးကို ရောက်ကာမှ လူလည်းတမျိုး၊ စိတ်လည်းတမျိုး လန်းဆန်းလာသည်။ နေ့စဉ်နေ့တိုင်း ကြီးတော်က သီလယူသလို၊ ခင်မေလည်း သီလခံသည်။ နေ့လည်နေ့ခင်း ကြီးတော် တရေးတမော အိပ်နေလျှင် ဇရပ် ရှေ့တံခါးပေါက်တွင် ထွက်ထိုင်ကာ၊ ဇရပ်ရှေ့၌ ဥဒဟို ဖြတ်သန်း သွားလာနေကြသော သီလရှင်တွေကို ငေးမော၍ နေလေသည်။ ခင်မေမှာ သီလရှင်တွေကို မြင်စကပင် ခင်မင်သွားသည်။ တသီးတခြား ဖြစ်နေကြသော ဘဝကိုသွား၍ မျက်စေ့ကျနေသည်။
နံနက် ည ဘုရားဝတ်တက်ချိန်တို့၌ မဂ္ဂင်ချောင် တချောင်လုံး သီလရှင် အပါး ငါးဆယ်ခန့် ဘုရားကျောင်းသို့ ဝတ်တက်ရန် စုရုံး၍ သွားကြသည်။
ဘုရားကျောင်းထဲ၌ မယ်သီလရှင်များ ကြားထဲတွင် လူဝတ်ကြောင်နှင့် မိမိ တယောက်တည်းသာ ရှိ၍ ထူးထူးခြားခြား ကြောင်ကြောင်ကျားကျား ဖြစ်နေသည်။
“မမြစာရီရေ ... ဆရာဘုရားဆီမှာ နေ့ဝါ တက်ပြီလား”
“တပည့်တော် ညဝါတောင် ဆိုနေပြီ ဘုရာ့”
သီလရှင် အချင်းချင်း စကားပြောပုံကို ခင်မေသည် ငေးလျက် နားထောင်နေသည်။ သီလရှင်တို့၏ လေယူ လေသိမ်းသံကိုပင် နားထဲတွင် တမျိုးတဖုံ စွဲငြိနေ၏။
“လောကီ ကာမဂုဏ် အာရုံတွေ ထွေပြားတဲ့ လူ့ဘောင်ကြီးရဲ့ ဆင်းရဲခြင်းတရားကို ရှင်တော်ဘုရားက ...”
သီလရှင် အဖွားအိုသည် သီလရှင်များကို တရားပေးရင်း ခင်မေကို တချက် လှမ်းကြည့် လိုက်သည်။
“ဘယ်လို မြွက်တော် မူသလဲ ဆိုရင် အာရုံငါးပါး ကာမဂုဏ်တရား မှန်သမျှ ဒုက္ခကြီးဘဲတဲ့၊ နံ့သာလူးခြင်း၊ ပန်းပန်ခြင်း၊ အဖြူအနီ အကြောင်ကျားတွေနဲ ခန္ဓာကိုယ် အပုတ်ကောင်ကြီးကို ဖုံးလွှမ်း မွမ်းမံနေရခြင်းဟာ ဗျာပါဒဝိတက် ဒုက္ခတရား မဟုတ်လား”
ခင်မေသည် ခေါင်းကို အောက်ချလျက် သူ့ကိုယ်သူ စိုက်ကြည့်မိ၏။
သီလရှင်တို့ ဝတ်ဆင်ထားသော မြေနီဆိုးအရောင် ဝါဝါဝတ်ကို ဆင်တူမို့လား မသိ။ ကြည့်၍ ကောင်းလှသည်ဟု တွေးမိသည်။ နေ့စဉ်နေ့တိုင်း ဒီအဝတ် ဒီအဝတ်သာ ဝတ်ကြပုံကို အမြင်ရ နှစ်သက်နေမိသည်။ ဆယ့်ငါးနှစ် ဆယ့်ခြောက်နှစ် ကိုယ်နှင့် တန်းတူရွယ်တူ သီလရှင် ကလေးများကို ကြည့်ကောင်းကောင်းဖြင့် တတန်းတန်း လိုက်ကြည့်တတ်လေ၏။
မဂ္ဂင်ချောင် ဇရပ် ရောက်၍ မကြာခင်ပင် ခင်မေသည် မယ်သီလရှင် ဖြစ်ချင်စိတ် ပေါက်လာလေသည်။ တလျှာက်လုံး ကိုယ့်ဘာသာကိုယ် နေလာခဲ့သည့် ခင်မေမှာ ကိုယ့်ဘာသာကိုယ် နေရသော ဘဝကို နှစ်သက်သည်။ စင်စစ် ခင်မေသည် သူ့စိတ်နှင့်သူ အပြီး သီလရှင် ဖြစ်ထားပြီးပြီ။ သီလရှင် ဖြစ်နေပြီးသော ခင်မေကို သီလရှင်နှင့် ကိုက်ညီအောင် လုပ်ဘို့ရာသာ အခါအခွင့်ကို စောင့်နေခဲ့ရသည်။
ယနေ့ ညမှပင် ခင်မေ၏ အကြံအစည်များသည် အောင်မြင်ရ ပေတော့မည်။
(၄)
ခင်မေသည် ငေးငိုင် စဉ်းစားနေရင်းမှ စ၍ ဆုပ်ကိုင်ထားသည့် ဆံပင်တွေကို လွှတ်ချလိုက်ရာ၊ ဖားလျား ကျသွားလေသည်။
ဤတွင် ကပ်ကျေးကို ကောက်ယူကာ လက်တဘက်က ဆံပင်များကို အမြစ်ခြေမှ နည်းနည်းစီ ဆွဲလျက် ကပ်ကျေး ထိုးသွင်း၍ ဦးရေနားမှ ကပ် ညှပ်ပစ်သည်။ ညှပ်ပြီးလျှင် လက်ထဲ၌ ပါလာသော ဆံပင်များကို ကြမ်းပေါ်၌ ပုံချထားလိုက်သည်။ ထိုနောက် လက်နှင့် ဆုပ်၍ ဆုပ်၍ တတိတိ ဖြတ်၍ နေတော့၏။ ညဥ့်မှာ တိတ်ဆိတ်၍ နေ၏။ ခင်မေသည် ကိုယ့်ဇောနှင့်ကိုယ် ပတ်ဝန်းကျင်ကို သတိမရမိ။ လက်နှင့် စမ်းကြည့်လိုက်၊ ရှည်နေသော ဆံပင်တွေ့တာ ဟူသ၍ ဆွဲဖြတ်လိုက်၊ စမ်းလိုက်၊ ဖြတ်လိုက်နှင့်ပင် တဖြည်းဖြည်း ဆံပင်ရှည် ဟူသမျှ ကုန်သွားလေသည်။
ခင်မေ၏ ခေါင်း၌ ဆံပင် အငုတ်လေးတွေမှာ ကြွက်ကိုက် ထားသလို အရှည်အတို မညီကြပေ။ တော်တော်လေး ချောသွားလျှင် ခင်မေသည် သက်ပြင်းတချက်မ၍ ဟင်းချလိုက်ကာ၊ မီးရောင်၌ လက်ကိုထိုးပြီး နာရီကို ကြည့်လေ၏။ နှစ်နာရီ လေးဆယ့်ငါးမိနစ်။
ဆံပင်ရှည်တွေတော့ ကုန်ပြီ၊ ဆံပင်ငုတ်တွေတော့ ချောပစ်ရအုံးမည်။ ဒီအတွင်း မပြီးခင် မိုးလင်းရင် အခက် ...။ ဆံပင် အပြတ်အငုတ်ကို စမ်းကာ မောင်းချဓားနှင့် တွန်း၍ ရိတ်ချကြည့်သည်။ ဆံပင်သန်သန်ကို ရေမဆွတ်ဘဲ ရိတ်နေ၍ ရုတ်တရက် မပြတ်နိုင်ဘဲ တရှီးရှီးသာ မြည်နေသည်။ တခါဘူးမျှ ဓားနှင့် ခေါင်းမရိတ်ဘူးသဖြင့်၊ တွန်းရိတ်ပစ်သော်လည်း တော်တော်နှင့် မစင်နိုင်ဘဲ ထပ်တလဲလဲ ပြန်ရိတ်နေရာ ကြန့်ကြာနေလေ၏။
ဖယောင်းတိုင်ကို တတိုင်ကုန်လျှင် တတိုင် ထွန်းရလေသည်။ ဓားနှင့် မရိတ်တတ် ရိတ်တတ်၊ ရိတ်ထား၍ ဆံပင်တို့သည် မပြောင်မချော ဟိုတကွက် သည်တကွက် ဖြစ်နေသည်။ တချို့ နေရာများတွင် ကြိုးတိုးကြဲတဲ ကျန်နေသေး၏။ ခင်မေသည် မစင်နိုင်၍ ကြိုးစားပန်းစား ထပ်ကာထပ်ကာ ပြန်ရိတ်ရ၍ လက်ပန်းကျသလို ရှိကာ မောပန်းလာလေသည်။ နောက်ဆုံး လက်ပန်းကျ၍ မောသွားတော့မှပင် ဓားကိုချ၍ ဖယောင်းတိုင် မီးကို မှုတ်ငြိမ်းလိုက်သည်။ ခင်မေသည် ပြူတင်းပေါက် တံခါးကို တွန်းဖွင့်လိုက်သည်။ အထဲသို့ အလင်းရောင် ဝင်လာသဖြင့် အကြံအောင်ပြီဟု စိတ်ချလက်ချ ဖြစ်သွားလေသည်။
ကမ္မဋ္ဌာန်း ကျောင်းကလေး ရှေ့ရှိ ထနောင်းပင်ကြီး ပေါ်မှ ဂျိုးကူသံကို စောစောစီးစီး ကြားရလေသည်။ အနီးအနား ဆူးပုတ်ချုံတွေ ပေါ်၌ တချုံက တချုံသို့ ခုန်ပျံရင်း တကျွိကျွိ အော်နေကြသည့် ဇွေ့ငှက်ကလေးများမှာ အလင်းရာင်ထဲတွင် မြူးနေကြသည်။ ခင်မေသည် ကြည်လင် ချမ်းမြေ့သော စိတ်နှလုံးဖြင့် ဝါးကြမ်းပေါ်၌ အသာလှဲကာ ခွေနေလိုက်သည်။ မဂ္ဂင်ချောင် အတွင်းမှ ဇရပ် အသီးသီးတွင် ဆွမ်းချက်ကြ၊ ဆွမ်းတော် ကပ်ကြနှင့် သီလရှင်တို့ အလုပ်များလျက် ရှိနေကြသည်။
ကြီးတော်ကြီးသည် အစောကြီး ထ၍ ဘုရားဝတ်ပြု နေလေသည်။ မဦးမှာ အိပ်ရာထ ခင်မေ့ကို မတွေ့၍ “မမ ဘယ်ဇရပ်များ သွားပါလိမ့်” ဟု လိုက်ရှာနေလေသည်။ ဟို ဇရပ်မေး၊ သည်ဇရပ်မေးနှင့် နောက်ဆုံး ဘယ်ဇရပ်မှ ရှာမတွေ့၍ တောင်ကုန်းပေါ်သို့ တက်လာလေသည်။ ကမ္မဋ္ဌာန်းကျောင်း ရှေ့တံခါးမှာ ပိတ်ထားသဖြင့် ပွင့်နေသော ပြူတင်းပေါက် ဘက်သို့ လှည့်၍ လျှောက်လာသော တံခါးဝမှ ကဲကြည့်လိုက်သည်။
“အမယ်လေး ... ဆံပင်တွေ မရှိတော့ဘူး၊ မမ ဘာလုပ်တာလဲ”
ခင်မေသည် ခွေလှဲနေရာမှ မျက်စေ့မဖွင့်ဘဲ မဦးကို ပြန်အော်လိုက်သည်။
“ဘာလုပ်လုပ် ... လာမရှုပ်နဲ့ သွား ... သွား”
မဦးသည်ချာကနဲ လှည့်ပြေးလေ၏။ မဦးအသံ ဝေးသွားမှ ခင်မသည် လှဲနေရာမှ ထကာ ကျောင်းရှေ့တံခါးကို သွားဖွင့်ပြီး ဝါးထရံကို ကျောကပ်လျက် ဆောင့်ကြောင့်ကလေး ထိုင်နေသည်။
“မေမေကြီးရေ ... ဆံပင်တွေ မရှိတော့ဘူး ... ကတုံးကြီးနဲ့”
ကြီးတော်ကြီးသည် ဘုရားဝတ်ပြု နေရာမှ ဗြုံးကနဲ ဦးချ၍ “အလိုတော် ... သီလရှင် ဝတ်သလား” ဟု လန့်ဖြန့် အော်မေး၏။
“လုံချည်တွေ အင်္ကျီတွေ ဝတ်လို့၊ သီလရှင်တော့ မဝတ်သေးဘူး၊ ဒါပေမဲ့ ကတုံးကြီးနဲ့”
“အမယ်လေး ... ဘယ်သူက မြှောက်ပေးကြပါလိမ့်၊ သူ့ကို မိတဆိုး ဖတဆိုးလေးမို့ အစစအရာရာ အလိုလိုက် ဆင်ပြင်ထားတာ ...၊ ကောင်းကြသေးရဲ့လား၊ မြင်ဝံ့ ကြသေးရဲ့လား၊ ကတုံးကြီးနဲ့၊ ကျုပ် မကြည့်ဝံ့ပါဘူးတော်”
ကြီးတော်ကြီးမှာ ဂရုဏာ ဒေါသောနှင့် ပါးစပ်က ပြော၍ အားမရသဖြင့် ခုန်ကာပေါက်ကာ တတွတ်တွတ် အော်ဟစ် မြည်တမ်း နေလေရာ၊ ခုန်သံပေါက်သံတို့သည် ပျဉ်ထောင် ဇရပ်၌ တဒိန်းဒိန်း မြည်နေလေသည်။
ဆွမ်းခံချိန် ဖြစ်၍၊ ဇရပ်ရှေ့မှ ဆွမ်းခံရန် ကြွတော်မူသွားသော သံဃာတော်များမှာ စိတ်မချမ်းသာတိုင်း အော်ကြီးဟစ်ကျယ် ဆူပွက်နေသော ကြီးတော်ကြီး၏ အသံကို ကြားကြရ၍ “သီလရှင် ဝတ်တာ လူသေတာ ကျနေတာဘဲ” ဟု အောက်မေ့ မှတ်ထင်တော် မူကြ၏။
ခင်မေတယောက် သီလရှင် ဝတ်မလို့ ကမ္မဋ္ဌာန်းကျောင်းထဲမှာ ဆံပင်တွေညှပ်ပြီး ခေါင်းရိတ်ထားတယ် ဆိုသော သတင်းမှာ ဇရပ် အဆောင်ဆောင်သို့ တမဟုတ်ခြင်း ပျံ့နှံ့သွားလေ၏။ ခင်မေ နားစွင့်နေသော ခြေသံများသည် ကျောင်းအနီးသို့ ကပ်လာချေပြီ။ ခင်မေသည် မျက်နှာ မထားတတ်အောင် ဖြစ်နေလေသည်။ ခေါင်းက ကတုံးနှင့်၊ ကိုယ်က လူဝတ်ကြောင် အဝတ်ကြီးနဲ့ ... ။
ကျောင်းပေါ်သို့ ရှေ့ဆုံးက တက်ပြေးလာသော သီလရှင် မကုမ္မာရီကို “ဆရာလေး” ဟု ခင်မေက ဆီးခေါ်လိုက်သည်။ “ဟောဒီမှာ ဘုရား ...” ဟု နောက်က လာနေကြသော သီလရှင်တစုကို မကုမ္မာရီက ဝမ်းသာအားရ လှမ်းအော် ပြောလေသည်။ ခင်မေ့နားတွင် သီလရှင်တွေ ဝိုင်းအုံ နေကြလေသည်။
“ကောင်းပါတယ် ... ဝမ်းသာပါတယ် ... သီလရှင် အဝတ်နဲ့ ပျော်ပျော်နေပေါ့”
မိမိအား ဝိုင်းအုံထား၍ တယောက်တခွန်း အားပေး ပြောဆိုနေကြသော သီလရှင်တို့အား ရှက်ကိုးရှက်ကန်းဖြင့် ဘာမှ ပြန်မပြောနိုင်ဘဲ ပြုံးနေလေသည်။ ခေါင်းရိတ်ထားသည် ဆိုသော်လည်း ဆံပင်တွေ မပြောင်သေးဘဲ၊ ကွက်တိကွက်ကျား ဖြစ်နေ၏။ အဝတ်ကလဲ မလဲရသေး။
“ဆရာလေးရယ် ... အဝတ်တစုံလောက် ကူညီပါ၊ နောက် အစား ပြန်ကန်တော့ပါ့မယ် ...”
မကုမ္မာရီလည်း “ရမယ် ... ရမယ်” ဟု ပြောပြောဆိုဆို ကျောင်းပေါ်မှ ပြေးဆင်းသွားကာ သီလရှင် ဝတ်စုံကို သွားယူလာ လေသည်။
“ရော့ ... ဒီခါးဝတ်ကို အရင်လဲ”
ခင်မေသည် မကုမ္မာရီ လက်မှ ခါးဝတ် ဆိုသည်ကို လှမ်း၍ယူသည်။ “ခါးဝတ်” ဆိုသည်မှာ အထက်ဆင် မရှိသော မြေနီ ဆိုးထားသည့် အရောင်ရင့်ရင့် ပိတ်ထမီ ဖြစ်သည်။ ခင်မေသည် ခါးထဲက ထမီနှင့် ခါးဝတ်ကို လဲလိုက်လေသည်။
“အပေါ်အင်္ကျီ ချွတ်ပြီး ဟောဒီ လက်ကြပ်နဲ့ လဲဝတ်”
အဝါမကျ၊ အနီမကျ စပ်ခဲဆိုးထားသော ဘင်္ဂါလီလက်ကြပ် အင်္ကျီကို ခေါင်းလျှို၍ စွပ်ကာ၊ ရှေ့က ပိတ်ကြယ်သီးကလေး များကို စေ့တပ် လိုက်သည်။ မကုမ္မာရီလည်း ထပ်ကိုင်ထားသော အဝတ်ကို လက်တဘက်စီ ခွဲပြောင်း၍ ကိုင်လိုက်ကာ “ဟောဒါက ‘ကိုက်’၊ ဟောဒါက ‘ကိုယ်ရုံ’ ဒါက ‘ခေါင်းတင်’ " ဟု ပြရင်း ကိုက်ကို အရင် ကမ်းပေးလိုက်သည်။ ကိုက်၊ ကိုယ်ရုံ တို့သည် စပ်ခဲဆိုး ဘင်္ဂါလီလက်ကြပ် အင်္ကျီနှင့် တသွေးတရောင်တည်း ဖြစ်ကြသည်။ လက်ကြပ်အင်္ကျီ ပေါ်မှ ထပ်၍ လက်တဘက်ကို လျှိုဝတ်ရသည့် ကိုက်၊ ကိုက်ကို လက်လျှို၍ စွပ်ချလိုက်လျှင်၊ ကိုယ်လုံးနှင့် ကပ်နေလျှက်၊ ခြေသလုံး အလည်လောက် ရောက်အောင် ရှည်လေသည်။
ကိုက်ကို စွပ်ချလိုက်ပြီးနောက် “ကိုယ်ရုံ” အဝတ်ကို ဖြန့်လိုက်လေကာ တစကို ဘယ်ဘက် ပုခုံးပေါ်၌ ချ၍ တစက ညာဘက် လက်အောက်က လျှိုပြီးလျှင် အစခြင်း ထပ်လျှက် လက်ကန်တော့ထိုး လွှမ်းရုံလိုက်ရလေသည်။ ခင်မေသည် ကိုယ်ရုံကို ဝတ်ပြီးနောက် ခေါင်းတင်အဝတ်ကို ပိုက်ထားလျက် မိန်းမပီပီကလေး ဝါးကြမ်းပေါ်၌ ထိုင်၍နေသည်။
“သီလရှင် အဝတ်ကလေးနဲ့ ကြည့်ကောင်းလိုက်တာ၊ ခေါင်းပေါ်က ကွက်တိကွက်ကျားလည်း လုပ်ကြပါအုံး ...”
အနားရှိ သီလရှင်တို့ ပြောမှပင် မကုမ္မာရီလည်း သူ့ ခေါင်းရိတ် သင်တုန်းဓားကို ပြန်ယူကာ ခင်မေ့ခေါင်းကို ရေဆွတ်လျက် ပြောင်ချောသွားအောင် ထိုင်ရိတ်ပေးလေသည်။ ကျောင်းပေါ်သို့ အလျှိုအလျှို ရောက်လာကြသော သီလရှင်တွေမှာ ခင်မေ၏ အဖြစ်ကို ကြည့်ကာ ဝိုင်း၍ ပီတိ ဖြစ်နေကြ သည်။
“ပျော်ပျော်သာနေ ... ကြားလား၊ ဘုရားသမီးတော် ဖြစ်သွားပြီ၊ ဘာမှ ပူစရာ မရှိတော့ဘူး၊ ဆရာလေးတို့ ကြည့်၊ ဟိုက ဒီက လှူဒါန်းကြတာ ဘာမှ မပူရဘူး၊ စာသင်၊ စာကျက်၊ တရား အားထုတ်နေရတာ သိပ်ပျော်စရာ ကောင်းတာဘဲ၊ ကြီးတော်ကြီး စိတ်ဆိုးလဲ ခဏပေါ့၊ စိတ်ပြေတော့ ထောက်ပံ့မှာပေါ့၊ အားမငယ်ပါနဲ့ ဆရာလေးတို့ ကျွေးထားမယ် ...”
ခင်မေသည် သဒ္ဓါဟုန်၊ ပီတိဟုန် ပြင်းပြစွာဖြင့် ဝမ်းမြောက်ဝမ်းသာ ဖြစ်ကာ၊ နောင် ဝတ်ရေး စားရေးတွေကို တွေးဖို့သာသာ ရှေ့ရှောက် ကိုယ့်စိတ်နှင့် ကိုယ့်ကိုယ်၊ တယောက်တည်း ကိုယ့်ဘာသာကိုယ် နေရတော့မည်ဟု အားရနှစ်သိမ့် ကျေနပ် နေလေသည်။ ကြီးတော်ကြီးသည် ခင်မေအား စိတ်ဆိုးမာန်ဆိုးဖြင့်၊ ထိုနေ့ပင် မဂ္ဂင်ချောင်မှ မန္တလေးသို့ ကူးသွားလေ၏။ လက်ဝတ် လက်စားများကို သိမ်းသွားကာ၊ ငွေကြေး တပြားမှ မပေးဘဲ ထားခဲ့လေ၏။ ခင်မေသည် မဂ္ဂင်ချောင် ဆရာကြီး၏ ညွှန်ကြားချက်အရ သင်္ကန်း၊ ဘိနပ် စသော အလှူဝတ္တုတို့ကို ငွေချေးဝယ်ကာ ဘုန်းကြီးထံ၌ ဘွဲ့တောင်း သွားရလေ၏။
“နာမည် ဘယ်လို ခေါ်သလဲ”
“ခင်မေလို့ ခေါ်ပါတယ် ဘုရား”
“တနင်္လာသမီးလား”
“မှန်ပါ”
“ဒါဖြင့် ဒီ ကနေ့က စပြီး ခင်မေ အမည် ပျောက်ပြီး ခေမာရီ ဟူသော အမည်သို့ ရောက်စေ”
(၅)
ပုညရှင် တောင်ပေါ်မှ ကြည့်လိုက်လျှင် စစ်ကိုင်း တတောင်ရိုးလုံးကို မြင်ရသည်။ တောင်ပူစာ၊ တောင်ထွဋ်တို့တွင် စေတီကြီးငယ် အဆူဆူ၊ ထုံးဖြူ တဖွေးဖွေး ဘယ်ကြည့်ကြည့် စေတီပုထိုး မလွတ်။ စေတီပုထိုး၊ တန်ဆောင်း၊ ပြသာဒ် ကျောင်းဇရပ်တို့ ပြွတ်ခဲလျက်နေသော စစ်ကိုင်း တောင်ရိုးကြီး။
ပုညရှင် တောင်ကမ္ဘား၌ တရုပ်စကားပင်ကြီးများသည် တပင်နှင့် တပင်ယှက်လျက် အရွက်ဆို၍ မရှိ၊ အပွင့်တွေ အပြည့်နှင့် တပြေးတည်း တသားတည်း ဖွေးဖွေးလှုပ်နေသော ပန်းကော်ဇော အခင်းကြီး ဖြစ်သည်။ တောင်ပေါ်၌ အလေ့ကျ ပေါက်နေသော တောပန်းတောင်ပန်း တို့၏ ရနံ့ကား မွှေးကြိုင် သင်းပျံ့၍ မဆုံး။ မိကျောင်းပန်း၊ တောင်ဇလပ်၊ ဂေါ်သဇင်၊ မခင်လေး၊ တောစပယ်၊ ခံပွင့် ... ပန်းပေါင်းစုံ ကြိုင်သင်းနေ၏။ ခေမာရီသည် ပုညရှင်တောင်၏ သုံးထပ်ကန်တဘက်၊ တောစပ်ကလေးနားတွင် အပန်းဖြေ နားနေလေသည်။ တောင်ပေါ်သို့ အတူ တက်လာသော အဖော် သီလရှင် မဝဏ္ဏမှာ တောစပ်ထဲတွင် ဟိုချုံ သည်ချုံ ဆွဲ၍ ပန်းများ ခူးဆွတ် နေလေသည်။
တောင်ပေါ်မှ တောင်အောက်၊ ချောက်၊ မြှောင်၊ ကမ္ဘားတို့ကို ငေးမောလျက် ခေမာရီသည် တောတောင် ရေမြေတို့ သယံဇာတ ဖြစ်သော ဘဝကို နှစ်သက် ခင်မင်လျက် ကြည်နူး နေလေသည်။ သီလရှင် ဖြစ်မှ လူတွေ သူတွေနှင့်လည်း မပေါင်း မရောရ၊ လူသူနှင့် ကင်းဝေးနေရသော တယောက်တည်း ဘဝကို နှစ်ခြိုက် ပျော်ပိုက်လေသည်။
သီလရှင် ဝတ်စ၊ ကြီးတော်ကြီး စိတ်မပြေခင်က ချောင်ဆရာတော် ဒေါ်သီလစာရီက သူ့ဇရပ်တွင် ခေါ်ထားကာ ထောက်ပံ့ ကျွေးမွေးထားလေသည်။ ငါးလ ရှိတော့မှပင် ကြီးတော်ကြီလည်း စိတ်ပြေ၍ တတ်အားသ၍ အစိတ် နှစ်ဆယ် ထောက်ပံ့နေသည်။
ခေမာရီ သီလရှင် ဖြစ်ဖြစ်ချင်း ချောင်ဆရာက ဆရာဖြေ၏ ဝတ်ရွတ်စဉ် စာအုပ်ကလေးကို ပေးအပ်ကာ၊ မင်္ဂလာ့သုတ်ကို အရကျက်ခိုင်းသည်။ ပုညရှင် တောင်ပေါ်မှ အရုဏ်တက် တုံးခေါက်လျှင် အိပ်ရာထကာ ဘုရားကျောင်း တက်ရသည်။ ဘုရားကျောင်းမှ အပြန် နံနက်စာ ချက်ပြုတ်လေသည်။ သီလရှင် ဘဝ၊ နံနက်တထပ် ရသ၍နှင့် တင်းတိမ်ရ၏။ ချောင်ထဲမှ ခူးသော သစ်ရွက်သစ်သီးဖြင့် တမယ်ကောင်း လောက်အောင်ပင် သတ်သတ်လွတ် ချက်စားကြသည်။ ပဲကြီးဟင်းချို၊ နှမ်းဖတ်ချဉ်သုတ်၊ ငဲစဉ်းငုံ အရေသောက်၊ ငရုပ်သီးကြော်၊ ပဲအမျိုးမျိုး၊ ဟင်းသီးဟင်းရွက် လက်သုပ် အမျိုးမျိုး ဖြစ်သည်။
နံနက်စာ စားပြီး၍ မွန်းလွဲလျှင်၊ ခေမာရီလည်း တနေ့လုံး စာအုပ်နှင့် မျက်နှာမကွာ အပ်ထားလေသည်။ ညနေ ဘုရားဝတ်တက် ပြီးသောအခါ၌၊ နေ့လည်က ကျက်မှတ်ထာေးသာ စာကို ဆရာအား အံပြရလေသည်။ သီလရှင် ဝတ်၍ ဆယ့်ငါးရက်ခန့် ရှိလျှင် ပရိတ်ကြီး ဆယ့်တစ်သုတ်လုံး အလွတ်ရ၍ ဆရာက အံ့ဩရသည်။
“စာကျက်သံလည်း မကြားရ၊ စာအုပ်ကို ကြည့်ရုံ ကြည့်တာနဲ့ သုတ်တွေကို အလွတ်ရသလား၊ ဆရာတို့များ ငယ်ငယ်က တတွတ်တွတ် တစာစာ အံရတာ”
ပရိတ်ကြီး ကုန်လျှင် ဆရာက သဒ္ဓါ အတက်ခိုင်းသည်။
သဒ္ဓါ မတက်ခင် သုတ်စဉ်ကို အရင် သင်ပေးလေသည်။ သုတ်စဉ်မှာ သန္ဓိ၊ နာမ်၊ ကာကရ၊ သမာသ်၊ တဒ္ဓိတ်၊ အာချပ်၊ ကိတ်၊ သဏုတ် ဟူ၍ ရှစ်ပိုင်း ရှိလေသည်။ သန္ဓိပိုင်းတွင် ပထမ၊ ဒုတိယ၊ ငါးပိုင်းအထိ ရှိလေသည်။ ပထပိုင်းကို ရှေးဦးစွာ ကျက်မှတ်ရ၏။ လူကျောင်းတွင် သင်ပုန်းကြီး သင်စဉ်က ကကြီး၊ ခကွေး စသင်သလို သဒ္ဒါသင်လျှင် သဒ္ဒါ၏ နိဒါန်းသုတ်စဉ်ကို စသင်ရလေသည်။
ခေမာရီသည် နေ့ညမအား စာသင်ရင်း စာပေ ပရိယတ္တိသာလျှင် အဖော်ဖြစ်ကာ နေပေသည်။ သုတ်စဉ်များ ရပြီးနောက် သဒ္ဒါကြီး တက်ရ၏။ သဒ္ဒါကြီးတွင် ပါဠိကို မြင်လျှင် သန္ဓိပုဒ်၊ ကံပုဒ်၊ ကာကရပုဒ်ဖြင့် သိနိုင်သည်။ ကတ္တားဟော၊ ကံဟော၊ ဝိဘတ် ပစ္စည်း၊ ဓာတ်အရကို သိနိုင်သည်။ သုတ်ဝုဒ္ဓိ ၊ ဥဒါဟရုဏ်၊ အနက်သမ္ဘာန်၊ တသုတ်တယူဂ၊ အာဂုံဆောင် ကျက်မှတ်ရလေသည်။
“ဗမာစာပေမှာ စာပေကျမ်းဂန် ဆိုတာ ကျမ်းစာတွေ မတတ်မသိခင်၊ စာပေဖြစ်တဲ့ သဒ္ဒါကြီးကို တတ်သိရတယ်၊ သဒ္ဒါကြီး တတ်မှ စာတတ်တယ်၊ ပထမငယ်အောင်အောင် ကြိုးစား ဖြေရမယ်နော် ... ” ဟု ဆရာက ပြောထားသည့်အတွက် စာမေးပွဲ ဖြေဆိုနိုင်ရန် စာနှင့်သာ အချိန်ကုန် နေရသည်။
တောပန်းတို့၏ ရနံ့မှာ သင်းပျံ့ပျံ့ ရှိလှသည်။ စိတ်ကြည်နူးလာအောင် ဆွဲဆောင်နိုင်သော ရနံ့။ ခေမာရီသည် တောနံ့တောင်နံ့ကို ခံစားမေ့မောလျက် နေခိုက် ဆူညံဆူညံ ကြား၍ လှည့်ကြည့်လိုက်သည်။ ဘုရားဖူး လာသူတို့အတွက် ဘယ်သူကများ လှူထားမှန်း မသိသော ကျောက်ပျဉ် အကြီးအငယ်၊ သနပ်ခါးတုံး၊ အမွှေးတုံး အစုံ၊ ဇရပ်တိုင်များတွင် မှန်တွေ ချိတ်လျက်ရှိသော သုံးထပ်ကန် ဇရပ်ထဲတွင် မိန်းမကြီးငယ်တစု စားကြသောက်ကြ သနပ်ခါး လူးကြနှင့် ဆူညံနေသည်။ မိန်းမငယ်ငယ်နှင့် မိန်းမကြီးကြီး နှစ်ယောက်ကို ကြည့်၍ စိတ်ထဲတွင် သားအမိ တော်ကြည့်လိုက်ကာ ခေမာရီမှာ “အမေ့” ကို သွားတွေးကြည့် မိသည်။ အမေ့ကို သည်လောက် တွေးမရဘဲ အဖေ့ကိုသာလျှင် အမှတ်ရလာ တော့သည်။ ဖွေးညီစွာ မှုန်သထားသည့် မိန်းမရွယ်၏ အဆင်အပြင် အဝတ်အစားကို ကြည့်၍ မျက်ရည်လည်လာ လေသည်။
“အမေများ ... အဖေများ ရှိရင် ...”
ခေမာရီသည် တောစပ်မှ ထလိုက်ကာ မဝဏ္ဏကို ဟစ်ခေါ်လျက် တောင်ဖီလာချောင်သို့ ဆင်းသွားကြလေသည်။ တောင်ဖီလာချောင်မှ မှောင်မှပင် ဇရပ်သို့ ပြန်ရောက်ကြသည်။ ဘုရားကျောင်း၌ ကြေးစည်သံ တစီစီ တဝီဝီ မြည်၍ နေသည်။ သီလရှင်များကား တစုတရုံးကြီး ဘုရားကျောင်းသို့ ဝတ်ပြုရန် သွားကြလေသည်။ ကျောင်းထဲတွင် ငြိမ်သက်စွာ ထိုင်နေကြသော သီလရှင်များမှာ အပါး ငါးဆယ်ခန့် ရှိ၏။ လူစုံသည်နှင့် ဘုရားစ ဝတ်ပြုကြသည်။
မဂ္ဂင်ချောင်တွင် အသံအကောင်းဆုံး ဒေါ်ဩဘာက ဘုရားကို ဦးချလျက် ရှေးဦးစွာ သာသာနာ လျှောက်သည်။
“မဟာသမ္မတ၊ ခတ္ထိယဟု၊ ဂေါတမအလောင်း၊ မင်းကောင်းမင်းမြတ်၊ လောကနတ်ကို ...”
သာသနာ လျှောက်သံမှာ အောင်မြင် ခန့်ညားကာ၊ စည်၍ ချိုအေး သာယာသည်။ ဒေါ်ဩဘာ ပြီးလျှင် ခေမာရီက ဘုရားပင့်ရလေသည်။ ဘုရားပင့်ပြီးမှ သီလရှင် အားလုံး သံပြိုင် သီလခံကာ ပရိတ်ရွတ် မေတ္တာပို့ကြသည်။
မေတ္တာပို့ပြီး၍ မစန္ဒာက အမျှဝေသည့်အခါ ဝိုင်း၍ သာဓုခေါ်ကြသော သီလရှင် အသံတို့မှာ ကျောင်းထဲတွင် ဟိန်းနေသည်။ အပြင်ဘက်တွင် လရောင်မရှိ၊ မဲပြာသော မိုးကောင်းကင်တွင် ကြယ်တို့သည် မှိတ်တုံ ပွင့်တုံ မှုန်မှုန်ပင် တောက်လင်းနေသည်။ မြသိန်းတန် စေတီမှ ဆွဲလဲသံမှာ လေထဲတွင် တတင်တင် မြည်နေပေသည်။
ဘုရားကျောင်းမှ သီလရှင် တစုသည် အမှောင်ထဲတွင် လျှောက်ကာ ညဝါဆိုရန် ဇရပ်သို့ ကူးလာကြသည်။ ဇရပ်ထဲတွင် မီးမထွန်းသဖြင့် မှောင်နေသည်။ အမှောင်ထဲ၌ ဆရာ ထိုင်နေသော နေရာကို မှန်းဆ၍ ထိုင်နေကြ နေရာအတိုင်း ကိုယ်စီကိုယ်စီ ဝင်ထိုင် ကြသည်။
“မမာတရံ၊ ပမုခံ၊ ကတွာ၊ တဿ ...”
ဆရာသည်မှောင်ထဲမှ စတိုင် ပေးလိုက်ရာ သီလရှင် တပါးက လိုက်၍ ဆိုလေသည်။ အခြား သီလရှင်များမှာ စိတ်နှင့် လိုက်၍ မှတ်နေသည်။ တပိုဒ်စီ တပိုဒ်စီ နှုတ်တိုက် အလွတ်ချ၍ ရလောက်ပြီ ဆိုတော့မှ အားလုံး သံပြိုင် ဆိုကြသည်။ ခေမာရီမှာ နေ့ဝါတက်လိုက်၊ ညဝါဆိုလိုက်နှင့်ပင် ပထမငယ် အောင်ရန် ကြိုးစားနေလေ၏။ ပထမငယ် အောင်ဘို့ရာကလည်း မလွယ်လှ။ သဒ္ဒါ၊ သင်္ဂြိုလ်၊ မာတိကာ၊ ဓာတုကထာ၊ ဇနက္ကဇာတ် အဋ္ဌကထာ၊ သိင်္ဂါလောဝါဒသုတ်၊ ဓမ္မပဒ အဋ္ဌကထာ စသည်တို့ တက်ဆိုပြီးမှသာ စာမေးပွဲဝင်နိုင်သည်။
အစိုးရ ပထမပြန် စာမေးပွဲ နီးကပ်နေ၍ စာပြန် စာအံရသည်မှာ လည်ချောင်းကို ပွတက် မတတ်ပင် ဖြစ်သည်။ ခေမာရီသည် အင်းဝကူးတို့နှင့် မန္တလေးတွင် စာမေးပွဲဖြေရန် လိုက်လာခဲ့သည်။ ကူးတို့ပေါ်တွင် သီလရှင်များမှာ ပြည့်ကြပ်နေ၏။ စာမေးပွဲ ဖြေမည့် နေရာကား မဟာမြတ်မုနိ ဘုရားကြီးအနီး ဆယ့်လေးခန်း မှန်စီ တစောင်းကြီး၌ ဖြစ်သည်။ ခေမာရီတို့လည်း ဘုရားအနီး ပန်းခုံတိုက်၌ တည်းခိုကြသည်။ စစ်ကိုင်းမှ ယူဆောင်လာသော သရဖီ၊ ဇွန်ပန်းများကို ပန်းထီး၊ ပန်းစေတီပုံ သီကုံးကာ ဘုရားကြီးအား လှူဒါန်းရင်း စာမေးပွဲအောင်ရန် ဆုတောင်းရသည်။ စာမေးပွဲ အောင်လျှင် ဆုလက်မှတ်နှင့် ငွေငါးဆယ်။
(၆)
ခေမာရီသည် ပုဝါဖြူနှင့် ထုပ်ထားသော စာအိတ်ကို ခေါင်းတင်နှင့် ပတ်ပြီး၊ ခေါင်းပေါ်၌ ရွက်ကာ ဗောဓိချောင် ကုန်းပေါ်သို့ တနဲ့နဲ့နှင့် တက်သွားလေသည်။ မောလာကာ အသက်ရှူ မဝသည်နှင့် ဆက်မသွားနိုင်တော့ပေ။ စိန်ပန်းပင်ကြီး အောက်၌ ဦးကြာဖူး ခုံဖိနပ်ကို ဖင် ခုထိုင်ကာ နားနေလေသည်။
မျက်စေ့ရှေ့၌ သီလရှင်တွေ တပါးပြီးတပါး သွားနေကြသည်။ သီလရှင်တွေ ဝင်သွားသော ခပ်လှမ်းလှမ်းက ဇရပ်ကို ငေးကြည့်နေလေ၏။ ဇရပ် အလယ်၌ စားပွဲ ကုလားထိုင်နှင့် ထိုင်နေသည့် သရိုင်ဆရာကြီး၊ စားပွဲခုံ၏ ရှေ့တူရူ လက်ဝဲဘက်၌ သီလရှင်များ ပြားပြားဝပ် ထိုင်ကာ စာလိုက်ကြသည်။ စားပွဲ၏ လက်ျာဘက် ပျဉ်ထောင် ကာထားသော အတွင်း၌ တဘက်လှေကားမှ တက်၍ သံဃာတော်များက စာလိုက်ကြရလေသည်။
ခေမာရီသည် ပထမငယ်ကိုလည်း အောင်ပြီး၏။ ပထမလတ်ကိုလည်း အောင်ခဲ့၏။ ယခုအခါ အထက်တန်း ပထမကြီး စာမေးပွဲ ဖြေဆိုရန် သရိုင်ဆရာကြီးထံတွင် စာလိုက် နေရလေသည်။ ခေမာရီ၏ နေရေး ထိုင်ရေးကား ရှေးက အတိုင်းပင် ဖြစ်၏။ ကြီးတော်ကြီး တလနှစ်ဆယ် ထောက်ပံ့သမျှနှင့် ခြိုးခြိုးခြံခြံ စားဝတ် နေထိုင်၏။ ရပ်ရွာသို့လည်း တခေါက်မှ မပြန် ၊ ကြီးတ်ာကြီးသာလျှင် ချောင်သို့ တနှစ် တခါလောက် လာတတ်လေသည်။
ချောင်၌ ပဲနှင့် သစ်သီးသစ်ရွက်နှင့် ခါးဝတ် ပိတ်စုံ နှစ်စုံ သုံးစုံလောက်ဖြင့် အသားကျ နေလေပြီ။ စစ်ကိုင်းချောင်ထဲတွင် အောင်းနေသော ခေမာရီ၏ သက်တမ်းမှာ အနှစ်နှစ်ဆယ် ရှိလာချေပြီ။ နှစ်ကြာသော သီလရှင်၏ အခြေအနေသည် သီလရှင် ဖြစ်စ, ယခင်အချိုး အတိုင်းပင် ဘယ်လိုမှ ပြောင်းလဲသွားခြင်းမျိုး မရှိ။ သို့သော် ... ယခု ခေမာရီသည် သီလရှင်ကလေး ခေမာရီ မဟုတ်တော့ပေ။ ယခုမှ သိသာစွာပင် တမျိုး ပြောင်းလဲလာ လေသည်။
စကားပြောလျှင် မောလာသည်၊ အမြဲတန်းလည်း ရင်တုန်တတ်သည်။ ချောင်ဆရာ ဒေါ်သီလစာရီ ကွယ်လွန်သွားမှ ဇရပ်တွင် စာချဆရာ ဖြစ်နေသည်။ သီလရှင်ကလေးများကို သဒ္ဒါ၊ သင်္ဂြိုဟ် စာချပေးနေသည့်အခါ “အသက်ရှူ ကြပ်ရလိုက်တာ” ဟု နှုတ်က ပြောရင်း လေကို ဝဝပင့်သွင်းပြီး ရှူထုတ်နေရသည်။
လေတက်လာ၍ အေ့ ... အေ့ ဟု အသံထွက်လာလျှင် ဇရပ် ခုနှစ်ဆောင် ရှစ်ဆောင်လောက်က ကြားနိုင်လောက်သည်။ အထူးသဖြင့် မျက်စိများလည်း သီဝေကာ မှုန်လာလေပြီ။ သီလရှင် ခေမာရီသည် ဝေဒနာရှင် ဒေါ်ခေမာရီ အဖြစ် တမျိုး ပြောင်းလဲနေချေပြီ။
သစ်ပင်အောက်၌ ခေမာရီသည် တဒိတ်ဒိတ် ခုန်နေသောရင်ကို လက်နှင့် ဖိလျက်၊ အမော သက်သာအောင် ငြိမ်ငြိမ်ကလေး နေရလေသည်။
“ပထမကြီးတော့ အောင်မှ ဖြစ်မယ် ...”
ခေမာရီသည် ကိုယ့်ကိုကိုယ် အားယူ၍ မတ်မတ် ရပ်လိုက်၏။ ကိုယ်ကို မတ်ရပ်လိုက်လျှင် ခြေထောက် အောက်က မြေကြီးမှာ ချာလပတ် လည်သွားလေသည်။ ခေါင်းပေါ်က စာအုပ်ကလေးမှာ မြေပေါ်သို့ ဖုတ်ကနဲ ကျသွားသည်။ ခေမာရီသည် ကပျာကယာ စိန်ပန်းပင်ကို လှမ်းမှီ လိုက်ရလေသည်။
“အလို ... မြတ်စွာဘုရား”
ခေမာရီသည် မူးနေပြီ။ မြေကြီးပ်ါသို့ အသာ ထိုင်ချလိုက်ကာ သစ်ပင်လုံးကို မှီနေရသည်။ မျက်လုံးများ ပြာလျက် အားလုံး ယိမ်းထိုးနေလေရာ မျက်စေ့ကို မှိတ်ထားရလေသည်။ မူးလွန်းလို့ ထင်ရဲ့၊ ချွေးစေးများ ပြန်လာလေသည်။ တကိုယ်လုံးကား အေးစက်လာသည်။
“ဆရာလေး ... ဆရာလေး”
ခေမာရီသည် မျက်စေ့ မှေးဖွင့်လျက် မျက်မှောင်တွန့်ပြီး ကြည့်ရသည်။ ကြာကြာ ဖွင့်ဖို့ရန်ပင် မတတ်နိုင်တော့။
“ဆရာလေး မူးသလား ... ဖြစ်မှဖြစ်ရလေ တပည့်တော်ကိုမှီ ... မှီထား”
လူချင်း ထိထား၍ နွေးသော အသိကိုသာ သိသည်။ ဘယ်သူ ဘယ်ဝါမှန်းပင် မသိ။ လူတကိုယ်လုံး အထက်သို့ မြောက်ပင့် တက်သွားပြီး အောက်သို့ အရှိန်နှင့် လိမ့်ချောလာကာ မှောင်ထဲ၌ ရပ်တည်ရာ မရနိုင်ဘဲ မောနေရှာသည်။ မောလွန်းသဖြင့် အင်အား ကုန်ခန်းကာ မလှုပ်နိုင်၊ မရှားနိုင်၊ သီလရှင်ကို မှီနေရသည်။
“ဆရာလေးကို တပည့်တော် လိုက်ရှာလိုက်တာ တွေ့ပေလို့ဘဲ၊ ဘယ့်နှယ် နေသေးသလဲ ... ”
ခေမာရီသည် အားယူ၍ မျက်လုံးဖွင့်ကာ သီလရှင်ကို ကြည့်လေသည်။
“နဲနဲ သက်သာပါတယ်”
“ချောင်မှာ သံကြိုးစာ တစောင် ရောက်လာလို့ ဆရာဘုရားက လိုက်ရှာပေးစမ်း ဆိုတာနဲ့ တပည့်တော် လိုက်ရှာတာ”
ပြောပြောဆိုဆို သီလရှင်က ဆုပ်ထားသော စာအိတ် အဝါကလေးကို ထိုးပြ၍ “ဖောက်လိုက်ပါ” ဟု သဲ့သဲ့သာ ပြောနိုင်ရှာ၏။
အမေသေပြီ။
ကြီးတော်ကြီး သေဆုံး၍ ရိုက်လိုက်သော သံကြိုးစာ ဖြစ်လေသည်။ စာရွက်ထဲရှိ အင်္ဂလိပ်စာ နှစ်လုံးမှာ ဝါး၍ ဝါး၍ သွားလျက် မျက်လုံးများကို ပြန်မှိတ်ထားလိုက်သည်။
(၇)
မကေသီသည် အိတ်ထဲမှ ဆန်ကို လက်နှင့် ကော်လိုက်ကာ “တပည့်တော်တို့ ရွှေဘိုမှာတော့ ဒါအကောင်းဆုံးဘဲ ဘုရာ့၊ ရွှေဝါ တောင်ထိပ်ပန်း” ဟု ပြောလိုက်သည်။
ခေမာရီမှာ မမြင်ဘူးသည့် ပစ္စည်းကို ငေးသလို ငေးငေးသာ ကြည့်နေသည်။
“ဒီအိတ်ကတော့ ပဲကြီးက နဲနဲ၊ ကုလားပဲ၊ ပဲကျား။ ဒါတွေက အရပ်က လှူလိုက်တာ၊ တပည့်တော် အရီက ဆီ ၂-ပိဿာ လှူလိုက်တယ်၊ အမေကတော့ ငွေ ၃၀-ပေးလိုက်တယ်”
မကေသီသည် အရပ်ပြန်၍ စုဆောင်း ရခဲ့သမျှ ပစ္စည်းများ အထုပ်ထဲမှ ဖြည်ပြကာ အားရပါးရ ပြောနေလေသည်။
ခေမာရီသည် ငေးကြည့်နေရင်းမှ မျက်နှာကလေး ညှိုးနေရှာသည်။ ကြီးတော်ကြီး ဆုံးပြီးမှ မည်သူမှလည်း ထောက်ပံ့မည့်သူ မရှိ။ ချို့ချို့ငဲ့ငဲ့ ရှိလှသည်။ အခြား သီလရှင်များကဲ့သို့ အလှူခံ သွားရအောင် ပြန်စရာ အရပ်ရယ်၊ အိမ်ရယ်လည်း မရှိ။ ကိုယ့်အရပ်ကိုယ် ပြန်သွားကြသော သီလရှင်များမှာ ချောင်ပြန်လာလျှင် ဆန်၊ ဆီ၊ ပဲ၊ အချို့က ကြက်သွန်၊ ငြုပ်သီး စသည်ဖြင့် စုဆောင်းလာခဲ့ကြသည်။ ခေမာရီမှာ စားဘို့ ဝတ်ဘို့ ပူလာရသည်။ ဝါတွင်းဝါပ စာချနေ၍ တပည့်များက ဟင်းတခွက်တော့ ကမ်းကြ၏။ အထောက်အပံ့ မရှိမှန်း သိကြ၍ ပဲတပြည်၊ ဆန်တစိတ်၊ ဆီတပုလင်း၊ သီလရှင် အချင်းချင်း စု၍ ပေးကြကမ်းကြသည်။
စားဝတ်နေရေးအတွက် ကတုံးပေါ် ထိပ်ကွက် ရသလိုပင် သူများ ပေးစာကမ်းစာကို မျိုမကျနိုင်၊ ကြာတော့ ယူရမှာ အားနာလာသည်။ သီလရှင်များ အလှူခံ ရလာတိုင်း ပေးကြကမ်းကြ သမျှနှင့် နေရသည်မှာ ပြတ်ပြတ်ငတ်ငတ် ရှိလှသည်။
ခေမာရီသည် ဝမ်းနည်းစွာဖြင့်ပင် “ချောင်” နှင့် ခွာလိုက်ရသည်။ ကိုယ့်အရပ် ကိုယ့်အိမ်ဆို၍ ချောင်သာလျှင် ဖြစ်သည်။ နှစ်ပေါင်းများစွာ နေခဲ့သည့် ချောင်နှင့် ခွဲခွာခဲ့ရသည့်အတွက် ရှိုက်ပြီး ငိုမိလေသည်။
“ရန်ကုန်မှာ အထောက်အပံ့ မရှိဘဲ ကိုယ့်ဘာသာကိုယ် အလှူခံပြီး နေနိုင်ကြတဲ့ သီလရှင်တွေ ပြည့်လို့ပါ၊ လိုက်သာ လိုက်ခဲ့ပါ”
ရန်ကုန်မှ ဘုရားဖူးလာသော မသုခက အပြောကောင်းလွန်း၍ ဖြစ်ချင်ရာ ဖြစ်တော့ဟု ပိုင်းဖြတ်ကာ သီလရှင် တပည့်များထံ၌ စားရိတ်ငွေကလေး အလှူခံကာ တခါမှ မရောက်ဘူးသော ရန်ကုန်သို့ လိုက်သွားလေသည်။
ဘောင်ဒရီလမ်းရှိ ဦးပြားတောရတွင် မသုခနေသော ဇရပ်၌ မသုခနှင့်အတူ နေလေသည်။ ရန်ကုန်သို့ ရောက်ခဲ့ရာ နေမှု စားမှုအတွက် ဘယ်လိုလုပ်ရမလဲဟု အတော် စိတ်ရှုပ်သည်။ ပါလာသည့် ပိုက်ဆံမှာလည်း မကြာခင် ကုန်သွားတော့မည်။
“မသုခ ဒီတခါ ဆန်ခံ ထွက်သွားရင် တပည့်တော်လဲ လိုက်မယ် ဆွမ်းဆန်ခံတဲ့ ဘန်း ငှားပေးပါ”
မသုခမှာ ခေမာရီအတွက် ဇရပ်တွေ ရှိရာသို့ သွားကာ ဘန်းလည်၍ ငှားပေးလေသည်။ ဦးပြေားတောရ၌ နေထိုင်ကြသော သီလရှင်များမှာ အများအားဖြင့် မြို့ဘိတ်၊ တောဘိတ် ဆန်အလှူခံ ထွက်ကြသည်။ ဘန်းရှင်များအားလုံး ထွက်ကြမည်ဖြစ်၍ ဘယ်သူကမှ မငှားနိုင်ပေ။
“ဆရာလေးရယ် ... တောဘိတ် မြို့ဘိတ် မလိုက်ပါနဲ့၊ အများနဲ့ဆိုတော့ အများသွားသလို သွားရမှာ၊ ဆရာလေးက မာတာ မဟုတ်တော့ သွားနိုင်မှာ မဟုတ်ဘူး၊ ဒီတော့ ကြားဘိတ် ထွက်ပါ၊ ကိုယ်နားချင်ရာနား၊ သွားချင်ရာသွား ရတယ် ဘုရာ့”
ဥပုသ်နေ့ လွန်မြောက်၍ (၁) ရက်နေ့တွင် နံနက် စောစောစီးစီး မသုခနှင့် ဆန်ခံ ထွက်ခဲ့ ကြသည်။ ကျောက်ကာ ဘန်းကလေးထဲ၌ ဘန်းကုန်း ငယ်ငယ်ကလေး တခု၊ ဒန်ချိုင့်ပုလေး တလုံး၊ ပိတ်အိတ်ကလေး တအိတ်ထည့်ကာ ဘန်းကိုယ်စီ ရွက်လျက် ထွက်ခဲ့ကြသည်။
“လာဘ်ဦး မပယ်ရဘူး ...၊ လာဘ်ဦးပယ်ရင် လာဘ်တိတ်တတ်တယ်၊ အဲဒီတော့ သေချာတဲ့ အိမ်က စမှ ဖြစ်မယ် ...”
မသုခ၏ စကားများသည် ခေမာရီ၏ နားထဲတွင် ခါးသီး၍ သွားလေသည်။ မသုခသည် ဘောင်ဒရီလမ်းထဲရှိ နှစ်ထပ်အိမ် ဝင်းခြံထဲသို့ ရှေ့ကသွား၍ နောက်မှဖြေးဖြေး လိုက်ဝင်ရလေသည်။ တိုက်ရှေ့တွင် ရပ်နေကြသည်။
သီလရှင်များ မြင်၍ တိုက်ထဲမှ ကလေးမ တယောက်သည် လဘက်ရည် ပန်းကန်လုံးနှင့် ဆန်ထည့်ကာ ထွက်လာလေသည်။ သီလရှင် နှစ်ယောက်အား လဘက်ရည် ပန်းကန်တလုံးစာကို တဝက်စီ ခွဲလောင်းကာ ပြန်ဝင်သွားလေ၏။
ဒေါ်သုခလည်း ဘန်းကုန်းကလေးထဲမှ ဆန်ကို ဆန်အိတ်ထဲသို့ မှန်းလောင်းထည့်ရင်း “ကန်တော့ပါသေးရဲ့ ပြောလွှတ်မလားလို့ ပူလိုက်ရတာ လာဘ်ဦးကောင်းတယ် ဆရာလေး” ဟု ခေမာရီ ကြားလောက်အောင် ဝမ်းသာအားရ တိုးတိုး ပြောလိုက်သည်။
ခေမာရီမှာ ဘန်းကုန်းကလေးထဲမှ ဆန်ကိုကြည့်ကာ စိတ်ပျက်မိသည်။ တော်တော်ဝေးဝေး လျှောက်မိလျှင် တိုက်တတိုက်သို့ ဝင်ပြန်လေသည်။ တိုက်ရှေ့၌ နှစ်ယောက်သား ရပ်နေကြသည်။ လူစသူစ မမြင်၊ တိုက်ကြီးမှာ တိတ်ဆိတ်နေလေသည်။
တိုက်ထဲမှ လူရိပ်လိုလို မြင်လိုက်လျှင် မသုခသည် အသံကုန် ဟစ်၍ အော်လိုက်သည်။
“ဒါနဆန်များ မေတ္တာရပ်ခံပါတယ်ရှင် ...”
အသံကျယ်လွန်း၍ ခေမာရီမှာ လန့်သွားသည်။ တိုက်ထဲမှ မိန်းမကြီး တယောက် ပေါ်လာကာ အိမ်ပေါက်ဝသို့ပင် ထွက်မလာဘဲ “မယ်သီလရှင်များကလဲ ဘာနေ့မို့ ဆွမ်းခံနေတာလဲ၊ ကန်တော့ပါသေးရဲ့တော် ...” ဟု ပြန်အော်လိုက်ကာ ကွယ်ပျောက်၍ သွားလေသည်။
“ဒီမိန်းမကြီးက ဘယ်နေ့မှ လောင်းတာ မဟုတ်ဘူး ... ဒီလိုဘဲ”
မသုခသည် နာကျည်းသည့် အသံဖြင့်ပြောရင်း ခပ်ဆောင့်ဆောင့်ကလေး နင်းထွက်လာသည်၊ အတော်ကလေး သွားမိပြန်သောအအခါ လမ်းကြား တစ်ခုထဲသို့ ချိုးဝင်ခဲ့ကြသည်။ လမ်းထဲတွင် သစ်ပင်များ ထူထပ်လျက် အိမ် တအိမ်မှ မမြင်ရချေ။ သစ်ပင်အုပ်များ ကျော်လွန်၍ သွားမှပင် အိမ်ကလေး တအိမ် တွေ့ရသည်။
ထိုအိမ်မှာ မသုခ၏ ပစ္စည်းလေးပါး ဒါယကာနှင့် တူလေသည်။ အိမ်ထဲ၌ ရင်းရင်းနှီးနှီး ဝင်ထိုင်ကာ ရေအိုးစင်က ရေခပ်၍ ခေမာရီအား ကမ်းပေးလေသည်။ ထိုင်မိ၍ မကြာခင်တွင် “မစိန်ရေ” ဟု ပါးစပ်က ခေါ်ရင်း အိမ်ထဲသို့ ဝင်သွားလေသည်။ ပန်းကန်ပြား နှစ်ချပ် ကိုင်လျက် အိမ်ထဲမှ “မစိန်” နှင့် ထွက်လာကြသည်။ ထောင်ထားသည့် သင်ဖြူးကို ဆွဲချ၍ ခင်းသည်။ ဘန်းနှင့် ရွက်လာသော ဒန်ချိုင့်ကလေးကို ဖွင့်ကာ ပန်းကန်ထဲသို့ ထမင်း ယူထည့်လျက် “လာ ဆရာလေး ... စားလိုက်တာ အေးတယ်” ဟု ခေမာရီအား ထမင်းစား ခေါ်နေသည်။ နံနက်စာကို ထိုအိမ်၌ပင် ဇရပ်က ချက်ယူလာကြသော ငါးပိချက်၊ ဆူးပုပ်ရွက် တို့စရာနှင့် စားလိုက်ကြရသည်။ ထိုအိမ်ကအထွက် မစိန်က နို့ဆီဘူးနှင့် ဆန်အပြည့် တယောက်တလုံးစီ လောင်းလိုက်လေသည်။ အိမ် နောက်ဖေးရှိ စပယ်ပင်တွေ အခင်းလုပ် စိုက်ထားသော လမ်းမြှောင်အတိုင်း လျှောက်ခဲ့ကြသည်။ အခင်းစိုက်သော ခြံတွေကို တခြံပြီး တခြံ ကျော်ဖြတ်ကာ သွားနေကြသည်။ တအိမ်နှင့် တအိမ် အတော်ပင် လှမ်းလေသည်။
ထိုလမ်းမြှောင်မှ လွန်လျှင် လမ်းမသို့ ရောက်လာကြသည်။ လမ်းဘေးရှိ အိမ်များကို တအိမ်မကျန် ဝင်ရပ်ကြသည်။ အိမ့်စေ့ ဆိုသလိုပင် မလွတ်တမ်း ထွက်လောင်းကြသည်။
ကြွေဇွန်းနှင့် တဇွန်းစီ။
မသုခသည် ရှေ့က ပြာပြာ ပြာပြာနှင့် ခပ်သွက်သွက် လှမ်းလျက် “မြန်ုမြန်လျှောက် ဆရာလေး ... ရှေ့ကအိမ်က ဘကြီးက သီတင်းတိုင်း တယောက် ငါးပြား လှူတယ် ...၊ လာ ... လာ မြန်မြန်လျှောက်”
အိမ်အတွင်းသို့ ဝင်သွားကြရာ ခွေးကြီး တကောင်က ဝုတ်-ဝုတ် ဟောင်လျက် ထွက်လာလေသည်။ ခေမာရီလည်း ကြောက်အား လန့်အားဖြင့် ခြံအပြင်ဘက်သို့ လှည့်ထွက် ပြေးလေသည်။ ခွေးမှာ ခေမာရီ နောက်သို့ပင် လိုက်ဟောင် နေလေသည်။
ခေမာရီသည် ခြံအပြင် လမ်းမဘက်သို့ ပြန်ရောက်သောအခါ ဒူးများ တဆတ်ဆတ် တုန်နေသဖြင့် ခေါင်းပေါ်က ဘန်းကိုချလျက် မသုခအား ထိုင်စောင့် နေရသည်။
မသုခ ပြန်ထွက်လာလျှင် “မသုခ ပြန်ကြပါစို့ ...” ဟု ဆီး၍ ပြောလိုက်သည်။ “အခုတော့မှ ဘုရား ... နောက်ဆုတ်လို့ မဖြစ်ဘူး၊ ရှေ့ဆက်သွားမှ ဖြစ်မယ်၊ အသွားပူ အပြန်ပူနဲ့ ညနေမှ အေးအေး ပြန်တာပေါ့၊ မောရင် ဖြည်းဖြည်း နားလျှောက်ပါ ...”
ခေမာရီမှာ ဘယ်ရောက် ဘယ်ပေါက်နေမှန်း မသိ၊ တလမ်းကျော် တလမ်းဖြတ် မသုခနောက် တကောက်ကောက် လိုက်နေရသည်။ တအိမ်ဝင် တအိမ်ထွက်နှင့် သွားကြရင်း မောပန်းလာ၍ သစ်ပင်တပင် အောက်တွင် ဘယ်လောက် ရှောက်ရအုံးမလဲ ဟု ခရီးကို မှန်းဆကာ အတော်ကြီး မောနေလေသည်။
“ဟေး ... အရာ ကြာဝတ် ကြာဝတ်”
မသုခ ဘာပြောလိုက်ပါလိမ့်ဟု လှည့်ကြည့်လိုက်ရာ မသုခက မေးထိုးပြသည်။
အင်္ကျီချွတ်နှင့် ကုလားကြီးတယောက် တဲကလေးမှ ပြေးထွက်လာပြီးလျှင် ဒိုဘီထဲမှ လက်နှင့်နှိုက်၍ ဆန်တဆုပ်စီ ထည့်ပြီး ပြန်ဝင်သွားလေသည်။
ကုလားတဲ- ကုလားအိမ် ရှေ့များတွင် ရပ်တိုင်းပင် မသုခသည် “အရာ ... ကြာဝတ် ကြာဝတ်” ဟု ပါးစပ်က ခပ်ကျယ်ကျယ် အော်ပြောလေသည်။
ခေမာရီကား ခြေကို မသယ်ချင်အောင် ဖြစ်လာလေသည်။ ထိုင်နေ၍လည်း မဖြစ်၊ ခြေထောက်များမှာ ဒရွတ်ဆွဲလျက် နေပြီ။ ချွေးဒီးဒီးကျအောင် လျှောက်ခဲ့ရသည်။ နောက်ဆုံး ဈေးကြီးသို့ ရောက်သွားလေသည်။
“ဆရာလေး ဒီနားမှာ ထိုင်စောင့် နေ ... အခုဘဲ လာမယ်”
မသုခသည် သူ့ဘန်းထဲမှ ဆန်များကို ခေမာရီ ဘန်းထဲသို့ ပြန်လောင်းထည့်ကာ ဘန်းအလွတ် ရွက်လျက် လူတွေကြားမှ ဈေးရုံထဲသို့ တိုးဝင်သွားလေသည်။ ခေမာရီသည် လူသွားလမ်းဘေး သမံတလင်းပေါ်၌ ထိုင်ကာ ရှေ့မှဖြတ်လျက် တိုးခွေ့သွားကြသော လူတွေကို ကြည့်ရင်း မျက်စေ့ နောက်လာသည်။ အတန်ကြာမှ မသုခ ပြန်ထွက်လာသည်။ မသုခ ဘန်းထဲ၌ ကြက်သွန်ဥ နှစ်ဥ သုံးဥ၊ ငြုပ်သီး တဆုပ်လောက်၊ ဖရောင်းတိုင် အနီအဝါ သုံးတိုင်၊ ကွမ်းသီးစိပ် သုံးလေးခြမ်း၊ ကွမ်းရွက်တထပ်၊ အာပြဲငါးခြောက် သုံးလေးကောင်၊ ချဉ်ပေါင်ရွက်၊ ကန်စွန်းရွက် စုံစိနေအောင် နည်းနည်းစီ ပါလာသည်။
“မနဲ တိုးခွေ့ပြီး အလှူခံရတာ ဘုရာ့”
ခေမာရီသည် ဘန်းထဲမှ ပစ္စည်းများကိုလည်း မကြည့်လို၊ လူတွေကိုလည်း မမြင်သလို၊ ဘယ်လို ဖြစ်နေမှန်း မသိ၊ ငိုင်လျက်သာ နေမိသည်။ ငါးခြောက်ဆိုင်ရှင် အဒေါ်ကြီးသည် ခေမာရီတို့ ဘန်းထဲမှ ဆန်များကို ပြည်တောင်းနှင့် ချင်တွယ်နေသည်။ သူ့ ပြည်တောင်းမှာ သီလရှင်များ ဆန်လာရောင်းလျှင် ဝယ်ရန် ဆန်ဆိုင်က ပြည်တောင်းထက် နို့ဆီဘူးတဝက် ပိုလုပ်ထားသော ပြည်တောင်း ဖြစ်သည်။
“သုံးပြည်နဲ့ လေးလုံး ဆိုတော့ ...”
အဒေါ်ကြီး ဆက်၍ မပြောဘဲ စိတ်တွက် တွက်နေလေသည်။
“အဒေါ့်ပြည်တောင်းက အသာကြီး လုပ်ထားတာ၊ နဲနဲ ပိုပေးပါ အဒေါ်ရယ်” ဟု မသုခက ပြောလိုက်ရာ ခေမာရီမှာ သည်တော့မှပင် ဆန် အရောင်းအဝယ် လုပ်နေမှန်းကို ရိပ်မိတော့သည်။ ခေမာရီသည် မျက်လုံးတွင် လည်လာသော မျက်ရည်စများကို ပါးပေါ်သို့ စီးမကျရန် မျက်နှာကို မလှုပ်ခါဘဲ စိတ်ကို တင်းထားရသည်။ မိမိဘဝကား တကိုယ်ချင်း တကောင်ကြွက် အားကိုးရာမဲ့ အခြေပါတကား ...။
(၈)
ဆွမ်းခံ ပြန်ခဲ့သည့် နေ့ကပင် ဇရပ်တွင် ဘုံးဘုံးလဲလျက် လူမမာကြီး ဖြစ်နေခဲ့ရာ မင်းကတော်နှင့်သာ မတွေ့ခဲ့လျှင် ခေမာရီသည် လောကကို ရင်မဆိုင်သည့် အဖြစ်နှင့် တလက်စတည်း ကိစ္စငြိမ်းသွားမည် ဖြစ်၏။ အိပ်ရာထဲတွင် ခေါင်းမထူနိုင်၍ ပက်လက်ကလေး နေခဲ့ရသည့် နေ့ရက်များကြောင့် ခေမာရီမှာ သီလရှင် ရုပ်နှင့် မတူတော့ချေ။
မြေနီရောင် ခါးဝတ်ကို ဝတ်စားထားသော်လည်း လက်တဆစ်ခန့် ရှည်ထွက်နေသော ဆံပင်များသည် ဖန်ကတုံးကို ဖုံး၍ ထားသည်။ တနေ့သော်လည်း သက်သာနိုး၊ တနေ့သော်လည်း ခေါင်းထူနိုးနိုးနှင့် ဝေဒနာမှာ တမျိုးပြီး တမျိုး ထွေသာ လာသည်။ ယခုတော့ ထွေရုံတင်မက၊ သဲတောင် လာသည်။ ဝေဒနာသာ အရေးကြီးသည်၊ ဆံပင်ကို အရေးမကြီးနိုင် ...။ “မသုခရယ် ... တပည့်တော် သေရင် ရေချိုးတဲ့အခါ ဆံပင်ပါ ရိတ်ပေးလိုက်ပါနော် ... ” ဟု မှာထားပြီးသား ဖြစ်သည်။
ဦးပြားတောရဇရပ်သို့ လင်နှင့် စိတ်ကောက်ကာ၊ ဥပုသ်ရက်ရှည် လာစောင့်နေသော ဝန်ထောက်ကတော် ဒေါ်ခင်ခင်သည် ခေမာရီ အဖြစ်ကို သနားမိသည်။ မသုခ ဆန်ခံသွားလျှင် ဇရပ်တွင် တယောက်ထဲ ကျန်ရစ်ရှာသော လူမမာကို မျက်စိအောက်တွင် မနေသာတိုင်း ဖေးမပြုစု ပေးလေသည်။ မင်းကတော်မှာ ဇရပ်တွင် တလ ကိုးသတင်း စိတ်ကောက်နေပြီးနောက် ဝန်ထောက်မင်းက လိုက်ခေါ်၍ အိမ်ပြန်သွားသည့်တိုင် ဂရုဏာမကင်းသော ခေမာရီထံသို့ မကြာခဏ လာ၍ ကြည့်ရှာသည်။
ဆေးဝါးတွင်မက၊ ဓာတ်စာကလေးများ ဝယ်ခြမ်းလာသည်။ တခါတလေလည်း ငွေစကလေးများ ပေးကမ်း လှူဒါန်း သွားသည်။ လေမလျှောက်၍ ခြေထောက် တဘက်မှာ ကောင်းကောင်းပင် မသန်တော့၊ ခေမာရီသည် အိပ်ရာထဲတွင် မကြာခဏ ဆိုလိုပင် ခြေထောက်ကို လှုပ်ရွေ့ကြည့်သည်။
ခြေထောက်ကို လှုပ်ကြည့်လျှင် မျက်ရည်များ လည်နေ၏။ ကြက်သီးများ ထလာ၏။
“လူကျန်းမာလို့ ဒီခြေထောက်တွေ မသန်ရင်တာ့ ဆွမ်းဆန်ခံဖို့ အခက်ဘဲ မင်းကတော်ရယ် ...”
ခေမာရီသည် စိတ်တွင်းက သူများ မကြားအောင် သေလိုက်ပါတော့ဟု နေ့တိုင်း ဆုတောင်းနေလေသည်။
ခြောက်လလောက် ရှိလာသည်။
လူက ထူနိုင်ထနိုင် လာသော်လည်း ခြေထောက်ကို ကြာကြာ မထောက်နိုင်သေး၊ အိပ်ရာမှ ထလျှောက်လျှင် မသုခ တွဲထူမှပင် လျှောက်နိုင်လေသည်။ မသုခသည် ဆွမ်းဆန်ခံ၍ ရသမျှကို ရောင်းကာ တတ်အားသ၍ ပြုစုရှာသည်။ မသုခ ပင်ပင်ပန်းပန်း ရှာဖွေ ပြုစုနေရတာကို မကြိုက်နိုင်ချေ။ သူများကို ဒုက္ခပေးနေရသည့် ဘဝကို နေ့ရှိသ၍ စိတ်ပျက်လာသည်။ သည်ဘဝကို စိတ်ပျက်ရသည့်အထဲ ခေါင်းက ဆံပင်တွေကလည်း တနေ့ထက်တနေ့ ရှည်လာ၍ စိတ်ညစ် လာသဖြင့် မသုခကို ဓားနှင့် ကပ်ကျေး တောင်းရသည်။
“မာမှ တုံးလိုက်ပါ ... ကောင်းကောင်းမှ မမာသေးဘဲ ဘယ်ရိတ်လို့ ဖြစ်မလဲ၊ မမာတုန်း မရိတ်ကောင်းဘူး”
ခေမာရီသည် မျက်မှောင်ကုတ်လျက် စိတ်အိုက်သွား လေသည်။ သို့သော် သက်ပြင်းချ၍ မျက်မှောင် ဖြေလိုက်ကာ ဆုပ်မိလုနီးနီး ရှိနေသော ဆံပင်ကို အသာသပ်ရင်း ဆံတိုနှင့် စိတ်တမျိုးပင် ပေါက်လာသည်။ စိတ်တမျိုး နောက်နေသော ခေမာရီကို မင်းကတော်က အကဲခတ်မိသည်။
“ခင်တို့က သနားလို့ ပြောတယ်မှတ်ပါ ဆရလေး ...၊ ကျမအဖို့မှာ တယောက်အတွက် ဘာမှ ဝန်မလေးပါဘူး၊ အဖော်တောင် ရပါသေးတယ်၊ ဆုံးသာ ဆုံးဖြတ်ပါ ... ”
မင်းကတော်မှာ အဖော် လိုနေပေသည်။ အိမ်တွင် မိန်းမကြီး တယောက် ကိုယ့်ထဲက ရှာထားဖို့ လိုနေသည်။ ဝန်ထောက်မင်းမှာ မိမိအပြင် “တိတ်တိတ်” ရှိသေး၍ ညဥ့်အိပ်ညဥ့်နေ မိန်းမဖော်လည်း လိုချင်သည်။ အိမ်တွင် ခိုင်းစေထားသော ကလေးမ ကလေးများ ရှိ၍ အိမ်ကလူအတွက် အလစ်မပေးရန် အိမ်ထဲ၌ မိန်းမကြီးကြီး အစောင့်တယောက် ရှိမှလည်း ဖြစ်မည်။ ဒီ့အပြင် ဖဲဝိုင်းတွင် လူမစုံ၍ တအိမ်လိုလျှင် ဖြည့်မည့် အဖော်တောင် ဖြစ်နိုင်သေးသည်။
“စဉ်းစား မနေပါနဲ့တော့ ဆရာလေးရယ် ... ၊ ဆရာလေး ဘဝဟာ တယောက်ထဲရယ်၊ ထောက်ပံ့မယ့် လူလဲ ရှိတာ မဟုတ်ဘူး၊ ခြေထောက်က ကောင်းကောင်း မသန်တာကြီး၊ ဆွမ်းဆန် ခံနိုင်အုံးမလား၊ သီလရှင် အဝတ်ချွတ်လို့လည်း ငရဲမကြီးပါဘူး၊ လူဝတ်နဲ့လည်း သီလရှိရင် ဖြစ်တာပါဘဲ၊ ကျမအဖို့ ဘာမှ တာဝန်ကြီးတာ မဟုတ်ဘူး၊ စိတ်ချမ်းသာ ကိုယ်ချမ်းသာ အေးအေးချမ်းချမ်း နေရမှာပါ၊ လူဝတ်လဲမယ် မဟုတ်လားဟင် ...”
မျက်လွှာကလေးများ စင်းစင်းကျနေသည့် မှေးနေသော ခေမာရီ၏ မျက်လုံးများသည် တဘဝသို့ လှမ်းမျှော်နေသည်။ အတန်ကြာတော့မှ ခေမာရီသည် မင်းကတော်အား ခေါင်းငြိမ့် ပြလိုက်သည့် အခါ၌ အသက်ပါ ပါသွားသလို ငြိမ်ကျသွား လေသည်။
“ဆံစုနဲ့ စုစည်း ပေါင်းထုံးရင် ဆံပင်တိုတွေ ဝင်ပါတယ်”
မင်းကတော်သည်အလိုက်မသိ အားတက်သရော ရွှန်းရွှန်းဝေဝေ ပြောနေလေသည်။ ခေမာရီသည် အသေလို ငြိမ်နေရာမှ ရှက်လည်း ရှက်လှစွာ ဝမ်းလည်း နည်းလှစွာဖြင့် ပြုံးလိုက်ရလေသည်။
----------------
ဂျာနယ်ကျော် မမလေး

ဇာတ်ဝင်ခန်း

ဇာတ်ဝင်ခန်း (မင်းလူ)
-----------------------
ဝပ်နှစ်ထောင်နှင့် ဝပ်ငါးထောင်အား ရှိသော မီးမောင်းကြီးများ၏ အလင်းရောင်မှာ အလေ့အကျင့် မရှိသူ ဆိုလျှင် မျက်စိတွေ ပြာပြီး ကျိန်းစပ်ကုန် လိမ့်မည်။ မင်းသားတွေ ကတော့ မီးထိုးလိုက်ခါမှပင် မျက်လုံးတွေ ပိုပြီး အရောင် တောက်လာ သေးသည်။
“ရိုက်မယ်.. အားလုံးငြိမ်ပါ၊ စတတ်”
အသံဖမ်းဆရာက အချက်ပေး လိုက်သည်။ ကင်မရာဆရာက ခလုတ်ဖွင့်ပြီး “ကလက်” ဟု အော်သည်။ ဂျပ်ရိုက်သမားသည် “ကတ်ဆဲဗင်း” ဟု အော်ပြီး ရိုက်ကူးမည့် အခန်းစဉ်နံပါတ် ပြသော “ကလက်” ခေါ် သစ်သားပြား၏ အပေါ်မှ လျှာကလေးကို ဒေါက်ခနဲ မြည်အောင် ရိုက်လိုက်သည်။ သူ ထွက်သွားသော အခါ မင်းသား အမူအရာ စလုပ်သည်။
သရော်တော်တော် မခိုးမခန့် ရယ်လိုက်ပြီး...
“အနီးကပ်ဆုံးလူဟာ နောက်ဆုံးမှ သတင်းကြားရတယ် ဆိုတာ သိပ်မှန်ပါလား ခင်သူဇာ”
“ကတ်”
ဒါရိုက်တာက အော်လိုက်သည်။ တစ်ခန်း ပြီးသွားပြီ။ မီးမောင်းတွေ မှိတ်သွားသည်။
“ဘယ်လိုလဲ ဆရာ... ကြိုက်ရဲ့လား”
မင်းသားက မေး၏။ ဒါရိုက်တာက “အိုကေ” ဟု ပြောသည်။ သူ့လက်ထောက်ဆီမှ ဇာတ်ညွှန်းစာအုပ်ကို ဆွဲယူပြီး...
“ကတ်ကျော်ရိုက်မယ် ကိုစိုးရေ၊ ကင်မရာ ရှေ့နည်းနည်း တိုးမယ်၊ ဘတ်စ်ယူမယ်နော်”
ဓာတ်ပုံအဖွဲ့သားများက ကင်မရာကြီးကို ရွှေ့ကြသည်။ ဒါရိုက်တာက မင်းသားကို ပြောရမည့် စကားများနှင့် အမူအရာကို ပြနေသည်။
ရုပ်ရှင်ရိုက်ရာတွင် ဇာတ်လမ်း အစဉ်အဆက်အတိုင်း မင်းသားတစ်လှည့်၊ မင်းသမီးတစ်လှည့် ရိုက်နေလျှင် ကင်မရာကို ဟိုဘက်လှည့် ရွှေ့လိုက်၊ ဒီဘက်လှည့် ရွှေ့လိုက် လုပ်ရမည်။ အချိန်ကုန် လူပင်ပန်း ဖြစ်မည်။ ထို့ကြောင့် မင်းသားအခန်းတွေချည်း ဆက်တိုက် ရိုက်သည်။ ပြီးမှ မင်းသမီးအလှည့်။ နှစ်ယောက်တွဲခန်း ပါလျှင် အလျဉ်းသင့်သလို ရိုက်သွားသည်။ ဒါ “ကတ်” ကျော် ရိုက်သည်ဟု ခေါ်၏။ ကားဆက်သည့် အခါကျမှ ဖလင်ကို ဖြတ်ပြီး အစီအစဉ်အတိုင်း ပြန်ဆက်ယူခြင်း ဖြစ်၏။ တစ်ခါတလေ နောက်ဆုံးမှ ပြရမည့် အခန်းကို အရင်ရိုက်ချင် ရိုက်တတ်သည်။
ရုပ်ရှင်ရိုက်တာ မမြင်ဖူး၍ လာကြည့်သူများမှာ မင်းသား၊ မင်းသမီး ကြည့်ရတာလောက်သာ အရသာ ရှိသည်။ ရုပ်ရှင်ပြသည့်အခါ ငါးစက္ကန့်လောက်သာ ကြည့်ရမည့် အခန်းကို ဆယ့်ငါးမိနစ်၊ မိနစ်နှစ်ဆယ်လောက် ပြင်ဆင်နေရတာ မြင်ပြီး ပျင်းရိ ငြီးငွေ့သွားတတ်သည်။ ရိုက်သည့် အခန်းတွေကလည်း ဟိုကျော်ဒီကျော်နှင့် ဘယ်လို ခံစားရမည်မှန်း မသိ။ တချို့ဆိုလျှင် ထိုင်ရတာ ကြာတော့ ညောင်းညာပြီး တသမ်းသမ်း တဝေဝေ ဖြစ်စပြုလာသည်။
ခုရိုက်နေသည့် အခန်းမှာ မင်းသမီးကို မင်းသားက သစ္စာမရှိကြောင်း စွပ်စွဲနေသည့်အခန်း ဖြစ်၏။ စကားလုံးတွေ ပိုကြမ်းလာသလို တစ်ခန်းပြီးတစ်ခန်း ကင်မရာ ရှေ့တိုးတိုးပြီး ရိုက်သွားသည်။
တတိယအခန်း ရိုက်ပြီးချိန်တွင် မင်းသမီး ရောက်လာသည်။
“နောက်ကျလှချည်လား”
ဟု မင်းသားက ဆီး၍ နှုတ်ဆက်သည်။
“မင်းသမီးရှင့်... ပြင်ရ ဆင်ရသေးတယ်၊ အစ်ကို့လို ဟိုတယ် ဘားကောင်တာကနေ တန်းလာပြီး ရိုက်လို့ရတာ မဟုတ်ဘူး”
ဟု ပြန်ပက်သည်။
“ပြင်ရဆင်ရတယ် ဆိုပြီး ဘာမှလည်း မလုပ်ရသေးပါလား”
မင်းသမီးက ပြန်ပြောမနေတော့ဘဲ ဒါရိုက်တာဘက် လှည့်၍...
“ဆံပင်ပုံစံ ဒီအတိုင်းကောင်းတယ် မဟုတ်လား”
ဒါရိုက်တာက အသံတိမ်တိမ်ဖြင့်...
“ရိုးရိုးလေးပဲ ကောင်းပါတယ်”
“ဘီးဆံပတ် လုပ်ရမလား”
ဟု မင်းသမီးက ရိသည်။ ဒါမျိုး ကြုံဖူးပေါင်းများ၍ အရေထူနေပြီ ဖြစ်သော ဒါရိုက်တာက...
“အလိမ်အတွန့်လေးတွေ နည်းနည်း ဖြုတ်လိုက်ရင် ရပါပြီ”
“သေလိုက်ပါတော့... ဒီအလိမ်လေးတွေ လုပ်ဖို့ တစ်နာရီလောက် ဒုက္ခခံခဲ့ရတာ”
“ပလေးဘက်ကျတော့ လုပ်တာပေါ့ကွာ”
ဒါရိုက်တာက ချော့လိုက်၏။ မင်းသမီးက မိတ်ကပ် လုပ်ဦးမယ် ဆိုပြီး လှည့်အထွက် ဒါရိုက်တာက “အင်္ကျီလက်ရှည်နော်” ဟု လှမ်းသတိပေးသည်။ မင်းသမီးက “ရက်စ်” ဟု ပြောင်စပ်စပ် ပြောသွား၏။
မင်းသားအခန်းတွေ ဆက်ရိုက်သည်။ ပြီးသွားတော့ ဒါရိုက်တာက...
“မင်းသား... မပြန်နဲ့ဦးနော်၊ မင်းသမီးနဲ့ အဆုံကလေး ရိုက်စရာ ရှိသေးတယ်”
မင်းသားက မျက်ခုံး နည်းနည်း တွန့်သွားပြီး သူ့တပည့်လက်မှ နာရီကို ကြည့်လိုက်၏။ ထိုစဉ်မှာ ဇာတ်ကား ထုတ်လုပ်သူ မိန်းမကြီး အနား ရောက်လာပြီး...
“ငါ့မောင် မောသွားပြီ ထင်တယ်၊ ဟိုဘက်နား သွားနားပါလား၊ ဒရင်းဘက် ခင်းထားတယ်၊ ရေခဲဘူးလည်း အဆင်သင့်ပဲ”
ဟု ပြောလိုက်၏။ ထိုအခါကျမှ မင်းသား မျက်နှာ ကြည်သွားသည်။ ဒရင်းဘက်၏ ဘေးမှာ စားပွဲပုပုလေး တစ်လုံး၊ ရေခဲဘူးကြီး တစ်လုံးနှင့်အတူ ဂဏန်း လက်မကြော်၊ ပြည်ကြီးငါးသုပ်၊ အာလူးကြော် ပန်းကန်များပါ တွေ့ရ၏။ မင်းသားက ရေခဲဘူးကို ဖွင့်ပြီး ဘီယာတစ်ဘူး ထုတ်ယူလိုက်သည်။ သူ့အကြိုက် အဆာဟိ ဘီယာပင် ဖြစ်၏။
* * *
“ဒီလောက်ဆို ရတယ် မဟုတ်လား ဆရာ”
ဟု မင်းသမီးက ပြောရင်း အနားလာရပ်သည်။ မင်းသမီး ပြင်ဆင်လာပုံမှာ မဆိုးလှ။ ဆံပင်ပုံစံကတော့ နည်းနည်း လွန်နေသည်။ ဒီလောက်တော့ အလိုလိုက်ရမှာပေါ့ဟု ဒါရိုက်တာက တွေးသည်။ ဘာပဲဖြစ်ဖြစ် ဒီမင်းသား မင်းသမီးတွေနှင့် အလုပ်လုပ်ရတာ မဆိုးလှ။ စူပါတွေပီပီ နည်းနည်း အထွန့်တက်ချင်သော်လည်း အလုပ်ကျတော့ ပီပြင်အောင် လုပ်တတ်၏။
“ကဲ... ရိုက်ရအောင်”
ဟု ပြောပြီးမှ ဒါရိုက်တာ မျက်မှောင် ကုပ်သွား၏။
“မင်းသမီး... ဆွဲကြိုး မပါဘူးလား၊ အသည်းပုံ လော့ကက်နဲ့ဟာ”
“အဲဒါ ကျွန်မဟာ မဟုတ်ဘူးလေ၊ ကုမ္ပဏီက ထုတ်ပေးတာ၊ သူတို့ဆီမှာ ရှိမှာပေါ့”
ရိုက်ကွင်း မန်နေဂျာကို မေးသည်။
“ပါမလာဘူး”
ဟု မျက်နှာပျက်ပျက်နှင့် ဖြေသည်။
“မပါလို့ ရမလား၊ ဒီနေ့အခန်းက အဲဒီဆွဲကြိုး ပြန်ပေးရမယ့် အခန်း၊ ဒါမပါရင် ဘယ်လိုလုပ် ရိုက်မလဲ”
ဇာတ်ကား ထုတ်လုပ်သူ မိန်းမကြီး ရောက်လာပြီး “ဘာဖြစ်တာလဲ” ပြူးပြူးပျာပျာ မေးသည်။ ပြီးတော့ ရိုက်ကွင်း မန်နေဂျာကို ကြိမ်းလေတော့သည်။
“မင်းတို့ ဒီအလုပ် လုပ်တာပဲ အိုသေတော့မယ်၊ လိုတဲ့ပစ္စည်း အကုန်လုံး အဆင်သင့်ဖြစ်အောင် လုပ်ထားမှပေါ့၊ ဒီမှာ အချိန်ကို ငွေနဲ့စက်ဝယ်ပြီး လုပ်နေရတာ”
ရိုက်ကွင်းပေါ်မှာ လိုအပ်သည့် ပစ္စည်းမှန်သမျှ ရိုက်ကွင်း မန်နေဂျာ၏ တာဝန်ဖြစ်၏။ သို့ရာတွင် သူကလည်း သူနိုင်သောသူကို လှည့်ဟောက်သည်။ ဇာတ်လမ်း မှတ်တမ်းတင်သော ကောင်လေးကို...
“မင်းကို ငါ သေသေချာချာ ပြောတယ်၊ ဒီနေ့ရိုက်မယ့် အခန်းအတွက် လိုတဲ့စာရင်း အပြည့်အစုံ လုပ်ထားပါလို့”
ဇာတ်လမ်း မှတ်တမ်းတင်သည့် ကောင်ကလေးကတော့ လှည့်ဟောက်စရာ လူမရှိ။ သူ့နောက်မှာ နံရံပဲ ရှိတော့သည်။
* * *
ဆွဲကြိုးနှင့် လော့ကက်ကို သွားယူရသည်။ ဘယ်လောက် မြန်အောင် သွားသွား နာရီဝက်လောက်တော့ အချိန်ပုပ်သွား၏။
ဒီနေ့အခန်းက အရေးကြီးသည်။ ဇာတ်ဝင်ခန်းအရ အရေးကြီးသလို အချိန်ကလည်း အရေးကြီးသည်။ ဒီအခန်းကို ဒီနေ့ပြတ်အောင် ရိုက်ရမည်။ ဒီအခန်းပြီးလျှင် ဇာတ်ကား တစ်ခုလုံး ပြီးပြတ်ပြီး အမြန်ဆုံး ကူး၊ ဆေး၊ အသံသွင်း၊ တည်းဖြတ်ပြီး ဆင်ဆာတင်ဖို့သာ ရှိ၏။ ဒီနေ့ မပြတ်လျှင်တော့ အကုန်လုံး ကလီသင်တ ဖြစ်ရတော့မည်။
အကြောင်းမှာ မနက်ဖြန် ဆိုလျှင် မင်းသားရော မင်းသမီးပါ တခြား ဇာတ်ကားတွေ ရိုက်ဖို့ နယ်ထွက်ရမည်။ ပြန်လာတော့လည်း တခြား ရက်ချိန်းတွေ အပြည့်။ လုပ်ငန်း တစ်လလောက် ဖင့်နှေးသွားနိုင်၏။ ထို့ကြောင့် ဒီနေ့ မပြီးပြီးအောင် ရိုက်ရမည်။
မင်းသားမင်းသမီး နှစ်ယောက်တွဲခန်းတွေ ရိုက်သည်။ အားလုံး အဆင်ပြေပြေ ပြီးသွား၏။ နှစ်ယောက်စလုံး ကြိုးကြိုးစားစား သရုပ်ဆောင်ကြသဖြင့် ကျေနပ်အားရစရာ ကောင်းသည်။ မင်းသားသည် ဘီယာတစ်ဘူး လက်ကကိုင်ရင်း တာ့တာလုပ်ပြီး ပြန်သွားသည်။
မင်းသမီးခန်းတွေ ကျန်သေးသည်။ ပထမတစ်ခန်း ရိုက်ရာမှာပင် ကင်မရာ ပျက်သွားသည်။ “ကလော့ပင်နီယံ” ဆိုတာ ကြွေသွားခြင်း ဖြစ်၏။ အပိုပစ္စည်း အဆင်သင့်ပါလို့ တော်သေးသည်။ ရိုက်ကွင်း မန်နေဂျာ ပျာယာခတ်လာပြီ။ ညဥ့်နက်စ ပြုလာပြီ။
ကင်မရာပြင်ပြီးတော့ ဆက်တိုက်ရိုက်ဖို့ ပြင်ဆင်သည်။ ထိုအခန်းက အရေးကြီးသည်။ မင်းသမီး အကယ်ဒမီ ရနိုင်သည့် အခန်းဖြစ်၏။ စကားလုံး အရှည်ကြီး ဆက်တိုက် ပြောရမည်။ ထို့နောက် ဆွဲကြိုးလေးကို ဖြုတ်ပေးရမည်။
မင်းသမီးသည် ဈာန်ဝင်စားအောင် အတော် ကြိုးစားနေသည်။ ချောင်တစ်ချောင်မှာ တစ်ယောက်တည်း ထိုင်ပြီး ပြောရမည့် စကားလုံးတွေ တတွတ်တွတ် ရွတ်ရင်း လေ့ကျင့်နေ၏။
အတော်ကြာတော့ “ရပြီ” ဆိုပြီး ရိုက်ကွင်းပေါ် တက်လာသည်။ မင်းသမီး၏ အခြေအနေကို ကြည့်ပြီး ဒါရိုက်တာ ကျေနပ်သွားသည်။ တကယ်လုပ်တော့မည်။
မီးမောင်းကြီးတွေ ထိုးလိုက်သည်။ အသံဖမ်းဆရာ အချက်ပေးသည်။ ကင်မရာမောင်းသည်။ ကလက်။
ပြီးတော့...
“ဒီမှာ ကိုကို... ကိုကို့ကို လူကြီးတွေ သဘောတူလို့ ယူခဲ့ရတယ် ဆိုပေမယ့် သူဇာ တစ်သက်လုံး ကိုကို့ အပေါ်မှာ သစ္စာရှိခဲ့ပါတယ်၊ ဒါကို မယုံဘူး မဟုတ်လားဟင်”
ကင်မရာက တဖြည်းဖြည်း အနီးကပ် ဆွဲယူနေသည်။ မင်းသမီး၏ နှုတ်ခမ်းလေးများ တဆတ်ဆတ် တုန်လာသည်။ မျက်ရည်ဝဲလာ၏။ ကျလုလုခင်မှာ ခေါင်းကို တစ်ချက်မော့ပြီး ထိန်းသည်။ ချက်ချင်း မျက်နှာထားကို တင်း၍...
“အခုတော့... သူဇာ့ရဲ့ အချစ်၊ သူဇာ့ရဲ့ သစ္စာတရားတွေဟာ...”
ထိုစဉ်မှာပင် အောက်အီးအီးအွတ် ဟူ၍ ကြက်တွန်သံ ပေါ်လာသည်။
“ဟိုး”
တစ်ယောက်တစ်မျိုး ရေရွတ်လိုက်သည့် အသံတွေထဲက ဒါရိုက်တာ၏ အသံ အကျယ်ဆုံး ထွက်လာသည်။
“ဘယ်က ကြက်လဲဟေ့”
“ဦးစံပရဲ့ ကြက် ဆရာ”
“ခေါ်စမ်း... ဦးစံပ”
ဦးစံပ ရောက်လာသော အခါ ဒါရိုက်တာ ဘာမှ မပြောနိုင်ခင် ထုတ်လုပ်သူ မိန်းမကြီးက ဦးအောင် ဟောက်လိုက်သည်။
“ဒီကြက်က ဘယ်က ရောက်လာသလဲ”
ဦးစံပက မျက်နှာငယ်လေးနှင့်...
“ကျွန်တော် တောကအပြန် ယူလာတာပါ”
“ရှင်ဟာ ရုပ်ရှင်ခြံထဲ နေပြီး ဒီလောက်မှ နားမလည်ဘူးလား”
“ကဲ ကဲ... ပြန်ရိုက်မယ်”
ဒါရိုက်တာက ဝင်ပြော၏။
မင်းသမီးက...
“မုဒ်ဝင်အောင် လုပ်ရတာ လွယ်တာ မဟုတ်ဘူး”
ဟု သုန်မှုန်စွာ ပြောသည်။
မီးမောင်းတွေ ပြန်ဖွင့်။ ရယ်ဒီ မောင်း။ ကလက်။ မင်းသမီး စကားစပြော...။
“အောက်အီးအီးအွတ်”
“ဟာ”
“လုပ်ပြန်ပြီ”
“သွားပါပြီ”
“ကိုစံပ”
အသံတွေ တစ်ပြိုင်တည်း ထွက်လာသည်။ ထုတ်လုပ်သူ မိန်းမကြီးသည် ဦးစံပကို ဝင်းဝင်းတောက်သော မျက်လုံးများနှင့် ကြည့်ပြီး...
“ရှင့်ကြက်ကို သွားရှင်းပစ်လိုက်”
“ဟုတ်... ဟုတ်ကဲ့”
ကိုစံပသည် ရုပ်ရှင်ခြံ၏ အစောင့်ကြီး ဖြစ်၏။ သူဌေး၏ အမိန့်ကို နာခံရန်မှ လွဲ၍ တခြားမရှိ။ ခဏကြာတော့ သူပြန်ရောက်လာသည်။ လက်ကလေး နောက်ပစ်၍ ယို့ယို့လေး ရပ်ရင်း...
“ပြီးပါပြီ”
ဟု ပြောသည်။
“အိုကေ... စမယ်”
မီးမောင်းတွေ ပြန်ဖွင့်ပြီး ရိုက်လက်စ အခန်းကို ဆက်ရိုက်သည်။ “ကတ်” ဆိုသော ဒါရိုက်တာ၏ အသံနှင့် “အကယ်ဒမီ ရှော့ပဲ” ဆိုသော ထုတ်လုပ်သူ၏ အသံတို့ ရှေ့ဆင့်နောက်ဆင့် ပေါ်လာသည်။ မင်းသမီးသည် မျက်ရည်တွေ သုတ်ရင်း ပြုံးနေ၏။
* * *
ကိုစံပကတော့ လည်လိမ် ဇက်ကျိုးပြီး မရှုမလှ သေဆုံးခဲ့ရရှာသော သူ့ကြက်ကလေးကိုသာ မြင်ယောင်နေလေသည်။
ကြက်ဖကလေးမှာ မန်ကျည်းစေ့ရောင် ဖြစ်၏။ ခွပ်လက်ချပြီးခါစ မျိုးကောင်း တိုက်ကြက်ကလေး။ “နှုတ်သီး ရေတံလျှောက်၊ အမြီး တံစဉ်ကောက်၊ အသည်း ပုဆိန်ပေါက်” ဆိုသော စာဆိုနှင့် ညီသည့် ကြက်ပျိုကလေး။
တကယ်တော့ ကြက်ဖကလေးမှာ ရုပ်ရှင်ရိုက်တာကို အနှောင့်အယှက် ပေးလို၍ မဟုတ်ပါ။ သူ့မှာ လက်ပတ်နာရီ မရှိသည့်တိုင် အချိန်ကျလာလျှင် မတွန်ဘဲ မနေနိုင်သော ဗီဇက သွေးထဲသားထဲက ပါလာခြင်း ဖြစ်၏။ ထို့အပြင် ကြက်ဖကလေးသည် ရုပ်ရှင်ကိုလည်း တစ်ခါမျှ ကြည့်ဖူးရှာသူ မဟုတ်ပါ။
---------
မင်းလူ
ရင်ခုန်ပွင့်၊ ဧပြီ၊ ၁၉၉၀။

အသက်ရှည်ရှည် ခင်ခင်မင်မင်

အသက်ရှည်ရှည် ခင်ခင်မင်မင်

==============================

ကျွန်မ အဘွားကြီးဖြစ်နေပြီတဲ့။ ကျွန်မခင်ပွန်းက ခဏခဏစနောက်တတ်သည်။
ဟုတ်များဟုတ်နေပြီလား မသိ။ ကျွန်မဧ။်အတွေးတွေ တော်တော်ခေါင်နေပါသည်။
သားသမီးနှင့် ပတ်သက်လျှင် ခေတ်မီရမည့် ကျွန်မအတွေးတွေသည်
အမြဲပဲခေတ်နောက်ကျတတ်ဧ။်။ အခုကိုပဲ ကျွန်မက သမီးငယ်ကို
အိပ်ရာဝင်ပုံပြင်တွေ ပြောပြချင်လှပြီ။ သမီးက ကြော်ငြာတွေ
ကြည့်ကောင်းနေဆဲ။

“ရှာကြည့်လိုက်ဦး … ရှာကြည့်လိုက်ဦး … ရှာကြည့်လိုက်ဦး … ” တဲ့။
သမီးက လိုက်၍ဆိုလိုက်သေးသည်။

ကျွန်မ ပင့်သက်ရှိုက်မိ၏။ ရုပ်မြင်သံကြားအပေါ် ကလေးတွေသည်လောက်
စွဲလမ်းနေတာကို ကျွန်မ မကြိုက်ပါ။ ကလေးတွေ တီထွင်ဥာဏ် ကွန့်မြူးရမည့်
အချိန်မှမရှိတော့ဘဲ။ ရုပ်မြင်သံကြားမှ ပြသ သမျှကြည့်နေသော
ကလေးတစ်ယောက်သည် သူ့ကိုယ်ပိုင် တီထွင်ဥာဏ်ဖြင့် အသုံးပြုရမည့်ကိစ္စတွေ
နည်းကုန်မှာ အမှန်ပဲ။ ရုပ်မြင်သံကြား အစီအစဉ်တွေမှာ ကလေးတွေအတွက်
သင့်တော်သည့် ပြကွက်မျိုးဘယ်နှစ်ခု ပါနိုင်မှာမို့လို့လဲ။

ကြော်ငြာတွေထဲမှာတောင် ကလေးတွေကြည့်ဖို့ မသင့်တော်သည့် ပြကွက်တွေက
အများကြီး။ ကလေးတွေအတွက် တီဗီလိုင်းတစ်လိုင်း သီးသန့်ထားပေးရင်
မကောင်းဘူးလား။ ပညာပေးအစီအစဉ် လုံ့းဝမဟုတ်သော ဖျော်ဖြေရေးအစီအစဉ်ပေါ့လေ။
အင်း… ကျွန်မအတွေးတွေ ခေါင်နေပြန်ပြီထင်ပါရဲ့။ ဘယ်နှစ်နှစ်အရွယ်
ကလေးတွေအတွက် ကျွန်မက တောင်းဆိုမိနေတာလဲ၊ အသက်ဆယ်နှစ်ကျော်ပြီးသွားသော
သားကြီးအတွက်လား၊ အသက်ငါးနှစ်ထဲဝင်ခါစ သမီးအတွက်လား။ ဘယ်နှစ်လိုင်း
ထားပေးရမှာလဲ။ ကျွန်မတစ်ယောက်တည်း ပြုံးမိသည်။

       Science World အစီအစဉ်မျိုး၊ Discovery အစီအစဉ်မျိုးတွေ ခဏခဏ
လွှင့်ထုတ်စေချင်တာတော့ အမှန်ပဲ။
       ကျွန်မတို့ ငယ်ငယ်တုန်းကဖြင့် တီဗွီမဆိုထားနှင့်၊ ကက်ဆက်တောင်မပေါ်သေး။
ညနေကျောင်းပြန်ချိန်မှာ ခဏနားပြီး ကစားကြသည်။ မူလတန်းအရွယ်တုန်းကများ
ကျူရှင်ဆိုတာတောင် မကြားဖူးခဲ့ပါဘူး။ ထုပ်ဆီးတိုးတမ်း၊ ခွက်ခေါက်တမ်း၊
ဘုတ်ဒီထိုးတမ်း၊ ဘောလုံးပစ်တမ်း၊ ရွှေစွန်ညိုဝဲတမ်း ကစားနည်းတွေ စုံလှသည်။
ညစာထမင်းစားချိန်မှာ တစ်ခါတစ်ခါ အကဲပို၍ အိမ်နီးချင်း သူငယ်လေးတွေနှင့်
ထမင်းအတူစားချင်လျှင် စားခွင့်ရတတ်သေး၏။ ကျွန်မတို့အိမ်က
ခြံဝင်းလည်းကျယ်၊ ကလေးညီအစ်မသုံးယောက်လည်းရှိနေတော့ အိမ်မှာလာ၍စုစားလေ့ရှိပါသည်။
အိမ်ရှေ့က ကွပ်ပျစ်ကြီးပေါ်မှာ လူခြောက်ယောက်လောက်စုပြီး ထမင်းစားရတာ အလွန်မြိန်သည်။ သူ့ဟင်း
ကိုယ့်ထဲထည့်ပေး၊ ကိုယ့်ဟင်း သူ့ထဲထည့်ပေး၊ တစ်ယောက်နှင့် တစ်ယောက်
မျှဝေခံစားကြကာ ရင်းနှီးချစ်ခင်လှသည်။

အခုခေတ်မှာတော့ ကလေးတွေအတွက် သူငယ်ချင်းဆိုသော အဓိပ္ပာယ်ကိုပင် မေ့ကုန်ကြပြီလား မသိ။
‘ချစ်ပုံ့လေးရေ … အိပ်ကြစို့ သမီးရယ်၊ ကိုကိုတောင်အိပ်သွားပြီ”
သမီးက မအိပ်ချင်သေးပါ။ တီဗွီဖန်သားပြင်ပေါ်က အရုပ်များကို ငေးမောနေဆဲ။
တီဗွီဂိမ်းကစားဖို့ အမြဲတမ်းတက်ကြွလှသော သားကစိတ်ပျက်လက်ပျက်
အိပ်ရာဝင်သွားခဲ့ပြီ။ ကိုယ်ပိုင်တီထွင်ဥာဏ် ဟူသော စကားပြောတိုင်း သားက
ကျွန်မအား ခေါင်းမာစွာ ငြင်းလေ့ရှိ၏။ သားတို့ကစားသော တီဗွီဂိမ်းတွေဟာ
ကလေးတစ်ယောက်အတွက် တီထွင်ဥာဏ်ကို ရင့်သန်စေသည်ဆိုပဲ။
ဘာပဲဖြစ်ဖြစ် ကျွန်မကတော့ ကျွန်မ၏ သားသမီးတွေကို လူသားပီသစွာ နူးညံ့တတ်၊
ခံစားတတ်၊ မျှဝေတတ်စေချင်သည်။

‘သမီး တီဗွီပိတ်ရအောင်နော်”
သမီးလေးကြည့်နေသော ကြော်ငြာများကို ကျွန်မဇွတ်ပိတ်ပစ်လိုက်သောအခါ သမီးက
စိတ်ကောက်ဖို့ နှုတ်ခမ်းစူနေပြီ။
“သမီးကို မေမေက ကြယ်လေးတွေပြန့်ကျဲနေတဲ့ ကောင်းကင်ကြီးအကြောင်း ပြောပြမယ်လေ”
ကြယ်စုံသော ည၏မိုးကောင်းကင်အပြည့်ကို သမီးတစ်ခါမှ စောင့်မကြည့်ဖူးသေးဘူး။
သမီး၏ညကောင်းကင်သည် မြို့ပြကောင်းကင်ဖြစ်သည့်အပြင် အိမ်ပေါ်ထပ်
အိပ်ခန်းပြတင်းပေါက်မှ လှမ်းကြည့်ရင်း မြင်ရသည့်
တစ်ဝက်တစ်ပျက်ကောင်းကင်သာ ဖြစ်သည်။ ထိုမြင်ကွင်းကိုပင်
ခြင်ထောင်ဇာခံပြီးမှ အေးအေးဆေးဆေးကြည့်နိုင်၏။ သည်မြို့မှာက ခြင်တွေ
ပေါလွန်းလှသဖြင့် ခြင်ထောင်အတွင်းမှ မဟုတ်လျှင် နေရတာ မအေးဆေးပါ။

“မေမေတို့ ရွာမှာခြင်မရှိဘူး” ဟု သမီးကိုပြောလျှင် သမီးမယုံနိုင်ချေ။
တကယ်တော့ သဲမြေလွှမ်းသည့် ကျွန်မတို့ရွာတွင် ရေမှန်သမျှ ဘယ်တုန်းကမှ
အိုင်ထွန်းခဲ့သည်မဟုတ်ချေ။
သမီးကို ခြင်ထောင်ထဲသို့ချော့ခေါ်လာသည့်
အချိန်တွင် သားအဖနှစ်ယောက်
ဟိုဘက်ခုတင်မှာ အိပ်ပျော်လျက် ရှိပြီ။

“မနက်ကျ သမီးတို့ကျောင်းမီအောင် စောစောထရဦးမှာ မဟုတ်လားသမီးရဲ့”
မနက်ရှစ်နာရီအထိ အိပ်ချင်တတ်သော သမီးလေးအဖို့ ကျောင်းမီအောင်
စောစောထရသည့်အဖြစ်ကို စိတ်ညစ်လှပြီဟု ကျွန်မ သိပါသည်။
“မေမေကလည်း ဘာဖြစ်လို့ ဒီမြို့သစ်မှာ လာနေတာလဲ၊ မြို့ထဲပဲနေလိုက် ပြီးရော”
မူကြိုအရွယ် သမီးက ကလေးကြီးတစ်ယောက်လို ဂျီးကျတတ်သေး၏။
“မြို့ထဲမှာနေရင် …”
“မြို့ထဲမှာနေရင် ပုံ့ပုံ့နောက်ကျမှ ထရင်လဲ ကျောင်းမီမှာပေါ့ မေမေရဲ့၊
ဆိုင်ကယ်ကြီးနဲ့ အကြာကြီးသွားနေစရာ မလိုတော့ဘူးပေါ့”
သြော … ကျွန်မသမီးက ကျိုးကြောင်းဆက်နွယ်မှုဆိုတာကိုတော့ သိနေသားပဲ၊ သမီး၏
ဆင်ခြင်ဥာဏ်တွေ၊ တီထွင်ဥာဏ်တွေအတွက် ကျွန်မသိပ်တော့ စိတ်မပူသင့်ဘူး
ထင်ပါရဲ့နော်။ ကျွန်မသဘောကျစွာ ရယ်မောမိပါသည်။

“မေမေ ငယ်ငယ်ကဆိုရင် သမီးတို့ထက် ဆိုးတာပေါ့၊ နေ့တိုင်းအစောကြီး
ထပြီးကျောင်းသွားရတာ သမီးရဲ့”
ကျွန်မငယ်စဉ်ဘ၀ နေ့စဉ်ဖြတ်သန်းမှုကို သမီးအား ပုံပြင်သဖွယ်
စီကုံးဖွဲ့နွဲ့၍ ပြောပြရဦးမှာပေါ့။

“မေမေတို့ရွာမှာ အလယ်တန်းကျောင်းမရှိဘူး၊ ဒီတော့ ကျောင်းရှိရာ
ရေနံချောင်းကို အစောကြီး ထသွားမှ ကျောင်းမီတာ၊ ရွာနဲ့ကျောင်းနဲ့က
အဝေးကြီးပဲ၊ အဝေးတကာ့ အဝေးကြီးပဲ၊ သမီးကျောင်းထက်တောင် ဝေးသေးတာပေါ့၊
ဘတ်စ်ကားမရှိ၊ ဆိုင်ကယ်မရှိ၊ စက်ဘီးရှိရင်တောင် စီးမရဘဲ
တွန်းနေရတဲ့အချိန်များတယ်၊ သဲချောင်းအကျယ်ကြီးကို ဖြတ်ရသေးတာ သမီးရဲ့၊
ခြေလျင်လျှောက်မှ လူသက်သာသေးတယ်၊ သဲထဲမှာ ခြေကျင်ရုန်းရတာ”
သမီး၏ကျောကုန်းလေးကို ဖွဖွလေးပွတ်သပ်၍ ပုံပြောသည့် လေသံမျိုးနှင့်
ခပ်တိုးတိုးပြောမိသည်။ သမီးက မျက်တောင်လေး စင်းကာ နားထောင်စပြုလာပြီ။
“သဲချောင်းဆိုတာမျိုးက မိုးရွာတဲ့အချိန်ကလွဲရင် ရေမရှိတတ်ဘူးလေ၊ သဲပြင်က
အကျယ်ကြီးပေါ့၊ အဲဒီသဲပြင် အကျယ်ကြီးထဲမှာမှ ချောင်းသေးသေးတွေ ဖြစ်နေတာ၊
ချောင်းလေးတွေက ရေတော့ သိပ်မနက်ဘူးပေါ့၊ တချို့ချောင်းက
ခြေမျက်စိလောက်ရေနက်၊ တချို့ကတော့ ခြေသလုံးလောက် နစ်အောင် ရေများတာပေါ့၊
ချောင်းရေထဲ ဖြတ်လိုက် သဲထဲပြန်ရုန်းလိုက်ပေါ့ သမီးရယ်၊
သဲချောင်းကြီးလွန်ပြီးတော့ ရွာတွေကိုဖြတ်ရပြန်တာ”

“ပင်းဝနော် မေမေ”
ကျွန်မ ခဏခဏပြောပြသည့် ရွာအကြောင်းကို သမီးစိတ်ဝင်စားပုံရသည့်အတွက်
ကျွန်မအမြဲလိုလို ကျေနပ်မိပါသည်။
“မေမေတို့ရွာက ပင်းဝပေါ့ သမီးရဲ့၊ သဲချောင်းကြီးနာမည်က ပင်းချောင်းလေ”
“ပုံ့ပုံ့ သိပါတယ်”
“အဲဒီ ပင်းချောင်းလွန်တဲ့အခါ ဘုရားကုန်းရွာကို ရောက်ရော၊
ဘုရားကုန်းရွာပြီးတဲ့အခါ ရွာသစ်ကြီး၊ ပြီးတော့ ရွာသစ်ကလေး၊ ညောင်ပင်သာ၊
ဖောင်းကတော၊ ထိန်ချောင်း၊ ကျောင်းကုန်း၊ ပြီးတော့မှ သပြေတန်းကျောင်းကို
ရောက်တာ”
“မေမေ မညောင်းဘူးလား”
“ညောင်းတာပေါ့ သမီးရယ်၊ ပညာကို လိုချင်လွန်းတော့ အညောင်းခံပြီး
ကျောင်းတက်ရတဲ့ အဖော်တွေဘေးမှာ အများကြီး၊ သူငယ်ချင်းတွေနဲ့ စကားပြောရင်း
စရင်းနောက်ရင်း ရယ်ရင်းနဲ့ပဲ ရောက်မှန်းမသိ ရောက်ရတာပေါ့၊ လမ်းမှာတွေ့တဲ့
ကျောက်ခဲလေးတွေ ကောက်ပြီး သစ်ပင်တွေဆီ ပစ်လို့ရသေးတယ်၊ ကိုင်းတောတွေထဲ
ပစ်လို့ရသေးတယ်၊ အိမ်တွေကို ထိမှာ မပူရဘူး၊ သစ်ပင်တွေက အများကြီး၊
တစ်ဖက်မှာ တောင်ကမ်းပါးယံ အမြင့်ကြီးတွေ၊ တစ်ဖက်မှာက
မြစ်ရေတက်ချိန်မဟုတ်ရင် ယာခင်းတွေ ကိုင်းခင်းတွေ သမီးရဲ့”
မျက်စိတစ်ဆုံး လှမ်းမြင်နိုင်သော ဧရာဝတီမြစ်ကမ်းဘေးက ကျွန်းသောင်ခုံတွေ
ယာခင်းတွေကို သမီးမြင်ဖူးစေချင်လိုက်တာ။

“အံမယ် … လမ်းတလျှောက်မှာ တွေ့သမျှတောပန်းတွေကို ခူးနိုင်သေးတာ၊
ပန်းတွေကလဲ ရောင်စုံပဲ သမီးရယ်၊ သိပ်လှတာပဲ၊ ခွေးသေးပန်းဆိုတာက
အပြာရောင်လှလှလေးတွေ၊ တိုက်ပန်းကတော့ ပန်းရောင်၊ ခေါင်းလောင်းပန်းက
အ၀ါရောင်၊ ဆယ့်နှစ်ရာသီပန်းက လိမ္မော်ရောင်၊ စိန်နားပန် ဆိုတဲ့ ပန်းကတော့
အပွင့်သေးသေးရောင်စုံလေးတွေ စုစုပြီးပွင့်တတ်တာ၊ နားကပ်ပန်းဆိုတာ
ရှိသေးတယ်၊ နားကပ်လေးတွေလို ခပ်ပြားပြာ၊ ပွင့်ဖတ်အသားထူထူ
အပွင့်သေးသေးလေးတွေပေါ့၊ ခူးပြီး တံတွေးဆွတ် နားမှာ ကပ်ထားရင်
တကယ့်နားကပ်လေးလိုပဲ”

သမီးလေးဘ၀မှာ ပန်းတွေ လိုက်ခူးလို့ ပျော်ရွှင်ရသည့် ခံစားမှုကို တစ်ခါမှ
မရရှာသေးပါ။ ကျွန်မတို့ခြံထဲမှာ ပန်းပွင့်တွေကို သမီးက ခူးချင်သည်။
သူ့အဖေက ဟန့်တားထားသည်။ ကျွန်မနှင့် သူ့အဖေ မကြာခဏ စကားများရသည်။
“ပန်းဆိုတာ ခူးဖို့အတွက်မဟုတ်ရင် ဘာအတွက်လဲ မောင်ရဲ့” သိသိကြီးနှင့်
ကျွန်မရန်စကားပြောမိသည်။
“အလှကြည့်ဖို့ပေါ့ကွ”
“အဲဒီအလှဆိုတာ သမီးလေး ပျော်ရွှင်မှုထက် ပိုပြီးအရေးပါလို့လား”
သူ့အဖေမရှိသည့်အချိန်တွေမှာ ကျွန်မကတော့ သမီးအား
ပန်းခူးခွင့်ပေးလိုက်တာပါပဲ။ တောပန်းကလေးတွေ၏ စိမ်းစိမ်းမွှေးသော ရနံ့ကို
သမီးမခံစားဖူးသေးဘူး။ တောလမ်းတစ်ခု၏ တောပန်းဖြင့် မွှေးမြလတ်ဆတ်သော လေကို
သမီးလေး မရှူဖူးသေးဘူး။

“နည်းနည်းလောက်မောရင် ညောင်ပင်ကြီးတွေရဲ့ အောက်မှာ ခဏထိုင်နားပြီး
အမောဖြေကြတာပေါ့၊ ဧရာမညောင်ပင်ကြီးတွေ သမီးရဲ့၊ မေမေတို့
အိမ်ဝင်းထက်တောင် ကျယ်သေးတယ်။ ဖားလျားကျနေတဲ့ နွယ်ကြိုးမုတ်ဆိတ်ကြီးတွေက
မြေကြီးတောင်ထိတယ်၊ အမြစ်ဆုံကြီးတွေက မြေပေါ်မှာ ပေါ်လို့၊
အဲဒီညောင်မြစ်ကြီးတွေပေါ်မှာ မေမေတို့ ထိုင်ကြတာပေါ့၊ တစ်ခါတစ်ခါ
ဖိုးလမင်းက သီချင်းဆိုသေးတယ်၊ သူ့အသံက အရမ်းကောင်းတာ”
ကျွန်မပြောပြလွန်း၍ သမီးသည် ဖိုးလမင်းဟူသော ကျွန်မ၏ ငယ်သူငယ်ချင်းလေးကို
သိနေပြီ။ ဖိုးလမင်းဆိုဆိုနေတတ်သော သီချင်းများဟု ကျွန်မခဏခဏဆိုညည်းမိသော
သီချင်းများကိုရင်းနှီးနေပြီ။ သမီးတို့စကားအရတော့ တောသီချင်းတွေပေါ့လေ၊
ထိုတောသီချင်းတွေထဲမှ သမီးသိပ်ကြိုက်သောသီချင်းမှာ “လက်ရည်တစ်ပြင်တည်း”
ဖြစ်သည်။ ထိုသီချင်းက ရုပ်ရှင်ပြကွက်လေးတွေလို
အာရုံထဲမြင်ယောင်လာအောင်ပင် ပုံပြောခြင်းအတတ်ပညာ၊ သရုပ်ဖော်ခြင်း
အတတ်ပညာနှင့် ဂီတကိုပေါင်းစပ်ဖွဲ့နွဲ့ထားသောကြောင့်ပဲ ဖြစ်လိမ့်မည်။
နောက်တစ်ကြောင်းကတော့ သမီးငယ်ငယ် ပိစိကွေးလေးအရွယ်ကတည်းက သမီးကို
ပွေ့ချီကာ ချော့သိပ်တိုင်း ကျွန်မ ဆိုညည်းမိသောကြောင့်ဖြစ်လိမ့်မည်။

“ဟေ့ … သူငယ်ချင်းရေ … တို့နယ်ပယ်တွင် မိုးသက်ကယ်ဆင် ရှစ်ခွင်က မည်း …
မိုးရွာမလိုလိုနဲ့ပဲ … ညီညွှတ်ရေးနဲ့ အသက်ရှည်ရှည် ခင်ခင်မင်မင် …
လက်ရည်တစ်ပြင်တည်း …. ရှေးကတော့ ပိုချစ်ကြတယ် …”
တကယ်တော့ သမီးကို ချော့သိပ်ရင်း ကျွန်မလွမ်းရသော ကျွန်မ၏ဇာတိရွာကလေးသို့
သီချင်းဖြင့် တစ်ခေါက်သွားလည်ခြင်း ဖြစ်ပါသည်။

************************************************************

“တောရွာသူတို့အိမ်မယ် … မြိန်ဖွယ်ပါ့ ထမင်း … မိုးမျှော်
ငရုတ်သီးထောင်းနဲ့ …. ကိုဘိုကေရယ် … ဒေါင်းလန်းကြီးရဲ့ အလယ်…”
တစ်ခါတစ်ခါ စိတ်လိုလက်ရရှိလျှင် ဒေါင်းလန်းဆိုတာကို သမီးသိအောင်
ပြောပြချင်နေပြန်၏။ သမီးတို့ သားတို့ ကလေးတွေမဆိုထားနှင့်၊ တချို့
ခပ်ပေါ့ပေါ့ နေတတ်သော လူငယ်ကလေးတွေပင် ဒေါင်းလန်းကို
ကောင်းကောင်းမသိကြပေ၊ ယခုခေတ် အသည်းရောင်အသားဝါ ဘီပိုး၊ စီပိုးတွေ
ကြောက်နေရသည့် ခေတ်မှာတော့ ဒေါင်းလန်းအသုံးကို ဆရာဝန်တွေ ရှုတ်ချကြမည်မှာ
သေချာ၏။

အဲသည်တုန်းက နှီးဒေါင်းလန်းဆိုတာ ရှိခဲ့ဖူးတယ်။ ဒေါင်းလန်းနဲ့
ထမင်းစားကြတဲ့ ဓလေ့ဟာ အေးအတူပူအမျှ အရာရာကို မျှဝေတဲ့ ဓလေ့ပဲဟု
သားနှင့်သမီးကို ပြောပြလျှင် သူတို့ ရယ်မောကြမလားမသိ။ နှီးကို
လင်ပန်းကြီးသဖွယ် ဖြစ်အောင် ရက်လုပ်၊ စစ္စေးသုတ်ထားသည့် ယွန်းထည်အဖြစ်
သမီးကလေး မြင်သာအောင် ရှင်းပြရင်း အိမ်မှာရှိသော ယွန်းလင်ပန်းလေးကို
ဥပမာပြ စက္ကူဖြူတစ်ရွက်နှင့် ခဲတံကိုကိုင် သားသမီးအတွက်တော့ ကျွန်မက
ပန်းချီဆရာမလည်း ဖြစ်ခဲ့သေးသည်။

“မေမေတို့ ထမင်းစားဖူးတဲ့ ဒေါင်းလန်းကြီးက ခြေထောက်မပါဘူး၊ ဟောဒီလိုမျိုး
သမီးရဲ့၊ အဲဒါကို ကြမ်းပြင်ပေါ်ချ သူငယ်ချင်းတွေ ၀ိုင်းထိုင်၊ ပြီးတော့
ကုန်းပြီးစားကြရတာ”
“ဟင် …..”

သမီးက နှာခေါင်းရှုံသောအခါ ကျွန်မရယ်မောမိသည်။ သမီးလေး ဘယ်နှစ်သက်ပါ့မလဲ။
သမီးက ထမင်းစားလျှင် ပန်းကန်ပြားကိုတောင် တစ်နေ့နှင့်တစ်နေ့ စိတ်တိုင်းကျ
ရွေးစားချင်သည့် ကလေး။ သည်နေ့ မစ်ကီးမောက်စ် ရုပ်ပုံနဲ့ ပန်းကန်၊ သည်နေ့
စင်ဒရဲလားပုံနှင့် ပန်းကန် အဲသည်လိုမျိုး။ သမီးလေး မမီလိုက်သော
သူ့ဘွားဘွား ကျွန်မအမေသာ ဒါကိုမြင်လျှင် ညည်းတို့ခေတ်ကျမှပဲအေ… ဟု
ရယ်မောလိမ့်မည်။

“မိုးမျှော်ငရုတ်သီးဆိုတာ သိပ်စပ်တာ သမီးရဲ့။ အပင်မှာ ငရုတ်သီးလေးတွေ
သီးတဲ့အခါ မိုးပေါ်ကိုထောင်ပြီး သီးတာ၊ မိုးကောင်းကင်ကို
မျှော်ကြည့်နေကြသလိုပဲ”
အဲသည်အချက်ကြောင့် “မိုးမျှော်”  ဟုခေါ်သလား၊
တခြားအကြောင်းရင်းတစ်ခုကြောင့် ခေါ်သလားတော့ မသိ၊ နာမည်နဲ့တော့
တော်တော်လိုက်လေသည်။
“အဲဒီ ငရုတ်သီးထောင်းကို ဒေါင်းလန်းရဲ့ အလယ်မှာထား၊ ဟိုလူကနှိုက်
ဒီလူကနှိုက် ရှူးရှူးရှဲရှဲနေအောင်စား၊ ချွေးတွေတောင်ထွက်လို့
ရှိမှာနော်သမီး ”

ကျွန်မငယ်ငယ်တုန်းက မိုးကလေးညိုညိုမှာ အဲသည်သီချင်းသံကို ကြားရလျှင်
ဘာကိုလွမ်းမှန်းမသိ လွမ်းမိ၏။
မိုးမျှော်ငရုတ်သီးထောင်း ဆိုတာကလည်း မိုးကလေးညိုညို၊ ဒါမှမဟုတ်
မိုးအေးအေးစိုစိုစွတ်စွတ် ချမ်းချမ်းမှာ စားဖို့အလွန်သင့်တော်သည်
မဟုတ်လား။ သီချင်းသံကို ကြားလိုက်ရုံနှင့်ပင်
ငရုတ်သီးစိမ်းမီးကင်ထောင်းရနံ့လေး မွှေးလာခဲ့သေးတာ။ သီချင်းထဲမှာ
မပါပေမယ့် ကျွန်မတို့ ညီအစ်မတွေ ခဏခဏ စားခဲ့ရသော၊ ကြိုက်လည်းအလွန်
ကြိုက်သော၊ ယခုအခါ သမီးတို့အဖေက ဟင်းမမှတ်သဖြင့် ကျွန်မ
မစားရတာကြာပြီဖြစ်သော ခရမ်းချဉ်သီး ပန်ထွေဖျော်အကြောင်းကို သမီးအား
တိုင်တည်ပြောပြရသည်။

“ခရမ်းချဉ် ပန်ထွေဖျော်လုပ်ဖို့ ခရမ်းချဉ်သီးကို ပြုတ်ရင်လဲရပါရဲ့၊
ဒါပေမယ့် မီးဖုတ်တာက ပိုမွှေးတာ သမီးရဲ့၊ မေမေတို့ ငယ်ငယ်တုန်းက
ထမင်းချက်ရင် ထင်းမီးနဲ့ချက်တာ၊ မီးကျီးခဲ ရဲရဲပေါ်မှာ
ခရမ်းချဉ်သီးတွေထည့်မီးဖုတ်တာ၊ မွှေးနေတာပဲ”
ခရမ်းချဉ်သီးသာမက ခရမ်းချဉ်စိုက်ခင်းတွေ အကြောင်းပါ ဖြည့်စွက်ပြောမိ၏။
“တစ်ခါတုန်းကတော့ လူကြီးတွေ တားထားတဲ့ကြာက ခရမ်းချဉ်သီးကို ကူဆွတ်မိတယ်
သမီးရဲ့၊ ခရမ်းချဉ်အရွက်မှာရော၊ အသီးရဲ့ အညှာဖတ်လေးတွေမှာရော
အမွှေးနုနုဆူးမျှင်လေးတွေပါတယ်၊ အဲဒီအမွှေးတွေနဲ့ ထိမိရင် ယားတော့တာပဲ၊
မေမေက စိုက်ခင်းထဲမှာ တစ်ကိုယ်လုံးယားယံလာတာပေါ့၊ လူကြီးတွေ
ပြောစကာနားမထောင်မိလို့လေ မှတ်ထားနော်သမီး … လူကြီးက ကလေးကို
ဟိုဟာမလုပ်နဲ့ ဒီဟာမလုပ်နဲ့ တားတယ်ဆိုတာ ကောင်းစေချင်လို့၊
ဒုက္ခမတွေ့အောင်လို့ စေတနာနဲ့ပြောတာ၊ နားထောင်ရတယ် …. သိလား ”
“သမီး မလုပ်ရဘူး” ဟု တားမြစ်တိုင်း ကျွန်မအားခံတန်တန်၊ သို့သော်
မ၀ံ့မရဲမျက်နှာပေးကလေးဖြင့် “လုပ်မှာပဲ” ဟု ချွဲနွဲ့တတ်သော သမီးကို
တစ်လက်စတည်း သတိပေးရ၏။

“ယာခင်းထဲကိုလိုက်ရတာ မေမေဖြင့် အရမ်းပျော်တာပဲ၊ မျက်စိတစ်ဆုံး
လှမ်းမျှော်ကြည့်၊ ကြည့်လေရာရာမှာ စိုက်ခင်းတွေ၊ အထက်မှာက
အပြာရောင်မိုးကောင်းကင်နဲ့ တိမ်လိပ်တိမ်ပန်းကြီးတွေ၊ အောက်ဘက်မှာက
အစိမ်းရောင် စိုက်ခင်းတွေကြားထဲက ရောင်စုံ အသီးအပွင့်တွေ အကွက်လိုက်
အကွက်လိုက် ဆေးခြယ်ထားသလိုပဲ၊ ခရမ်းချဉ်စိုက်ခင်းမှာ အစိမ်းနဲ့အနီ၊
ခရမ်းသီးစိုက်ခင်းမှာက အစိမ်းနဲ့ မရမ်းရောင်၊ ဒေါနပန်းခင်းတွေဆိုရင်
နောက်ထပ် အစိမ်းရောင်တစ်မျိုးနဲ့ သိပ်လှတယ်၊ လေကလဲမွှေးနေတာပဲ”
မြောင်းပုပ်နံ့ကို သမီးသိသည်။ လူတွေ၏ ကိုယ်နံ့ချွေးနံ့ကို သမီးသိသည်။
လက်ဖက်ရည်ဆိုင် အကြော်ဆိုင်တွေမှ ဆီကြော်နံ့ကို သမီးသိသည်။ ဓါတ်ဆီနံ့ကို
သမီးသိသည်။ ကားတွေ ဆိုင်ကယ်တွေ၏ အိပ်ဇောပိုက်မှ ထွက်သည့် မွှန်ထူသည့်
မီးခိုးနံ့ကို သမီးသိသည်။ ယာခင်းနှင့် ကွင်းပြင်ဆီကလာသည့်
မွှေးပျံ့ပျံ့ရနံ့ကိုတော့ သမီး မသိသေးပါ။ ယာကန်သင်းရိုးပေါ်မှာ
မတ်တပ်ရပ်ရင် ယာခင်းထဲမှ ဖြတ်သန်းတိုက်ခတ်လာသော လေပြည်လေညင်းကို သမီးလေး
မရှူဖူးသေးဘူး။

“မိုးတိမ်ယံကာကွယ် … ယာလယ်ပြင်လမ်းမှာလေ … ထန်းပင် ထန်းလက် ထန်းရွက်တွေက
အသွယ်သွယ်ပါမောင်ရယ် … မြရင်တို့ရွာ ရိုးရာဇာတိနွယ် … သြော်…. လမ်းစဉ်
လမ်းဆက် လမ်းမျက်စိတောင်မှ လည်ပါတယ်နော်ကွယ်… ပျိုရဲ့ ညိုနွဲ့ ….
ကြိုလှည့်ပါ ဆံကေသွယ်…”

မြရင်တို့ရွာ …. တဲ့။ အားရဂုဏ်ယူစွာ သီဆိုလိုက်သည့်အသံကို
ကျွန်မနားထဲမှာစွဲလန်းလှသည်။ မမြရင်တို့ ရွာလား။ နန်းတော်ရှေ့ဆရာတင်တို့
ရွာလား။ သူတို့လည်း လွမ်းပေမှာပေါ့။ ကျွန်မတို့ရွာမှာတော့ ရွာအ၀င်မှာ
ထန်းပင်ကြီးတွေက သိပ်လှသည်။ အပင်မြင့်မြင့်မှ တွဲလောင်းကျနေသော
စာဗူးတောင်းလေးတွေလည်း ရှိသည်။ ကောက်ရိုးနှင့် မြက်ခြောက်
ရောစပ်ရက်လုပ်ကာ ဆောက်ထားသည့် လက်သမားဆရာ စာကလေးတွေ၏ အိမ်လေးတွေပေါ့လေ။
ထိုစာဗူးတောင်းကလေးတွေက နှစ်ပေါင်းများစွာ တည်မြဲနေခဲ့သည်။
ထိုစာဗူးတောင်း ကလေးတွေကို ချစ်လွန်းလို့ ကျွန်မမှာ သွားသွားမော့ကြည့်ရတာ
အမောသား။ ထိုစာဗူးတောင်းကလေးတွေကို သမီးမြင်ဖူးစေချင်သည်။
ရွာထိပ်က မန်ကျည်းပင်ကြီး၏ အောက်မှာတော့ သောက်ရေအိုးစင်ကလေးရှိသည်။
ပင်းချောင်းသဲပြင်ကြီးကို ရုန်းလာရသော လူအတွက် အမောပြေသောက်စရာ
ရေအေးအေးလေးပေါ့။ ရေအိုးစင်အောက်က သဲမြေစိုစိုမှာ
စပါးပင်စုစုသေးသေးလေးတွေ စိမ်းမြလို့၊ ပို၍ပို၍ ရင်အေးစရာ။
အဲသည် သောက်ရေအိုးစင်မှာ လက်ကိုင်ရိုးတပ် အုန်းမှုတ်ခွက်လည်း ရှိခဲ့ဖူး၊
တစ်ဆင့်တက်၍ ပြောင်လက်နေသော ဒန်ပါးပါးရေခွက်လည်း ရှိခဲ့ဖူး၊
သောက်ရေအိုးဖုံးကလည်း မြေရေအိုးဖုံးမှ ကြွေရည်သုတ် သံပန်းကန်ပြားအထိ
အဆင့်တက်ခဲ့သည်။ ခွက်တွေ၊ ပန်းကန်ပြားတွေကို ရေအိုးစင်တိုက်နှင့်
တွဲချည်ထားစရာမလိုခဲ့။ ဘယ်သူမှလည်း ယူဖို့စိတ်မကူးခဲ့။
လူမျိုးတစ်ရာ့တစ်ပါး ကိုင် ၍ သောက်သောရေခွက်ကို ကျွန်မတို့ မောမောနှင့်
ကျေးဇူးတင်စွာ သောက်ခဲ့ကြဖူးသည်။ ရွံ့ရှာရကောင်းသည်ဟု မသိခဲ့။ ရောဂါတွေ
ကူးစက်လေမလားဟုလည်း အတွေးမရောက်ခဲ့ချေ။ အဲသည်သောက်ရေကို ချောင်းထဲက
လက်ယက်တွင်းမှာ စိတ်ရှည်ရှည် ခပ်ယူရတာဖြစ်သည်။

စိတ်ရှည်သော ကျွန်မက ကျွန်မတို့အိမ်အတွက် သောက်ရေခပ်သွားသည့်အခါတိုင်း
ဖိုးလမင်းအတွက်ပါ ရေစောင့်ခပ်ပေးခဲ့သည်။ တစ်ခါတစ်ခါ သဲကျင်းသေးသေးလေးထဲ
ရေအတက်နှေးလျှင် ကျောင်းစာအုပ်ကလေး ယူသွားပြီး ရေစောင့်ရင်း
စာကျက်နိုင်သေး၏။ ကျွန်မတို့ ရေချိုးရန် ရန် ရွာ၏အနောက်တောင်ထောင့်က
ရေတွင်းကြီးဆီကို သွားကြလျှင်တော့ ဖိုးလမင်းက ကျွန်မတို့ ရေချိုးဖို့
ရေငင်ပေးမြဲဖြစ်သည်။ အဲသည်ရေတွင်းကြီးကို “ကမ္ဘာတွင်း” ဟုခေါ်ကြသည်။
ဘယ်လောက်ပဲ နေပူနေပါစေ ကမ္ဘာတွင်းက ရေဖြင့်တစ်ပုံးလောင်းချိုး လိုက်ရလျှင်
အေးမြလန်းဆန်းသွားလေ့ ရှိပါသည်။ သုံးရေခပ်ဖော်၊ ရေချိုးဖော်၊
ယာခင်းထဲသို့ ထမင်းချိုင့်ပို့ဖော် သူတို့တွေကပဲ
ကျောင်းသွားဖော်ဖြစ်ခဲ့သည်။ ကျွန်မတို့ဘ၀က အလွန်အေးချမ်း
ပျော်ရွှင်စရာကောင်းသည်။
ထိုသူငယ်ချင်းလေးများ ဘယ်ဆီကိုများ ရောက်နေကြပါလိမ့်။

***********************************************************
“ချောင်းပေါ်မှာ … ဖြတ်လာရှာတဲ့ ပုတတ်ကလေးတွေ နီကျင်ကျင်ရယ် ….
နွယ်ကြိုးမျှင်နဲ့သွယ် … သြော် … ငယ်မူမဖျောက်နိုင်ဘု ပျော်လောက်ဖွယ်
မယ်ရင်ရယ် … လွမ်းပါဘိတယ် ။။။ ပျို့ဇာတိနွယ် ပျိုတို့ ဇာတိနွယ် ….”
ပုတတ်ကလေးတွေကို ကျွန်မတို့ နွယ်ကြိုးမျှင်နဲ့ မသွယ်ခဲ့ဖူးသော်လည်း
တစ်စုတစ်ဝေးကြီးမို့ ပျော်စရာကောင်းမှာ အမှန်ပါပဲ။ ကျွန်မတို့က
ပုစဉ်းလေးတွေတော့ ဖမ်းဖူးသည်။

“မေမေတို့တွေ ပုစဉ်းဖမ်းကြတာ အရမ်းပျော်စရာကောင်းတာပဲ သမီးရဲ့၊
ပုစဉ်းလေးတွေက ချဉ်ပေါင်ပွင့်တွေနားမှာ တ၀ဲလည်လည်ဖြစ်နေပြီဆို မေမေတို့က
ခြေဖွနင်းပြီး တိတ်တိတ်ကလေး စောင့်ကြည့်နေတာ၊ ပုစဉ်းလဲ နားရော
ပုစဉ်းတောင်ပံလေးတွေက စုသွားတာကိုး၊ အဲဒီတောင်ပံလေးတွေကို လက်ညှိုးနဲ့
လက်မကြားမှာ အသာညှပ်ယူပြီး ဖမ်းလိုက်တာပေ့ါ၊ ခြေသံလုံရမယ်၊ လက်သွက်ရမယ်၊
သိမ့်မွေ့ရမယ်၊ မေမေတို့များ ပုစဉ်းလဲ ဖမ်းတတ်ပါ့၊ လိပ်ပြာလဲ ဖမ်းတတ်ပါ့၊
ပြီးရင် ဖန်ပုလင်းတွေထဲထည့်၊ ခဏအဖုံးလေးအုပ်ပြီး အလှကြည့်တတ်သေးတာ၊
ပုစဉ်းတွေက အမျိုးမျိုး သမီးရေ၊ ပုစဉ်းပြာဆိုတာက မရမ်းပြာရောင်
သိပ်လှတာပဲ၊ ပုစဉ်းအသေး၊ အလတ်၊ အကြီး အို … စုံနေတာပဲ၊ ဖိုးလမင်းရယ်၊
ကြွေရုပ်ရယ်၊ မေမေရယ်ပေါ့၊ တစ်ခါတုန်းက ပုစဉ်းဖမ်းရင်းနဲ့
လက်မှာခူကောင်ကိုက်ခံရလို့ မေမေ့မှာငိုရသေးတာ”

ကျွန်မငိုတော့ သူငယ်ချင်းတွေက ကျွန်မကို ချော့မော့ကာ အိမ်ပြန်ခေါ်လာကြသည်။
ထိုသူငယ်ချင်းလေးတွေသည်ပင် ကျောင်းအပြန် ချောင်းရေကျနေလျှင်
တစ်ယောက်လက်ကို တစ်ယောက်တွဲ၍ အားပေးမာန်တင်းရင်း ချောင်းအကျယ်ကြီးကို
ဖြတ်ခဲ့ကြစဉ်က ရဲဘော်ရဲဘက်တွေ ဖြစ်ခဲ့သည်။ နန်းတော်ရှေ့ဆရာတင်၏ ချောင်းက
ဘယ်လိုနေမလဲမသိ။ ကျွန်မတို့၏ ပင်းချောင်းကတော့ တစ်ခါတစ်ခါ ရေကျလျှင်
တော်တော်ကြောက်စရာကောင်းပါသည်။

အရှေ့မြောက်အရပ်မှ မည်းမှောင်ကာ ရွာချသော မိုးဆိုလျှင်
ပင်းချောင်းရေစီးကြမ်းတမ်းကာ ရေလျှံလေသည်။ ထိုအချိန်မျိုးတွင် ရေတွေ
တဝေါဝေါလိမ့်ဆင်းလာသည်မှာ ကြောက်စရာပင်။ အဲသည်အချိန်မျိုးမှာ ကျွန်မတို့
ကလေးတစ်သိုက်သည် ကျောင်းလွယ်အိတ်လေးတွေကို ပိုက်ကာ ဘုရားကုန်းအခြေက
အကြော်တဲကလေးအောက်မှာ စုထိုင်မိုးခိုကာ ချောင်းရေနည်းသွားသည်အထိ
စောင့်နေရတတ်သည်။ နည်းနည်းအရဲကိုးကာ အိမ်အပြန်အလျင်လိုချင်သော
ကလေးတို့အား လူကြီးတွေက ဟန့်တားကာ စောင့်ရှောက်ကြပ်မတ်ရ၏။ ကျွန်မတို့
အုပ်စုကတော့ အန္တရာယ်ကင်းပြီဆိုမှ စိတ်ချရတော့မှ ဖြတ်ကူးလေ့ရှိသည်။
အဓိကကတော့ ကျွန်မ၏အသည်းငယ်မှုကြောင့်ပါပဲ။ ကျွန်မက ရေနည်းနည်းနက်လျှင်
ကြောက်တတ်သည်။ တွန့်ဆုတ် တွန့်ဆုတ်နှင့် နောက်ကျန်နေချင်သည့် ကျွန်မကို
သူတို့တွေက အလယ်မှာထား၍ လက်ချင်းတွဲချိတ်ကာ ချောင်းကူးရ၏။
“တစ်ခါကတော့ မေမေက ချောင်းကူးရင်းနဲ့ ရေစီးတာကို ကြည့်ရင်းကြည့်ရင်း
မူးလာတယ်၊ ကိုယ့်ကိုယ်ကို မူးနေမှန်း မသိသေးခင်မှာ ယိုင်လဲသွားတာပေါ့
သမီးရယ်၊ အတွဲနဲ့ တန်းစီပြီး ဖြန့်လျှောက်ကူးကြတာမို့ မေမေယိုင်တော့
သူငယ်ချင်းတွေပါ ယိုင်ကုန်တာပေါ့၊ မေမေကြောက်လိုက်တာ ငိုတောင်ယူရတယ်၊
မေမေငိုတော့ ဖိုးလမင်းက အဖြစ်မရှိဘူး ဘာဘူးနဲ့ငေါက်သေးတယ်၊ ဒါပေမယ့်
နောက်ဆုံးတော့လဲ သူကပဲ မေမေ့ကို သူကျောပေါ်မှာ ကုန်းပိုးပြီး
ချောင်းကူးတော့တာပဲ သမီးရယ်၊ မေမေ့ကိုသူက မျက်စိမှိတ်ထားတဲ့၊
အောက်ကရေပြင်ကို ငုံ့မကြည့်နဲ့၊ ဒီအတိုင်းမျက်စိမှိတ်ပြီး လိုက်ခဲ့တဲ့၊
မေမေကလဲ သူငယ်ချင်းကို ကုန်းစီးရတာရှက်ပေမယ့် ကြောက်လွန်းတော့
မရှက်နိုင်တော့ဘူး၊ မျက်စိမှိတ်ပြီး သူ့ကျောပေါ်မှာ လိုက်လာရတာပဲ”

သူငယ်ချင်းတွေက ကျွန်မရှက်မည်ဟု သိသဖြင့် ရယ်မောစနောက်ခြင်း မပြုကြပါ။
ကျွန်မအား စိုးရိမ်မကင်း မျက်လုံးများဖြင့် စောင့်ကြည့်ခဲ့ကြရုံသာ
ဖြစ်သည်။ သူငယ်ချင်းဆိုတာ အဲဒါပေါ့ သမီးရယ်။ အဲသည် ချောင်းပြင်သည်
နွေရာသီမှာတော့ မဆုံးသော သဲကန္တာရကြီးလို ကျယ်ပြန့်ဖြူဖွေးနေတတ်ပြန်၏။
သဲကန္တာရမဟုတ်သော ကျွန်မတို့ချောင်းပြင်သည် ဆောင်းရာသီမှာတော့
ကြက်သွန်စိုက်ဖို့ မြေသြဇာ ကောင်းလှသော မြေကြီးလည်း ဖြစ်ခဲ့သည်။
“ကြက်သွန်ခင်းတွေမှာ ကြက်သွန်ပင်တွေက သမီးရဲ့ ရင်ဘတ်လောက်တောင်
မြင့်တယ်ကွယ်၊ စိမ်းစိုနေတာပဲ၊ ကြက်သွန်မိတ်ကို သိတယ်မဟုတ်လား”
ကြက်သွန်စိုက်ချိန်၊ ကြွက်သွန်နုတ်ချိန်တို့တွင် ချောင်းပြင်မှာ
လူတွေစည်ကားလျက် ပျော်ပွဲစားထွက်ကြသလိုပဲ။ ထမင်းထုပ်တွေ
ဖြည်စားကြ၊ဘူးသီးခြောက်ရေဘူးမှ ရေကိုမော့သောက်ကြ၊ သီချင်းတွေ အော်ဆိုကြ၊
ဘယ်လောက်များ ရင်းနှီးချစ်ခင်လိုက်ကြသလဲနော်။

“သြော် … ငယ်မူမဖျောက်နိုင်ဘု ပျော်လောက်ဖွယ် မယ်ရင်ရယ် … လွမ်းပါဘိတယ်၊
ပျို့ဇာတိနွယ် … နှစ်တိုင်းဆက်ထွန် ကြက်သွန်ခင်းရဲ့အလယ် …. ညီညွှတ်ရေးနဲ့
အသက်ရှည်ရှည် ခင်ခင်မင်မင် လက်ရည်တစ်ပြင်တည်း … ရှေးကတော့ ပိုချစ်ကြတယ်”
တစ်ယောက်ရဲ့ကြက်သွန်က တစ်ယောက်ထက် ပိုကြီးသည်။ အထွက်ကောင်းသည်ဟု
မနာလိုခြင်းမရှိ။ စိုက်ခင်းတစ်ခုနှင့် စိုက်ခင်းတစ်ခု ကူညီနေကျ။
တိုင်ပင်နေကျဖြစ်သည်။ ဖိုးလမင်းတို့ စိုက်ခင်းဘက်မှာ ရေနည်းလျှင်
ကျွန်မတို့စိုက်ခင်းဘက်မှ ရေကို ဖောက်ပေးလိုက်တာပါပဲ။ ကြက်သွန်နုတ်ချိန်၊
ဖြတ်ချိန်တို့မှာလည်း စည်းစည်းလုံးလုံး၊ မြို့က ပွဲရုံတွေဆီ
လှည်းဖြင့်တိုက်တော့လည်း စည်းစည်းလုံးလုံး။ အိမ်တစ်အိမ်မှာ ခေါင်မိုး
မိုးလျှင် ဘယ်ကလက်သမားမှမရှိ၊ အိမ်နီးချင်းယောက်ျားတွေက
ဝိုင်းမိုးပေးကြတာပါပဲ။ အဲသည်အချိန်မှာ ပဲလွန်းစေ့ဖြင့် ပေါင်းထားသော
ကောက်ညှင်းဖြူပေါင်းနှင့် ယင်ပေါင်စာ ငါးကြော်လေးတွေနှင့်၊
ရေနွေးကြမ်းနှင့် အမယ်… ငါးရံ့ခြောက်ဖုတ်တောင် ရေနွေးမြည်းဖို့
တည်ခင်းကြသေးသည်။

“ဖိုးလမင်းတို့ ကြက်သွန်စောဖြတ်ရင် မေမေတို့က သူတို့ခြံထဲသွားပြီး
ကြက်သွန်ဖြတ်ပေးကြတယ်၊ တစ်တောင်းကို တစ်မတ်ပိုက်ဆံရတယ်”
“တစ်မတ်ဆိုတာ ဘယ်လောက်လဲ မေမေ”
“တစ်မတ်ဆိုတာ နှစ်ဆယ့်ငါးပြားပေါ့ သမီးရယ်၊ တစ်ကျပ်ရဲ့လေးပုံ တစ်ပုံပေါ့”
တစ်ကျပ်ကိုပင် သိပ်မသိနိုင်သော သမီးအား တစ်မတ်ဆိုတာ ဘယ်လိုလဲဟု
ရှင်းပြရဦးမည်။ မနက်ဖြန်ကျမှ ကျွန်မစုသိမ်းထားသည့် အကြွေစေ့ထုပ်ကို
ပြန်ရှာရဦးမည်။ အခုတော့ သမီးအိပ်ပျော်သည်အထိ ပုံပြင်ကို
ဆက်ပြောချင်သေးသည်။

သည်နှစ်နွေရာသီရောက်လျှင်တော့ သားနှင့်သမီးကို ခေါ်လျက ကျွန်မတို့ရွာသို့
အလည်သွားဖြစ်အောင် သွားလိုက်ဦးမယ်။ သူတို့အဖေ မလိုက်နိုင်လျှင်လည်း
ထားခဲ့လိုက်တော့မည်။ မြို့ပြက ကလေး၏ဘ၀သည် ကျေးရွာက ကလေးတွေ၏ဘ၀ထက်
ဘယ်နေရာမှာ ပို၍ကောင်းသည်၊ ဘယ်နေရာမှာပို၍ ဆိုးသည်ဆိုတာ သားတို့ သမီးတို့
သိချင်မှာပဲ။ ရုပ်ဝတ္ထုပြည့်စုံမှုက ပို၍သာသည့်အချက်များ ရှိသလို
စိတ်ပြည့်စုံမှုက ပို၍သာသည့် အချက်များကိုလည်း သားတို့ သမီးတို့
သိစေချင်သည်။ အဓိကကတော့ လူ့ဘ၀မှာ သူငယ်ချင်းဆိုတာမျိုးဟာ ဘာကိုခေါ်တာလဲဟု
သိစေချင်လှသည်။

ရွာရောက်လျှင်တော့ ဖိုးလမင်းတို့ ကြွေရုပ်တို့ကို တွေ့မှတွေ့ရပါ့မလား။
ရှိကြမှာပါ။ သားသမီးတွေနှင့် ပျော်ရွှင်နေကြသည့် မိသားစု
နှစ်စုဖြစ်လိမ့်မည်။ ဒါမှမဟုတ် မိသားစု တစ်ခုတည်းပဲလား ….. ။
ထိုအတွေးကို ယခုမှ ကျွန်မတွေးမိ၏။ ကျွန်မအတွေးကို
ကျွန်မပြန်၍သဘောကျသွားကာ အသံထွက်၍
ရယ်မိသည်။ ။

ဂျူး (အရောင်များနှင့် ကစားခြင်း)

************************************************************
*****************
“လက်ရည်တစ်ပြင်တည်း”
(နန်းတော်ရှေ့ဆရာတင်)

လက်ရည်တစ်ပြင်တည်း … နှီးဒေါင်းလန်းတွေနဲ့ …. ၀ိုင်းဖွဲ့ကာ စားကြသည်တွင် ….
မြမဒီရင် ခပ်ငယ်ငယ် တေးဆိုကြ မြူးပျော်ကြ …. ဟေ့ … သူငယ်ချင်းရေ …
တို့နယ်ပယ်တွင် မိုးသက်ကယ်ဆင် ရှစ်ခွင်က မည်း … မိုး … ရွာမလိုလိုနဲ့ပဲ …
ညီညွှတ်ရေးနဲ့  အသက်ရှည်ရှည် ခင်ခင်မင်မင် … လက်ရည်တစ်ပြင်တည်း ….
ရှေးကတော့ ပိုချစ်ကြတယ် …
တောရွာသူတို့အိမ်မယ် မောင်ရယ် …  မြိန်ဖွယ်ပါ့ ထမင်း … မိုးမျှော်
ငရုတ်သီးထောင်းနဲ့ …. ကိုဘိုကေရယ် … ဒေါင်းလန်းကြီးရဲ့ အလယ်…
ညီညွှတ်ရေးနဲ့ အသက်ရှည်ရှည် ခင်ခင်မင်မင် … လက်ရည်တစ်ပြင်တည်း ….
ရှေးကတော့ ပိုချစ်ကြတယ် …

မိုးတိမ်ယံကာကွယ် … ယာလယ်ပြင်… ယာလယ်ပြင်လမ်းမှာလ … ထန်းပင် ထန်းလက်
ထန်းရွက်တွေက အသွယ်သွယ်ပါမောင်ရယ် …မိုး… မိုး… မိုး … မိုးတိမ်ယံကာကွယ်
… ယာလယ်ပြင်လမ်းမှာလ … ထန်းပင် ထန်းလက် ထန်းရွက်တွေက အသွယ်သွယ်ပါမောင်ရယ်
… မြရင်တို့ရွာ ရိုးရာဇာတိနွယ် … သြော်…. လမ်းစဉ် လမ်းဆက်
လမ်းမျက်စိတောင်မှ … လည်ပါတယ်မောင်ရယ်…အစ်ကိုရဲ့ … ညိုနွဲ့ ….
ကြိုလှည့်ပါ ဆံကေသွယ်…
ညီညွှတ်ရေးနဲ့ အသက်ရှည်ရှည် ခင်ခင်မင်မင် … လက်ရည်တစ်ပြင်တည်း ….
ရှေးကတော့ ပိုချစ်ကြတယ် …
တံစို့ပေါ်မှာ …. ကင်ပါတယ် …. မောင်ရယ် … ဆူရင်ခပ်ပြီး …
ဟင်းရွက်ကန်စွန်းပေါင်းနဲ့ … ရေအင်တုံမယ် သောင်းပြောင်းရောလို့နယ် …
ညီညွှတ်ရေးနဲ့  အသက်ရှည်ရှည် ခင်ခင်မင်မင် … လက်ရည်တစ်ပြင်တည်း ….
ရှေးကတော့ ပိုချစ်ကြတယ် …

(ချောင်းပေါ်မှာ … ဖြတ်လာရှာတဲ့ ပုတတ်ကလေး နီကျင်ကျင်ရယ် ….
နွယ်ကြိုးရှည်နဲ့သွယ် … ငယ်မူမဖျောက်နိုင်ဘူး … ပျော်လောက်ဖွယ် မယ်ရင်ရယ်
… လွမ်းပါဘိတယ် …. ပျို့ဇာတိနွယ် ပျိုတို့ ဇာတိနွယ် …. နှစ်တိုင်းဆက်ထွန်
… ကြက်သွန်ခင်းရဲ့အလယ် …. ညီညွှတ်ရေးနဲ့ အသက်ရှည်ရှည် ခင်ခင်မင်မင်
လက်ရည်တစ်ပြင်တည်း … ရှေးကတော့ ပိုချစ်ကြတယ်…)